Pambansang Mataas na Paaralan ng Abucay

27/09/2026

DFOT-STEMAzing 2026

Ipinapaabot ng Pambansang Mataas na Paaralan ng Abucay ang taos-pusong pagbati at pagkilala sa ating mga kinatawan na sina Camille V. Periña at Rhianne Catherine M. Gocoyo sa kanilang pakikilahok sa DFOT-STEMAzing 2026 na ginanap sa Gubat National High School.

Sa ilalim ng paggabay ni Gng. Riza N. Añonuevo, buong husay at dedikasyon nilang kinatawan ang ating paaralan sa mga isinagawang gawain noong Setyembre 25, 2026 (Simulation Activity) at Setyembre 26, 2026 (Contest Proper).

Ang inyong pagsisikap, determinasyon, at pagpupursige ay tunay na kapuri-puri at nagsisilbing inspirasyon sa kapwa mag-aaral. Nawa'y magsilbi itong hakbang tungo sa higit pang tagumpay sa larangan ng agham, teknolohiya, inhinyeriya, at matematika.

Muli, binabati namin kayo at ipinagmamalaki ng buong paaralan ang inyong natatanging ambag at representasyon.

18/09/2026

🎊 A new chapter begins! 🎊

Ang buong komunidad ng Pambansang Mataas na Paaralan ng Abucay ay nagdiriwang sa iyong tagumpay. Pagbati, Ma’am Joana Jane A. Mirando, sa iyong promosyon bilang Project Development Officer I!

Patuloy nawa kayong maging huwaran ng mahusay na paglilingkod, malasakit, at dedikasyon sa edukasyon. Isang serbisyong may puso para sa Pambansang Mataas na Paaralan ng Abucay.

18/09/2026

📢 Isang mainit na pagtanggap sa pinakabagong miyembro ng ating Non-Teaching Department!

Malugod naming tinatanggap si Bb. Jenie D. Leyva, ang ating bagong School Counselor Associate I. Nawa’y maging makabuluhan at matagumpay ang iyong paglalakbay kasama ang ating paaralan sa pagsusulong ng kapakanan at paghubog ng ating mga mag-aaral.

✨ Welcome to the family, Ma’am Jenie! We are excited to work and grow with you.

17/09/2026

🌟 Welcome aboard, Ma'am Ailene Mae L. Acuña! 🌟

Buong galak kang tinatanggap ng Pambansang Mataas na Paaralan ng Abucay. Nawa'y maging puno ng tagumpay, inspirasyon, at makabuluhang karanasan ang iyong pananatili sa aming paaralan. Excited na kaming makasama ka sa patuloy na paghubog ng mga mag-aaral tungo sa mas maliwanag na kinabukasan!

💐 Welcome to the Abucay NHS Family! 💐

15/09/2026

📚✨ TERM 2 INSTRUCTIONAL BLOCK 2026 ✨📚

Muling bubuksan ng Pambansang Mataas na Paaralan ng Abucay ang panibagong yugto ng pagkatuto sa pagsisimula ng Term 2 Instructional Block mula Setyembre 16 hanggang Disyembre 4, 2026.

Sa mga mag-aaral, ito ay panibagong pagkakataon upang paunlarin ang inyong kaalaman, kasanayan, at pagpapahalaga sa pamamagitan ng masigasig na pag-aaral at aktibong pakikilahok sa bawat gawain.

Sa ating mga g**o, taos-pusong pasasalamat sa inyong walang sawang dedikasyon, sakripisyo, at pagmamahal sa pagtuturo. Kayo ang nagsisilbing gabay at inspirasyon ng ating mga mag-aaral sa bawat hamon at tagumpay na kanilang tinatahak. Nawa'y maging mabunga at makabuluhan ang bawat araw ng pagtuturo at pagkatuto ngayong termino.

📝 Teacher-Made Summative Tests
• October 7, 2026
• October 29, 2026

🎯 Term 2 Examination
• December 3-4, 2026

Sama-sama nating isulong ang de-kalidad na edukasyon sa pamamagitan ng pagtutulungan ng paaralan, mga g**o, mag-aaral, at mga magulang para sa isang matagumpay na Term 2.

"Bawat aral ay hakbang tungo sa mas maliwanag na kinabukasan."

14/09/2026

🏆🎉 PAGBATI AT PAGPUPUGAY! 🎉🏆

Buong pagmamalaking binabati ng Pambansang Mataas na Paaralan ng Abucay ang ating mga mahuhusay na mag-aaral na matagumpay na nakapagkwalipika para sa Palarong Panlalawigan!

Ang inyong pagsisikap, dedikasyon, disiplina, at pagpupursige sa larangan ng palakasan ay nagbunga ng isang karangalang hindi lamang para sa inyong sarili kundi para rin sa ating paaralan at komunidad. Kayo ay nagsisilbing inspirasyon sa inyong mga kapwa mag-aaral na patuloy na mangarap, magsikap, at magtagumpay.

Kalakip ng tagumpay na ito ang taos-pusong pasasalamat at pagbati sa ating mga tagasanay, g**o, mga tagagabay at sa pamunuan ng paaralan na walang sawang naglaan ng kanilang oras, kaalaman, suporta, at paggabay upang mahasa ang kakayahan ng ating mga atleta. Ang inyong dedikasyon at pagmamalasakit ay naging mahalagang bahagi ng pag-abot ng ating mga mag-aaral sa puntong ito.

Nawa’y magsilbing panibagong hamon at inspirasyon ang tagumpay na ito upang lalo pang pagbutihin ang inyong pagganap at patuloy na dalhin ang dangal ng Abucay NHS sa mas mataas na antas ng kompetisyon.

Laban, Abucay NHS Athletes! Ipagpatuloy ang husay, disiplina, at puso ng isang kampeon! 💙💛🏅

09/09/2026

✨ Pahinga rin ay Mahalaga.

Sa gitna ng ating mga gawain sa paaralan, mahalagang maglaan ng oras upang alagaan ang ating kalusugan at kapakanan.

📅 Wellness Break of Learners: September 10-15, 2026
📅 Wellness Break of Teachers: September 14-15, 2026

Gamitin natin ang pagkakataong ito upang makapagpahinga, makasama ang pamilya, at makapagbalik ng lakas para sa mga susunod na hamon ng pagkatuto.

💙 A healthy learner and a healthy teacher make a stronger school community.

09/09/2026

TINGNAN | Aktibong nakilahok ang mga piling mag-aaral mula Baitang 9 at 10 ng Pambansang Mataas na Paaralan ng Abucay sa GoIT (Go Innovate Together) Program ng Tata Consultancy Services (TCS), sa pakikipagtulungan ng Kagawaran ng Edukasyon. Ang programang ito ay naglalayong higit pang mapaunlad ang kaalaman at kasanayan ng mga mag-aaral sa larangan ng computer science, design thinking, problem-solving, prototyping, at iba pang mahahalagang kompetensiya na kinakailangan sa pagharap sa mga hamon ng ika-21 siglo.

Sa pamamagitan ng makabuluhang gawaing nakatuon sa teknolohiya at inobasyon, nabigyan ang mga kalahok ng pagkakataong makapagbahagi ng mga makabagong ideya at makalikha ng posibleng solusyon sa mga suliraning pang-edukasyon at pangkomunidad.

Ang matagumpay na pakikilahok ng mga mag-aaral ay naisakatuparan sa gabay at suporta nina G. Dennis A. Mataverde, Punong-g**o III, Gng. Riza Añonuevo at Gng. Restituta M. Llamado, na nagsilbing mga tagapayo at tagagabay sa buong proseso ng programa.

Patunay ito ng patuloy na adhikain ng Pambansang Mataas na Paaralan ng Abucay na hubugin ang mga mag-aaral bilang mga responsableng mamamayan, mahusay na tagapag-isip, at mga kabataang handang maging katuwang sa paglikha ng makabago at napapanatiling kinabukasan.

09/09/2026

🎉🏆 Pagbati mula sa Pambansang Mataas na Paaralan ng Abucay! 🏆🎉

Taos-pusong binabati ng Pambansang Mataas na Paaralan ng Abucay ang lahat ng mga kalahok at nagwagi sa ginanap na Municipal Schools Press Conference (MSPC) 2026 noong Setyembre 8, 2026.

Ang inyong dedikasyon, sipag, at natatanging husay sa larangan ng pamamahayag ay nagbigay karangalan hindi lamang sa inyong sarili kundi pati na rin sa ating mahal na paaralan. Ang bawat tagumpay na inyong nakamit ay patunay ng inyong talento, tiyaga, at pagmamahal sa sining ng komunikasyon at pamamahayag.

Isang espesyal na pagbati rin sa ating mga masisipag at mapagkalingang tagasanay na walang sawang gumabay, nagturo, at naglaan ng oras upang mahubog ang kakayahan ng ating mga mag-aaral. Ang inyong dedikasyon at suporta ang naging mahalagang susi sa tagumpay ng ating mga kalahok.

Taos-puso rin kaming nagpapasalamat sa ating mga magulang, mga Opisyal ng SPTA, mga Opsiyal ng Barangay at iba pang mga stakeholder na patuloy na sumusuporta sa mga programa at gawain ng paaralan. Ang inyong tulong, tiwala, at pakikiisa ay nagsisilbing inspirasyon upang magpatuloy tayong magtaguyod ng kahusayan sa edukasyon at pamamahayag.

👏 Mabuhay ang lahat ng kalahok! 🌟 Binabati namin ang mga nagwagi at ang mga mag-aaral na magpapatuloy sa susunod na antas ng kompetisyon. Nawa'y magpatuloy kayong maging huwaran ng galing, integridad, at kahusayan.

Padayon, mga batang mamamahayag! Abucay NHS, ipinagmamalaki kayo! 💙💛

08/09/2026

Ikinagagalak ng Pambansang Mataas na Paaralan ng Abucay ang naging resulta ng PISA 2025 kung saan naging bahagi nito ang ilang piling mag-aaral ng paaralan.

MALINAW ANG PISA 2025 RESULTS: UMANGAT ANG PAGKATUTO! 📈🇵🇭

Ipinapakita ng results ang malinaw na pag-angat sa performance ng ating mga learners—bunga ng malawakang suporta at mga pinaigting na reporma sa edukasyon. 🙌

Patuloy na pagtutuunan ng Kagawaran ang pagpapabuti ng learning outcomes at pagsuporta sa mga g**o at paaralan.

Sama-sama pa nating ipagpapatuloy ang pag-arangkada tungo sa mas mahusay na pagkatuto! 🚀📚