16/07/2026
Sa aming mga butihing Observers at Interviewers, at sa aming mga minamahal na mag-aaral. Isang napakalaking pasasalamat po mula sa kaibuturan ng aming puso. Ang araw na ito ay hindi lang basta bahagi ng aming propesyon; ito ay isang magandang paalala kung bakit namin pinili ang landas ng pagtuturo. Sa mga observers at interviewers, maraming salamat po sa inyong oras, malawak na pag-unawa, at gabay sa naganap na ECP Demo at NCOI interview. Ang inyong mga payo ay hindi lamang pagsusuri sa aming kakayahan, kundi inspirasyon upang lalo pa naming pagbutihin ang aming pagiging g**o araw-araw. Sa aming supportive na School Head, Sir Bhoy Jaqueca salamat po sa paggabay at sa paglikha ng isang paaralan kung saan ang mga g**o ay may puwang para lumago, magbago, at makaramdam ng suporta. Ang inyong pamumuno ang nagbibigay-daan sa aming tagumpay.At sa aming mga pinakamamahal na mag-aaral , kayo ang aming pinakamalaking kagalakan. Salamat sa inyong sigla, pakikilahok, at mga ngiti ngayong araw. Kayo ang nagbigay-buhay sa ating silid-aralan, at kayo ang tunay na dahilan sa bawat pagsisikap namin. .Ang tagumpay na ito ay hindi para sa amin lamang, kundi para sa ating lahat. Isang karangalan ang maging bahagi ng komunidad na ito na nag-aaruga sa mga g**o at mag-aaral. Maraming salamat po, at pagpalain tayong lahat ng Maykapal!
