11/06/2026
๐๐๐ ๐ | ๐
๐ข๐ซ๐ฌ๐ญ ๐๐๐ ๐๐๐ง๐๐ซ๐๐ฅ ๐๐ฌ๐ฌ๐๐ฆ๐๐ฅ๐ฒ, ๐๐๐๐๐ ๐๐๐๐ข๐๐๐ซ ๐๐ฅ๐๐๐ญ๐ข๐จ๐ง, ๐๐ง๐ ๐๐๐ซ๐๐ง๐ญ๐ฌโ ๐๐ซ๐ข๐๐ง๐ญ๐๐ญ๐ข๐จ๐ง | ๐๐ฎ๐ง๐ ๐๐, ๐๐๐๐
๐๐๐๐๐๐๐: Bilang paghahanda sa pagbubukas ng panibagong taong panuruan, matagumpay na isinagawa ng paaralan ang First PTA General Assembly, HRPTA Officer Election, and Parentsโ Orientation na dinaluhan ng mga magulang, g**o, at mga kawani ng paaralan. Layunin ng gawaing ito na mapalakas ang ugnayan ng paaralan at ng mga magulang, maipabatid ang mga mahahalagang polisiya ng paaralan, at mabigyan ng sapat na impormasyon ang mga magulang hinggil sa mga programa at gawain para sa School Year 2026โ2027.
Sinimulan ang programa sa pamamagitan ng isang panalangin na pinangunahan ni Ma'am Angela M. Manrique at sinundan naman ng Welcome Message at Introduction of School Personnel, kung saan mainit na tinanggap ng mga g**o at administrador ang mga magulang at ipinakilala ang mga teaching at non-teaching personnel ng paaralan. Sinundan ito ng Election of HRPTA Officers, na nagbigay-daan sa pagpili ng mga opisyal na magiging katuwang ng paaralan sa pagpapatupad ng mga programa at proyekto para sa kapakanan ng mga mag-aaral.
Iprenesenta rin ang mga PTA Plans and Programs para sa kasalukuyang taong panuruan upang maipabatid sa mga magulang ang mga nakatakdang gawain at mga inisyatibong naglalayong suportahan ang pagkatuto at pag-unlad ng mga mag-aaral. Tinalakay din ang School Rules and Regulations upang malinaw na maunawaan ng mga magulang ang mga patakaran at alituntuning ipinatutupad sa loob ng paaralan.
Binigyang-diin ni Maโam Mylene G. Blasurca, Teacher III, ang Code of Conduct and Discipline Policies, kung saan ipinaliwanag niya ang kahalagahan ng mabuting asal, disiplina, at responsableng pag-uugali ng mga mag-aaral sa loob at labas ng paaralan. Samantala, tinalakay nina Maโam Ana Florence M. David, Principal III, Sir Mheljay C. Abel, Master Teacher II, Sir Alfredo L. Vitto, Master Teacher I at Maโam Farrah Daphine L. Taparan, Teacher VI ang ibaโt ibang mahahalagang paksa tulad ng Academic Policies and Grading System, Trimester (Tri-Sem) System Orientation, Attendance and Punctuality Guidelines, Uniform and Grooming Standards, Parentsโ Roles and Responsibilities in Supporting Learning, at ang Overview of School Activities and Calendar of Events.
Sa huling bahagi ng programa, nagsagawa ng Open Forum kung saan nabigyan ng pagkakataon ang mga magulang na magtanong, magbigay ng mungkahi, at magpahayag ng kanilang mga saloobin kaugnay ng mga usaping pangpaaralan. Nagtapos ang pagtitipon sa pamamagitan ng mga Closing Remarks, na nagbigay-diin sa kahalagahan ng pagtutulungan ng paaralan at mga magulang upang matiyak ang matagumpay at makabuluhang pagkatuto ng bawat mag-aaral.
Sa kabuuan, naging matagumpay ang isinagawang First PTA General Assembly, HRPTA Officer Election, and Parentsโ Orientation. Naging daan ito upang higit na mapatatag ang pakikipag-ugnayan ng paaralan sa mga magulang at maisulong ang sama-samang adhikain para sa kalidad na edukasyon at holistikong paghubog sa mga mag-aaral.
