16/08/2026
ππ
Buong pagmamalaking kinikilala ng Tuael High School ang ating mga atleta na matagumpay na nagrepresenta sa paaralan sa katatapos lamang na Municipal Level Meet noong nakaraang Sabado, ika-15 ng Agosto, 2026.
Ipinamalas ng ating mga manlalaro ang kanilang husay, disiplina, at determinasyon sa iba't ibang larangan ng palakasan. Isang natatanging tagumpay ang nakamit ng Sepak Takraw Boys at Girls Team matapos masungkit ang First Runner-Up na karangalan, patunay ng kanilang pagsisikap at dedikasyon sa kompetisyon.
Samantala, ang mga kalahok sa Athletics at Badminton ay nagpakita rin ng kahanga-hangang pagganap. Dahil sa kanilang natamong mga tagumpay, ilan sa kanila ang nagkuwalipika para sa Congressional Meet, kung saan muli nilang dadalhin at ipagmamalaki ang pangalan ng Tuael High School.
Hindi lamang ang mga nagwagi ang ating ipinagdiriwang kundi ang lahat ng atletang buong pusong lumahok at kumatawan sa ating paaralan. Kayo ang tunay na inspirasyon na nagpapakita ng kahalagahan ng sipag, tiyaga, sportsmanship, at pagmamahal sa paaralan.
