What are the opening hours?

Monday 8am - 5pm Tuesday 8am - 5pm Wednesday 9am - 5pm Thursday 9am - 5pm Friday 9am - 5pm

Colegio de San Rafael Arcangel, San Antonio, Pili (2026)

23/08/2026

20th SUNDAY IN ORDINARY TIME

REV. FR. JAIME DANILO VIOLA
Parish Priest
Presider and Preacher

22/08/2026

IKA - XXI DOMINGO SA ORDINARIONG PANAHON

18/08/2026

𝐓𝐡𝐞 𝐑𝐚𝐩𝐡𝐚𝐞𝐥𝐢𝐚𝐧, 𝐧𝐚𝐠𝐬𝐚𝐠𝐚𝐰𝐚 𝐧𝐠 𝐩𝐚𝐠𝐬𝐚𝐬𝐚𝐧𝐚𝐲 𝐬𝐚 𝐩𝐚𝐦𝐚𝐦𝐚𝐡𝐚𝐲𝐚𝐠

Isinagawa sa CBSUA Main Gathering Hall, San Jose, Pili, Camarines Sur, nitong Agosto 15, 2026, mula 8:00 a.m. hanggang 5:00 p.m., ang unang araw ng pagsasanay ng The Raphaelian, katuwang ang The Stateans at AngSalinsinag ng CBSUA, bilang paghahanda sa nalalapit na Congressional School Press Conference.

Isinagawa ang pagsasanay sa temang “𝑨𝒅𝒗𝒂𝒏𝒄𝒊𝒏𝒈 𝑱𝒐𝒖𝒓𝒏𝒂𝒍𝒊𝒔𝒕𝒊𝒄 𝑳𝒊𝒕𝒆𝒓𝒂𝒄𝒚 𝒂𝒏𝒅 𝑬𝒕𝒉𝒊𝒄𝒂𝒍 𝑺𝒕𝒐𝒓𝒚𝒕𝒆𝒍𝒍𝒊𝒏𝒈 𝒊𝒏 𝒂 𝑵𝒆𝒘 𝑨𝒄𝒂𝒅𝒆𝒎𝒊𝒄 𝑪𝒉𝒂𝒑𝒕𝒆𝒓,” na naglalayong hasain ang kaalaman, kasanayan, at kahandaan ng mga campus journalist sa iba’t ibang larangan ng pamamahayag.

Sinimulan ang programa sa pamamagitan ng mensahe nina G. John Rey Estiva, Editor-in-Chief (EIC) ng AngSalinsinag, at G. Angelo Payra, Editor-in-Chief ng The Stateans. Binigyang-diin nila ang kahalagahan ng paghahanda, kolaborasyon, at patuloy na paglinang ng kasanayan sa pamamahayag bilang pagtugon sa hamon ng nalalapit na Congressional School Press Conference.

Tinalakay sa mga sesyon ang Journalistic Writing, na pinangunahan ni Bb. Roanne V. Paat, former Editor-in-Chief ng The Raphaelian; Photojournalism at Editorial Cartooning, na nilahad ni G. Darwin Xavier Laforteza, alumnus ng The Stateans; Layout at Storytelling, na pinangunahan ni G. John Kennith Rosetes, alumnus ng The Stateans; at Broadcasting, na pinamunuan ni G. Chris Yuri T. Fabricante, former Sci-Tech Writer at RSPC qualifier.

Tampok din sa programa ang bukas na talakayan, kung saan nagkaroon ng pagkakataon ang mga kalahok na magtanong, magbahagi ng pananaw, at linawin ang kanilang mga katanungan hinggil sa iba’t ibang larangan ng pamamahayag.

Sa pamamagitan ng patuloy na pagsasanay at kolaborasyon, layunin ng The Raphaelian na higit pang hasain ang kakayahan, disiplina, at kahusayan ng mga campus journalist bilang paghahanda sa darating na patimpalak.

Isinulat ni 𝘕𝘢𝘰𝘮𝘪 𝘈𝘮𝘢𝘳𝘰
Larawang kuha nina 𝘞𝘪𝘭𝘭𝘪𝘢𝘯 𝘓𝘦𝘪 𝘛𝘢𝘯𝘨 at 𝘑𝘢𝘮𝘦𝘴 𝘓𝘢𝘨𝘥𝘢𝘢𝘯

18/08/2026

𝐑𝐚𝐟𝐚𝐞𝐥𝐢𝐚𝐧𝐬, 𝐧𝐚𝐠𝐭𝐚𝐠𝐢𝐬𝐚𝐧 𝐬𝐚 𝐋𝐚𝐫𝐨 𝐧𝐠 𝐋𝐚𝐡𝐢

Bilang pakikiisa sa pagdiriwang ng Buwan ng Wikang Pambansa, isinagawa nitong ika-14 ng Agosto 2026 ang Laro ng Lahi na nilahukan ng mga mag-aaral mula sa iba’t ibang antas ng Colegio de San Rafael Arcangel.

Sa kabila ng matinding sikat ng araw at maalinsangang panahon, itinuloy ang iba’t ibang palaro na pinangasiwaan ng mga g**o. Sila rin ang nagbigay ng mga panuto at nagtala ng puntos upang matiyak ang maayos at patas na daloy ng bawat kompetisyon.

Kabilang sa mga larong isinagawa ang hatakang lubid, pokpok palayok, tingga, at patintero na ginanap sa quadrangle ng paaralan. Samantala, isinagawa naman sa isang silid-aralan ang sungka. Sa mga palarong ito, nagtagisan ang mga mag-aaral sa lakas, bilis, diskarte, at koordinasyon.
Naging bahagi rin ng paligsahan ang aktibong pagsuporta ng mga kaklase at g**o mula sa iba’t ibang seksyon na nagbigay ng sigla sa mga kalahok sa bawat laro.

Lumahok sa Laro ng Lahi ang mga mag-aaral mula primarya hanggang sekondarya bilang bahagi ng mga aktibidad para sa Buwan ng Wikang Pambansa. Layunin ng gawain na maitaguyod ang pagpapahalaga sa mga tradisyonal na larong Pilipino at mahikayat ang mga mag-aaral na makilahok sa mga gawaing nagpapalakas ng pagkakaisa at pakikipagkapwa.

Isinulat ni 𝘋𝘢𝘭𝘺𝘯 𝘔𝘢𝘦 𝘉𝘦𝘳𝘨𝘢𝘯𝘵𝘪𝘯
Larawang kuha nina 𝘞𝘪𝘭𝘭𝘪𝘢𝘯 𝘓𝘦𝘪 𝘛𝘢𝘯𝘨, 𝘑𝘢𝘮𝘦𝘴 𝘓𝘢𝘨𝘥𝘢𝘢𝘯, 𝘐𝘷𝘢𝘯 𝘉𝘪𝘭𝘰𝘥𝘰, at 𝘙𝘦𝘢 𝘊𝘰𝘳𝘯𝘦𝘭𝘪𝘰

18/08/2026

𝐓𝐡𝐞 𝐑𝐚𝐩𝐡𝐚𝐞𝐥𝐢𝐚𝐧, 𝐧𝐚𝐠𝐬𝐚𝐠𝐚𝐰𝐚 𝐧𝐠 𝐭𝐞𝐚𝐦-𝐛𝐮𝐢𝐥𝐝𝐢𝐧𝐠 𝐚𝐜𝐭𝐢𝐯𝐢𝐭𝐲

Pinagtibay ng mga miyembro ng The Raphaelian ang kanilang ugnayan at pagtutulungan sa pamamagitan ng isang team-building activity na ginanap sa Central Bicol State University of Agriculture–Agriville nitong Agosto 9, 2026.

Nagsimula ang aktibidad sa pagpaparehistro ng mga kalahok, na sinundan ng maikling pagpapakilala ni Bb. Avegail T. Temporal, School Paper Adviser. Binigyang-diin niya ang kahalagahan ng pagkakaroon ng matibay na samahan at maayos na ugnayan sa pagitan ng mga miyembro.
Hinati ang mga kalahok sa limang pangkat upang makilahok sa serye ng mga larong naglalayong malinang ang kanilang kooperasyon, pagkamalikhain, at pagtutulungan.

Nagsimula ang sesyon sa umaga sa pamamagitan ng sack relay at garter relay na naging panimulang pampasigla ng mga kalahok.

Bukod sa mga laro, nagkaroon din ng pagkakataon ang mga miyembro na magpakitang-gilas sa pag-awit gamit ang karaoke. Naglaan din sila ng oras upang libutin ang lugar at kumuha ng mga larawan habang tinatamasa ang tanawin sa lugar.

Ipinagpatuloy naman sa hapon ang mga aktibidad sa pamamagitan ng Charades, Build a Tower, at Find the Treasure. Ang bawat laro ay nagbigay ng pagkakataon para sa mga miyembro na maipakita ang kanilang kakayahang makipag-usap, makipagtulungan, at palakasin ang kanilang mga ugnayan sa isa't isa.

Kasabay ng team-building activity, isinagawa rin ang halalan para sa mga posisyon ng Editor-in-Chief, Associate Manager, Managing Editor, at Circulation Editor, gayundin para sa mga miyembro ng Editorial Board. Nahalal si King Yuri Felizmenio bilang bagong Editor-in-Chief.

Sa pagtatapos ng gawain, sama-samang nilinis at inayos ng mga miyembro ang venue bago tuluyang umuwi, bilang huling gawain ng kanilang buong araw na pagtutulungan.

Isinulat ni 𝘔𝘢𝘦 𝘎𝘢𝘳𝘪𝘥𝘰
Larawang kuha nina 𝘞𝘪𝘭𝘭𝘪𝘢𝘯 𝘓𝘦𝘪 𝘛𝘢𝘯𝘨, 𝘑𝘢𝘮𝘦𝘴 𝘓𝘢𝘨𝘥𝘢𝘢𝘯 at 𝘐𝘷𝘢𝘯 𝘉𝘦𝘭𝘰𝘥𝘰

18/08/2026

𝐏𝐚𝐧𝐚𝐧𝐚𝐦𝐩𝐚𝐥𝐚𝐭𝐚𝐲𝐚 𝐚𝐭 𝐝𝐢𝐬𝐢𝐩𝐥𝐢𝐧𝐚, 𝐩𝐢𝐧𝐚𝐠𝐭𝐢𝐛𝐚𝐲 𝐬𝐚 𝐁𝐚𝐧𝐚𝐥 𝐧𝐚 𝐌𝐢𝐬𝐚 𝐧𝐠 𝐂𝐒𝐑𝐀

Nagkaisa ang buong komunidad ng Colegio de San Rafael Arcangel sa pagdiriwang ng Banal na Misa noong Agosto 7, 2026, bilang bahagi ng pagpapatibay ng pananampalataya at pagpapahalaga sa Kristiyanong pamumuhay.

Pinangunahan ang banal na pagdiriwang ni Rev. Fr. Juan Pablo Carpio, na nagbahagi ng homiliyang nakatuon sa temang "Home of Discipleship." Binigyang-diin niya na ang mga pagsubok na hinarap ng mga disipulo ni Hesukristo ay hindi upang sila'y pahirapan, kundi upang higit na mahubog ang kanilang pananampalataya, katapatan, at disiplina. Hinikayat din niya ang bawat isa na huwag sumuko sa kabila ng mga hamon sa buhay, sapagkat ang mga disipulo ay naging matatag at disiplinado sa pamamagitan ng kanilang pagsunod at pagsasabuhay ng mga turo ni Hesukristo. Ipinaalala rin niya na ang tunay na disiplina ay nagmumula sa pagsunod sa mga aral ni Hesus.

Dagdag pa niya, ang mga magulang at g**o ay nagsisilbing gabay sa paghubog ng kabataan, ngunit ang Panginoon ang tunay na sandigan sa paglinang ng mabuting asal at pagiging responsableng anak, mag-aaral, at Katoliko.

Bago tuluyang magtapos ang Banal na Misa, isinagawa rin ang koronasyon ng Little St. Maria Goretti at St. John Mary Vianney bilang bahagi ng pagdiriwang ng pananampalataya at debosyon sa mga banal. Binigyang-pugay si St. Maria Goretti bilang huwaran ng kadalisayan, pagpapatawad, at katapangan, habang si St. John Mary Vianney naman ay kinilala bilang patron ng mga pari at huwaran ng panalangin, pagpapakumbaba, at pagtatalaga sa Diyos.

Ayon kay Bb. Andrea Nicole Labios, g**o ng mga bata, nawa’y magsilbing inspirasyon ang buhay ng mga banal upang mahubog ang mga bata sa pananampalataya, pag-ibig, at debosyon sa Diyos.

Sa pagtatapos ng Banal na Misa, hinikayat ang bawat isa na patuloy na isabuhay ang disiplina at pananampalataya bilang tunay na mga disipulo ni Kristo sa loob at labas ng paaralan.

Isinulat ni 𝘗𝘳𝘦𝘤𝘪𝘰𝘶𝘴 𝘠𝘢𝘯𝘯𝘢𝘩 𝘈𝘮𝘱𝘰𝘯𝘨𝘢𝘯
Larawang kuha ni 𝘞𝘪𝘭𝘭𝘪𝘢𝘯 𝘓𝘦𝘪 𝘛𝘢𝘯𝘨

18/08/2026

𝐌𝐮𝐬𝐢𝐤𝐚’𝐭 𝐡𝐢𝐦𝐢𝐠, 𝐭𝐚𝐦𝐩𝐨𝐤 𝐬𝐚 𝐦𝐠𝐚 𝐩𝐚𝐭𝐢𝐦𝐩𝐚𝐥𝐚𝐤 𝐬𝐚 𝐁𝐮𝐰𝐚𝐧 𝐧𝐠 𝐖𝐢𝐤𝐚

Noong ika-3 ng Agosto, binigyang-hudyat ang pagbubukas ng Buwan ng Wika sa Colegio de San Rafael Arcangel (CSRA) na may temang “𝑾𝒊𝒌𝒂𝒏𝒈 𝑭𝒊𝒍𝒊𝒑𝒊𝒏𝒐 𝒂𝒕 𝑨𝑰: 𝑲𝒂𝒔𝒂𝒏𝒈𝒌𝒂𝒑𝒂𝒏 𝒔𝒂 𝑷𝒂𝒏𝒂𝒏𝒂𝒍𝒊𝒌𝒔𝒊𝒌 𝒂𝒕 𝑻𝒖𝒍𝒂𝒚 𝒔𝒂 𝒀𝒂𝒎𝒂𝒏 𝒏𝒈 𝑰𝒎𝒑𝒐𝒓𝒎𝒂𝒔𝒚𝒐𝒏."

Matapos ang matagumpay na pagbubukas ng nasabing pagdiriwang, idinaos nitong Biyernes, ika-7 ng Agosto, ang iba’t ibang patimpalak na sumubok at nagbigay-daan sa paglinang ng kakayahan at talento ng mga mag-aaral.

Pinangasiwaan ng mga miyembro ng kaguruan at mga boluntaryo ang bawat kategorya ng patimpalak upang matiyak ang maayos na daloy ng mga aktibidad sa iba’t ibang antas.

Isa sa mga pinakaaabangang tampok ng pagdiriwang ang paligsahan sa pag-awit na nilahukan ng mga mag-aaral mula sa iba't ibang baitang, gayundin ng mga g**o. Nagbigay-sigla sa programa ang mga solista sa pamamagitan ng kanilang mga natatanging tinig at pagtatanghal. Sinundan ito ng patimpalak sa tambalang mang-aawit na naghatid ng panibagong himig at saya sa mga manonood.

Sa pangwakas na bahagi ng paligsahan, ipinamalas naman ng mga kinatawang g**o mula sa Special Needs Education (SNED), antas ng elementarya, junior high school, at senior high school ang kanilang natatanging talento sa pag-awit. Ang kanilang pagtanghal ay naghatid ng positibong enerhiya at saya sa buong komunidad ng paaralan.

Isinulat ni 𝘌𝘳𝘯𝘦𝘴𝘵 𝘉𝘦𝘳𝘪𝘯𝘢
Larawang kuha nina 𝘒𝘪𝘯𝘨 𝘠𝘶𝘳𝘪 𝘍𝘦𝘭𝘪𝘻𝘮𝘦𝘯𝘪𝘰 𝘢𝘵 𝘑𝘢𝘮𝘦𝘴 𝘓𝘢𝘨𝘥𝘢𝘢𝘯

18/08/2026

𝐓𝐚𝐠𝐢𝐬𝐚𝐧 𝐧𝐠 𝐓𝐚𝐥𝐢𝐧𝐨, 𝐢𝐝𝐢𝐧𝐚𝐨𝐬 𝐛𝐢𝐥𝐚𝐧𝐠 𝐛𝐚𝐡𝐚𝐠𝐢 𝐧𝐠 𝐩𝐚𝐠𝐝𝐢𝐫𝐢𝐰𝐚𝐧𝐠 𝐧𝐠 𝐁𝐮𝐰𝐚𝐧 𝐧𝐠 𝐖𝐢𝐤𝐚 𝟐𝟎𝟐𝟔

Matagumpay na isinagawa ang patimpalak na Tagisan ng Talino ngayong Biyernes, ika-7 ng Agosto 2026, bilang isa sa mga tampok na gawain sa pagdiriwang ng Buwan ng Wika 2026.

Isinagawa ang paligsahan sa ilalim ng temang, "𝑾𝒊𝒌𝒂𝒏𝒈 𝑭𝒊𝒍𝒊𝒑𝒊𝒏𝒐 𝒂𝒕 𝑨𝑰: 𝑲𝒂𝒔𝒂𝒏𝒈𝒌𝒂𝒑𝒂𝒏 𝒔𝒂 𝑷𝒂𝒏𝒂𝒏𝒂𝒍𝒊𝒌𝒔𝒊𝒌 𝒂𝒕 𝑻𝒖𝒍𝒂𝒚 𝒔𝒂 𝒀𝒂𝒎𝒂𝒏 𝒏𝒈 𝑰𝒎𝒑𝒐𝒓𝒎𝒂𝒔𝒚𝒐𝒏," na naglalayong palawakin ang kaalaman ng mga mag-aaral tungkol sa wikang Filipino at sa responsableng paggamit ng artificial intelligence (AI) sa pananaliksik at paghahanap ng impormasyon.
May apat na kategorya ang patimpalak, mula sa Primarya hanggang Senior High School. Lumahok ang mga kinatawan mula sa bawat departamento ng paaralan at nagpaligsahan sa kani-kanilang kategorya sa serye ng mga tanong na sumubok sa kanilang kaalaman sa wikang Filipino, panitikan, gramatika, at iba pang kaugnay na paksa. Ayon sa mga tagapag-organisa, gaganapin ang paggawad ng parangal sa mga magwawagi sa Agosto 14, 2026.

Ang patimpalak ay nagsilbing daan upang higit pang mapalalim ang kaalaman at pagpapahalaga ng mga mag-aaral sa wikang Filipino, kasabay ng pag-unawa sa papel ng artificial intelligence (AI) bilang makabagong kasangkapan sa pananaliksik at pagkalap ng impormasyon.

Isinulat ni 𝘡𝘢𝘪𝘫𝘢𝘯 𝘎𝘰𝘯𝘻𝘢𝘭𝘦𝘴
Mga larawang kuha ni 𝘒𝘪𝘯𝘨 𝘠𝘶𝘳𝘪 𝘍𝘦𝘭𝘪𝘻𝘮𝘦𝘯𝘪𝘰𝘯 𝘢𝘵 𝘑𝘢𝘮𝘦𝘴 𝘓𝘢𝘨𝘥𝘢𝘢𝘯

18/08/2026

𝐒𝐇𝐒 𝐑𝐚𝐩𝐡𝐚𝐞𝐥𝐢𝐚𝐧𝐬, 𝐝𝐮𝐦𝐚𝐥𝐚𝐰 𝐬𝐚 𝐚𝐤𝐥𝐚𝐭𝐚𝐧 𝐧𝐠 𝐂𝐁𝐒𝐔𝐀

Bilang bahagi ng kanilang asignaturang Practical Research 2, nagtungo ang mga mag-aaral ng Grade 12 Senior High School ng Colegio de San Rafael Arcangel (CSRA) sa aklatan ng Central Bicol State University of Agriculture (CBSUA) nitong Agosto 5, 2026. Layunin ng pagbisitang ito na mabigyan ang mga mag-aaral ng pagkakataong magkaroon ng akses sa iba’t ibang literatura at malawak na impormasyong makatutulong sa pagsasagawa ng kanilang pananaliksik.

Pinamunuan nina Bb. Avegail T. Temporal at G. Daryl C. Robrigado, mga g**o sa Practical Research 2, ang nasabing aktibidad na dinaluhan ng mga mag-aaral mula sa iba’t ibang strand tulad ng HUMSS, STEM, ABM, at GAS. Isinagawa ang pagbisita sa aklatan mula 8:30 ng umaga hanggang 5:00 ng hapon.

Nilalayon ng aktibidad na mapalawak ang kaalaman ng mga mag-aaral, partikular sa mga sangguniang pananaliksik, kabilang ang mga lokal at internasyonal na literatura na nagsisilbing batayan ng kanilang pag-aaral.
Ayon sa OIC University Librarian na si G. Geofrey M. Almazar, sinisikap ng aklatan na matiyak na ang bawat panauhin ay makalabas na taglay ang kinakailangang impormasyon at makitang naging kapaki-pakinabang ang kanilang pagbisita sa pagsasagawa ng pananaliksik. “𝑲𝒂𝒊𝒍𝒂𝒏𝒈𝒂𝒏 𝒍𝒂𝒍𝒂𝒃𝒂𝒔 𝒌𝒂 𝒏𝒂 𝒏𝒂𝒌𝒂𝒌𝒖𝒉𝒂 𝒌𝒂 𝒏𝒈 𝒌𝒂𝒊𝒍𝒂𝒏𝒈𝒂𝒏 𝒎𝒐. 𝑳𝒂𝒍𝒂𝒃𝒂𝒔 𝒌𝒂 𝒏𝒂 𝒎𝒂𝒔𝒂𝒚𝒂 𝒌𝒂, 𝒏𝒂𝒌𝒂𝒏𝒈𝒊𝒕𝒊 𝒌𝒂,” pahayag niya.

Sa pagtatapos ng aktibidad, nagkaroon ng pagkakataong makapagkuha ng larawan ang mga mag-aaral mula sa iba’t ibang strand kasama ang mga kawani ng aklatan ng CBSUA bilang paggunita sa isinagawang aktibidad.

Isinulat ni 𝘈𝘭𝘦𝘹𝘢 𝘉𝘢𝘳𝘯𝘶𝘦𝘷𝘰
Mga larawang kuha ni 𝘑𝘢𝘮𝘦𝘴 𝘓𝘢𝘨𝘥𝘢𝘢𝘯

18/08/2026

𝐁𝐮𝐰𝐚𝐧 𝐧𝐠 𝐖𝐢𝐤𝐚 𝟐𝟎𝟐𝟔, 𝐎𝐩𝐢𝐬𝐲𝐚𝐥 𝐧𝐚𝐧𝐠 𝐁𝐢𝐧𝐮𝐤𝐬𝐚𝐧 𝐬𝐚 𝐂𝐒𝐑𝐀
‎
‎Pormal nang binuksan ng Colegio de San Rafael Arcangel (CSRA) ang pagdiriwang ng Buwan ng Wika 2026 ngayong ika-3 ng Agosto, na dinaluhan ng mga administrador, g**o, at mga mag-aaral.
‎
‎Sa ilalim ng temang, “𝑾𝒊𝒌𝒂𝒏𝒈 𝑭𝒊𝒍𝒊𝒑𝒊𝒏𝒐 𝒂𝒕 𝑨𝑰: 𝑲𝒂𝒔𝒂𝒏𝒈𝒌𝒂𝒑𝒂𝒏 𝒔𝒂 𝑷𝒂𝒏𝒂𝒏𝒂𝒍𝒊𝒌𝒔𝒊𝒌 𝒂𝒕 𝑻𝒖𝒍𝒂𝒚 𝒔𝒂 𝒀𝒂𝒎𝒂𝒏 𝒏𝒈 𝑰𝒎𝒑𝒐𝒓𝒎𝒂𝒔𝒚𝒐𝒏,” binigyang-diin ng pagdiriwang ang kahalagahan ng wikang Filipino bilang katuwang ng makabagong teknolohiya sa pagpapalawak ng kaalaman at pananaliksik.
‎
‎Binuksan ang programa sa pamamagitan ng panalangin, pag-awit ng pambansang awit, himno ng paaralan, at panunumpa sa watawat ng Pilipinas. Sinundan ito ng pambungad na pananalita at simbolikong pagbubukas ng pagdiriwang na pinangunahan ng pamunuan ng paaralan bilang opisyal na hudyat ng pagsisimula ng selebrasyon. Naging tampok din ang pampasiglang bilang nina Seven Tatlongmaria, Audrey Tiffany Rimando, Kenn Nathan Dumalaza, at Lorence Dela Rama, na nagbigay ng sigla at kulay sa okasyon.
‎
‎Layunin ng taunang pagdiriwang na patibayin ang pagmamahal at pagpapahalaga sa wikang Filipino bilang susi sa pagkakaisa, pagkakakilanlan, at pag-unlad, maging sa panahon ng artificial intelligence.
‎
‎Inaasahang magpapatuloy ang pagdiriwang sa buong buwan ng Agosto sa pamamagitan ng iba't ibang patimpalak at gawaing pangwika na magpapalalim sa pagpapahalaga ng mga mag-aaral sa wikang Filipino at kulturang Pilipino.

Isinulat ni 𝘡𝘦𝘢𝘯 𝘔𝘢𝘶𝘳𝘦𝘦𝘯 𝘋𝘦𝘭𝘰𝘴 𝘚𝘢𝘯𝘵𝘰𝘴
Larawang kuha nina 𝘐𝘷𝘢𝘯 𝘉𝘦𝘭𝘰𝘥𝘰 𝘢𝘵 𝘙𝘦𝘢 𝘊𝘰𝘳𝘯𝘦𝘭𝘪𝘰

Colegio de San Rafael Arcangel

23/08/2026

22/08/2026

18/08/2026

18/08/2026

18/08/2026

18/08/2026

18/08/2026

18/08/2026

18/08/2026

18/08/2026

Address

Opening Hours

Telephone

Website

Alerts

Shortcuts

Share

Category

Listing takedown request

Monday	8am - 5pm
Tuesday	8am - 5pm
Wednesday	9am - 5pm
Thursday	9am - 5pm
Friday	9am - 5pm