BNAHS - Kamafil CLUB

Project 𝐀𝐁𝐀𝐊𝐀𝐃𝐀, 𝐏𝐀! 𝟐𝟎𝟐𝟓, inilunsad! 📖

Opisyal ng inilunsad ng Kagawaran ng Filipino ang Project ABAKADA, PA! (𝗔𝗸𝗼'𝘆 𝗕𝗮𝘁𝗮𝗻𝗴 𝗠𝗮𝘆 𝗞𝗮𝘀𝗮𝗻𝗮𝘆𝗮𝗻 𝗮𝘁 𝗗𝗮𝗻𝗮𝘀 𝘀𝗮 𝗣𝗮𝗴𝗯𝗮𝘀𝗮) noong ika-15 ng Agosto sa Mataas na Paaralan ng Benigno "Ninoy" S. Aquino.

Pinangunahan ng dalawang tagapagdaloy na sina Krisha Claire Lagmay at Minjiyeon Alvarez ang pagbibigay sigla sa pagbubukas ng programa.

Sinundan ito ng isang panalangin na pinamunuan ni Felip Mendoza, Pangulo ng KAMAFIL at sinundan agad ito ng pagtugtog ng Makabayang Awit. Nagbigay ng isang makabuluhang pambungad na pananalita si Bb. Gisela B. Cervantes, Tagapag-ugnay sa Filipino.

Pormal naman na ipinakilala si G. Christian T. Salvador MT1, upang ibigay ang rasyonale ng programa kung saan binigyan diin niya ang layunin ng proyektong ito. Tampok sa kaniyang talumpati ang layuning lahat ng mga mag-aaral ng BNAHS lalong lalo na ang mga nasa Ikapitong Antas ay mabigyan ng pagkakataong magabayan at maturuan upang matutong magbasa at malinang ang kakayahan sa pag-unawa sa mga tekstong kanilang binabasa (Reading Comprehension). Malaking tulong ito upang maiangat ang mga mag-aaral sa susunod na antas.

Nagpamalas naman ng kanilang talento sa pagkanta ang mga aktibong miyembro ng KAMAFIL na sina Aquisha Nicole Auste, Kourtney Gutierrez, at Francine Andrea Rillera, dahilan upang higit na naging kapana-panabik ang programa.

Higit na pinatingkad ang seremonya sa pamamagitan ng Pagputol ng Laso (Ribbon Cutting) na dinaluhan ng lahat ng mga kaguruan ng Departamento ng Filipino, kasama ang mga nahalal na mga bagong opisyales ng KAMAFIL.

Ang seremonyang ito ay simbolo ng isang magandang simulain sa 𝗽𝗮𝗴𝗽𝗮𝗽𝗮𝘂𝗻𝗹𝗮𝗱 𝗻𝗴 𝗸𝗮𝗮𝗹𝗮𝗺𝗮𝗻 ng mga mag-aaral ng BNAHS higit sa lahat ang 𝗽𝗮𝗴𝗸𝗮𝘁𝘂𝘁𝗼 𝘀𝗮 𝗽𝗮𝗴𝗯𝗮𝗯𝗮𝘀𝗮.

Bilang pagtatapos, ipinakilala ng mga tagapagdaloy si Bb. Joan B. Makiling, Koordineytor ng Pagbasa, na siyang nagbigay ng Pangwakas na Pananalita. Isang pagharap sa hamon ang kanyang hiniling sa mga kapwa g**o upang maging epektibo at magtagumpay ang proyektong sisimulan.

Natapos ang programa sa pamamagitan ng simpleng salo-salo, tampok ang mga pagkaing Pinoy kaalinsabay na rin sa pagdiriwang ng Buwan ng Wika.

🖼 - Karrie Harriet Reyes
✍️ - Krisha Claire Lagmay at Charlyn Denise Mira
📷 - Iannah Vennice Pequeña

𝐁𝐈𝐍𝐎'𝐓 𝐁𝐈𝐍𝐀, 𝐇𝐀𝐋𝐈𝐊𝐀 𝐍𝐀 ‼️

Isang bagong kabanata 📖 , Isang bagong paglalayag ang ating sasamahan ngayon! 🙌 Ipinakikilala namin ang mga 𝗕𝗔𝗚𝗢𝗡𝗚 𝗛𝗔𝗟𝗔𝗟 𝗡𝗔 𝗢𝗣𝗜𝗦𝗬𝗔𝗟𝗘𝗦 ng 𝗞𝗔𝗠𝗔𝗙𝗜𝗟 — mga kabataang puno ng adhikain, may taglay na talino at hitik sa talento🎭 , may malasakit ❤️, at dedikasyon sa tungkulin 💪

Sa kanilang pamumuno 🏆, inaasahan natin ang mas 𝗺𝗮𝘀𝗶𝗴𝗹𝗮𝗻𝗴 programa, mas 𝗺𝗮𝗸𝗮𝗯𝘂𝗹𝘂𝗵𝗮𝗻𝗴 aktibidades, at mas 𝗺𝗮𝘁𝗮𝘁𝗮𝗴 na samahan. Ang bawat hakbang 🪜 at desisyon 🧭 na kanilang gagawin ay magsisilbing gabay upang patuloy tayong 𝘂𝗺𝘂𝗻𝗹𝗮𝗱.

Kaya naman hinihiling namin ang inyong buong suporta sa ating mga bagong opisyales. ❤️‍🔥 𝗢𝗩𝗘𝗥 𝗡𝗔𝗠𝗔𝗡 𝗦𝗔 𝗦𝗨𝗣𝗣𝗢𝗥𝗧!?

Para sa ikakaunlad, 𝐊𝐀𝐌𝐀𝐅𝐈𝐋 ang s'yang karamay! 🫂

🖼 - Karrie Reyes
✍️ - Krisha Lagmay

𝐍𝐀𝐑𝐈𝐑𝐈𝐍𝐈𝐆 𝐍𝐘𝐎 𝐁𝐀 𝐘𝐔𝐍 𝐁𝐈𝐍𝐎'𝐓 𝐁𝐈𝐍𝐀 🤔⁉️

𝐁𝐚𝐠𝐨𝐧𝐠 𝐩𝐢𝐧𝐮𝐧𝐨, 𝐛𝐚𝐠𝐨𝐧𝐠 𝐩𝐥𝐚𝐭𝐚𝐩𝐨𝐫𝐦𝐚! 🔥

SA’MIN ANG TINGIN 👀‼️ Nandito na nga ang ating mga 𝗯𝗮𝗴𝗼𝗻𝗴 𝗽𝗶𝗻𝘂𝗻𝗼 na handang magpasiklab at maglingkod na tiyak naming inyong mararamdaman. Hindi tulad ng ex mo.. 𝗵𝘂𝗲𝘆, 𝗮𝗻𝗼 𝗿𝗮𝘄?! 🫣

Kaya naman, kami'y inyong samahan sa bagong paglalakbay na patungo sa 𝗸𝗮𝗯𝘂𝘁𝗶𝗵𝗮𝗻 𝗮𝘁 𝘁𝗮𝗴𝘂𝗺𝗽𝗮𝘆. Bawat pahina ay siyang tunay na may kabuluhan! Kasama kayo, paniguradong 𝗹𝗮𝗵𝗮𝘁 𝗮𝘆 𝗮𝗮𝗻𝗴𝗮𝘁! ☝️

Handa na silang ipakita ang kanilang 𝗰𝗿𝗲𝗮𝘁𝗶𝘃𝗶𝘁𝘆, 𝗽𝗮𝘀𝘀𝗶𝗼𝗻, 𝗮𝘁 𝗹𝗲𝗮𝗱𝗲𝗿𝘀𝗵𝗶𝗽 𝘀𝗸𝗶𝗹𝗹𝘀 para itaguyod ang adhikain ng 𝐊𝐀𝐌𝐀𝐅𝐈𝐋! ❤️‍🔥🇵🇭

🎉 BINOT BINA, NASAAN KA NA???

Dadating na ang pinakaaabangang tambayan ng mga wagas kung magmahal sa wika at kultura — WALANG IBA KUNDI ANG KAMAFIL! 🇵🇭💛💚

✨ G ka bang maging parte ng isang masayang pamilyang puno ng tawanan, aral, at bonggang events? 😉 Eh 'di huwag nang magpatumpik-tumpik pa!

Narito na ang Step 1 para maging miyembro ng KAMAFILmilya! (Yes, may familya vibes tayo dito)

Maaari mong i-scan ang QR Code sa baba ⬇️

O kaya naman, i-click ang link na ito para sa Google Forms

https://docs.google.com/forms/d/e/1FAIpQLSd8MGcSiQPAFoqTO4-Mvqqv5XYd3IcWCjdvif9J5VSSZbg0oA/viewform

🚨 PSA: Walang pressure, pero ang hindi mag-scan... 'di makakakain ng masarap na pancit canton sa events 😜
Tara na, BINOT BINA! Sama-sama tayong humarot habang natututo!�

𝗣𝗮𝗴-𝗶𝗯𝗶𝗴 𝗻𝗮 𝗸𝗮𝘆 𝗹𝗮𝗹𝗶𝗺, 𝗠𝗮𝗴𝘀𝗶𝘀𝗶𝗹𝗯𝗶𝗻𝗴 𝗹𝗶𝘄𝗮𝗻𝗮𝗴 𝘀𝗮 𝗱𝗶𝗹𝗶𝗺 🫂❤️‍🩹🙌🏻

Idinaos ng KAMAFIL ang Outreach Program sa 𝐇𝐨𝐮𝐬𝐞 𝐨𝐟 𝐒𝐚𝐫𝐚𝐧𝐠, 𝐔𝐩𝐩𝐞𝐫 𝐁𝐢𝐜𝐮𝐭𝐚𝐧, 𝐋𝐮𝐧𝐠𝐬𝐨𝐝 𝐧𝐠 𝐓𝐚𝐠𝐮𝐢𝐠, noong 𝐢𝐤𝐚-𝟓 𝐧𝐠 𝐀𝐛𝐫𝐢𝐥 𝟐𝟎𝟐𝟓.

Nagsimula ang inisyatibo sa pangunguna ng mga tagapangasiwa ng organisasyon, kabilang ang ilang mga g**o sa departamento ng Filipino, at ilang mga kasapi o miyembro ng organisasyon.

Ang Organisasyong 𝐊𝐀𝐌𝐀𝐅𝐈𝐋 ay nag-abot ng tugon at suporta para sa mga kabataang may pangangailangan sa pang-araw-araw na buhay. Ilan sa mga ito ay mga pagkain, gamot, gamit para sa paaralan, at marami pang iba. Lubos na kasiyahan at nakakaantig na pasasalamat ang kanilang ipinaabot sa inilunsad na proyekto.

𝙋𝙖𝙧𝙖 𝙨𝙖 𝙞𝙨𝙖𝙣𝙜 𝙥𝙪𝙣𝙙𝙖𝙨𝙮𝙤𝙣𝙜 𝙢𝙖𝙩𝙖𝙩𝙖𝙜, 𝙝𝙖𝙡𝙞𝙣𝙖'𝙩 𝙩𝙖𝙮𝙤'𝙮 𝙢𝙖𝙜𝙨𝙞𝙡𝙗𝙞𝙣𝙜 𝙡𝙞𝙬𝙖𝙣𝙖𝙜. 𝙆𝙖𝙗𝙖𝙩𝙖𝙖𝙣𝙜 𝙢𝙖𝙜𝙝𝙖𝙝𝙖𝙣𝙙𝙤𝙜 𝙣𝙜 𝙗𝙖𝙣𝙖𝙜, 𝙥𝙖𝙧𝙖 𝙨𝙖 𝙗𝙖𝙮𝙖𝙣 𝙖𝙮 𝙢𝙖𝙜𝙞𝙜𝙞𝙣𝙜 𝙞𝙨𝙖𝙣𝙜 𝙠𝙖𝙡𝙖𝙨𝙖𝙜. 𝙋𝙪𝙣𝙤 𝙣𝙜 𝙥𝙖𝙣𝙜𝙖𝙧𝙖𝙥, 𝙩𝙖𝙜𝙪𝙢𝙥𝙖𝙮 𝙣𝙖 𝙝𝙞𝙣𝙙𝙞 𝙢𝙖𝙞𝙡𝙖𝙥. 🤝🇵🇭🫂

✍🏻: Keisha Abing
🖼️: Sasha Permilona
📷: Lian Becero at Ateisha Soriano

"𝓜𝓪𝓶𝓪𝓶𝓪𝓽𝓪𝔂 𝓪𝓴𝓸𝓷𝓰 𝓱𝓲𝓷𝓭𝓲 𝓴𝓸 𝓷𝓪𝓴𝓲𝓴𝓲𝓽𝓪𝓷𝓰 𝓷𝓾𝓶𝓲𝓷𝓰𝓷𝓲𝓷𝓰 𝓪𝓷𝓰 𝓵𝓲𝔀𝓪𝔂𝔀𝓪𝔂 𝓼𝓪 𝓵𝓾𝓹𝓪𝓷𝓰 𝓪𝓴𝓲𝓷𝓰 𝓽𝓲𝓷𝓾𝓫𝓾𝓪𝓷! 𝓚𝓪𝔂𝓸𝓷𝓰 𝓶𝓪𝓷𝓰𝓪𝓴𝓪𝓴𝓪𝓴𝓲𝓽𝓪 𝓼𝓪 𝓵𝓲𝔀𝓪𝔂𝔀𝓪𝔂 𝓷𝓪 𝓲𝔂𝓪𝓷, 𝓫𝓪𝓽𝓲𝓲𝓷 𝓷𝓲𝓷𝔂𝓸 𝓼𝓲𝔂𝓪 -𝓱𝓾𝔀𝓪𝓰 𝓷𝓲𝓷𝔂𝓸𝓷𝓰 𝓵𝓲𝓶𝓾𝓽𝓲𝓷 𝓪𝓷𝓰 𝓶𝓰𝓪 𝓷𝓪𝓱𝓪𝓷𝓭𝓾𝓼𝓪𝔂 𝓼𝓪 𝓫𝓾𝓸𝓷𝓰 𝓶𝓪𝓰𝓭𝓪𝓶𝓪𝓰."
-𝕰𝖑𝖎𝖆𝖘

Halika rito sa bulwagan🕳️👋, silayan mo ang mga hindi inaasahan🗣️👀. Isang kuwentong hindi lang bahagi ng nakaraan📜, kundi salamin ng kasalukuyan🪬.

At sa pagtatapos ng ating paglalakbay, 𝗡𝗼𝗹𝗶 𝗠𝗲 𝗧𝗮𝗻𝗴𝗲𝗿𝗲 ay nagbigay-liwanag at gabay. Mga kwento ng bayan, sakit, at pag-asa, nag-iwan ng aral na sa bawat isa'y may bisa. Sa mga karakter na sa atin ay may talentong taglay. Tapang at laban, hindi natin malilimutan kahit saan maglakbay. Kahit sa dilim ng kasaysayan, may liwanag na hatid, pag-ibig, pagkakaisa, at pagbabago'y kailangan sa bawat hakbang ng buhay. 🎬🎫🙌

Isara ang huling kabanata📖, iwanan ang nakaraan at buksan ang mga mata😶‍🌫️🎭.

✍️: Keisha Abing
🖼️: Sasha Permilona at Ateisha Soriano
📷:Lian Becero

“𝑵𝒂𝒈𝒍𝒂𝒈𝒂𝒍𝒂𝒈 𝒂𝒌𝒐 𝒂𝒕 𝒏𝒂𝒈𝒔𝒊𝒌𝒂𝒑 𝒎𝒂𝒌𝒂𝒊𝒑𝒐𝒏 𝒏𝒈 𝒎𝒂𝒓𝒂𝒎𝒊𝒏𝒈 𝒔𝒂𝒍𝒂𝒑𝒊 𝒖𝒑𝒂𝒏𝒈 𝒎𝒂𝒊𝒔𝒂𝒈𝒂𝒘𝒂 𝒂𝒏𝒈 𝒂𝒌𝒊𝒏𝒈 𝒍𝒂𝒚𝒐𝒏. 𝑵𝒂𝒈𝒃𝒂𝒍𝒊𝒌 𝒖𝒑𝒂𝒏𝒈 𝒊𝒃𝒂𝒈𝒔𝒂𝒌 𝒂𝒏𝒈 𝒎𝒂𝒔𝒂𝒎𝒂𝒏𝒈 𝒑𝒂𝒎𝒂𝒉𝒂𝒍𝒂𝒂𝒏, 𝒑𝒂𝒅𝒂𝒍𝒊𝒊𝒏 𝒂𝒏𝒈 𝒌𝒂𝒏𝒊𝒚𝒂𝒏𝒈 𝒑𝒂𝒈𝒌𝒂𝒔𝒊𝒓𝒂 𝒌𝒂𝒉𝒊𝒕 𝒅𝒖𝒎𝒂𝒏𝒂𝒌 𝒂𝒏𝒈 𝒎𝒂𝒓𝒂𝒎𝒊𝒏𝒈 𝒅𝒖𝒈𝒐.”

-𝓢𝓲𝓶𝓸𝓾𝓷

Noong Marso 10,2023, Ginanap ang musikal na pagtatanghal ng El Filibusterismo sa AVR. Nilahukan ito ng mga mag-aaral sa Ika-10 Baitang mula sa pangkat Agoncillo, Aquino, Delos Santos, Dizon, Luna at Ponce.

Ang kanyang akda ay nagpamulat sa damdaming makabayan! 🇵🇭

👏🤩 Hindi maitulak kabigin ang galing at husay ng mga Benignians sa musika at pag-arte.

Galing na tunay na maipagmamalaki ng bawat isa! ✨

🏆🎉 Lubusang binabati ang bawat kalahok sa isang sobresalienteng pagtatanghal! 💖

✍️: Luigi Carunungan
🖼️: Sasha Permilona
📸: Lian Becero

KAMAFIL; Kapisanan ng pakikisama, halina’t magkaroon ng bagong happy pill!

Sa pagtatapos ng Club Fair 2025, nais naming pasalamatan ang bawat isa na nakilahok sa aming aktibidad na inialay. Nawa’y kayo ay nag-uwi ng ngiti sa inyong labi at maraming kaalaman na maghahatid sa inyo sa isang mas maayos na pakikisama sa kapuwa. Hiling namin na sana’y muli naming masilayan ang inyong mga ngiti sa susunod na club fair! Hanggang sa susunod muli, Benignians!

✍️: Keisha Mae
🖼️: Sasha Hermione
📸: Lian Becero at Danabelle Belen

Sa bawat araw na nagdaan, pagod at sakripisyo ang kanilang inilaan. Kasanayan na mas pinaghuhusayan, talentong mas ginalingan. Ibigay natin sa kanila ang suportang pang-Benignians at iparamdam natin sa kanila na sila'y panalo sa ating mga isipan. Patunayan niyo na kayo ay karapat-dapat, patunayan niyo rin na ang inyong galing ay sapat.

Sa gaganaping patimpalak, asahan niyo na kung kayo’y manalo o matalo, kami pa rin ang unang magbibigay ng palakpak. Panalangin namin na ibigay niyo ang lahat ng inyong makakaya.

Padayon sa pambato ng ating paaralan, The Epistles at Ang Haraya!

🖼️:Sofia Piawan at Ateisha Soriano
✍️: Keisha Mae Abing

"Kung ang pagmamahal sa bayan ay isang pagkakasala, si Rizal ang may pinakamalaking pagkakasala."

Sa araw na ito, Disyembre 30, ginugunita natin ang ika-128 taong pagkamatay ng ating pambansang bayani na si Dr. Jose Rizal.

Ang kanyang buhay ay isang patunay ng katapangan, pagmamahal sa bayan, at pagpupursigi sa hustisya't kalayaan.

Sa kaniyang mga naisulat, naipamalas niya ang nararapat na katarungan at walang hanggang pagmamahal sa bayang kinabibilangan.

Sa pamamagitan ng kanyang mga akda tulad ng Noli Me Tangere at El Filibusterismo, nagbigay liwanag siya sa mga Pilipino upang magkaroon ng diwang nasyonalismo na nagresulta sa pagiging uhaw para sa kalayaan mula sa mananakop.

Ang kanyang pagkabayani, ang naging simbolo ng ating pagkakaisa bilang isang bansa.

Isang pagpupugay para sa kaniyang kabayanihan! Mabuhay ang ating pambansang bayani! 🕴️🙌

✍️: Keisha Mae Abing
🖼️: Sasha Hermione Permilona

𝐏𝐀𝐍𝚰𝐁𝐀𝐆𝐎𝐍𝐆 𝐏𝚰𝐍𝐔𝐍𝐎, 𝐏𝐀𝐍𝚰𝐁𝐀𝐆𝐎𝐍𝐆 𝐋𝚰𝐃𝐄𝐑𝐀𝐓𝐎! 🔥💨💥

𝐊𝐀𝐌𝐀𝐅𝚰𝐋 𝐒𝚰𝐘𝐀𝐍𝐆 𝐓𝐔𝐍𝐀𝐘, 𝐓𝐀𝐘𝐎 𝐀𝐘 𝐌𝐀𝐆𝐓𝐀𝐓𝐀𝐆𝐔𝐌𝐏𝐀𝐘! 🏅💯

Simula ng bagong kabanata, nakikita mo ba sa kanilang mga mata? 📜👀 Kagalingang hindi basta-basta, sigurado't walang pagbabanta. ✅🚫

Maghanda sa bagong pamamalakad, tiyak na maayos at nakakamangha ang kanilang ilalantad. 😮👣 Halina't sama-samang tuklasin, makabuluhan at makapangyarihang mga gawain. 🫂💢 Hakbang tungo sa tagumpay, pangarap ay abot-kamay! 🤝🙌

𝙋𝙖𝙧𝙖 𝙨𝙖 𝙆𝘼𝙈𝘼𝙁𝙄𝙇❟ 𝙗𝙖𝙬𝙖𝙩 𝙠𝙞𝙡𝙤𝙨 𝙖𝙮 𝙩𝙪𝙣𝙖𝙮❟ 𝙬𝙖𝙡𝙖𝙣𝙜 𝙙𝙪𝙙𝙖'𝙩 𝙬𝙖𝙡𝙖𝙣𝙜 𝙠𝙖𝙥𝙖𝙣𝙩𝙖𝙮｡ 🔛🔝✅✊

🖼️: Sasha Permilona at Ateisha Soriano
✍️: Keisha Abing

Mahalagang Pabatid!

Inaanyayahan ang lahat ng nagpalista sa KAMAFIL Registration Form na dumalo sa Pagpupulong at Eleksyon ng KAMAFIL na gaganapin BUKAS, Araw ng Linggo (Oktubre 27) sa ganap na ika-10 ng umaga. Kalakip po nito ang link na gagamitin via Google Meet.

Pagpupulong at Eleksyon ng KAMAFIL
Sunday, October 27 · 10:00am – 12:00pm
Time zone: Asia/Manila
Google Meet joining info

Video call link: https://meet.google.com/ukr-nknd-ztr

Inaasahan namin ang iyong partisipasyon. Maraming Salamat.

Mula sa tagapayo ng KAMAFIL,

Gng. Elizabeth Gonzaga
Bb. Joan Makiling

meet.google.com