Palawan Connect

Mga Shi’ah, Sufie, Ashâ’erah at mga Ahlul Bid’ah sagutin nyu nga po ang mga tanong na ito na may DALEEL mula sa Qur’an, Hadith at mga kasabihan ng mga Sahâbah!

Unang tanong: Ilang beses nagdiwang ang Propeta Muhammad ﷺ ng kanyang kaarawan?

Pangalawang tanong: Saang lugar idinaos ng mga Sahâbah (kalugdan nawa silang lahat ng Allâh) ang unang pagdiriwang ng mawlid (kaarawan ng Propeta Muhammad ﷺ)?

Pangatlong tanong: Anong mga sweets (pagkain) ang ipinamimigay sa pagdiriwang ng mawlid (kaarawan ng kapanganakan ng Propeta Muhammad ﷺ)?

Pang-apat na tanong: Ano ang pinakasikat na awitin o kanta ang inaawit sa pagdiriwang ng mawlid (kaarawan ng kapanganakan ng Propeta Muhammad ﷺ)?

Note: Ang mga sagot ay kailangan may katibayan (daleel) mula sa Qur’an at Hadith o di kaya mula sa mga sinabi ng mga Sahâbah at mga Tâbi’een.

Kapag wala kang matagpuang daleel (katibayan) maaari mo bang sabihin sa amin kung saan at paano dumating itong BID’AH na ito?

____________________
🔎 (FaceBook | X | Instagram | YouTube | SnapChat | Google)

Ang pagdiriwang ng MAWLIDUN NABIY ay pagdaragdag sa Relihiyong Islâm

Alam mo ba kung sino ang nag-umpisa sa pagdiriwang ng MAWLID o MAWLUD AN-NABIY, ay si MUZAFARUDDIN ARBAL SHI’AH FATIMID RULER pagkatapos ng ika-apat na siglo (400 years) na ang nakalipas mula sa pagpanaw ng Mahal na Propeta ﷺ!

Kapag ipagdiriwang nyu ang kaarawan ng Propeta Muhammad ﷺ katulad rin ito ng pagdiriwang ng Disyembre 25 na kaarawan daw ni Propeta Eisa (Hesus) na walang matibay na batayan kaya walang pinagkaiba.

Kaya, huwag na kayong magsayang ng mga oras, pagod at yaman nyu para maghanda ng mga iba’t ibang uri ng mga pagkain at inumin dahil hindi ito pinag-utos ng Mahal na Propeta Muhammad ﷺ ni kanyang mga Sahâbah pagkatapos niya ni isa sa kanila walang nagdiwang nito.

Ayon kay Shiekh Ibnu Baz dating M***i ng Saudi Arabia at President ng mga KIBÂRUL ULAMÂA: ❝Ang pagsecelebrate ng kaarawan ni Propeta Muhammad ﷺ ay isang KASALANAN.❞

Gabayan nawa tayo ng Allâh sa tamang pagunawa sa ating DEEN at bigyan nawa Niya tayo ng tamang kaalaman.

____________________
🔎 (FaceBook | X | Instagram | YouTube | SnapChat | Google)

Isabuhay ang SUNNAH, iwasan at talikuran ang BID’AH.

Ulat mula kay ‘Âishah (kalugdan nawa siya ng Allâh), sabi ng Sugo ng Allâh ﷺ: ❝Sinumang gumawa ng pagbabago sa ating relihiyon na ito ay hindi kabilang dito ay hindi tatanggapin (walang saysay).❞ Sa ibang salaysay ang sabi ay: ❝Ang sinumang gumawa ng gawaing pagsamba na hindi naaayon sa aming gawain ay walang saysay (hindi katanggap-taanggap).❞ Bukhari at Muslim

عَنْ عَائِشَةَ رَضِيَ اللَّهُ عَنْهَا قَالَتْ: قَالَ رَسُولُ اللَّهِ صَلَّى اللهُ عَلَيْهِ وَسَلَّمَ : ❞ مَنْ أحْدَثَ في أمْرِنَا هَذَا مَا لَيْسَ مِنْهُ فَهُوَ رَدٌّ ❝ وَفِي رِوَايَةٍ : ❞ مَنْ عَمِلَ عَمَلًا لَيْسَ عَلَيْهِ أَمْرُنَا ؛ فَهُوَ رَدٌّ ❝ مُتَّفَقٌ عَلَيْهِ

Sinabi ni Abdullah Bin Omar Bin Al Khattâb (kalugdan nawa silang dalawa ng Allâh): ❝Ang lahat ng BID’AH ay kaligawan, kahit pa ito sa paningin ng mga tao ay mabuti.❞

يقول ابن عمر رضي الله عنهما : ❞ كل بدعة ضلالة ؛ وإن رآها الناس حسنة ❝

Sinabi ni Sufyân Ath-Thawree (kahabagan nawa siya ng Allâh): ❝Ang gawaing BID’AH ay mas nagugustuhan (kaibig-ibig) at mahal ni IBLEES (Satanas) kaysa sa gawaing MASAMA. Ang gawaing MASAMA ay pwede at may pagkakataon ang gumawa nito para magsisi at magbalik-loob (sa Allâh), ngunit ang gawaing BID’AH walang pagkakataon ang gumagawa nito para magsisi at magbalik-loob (sa Allâh).❞ Talbeesu Iblees (p.13)

قال سفيان الثوري رحمه الله : ❞ البدعة أحب إلى إبليس من المعصية , المعصية يتاب منها والبدعة لا يتاب منها ❝

Sinabi ni Imâm Mâlik (kahabagan nawa siya ng Allâh): ❝Sinumang gumawa ng gawaing bid’ah sa Islâm sa kanyang palagay ito ay mabuti, katotohanan pinagbintangan niya ang Propeta Muhammad ﷺ nagtaksil sa mensahe ipinagkatiwala ng Allâh sa kanya. Dahil sabi ng Allâh: ﴾Sa araw na ito ginawa kong ganap (kompleto) ang inyong relihiyon.﴿ Kung hindi naging bahagi ng relihiyon Islâm noon (sa panahon ni Propeta Muhammad ﷺ), hinding hindi maaari maging kabahagi ng Islâm sa kasalukuyang panahon.❞

قال الإمام مالك رحمه الله : ❞ من ابتدع في الإسلام بدعة يراها حسنة فقد زعم أن محمداً خان الرسالة لأن الله يقول : ﴿ الْيَوْمَ أَكْمَلْتُ لَكُمْ دِينَكُمْ ﴾ فما لم يكن يومئذ ديناً فلا يكون اليوم ديناً ❝

Sinabi ni Ibnu Rajab (kahabagan nawa siya ng Allâh): ❝Lahat ng bagay na pagbabago (sa relihiyong Islâm) at iniuugnay ito sa Islâm at wala itong batayan, ito ay babalik sa kaligawan. Ang relihiyong Islâm ay malaya mula rito, ito man ay mga usaping tungkol sa mga paniniwala (aqeedah), kilos (gawa), o salita hayag man at lihim.❞

قال ابن رجب رحمه الله : ❞ فكل من أحدث شيئاً ونسبه إلى الدين ولم يكن له أصل من الدين يَرجع إليه فهو ضلالة ؛ والدين بريء منه ، وسواء في ذلك مسائل الاعتقادات أو الأعمال أو الأقوال الظاهرة والباطنة ❝

Inutos sa atin isabuhay ang SUNNAH, at pinagbawalan tayo gumawa ng BID’AH. Kaya pag-aralan mo ang Tawheed upang hindi ka mahulog sa Shirk, at pag-aralan mo ang Sunnah upang hindi ka makaiwas sa gawaing Bid’ah.

____________________
🔎 (FaceBook | X | Instagram | YouTube | SnapChat | Google)

Mag-isip ang may tamang pag-iisip!

Ang mga SAHÂBAH ni Propeta Muhammad ﷺ (kalugdan nawa silang lahat ng Allâh.)

• Sila ang pinakamaalam na tao sa relihiyon ng Allâh pagkatapos ng Propeta ﷺ.

• Sila ang pinakamasigasig na nilikha sa paggawa ng kabutihan.

• Sila ang may pinakamatinding pagmamahal sa Propeta ﷺ.

• Sila ang pinakamahigpit sa pagsasabuhay ng katuruan (sunnah) ng Propeta ﷺ.

☝🏽Subalit sa kabila ng mga ito ay hindi nila ipinagdiwang ang araw ng kapanganakan ng Propeta ﷺ.

Kung ang pagdiriwang ng araw ng kapanganakan ni Propeta Muhammad ﷺ ay kabutihan, katiyakang sila ang mangunguna sa pagdiriwang nito. Pero ni isa sa kanila wala man lang naisalaysay sa kasaysayan ng Islâm nagdiriwang nito.

📨Note: Iwasan ang BID’AH, at isabuhay ang SUNNAH ni Propeta Muhammad ﷺ.

____________________
🔎 (FaceBook | X | Instagram | YouTube | SnapChat | Google)

Naiparating sa atin ng mga Sahâbah ang lahat ng bagay patungkol kay Propeta Muhammad ﷺ, pero wala tayong mababasa patungkol sa MAWLIDUN NABIY ﷺ

• ❝Napangiti ang Propeta Muhammad ﷺ.❞ Bukhari: 1021

• ❝Napatawa ang Propeta Muhammad ﷺ.❞ Bukhari: 1936

• ❝Nanahimik ang Propeta Muhammad ﷺ ng bahagya.❞ Bukhari: 369

• ❝Nalungkot ang Propeta Muhammad ﷺ.❞ Bukhari: 6982

• ❝Umiyak ang Propeta Muhammad ﷺ.❞ Bukhari: 1304

Naiparating sa atin ng mga Sahâbah ang lahat ng bagay patungkol kay Propeta Muhammad ﷺ: Ang kanyang ngiti, tawa, pananahimik, lungkot at pag-iyak.

Ang tanong dito na dapat itanong ng bawat isa sa kanyang sarili: Bakit wala ni isang hadith saheeh ang naibalita ng mga Sahâbah patungkol sa pagdiriwang ng kaarawan ni Propeta Muhammad ﷺ, samantala sila ang higit na nakakakilala, nakakaalam, higit na nagmamahal kay Propeta Muhammad ﷺ at kasa-kasama nila ito?

Oh ikaw nagdiriwang ng kaarawan ni Propeta Muhammad ﷺ (MAWLIDUN NABIY) nag-iisip ka ba o sadyang mangmang ka lang talaga patungkol sa SUNNAH?

____________________
🔎 (FaceBook | X | Instagram | YouTube | SnapChat | Google)

ANG MGA SHI’AH ANG UNANG NAG-IMBENTO NG PAG-CELEBRATE NG BIRTHDAY NG PROPETA ﷺ “Maulidun Nabi”!

Ang mga SHI’AH ng FATIMID EMPIRE sa EGYPT ang unang nag-imbento ng selebrasyon ng MAULIDUN NABI “Bithday ng Propeta” pagkatapos ng ika-apat na siglo (400 years) na ang nakalipas mula sa pagpanaw ng Mahal na Propeta!

• Ang pagcelebrate ng Birthday ng Propeta ﷺ ay minana na ng mga grupong Sufi, Ashairah, Maturidiyya at iba pa.

• Ang Fatimid Empire (Shi’ah) ang may matinding galit sa mga Muslim. Kanilang inililihim ang Kufr (kawalan ng pananampalataya) at ginamit nila ang pakunwaring pagdiriwang sa kapanganakan ng Propeta upang makuha ang kalooban ng mga Muslim.

• Kabilang din sa kanilang naimbento ay ang pagdiriwang din sa araw ng kapanganakan nila Fatimah, Hassan at Hussain (apo ng Propeta ﷺ)!

Ang nakakalungkot, ay napakarami parin ang nakasara ang mga puso at isipan at nagbulag-bulagan sa katotohanan na pilit paring ikatwiran na ang pagdiriwang na ito ay isang katuruan daw sa Islam na wala namang maipakitang matibay na pinanghahawakang batayan!

• Gumagamit sila ng daleel na hindi naman angkop sa usapin at pararatangan ang mga taong nasa matuwid na katuruan na sumusunod sa katuruan ng Propeta ﷺ at mga Sahâbah ng WAHABI!

• Ang pagdiriwang ng Maulidan Nabi ay isang gawaing BID’AH.

Anumang imbentong pagsamba na iniuugnay sa Islam ay matatawag na Bid’ah ito man ay sa pamamagitan ng salita, gawa o paniniwala na walang kapahayagan o kapahintulutan mula kay Allâh o sa Kanyang Sugo maliwanag na sumasalungat sa katuruan ng Islam!!

ANO BATAYAN HINGGIL DITO?

Ang Mahal na Propeta ﷺ ay nagwika: ❝Ang sinumang gumawa ng gawaing pagsamba na hindi naaayon sa aming gawain ay walang saysay (hindi katanggap-taanggap.❞ Inipon ni Imam Muslim

قال رسول الله ﷺ : ❞ مَن عَمِلَ عَمَلًا ليسَ عليه أمْرُنا فَهو رَدٌّ ❝ مسلم

Iwasan ang gawaing BID’AH dahil ito ay kaligawan at lahat ng kaligawan ay sa impiyerno ang patutunguhan.

Sinabi ni Imam Malik (kahabagan nawa siya ni Allâh): ❝Sinuman ang gumawa ng gawaing BID’AH sa relihiyong Islam na ayon sa kanyang pananaw ito ay nakakabuti, samakatuwid siya ay nagparatang kay Propeta Muhammad ﷺ ng pandaraya at panlilinlang sa kanyang ipinarating na mensahe.❞

Sinabi ni Ibn ‘Umar (kalugdan siya ni Allâh): ❝Ang lahat ng BID’AH ay kaligawan kahit pa ang pananaw ng mga tao dito ay mabuti.❞

PAALAALA:

WALANG HADITH NA AUTHENTIC NA NAGPAPATUNAY NA SI PROPETA MUHAMMAD ﷺ AY ISINILANG SA IKA-12 ARAW NG RABI’EL AWWAL! BAGKUS NAGKAISA ANG LAHAT NG MGA ULAMÂA “iskloar” NA ANG IKA-12 NG RABI’EL AWWAL AY ARAW NG KANYANG KAMATAYAN!

TANONG: HINDI KAYA ANG KANILANG IPINAGDIRIWANG AY ANG ARAW NG KAMATAYAN NG PROPETA ﷺ?!

📚Sinulat at inipon ni Shiekh Zulameen Sarento Puti (hafidhahullâh)
____________________
🔎 (FaceBook | X | Instagram | YouTube | SnapChat | Google)

Tandaan mo lagi; Lahat ng nasa paligid mo pwede mo silang maging kaibigan, pero hindi lahat sila pwede mong pagkakatiwalaan !!!