https://www.facebook.com/109229875221171/

Pinamalayan Municipal Council- Tau Gamma Phi/Sigma

Home
Philippines
Pinamalayan
Pinamalayan Municipal Council- Tau Gamma Phi/Sigma

fraternity/sorority

17/08/2026

August 17, 2026 - 9am

Matagumpay na isinagawa ng Tau Gamma Phi - Banilad Community Chapter ang kanilang School Feeding Program para sa mga mag-aaral mula Kinder hanggang Grade 6. Sa munting programang ito, hindi lamang pagkain ang kanilang naibahagi, kundi pati na rin ang saya, pagmamalasakit, at diwa ng tunay na paglilingkod sa komunidad.

Taos-pusong pasasalamat sa lahat ng mga kapatid at indibidwal na naglaan ng oras, pagod, at suporta upang maisakatuparan ang gawaing ito. Patuloy nating ipakita na ang kapatiran ay hindi lamang nasusukat sa samahan, kundi higit sa lahat, sa serbisyong naibabahagi natin sa ating kapwa at komunidad.

Salute, Banilad Community Chapter! 🫡
Patuloy tayong maging katuwang sa pagbuo ng mas malusog at mas masayang kinabukasan para sa ating mga kabataan.

ARIBA TAU GAMMA PHI! ✋🔥

14/08/2026

Maligayang Founding Anniversary sa ating mga kapatid! 🖐️🔥

Isang taos-pusong pagbati mula sa Tau Gamma Phi - Pinamalayan Municipal Council sa ating mga kapatid mula sa ABADA College Chapter sa kanilang 26th Founding Anniversary, at sa Pinamalayan Maritime College Chapter sa kanilang 4th Founding Anniversary!

Nawa’y patuloy ninyong itaguyod ang tunay na diwa ng Fortis, Voluntas et Fraternitas - matatag na pagkakapatiran, pagkakaisa, at paglilingkod sa kapwa at komunidad.

Marami pang taon ng tagumpay, serbisyo, at matibay na samahan ang ating pagsaluhan.

Salute sa ating mga kapatid! 🫡
Happy Founding Anniversary!

ARIBA TAU GAMMA PHI! 🖐️🔥

13/08/2026

Bilang pakikiisa sa adhikaing makatulong at makapagligtas ng buhay, nakiisa ang mga miyembro ng Tau Gamma Phi -Pinamalayan Municipal Council, sa pangunguna ng ating Chairman Bro. Marjun Monroyo, sa Voluntary Blood Donation Activity na ginanap kahapon Agosto 13, 2026 sa Pinamalayan Municipal Police Station.

Ang gawaing ito ay isinagawa ng Pinamalayan Municipal Police Station, katuwang ang Oriental Mindoro Blood Council, bilang bahagi ng kanilang kampanya upang mapanatili ang sapat na suplay ng dugo para sa ating mga kababayang nangangailangan.

Sa bawat dugong kusang iniaalay ay may buhay na maaaring maisalba. Patunay ito na ang tunay na diwa ng kapatiran ay hindi lamang nasusukat sa pagkakaisa ng mga magkakapatid, kundi higit sa lahat, sa paglilingkod at malasakit sa ating komunidad.

Maraming salamat sa lahat ng kapatid na nakiisa at naglaan ng panahon para sa makabuluhang gawaing ito. Patuloy nating isabuhay ang kapatirang may malasakit at serbisyong may tunay na layunin. ❤️🩸

ARIBA TAU GAMMA PHI! ✋
Mabuhay ang Tau Gamma Phi - Pinamalayan Municipal Council!

10/08/2026

Patuloy tayo sa pagpapakilala ng ating mga nahalal na leader at opisyal ng ating konseho.

At ngayon naman, alam natin na sa likod ng bawat maayos na pagpupulong ay may taga tala ng mga napag-usapan at mga desisyon ng ating kapatiran. Kaya naman, buong pagmamalaki naming ipinakikilala si Bro. Odelon Teliteli, ang ating Master Keeper of the Scroll (MKS) ng Tau Gamma Phi – Pinamalayan Municipal Council.

Sa bawat pahina at bawat tala, hindi lamang impormasyon ang ating iniingatan kundi ang kwento, progreso, at pamana ng ating kapatiran.

Abangan ang susunod naming mga opisyal habang patuloy naming isa-isang ipinapakilala ang mga bagong halal na lider ng Pinamalayan Municipal Council. Sama-sama nating kilalanin ang mga kapatid na handang tumanggap ng responsibilidad at maglingkod para sa patuloy na pag-unlad ng ating konseho.

ARIBA TAU GAMMA PHI!

09/08/2026

Matagumpay na naisagawa ngayong Agosto 9, 2026 ang Outreach Program ng Tau Gamma Phi – Pinamalayan Municipal Council sa Barangay Pambisan Malaki na may mga gawaing Tree Planting, Libreng Gupit, at Feeding Program para sa ating mga kabarangay.

Ang simpleng pagtatanim ng puno, pagbibigay ng libreng gupit, at paghahandog ng pagkain ay sumasalamin sa tunay na diwa ng serbisyo, malasakit, at pagkakapatiran. Patunay ito na ang kapatiran ay hindi lamang nasusukat sa samahan ng bawat Triskelion, kundi sa mga serbisyong naibabahagi natin sa komunidad.

Taos-puso rin kaming nagpapasalamat sa ating mga kapatid mula sa Gloria Municipal Council sa kanilang suporta at sa pagpapadala ng mga volunteer barbers na naging malaking bahagi ng ating Libreng Gupit para sa mga kabataan. Maraming salamat sa pakikiisa at pagpapatunay na sa serbisyo para sa ating kapatiran.

Gayundin naman sa mga kapatid natin mula sa ibat-ibang chapter na nasasakupan ng Pinamalayan Municipal Council. Nawa'y maging katulong namin kayo sa mga ilulunsad pang mga aktibidad ng ating konseho. Kami, mula sa kapatitan ng TAU GAMMA PHI ay lubos na nagpapasalalmat sa Sangguniang Barangay ng Pambisan Munti sa pagtangap sa aming aktibidad. Ang inyong pakikipagtulungan sa aming kapatiran ay isa sa mga naging hakbang para maging matagumpay ang aming programa ngayon araw.

Puno para sa Kalikasan. 🌱
Pagkain para sa Kalusugan. 🍲
Gupit para sa Kabataan. ✂️
Alay ng Kapatiran. 🤝

Sa mga kapatid nating gustong tumulong sa mga susunod na aktibidad ay lubos at patuloy kaming magpapasalamat sa inyong kooperasyon at pagtulong sa ating konseho.

07/08/2026

Ngayong darating na August 9, 2026 Sunday sa ganap na 7:00 ng umaga, ang Tau Gamma Phi/Sigma Pinamalayan Municipal Council ay magsasama-sama at magtutulungan para sa isang joint activity ng Sangguniang Barangay ng Pambisang Malaki. Nakapaloob sa aktibidad na ito ang Tree Planting, Feeding Program at Libreng Gupit. Iniimbitahan namin ang bawat Chapter ng ating Kapatiran na makiisa para sa mas ikakayos at ikakatagumpay ng nasabing aktibidad.

Isa sa mga plataporma ng ating konseho na mas palawakin at pagigtingin ang mga serbisyong makakatulong sa ating komunidad. ARIBA TAU GAMMA PHI! ARIBA TAU GAMMA SIGMA!!

03/08/2026

Buo naming pinagmamalaki na ipinapakilala ang bagong nahalal na Master Wielder of the Whip (MWW) ng Tau Gamma Phi – Pinamalayan Municipal Council si Bro. Vicente Olivar bilang bagong MWW ng aming konseho. Inaasahan nating pangungunahan niya ang konseho sa pagpapatibay ng disiplina, pagkakaisa, at mahusay na pamamahala upang higit pang mapalakas ang samahan at mapalawak ang paglilingkod sa ating mga kapatid at sa komunidad.

Nawa'y magsilbi ang kanyang pamumuno bilang inspirasyon upang sama-sama nating maitaguyod ang mga adhikain ng ating kapatiran at maipagpatuloy ang isang konsehong may integridad, patas, at may malasakit.

Congratulations, Bro. Vicente Olivar!

Abangan ang susunod naming mga opisyal habang isa-isa naming ipinapakilala ang mga bagong halal na lider ng Pinamalayan Municipal Council. Sama-sama nating kilalanin ang mga kapatid na magsisilbing gabay at katuwang sa pagpapatuloy ng ating misyon at bisyon.

ARIBA TAU GAMMA PHI!!

02/08/2026

August 01, 2026 - 7:00PM

Ginanap kahapon ang unang meeting ng bagong administrasyon ng Pinamalayan Municipal Council sa pangunguna ng aming Chairman Bro. Marjun Monroyo, kasama ng kanyang mga Vice Chairman Bro. Ardrian Carl Valdez (Internal) at si Bro. Jan Marvee Pitel (External) kasama ng mga kasalukuyang mga Grand Triskelion ng mga ibat-ibang chapter sa bayan ng Pinamalayan.

Kaya naman napagkasunduan ng konseho na magtalaga ng bagong MWW (Internal at External) at ang napili bilang MWW (Internal) ay si Bro Vincente Olivar habang si Bro Airon Morillo naman ang naging MWW (External). Pagkatapos nito ay naihalal din si Bro. Odelon Teliteli bilang MKS at si Bro. Rodrigo De Luna naman ang naging MKC.

Pinagplanuhan din ang pagpapalakas ng mga chapter sa pamamagitan ng pagbisita dito at pag-gawa ng mga aktibidad tulad ng Feeding, Clean-Up drives at iba pang mga aktibidad na magpapanumbalik ng sigla sa mga kapatid nating TRISKELION. 🖐️

Pagkatapos ng meeting ay sama-sama naming pinagsaluhan ang inihandang pag-kain ng Wawa Community Chapter sa pangunguna ng kanilang Grand Triskelion Bro. Donn Phipoy. Pinuntahan din namin ang bahay at kami din ay nakiramay sa pagkakawala ng ating kapatid na si Bro. Joven Mascarinas. 🙏🕊️

SALUTE TAU GAMMA PHI - PINAMALAYN MUNCIPAL COUNCIL!!!

Address

Pinamalayan
5208

Website

facebook.com

Alerts

Be the first to know and let us send you an email when Pinamalayan Municipal Council- Tau Gamma Phi/Sigma posts news and promotions. Your email address will not be used for any other purpose, and you can unsubscribe at any time.

Want your school to be the top-listed School/college in Pinamalayan?