PNHS Ang Biyaya

𝗠𝗮𝗹𝗶𝗴𝗮𝘆𝗮𝗻𝗴 𝗔𝗿𝗮𝘄 𝗻𝗴 𝗞𝗮𝗹𝗮𝘆𝗮𝗮𝗻, 𝗣𝗶𝗹𝗶𝗽𝗶𝗻𝗮𝘀!

Sa paggunita ng ika-128 Araw ng Kalayaan ng Pilipinas, nagtipon ang mga opisyal ng pamahalaan, mga beterano, at iba’t ibang sektor ng komunidad upang gunitain ang makasaysayang tagumpay ng bansa tungo sa kalayaan sa Plaza Libertad, Iloilo City, Hunyo 12, 2026.

Sa temang “Kalayaan, Kinabukasan, Kasaysayan,” binigyang-diin sa pagdiriwang ang kahalagahan ng pagkakaisa, pagmamahal sa bayan, at sama-samang pagkilos tungo sa mas maunlad na kinabukasan.

_______________________________
📸: Suzzy Regua & Kabataan sa Kartilya ng Katipunan- Iloilo
✍️: Kylhen Angela Caras

"Only he is truly a patriot who, whatever his post, high or low, tries to do the greatest possible good to his countrymen."
— Apolinario Mabini

Sa paggunita ng ika-128 na Araw ng Kalayaan, muli nating alalahanin ang mga bayaning nag-alay ng kanilang buhay upang makamit ang kalayaang ating tinatamasa ngayon. Nawa'y magsilbi itong paalala na ang pagmamahal sa bayan ay naipapakita sa pamamagitan ng ating mga gawa, gaano man kaliit o kalaki ang ating papel sa lipunan, sapagkat ang pagdiriwang na ito ay higit pa sa paggunita sa nakaraan.

Patuloy nating iwagayway ang ating watawat nang may dangal at pagmamahal sa bayan!

Maligayang Araw ng Kalayaan! 🇵🇭

____________________________________
🖼️: Auie Abogadil
✍️: Thaviya Aika Sorongon

𝗧𝗜𝗡𝗚𝗡𝗔𝗡 | Nakiisa sa Bayanihang Bulilit 2026 ng Tigum Child Development Center ang mga piling mag-aaral ng Special Program in Journalism (SPJ) ng Pavia National High School (PNHS) kasama ang kanilang program head na si Cheno Pollan noong Hunyo 4.

Katuwang ni G. Pollan ang mga mag-aaral na sina Max Joules Villaruel, Mary Cheerful Himatay, Makayla Cabrera, at Ninya Marie Hisanan, gayundin ang dating patnugot ng Ang Biyaya na si Edizza Legada, sa pagsasagawa ng mga gawaing boluntaryo tulad ng paglilinis ng center at pag-aayos ng mga kagamitang pampaaralan bilang paghahanda sa pagbubukas ng School Year 2026–2027.

PHOTOS | Makayla Cabrera

[ BALITA ] 𝗣𝗔𝗙𝗦𝗠𝗣𝗖, 𝗻𝗮𝗴𝗯𝗶𝗴𝗮𝘆 𝗻𝗴 𝗺𝗲𝗱𝗶𝗰𝗮𝗹 𝘀𝘂𝗽𝗽𝗹𝗶𝗲𝘀 𝘀𝗮 𝗣𝗡𝗛𝗦 𝗯𝗶𝗹𝗮𝗻𝗴 𝘀𝘂𝗽𝗼𝗿𝘁𝗮 𝘀𝗮 𝗕𝗿𝗶𝗴𝗮𝗱𝗮 𝗘𝘀𝗸𝘄𝗲𝗹𝗮 ‘𝟮𝟲

Namahagi ng mga kagamitang medikal at mga gamot ang Pavia Administrator, Faculty and Staff Multipurpose Cooperative (PAFSMPC) sa Pavia National High School (PNHS) bilang suporta sa pagsasagawa ng Brigada Eskwela 2026 at paghahanda ng paaralan para sa pagbubukas ng School Year 2026–2027.

Kabilang sa mga ipinagkaloob ng kooperatiba ang sampung (10) kahon ng medicine kits na naglalaman ng mga karaniwang gamot tulad ng paracetamol, Symdex, Cetirizine, at Diatabs. Kasama rin sa donasyon ang pulse oximeter, thermometer, gauze pads, surgical tape, cotton balls, triangular bandage, Betadine, at band-aids para sa agarang pagtugon sa mga simpleng emerhensiyang medikal.

Nagbigay rin ang PAFSMPC ng labindalawang (12) bote ng alcohol sprayer at anim (6) na galon ng alcohol na gagamitin sa lahat ng biometrics sites ng paaralan upang mapanatili ang kalinisan at makatulong sa pag-iwas sa pagkalat ng sakit.

Bukod dito, kabilang din sa mga ipinamahagi ang isang tray para sa mga salamin at isang organizer tray para sa wound care supplies at heating pads upang maging mas maayos ang pag-iimbak at paggamit ng mga kagamitang pangkalusugan.

Ayon sa pamunuan ng paaralan, malaking tulong ang donasyon sa kaligtasan at kapakanan ng lahat at patunay ng patuloy na pakikiisa ng PAFSMPC sa PNHS para sa ligtas na pagbubukas ng klase.

PHOTO | Elaine Grace Hilaos

𝗧𝗜𝗡𝗚𝗡𝗔𝗡 | Tumanggap ng donasyon na mga audio equipment ang MAPEH Department ng Pavia National High School (PNHS) nitong Hunyo 1 sa pagsisimula ng Brigada Eskwela 2026 mula sa Special Science Class at Regular Class Alumni bilang suporta sa pagpapabuti ng pagtuturo at iba’t ibang gawaing pampaaralan.

Kabilang sa mga ipinagkaloob na kagamitan ang isang (1) lavalier microphone, isang (1) handheld microphone, at walong speakers na inaasahang makatutulong sa mas epektibong paghahatid ng mga aralin, lalo na sa mga malalaking klase, gayundin sa mga presentasyon, pagtatanghal, at iba pang aktibidad ng paaralan.

Ang mga nagbigay ng donasyon ay sina Fairylyn Guillem-Plameras, Phoebe Jusa, Novie de la Cruz, Michael Zamora, Ellen Solis, Ma. Luz Bernaldez, Ian Jimenea, Silvestre Diones, Cherryl Diones, at Catherine Lim.

PHOTOS | Nyghela Jover

[BALITA] 𝗔𝗹𝘂𝗺𝗻𝗶, 𝗻𝗮𝗴-𝗮𝗺𝗯𝗮𝗴 𝗻𝗴 𝗮𝘂𝗱𝗶𝗼 𝗲𝗾𝘂𝗶𝗽𝗺𝗲𝗻𝘁
𝗽𝗮𝗿𝗮 𝗽𝗮𝗹𝗮𝗸𝗮𝘀𝗶𝗻 𝗮𝗻𝗴 𝗽𝗮𝗴𝘁𝘂𝘁𝘂𝗿𝗼 𝘀𝗮 𝗣𝗡𝗛𝗦

Tumanggap ng donasyon na mga audio equipment ang MAPEH Department ng Pavia National High School (PNHS) nitong Hunyo 1 sa pagsisimula ng Brigada Eskwela 2026 mula sa Special Science Class at Regular Class Alumni bilang suporta sa pagpapabuti ng pagtuturo at iba’t ibang gawaing pampaaralan.

Kabilang sa mga ipinagkaloob na kagamitan ang isang (1) lavalier microphone, isang (1) handheld microphone, at walong speakers na inaasahang makatutulong sa mas epektibong paghahatid ng mga aralin, lalo na sa mga malalaking klase, gayundin sa mga presentasyon, pagtatanghal, at iba pang aktibidad ng paaralan.

Ang mga nagbigay ng donasyon ay sina Fairylyn Guillem-Plameras, Phoebe Jusa, Novie de la Cruz, Michael Zamora, Ellen Solis, Ma. Luz Bernaldez, Ian Jimenea, Silvestre Diones, Cherryl Diones, at Catherine Lim.

Naging posible ang naturang donasyon sa pangunguna ni Bb. Mary Joy Callanga ng MAPEH Department, na nagsilbing tulay upang maabot ang mga alumni na patuloy na nagpapakita ng suporta at pagmamahal sa PNHS.

Ayon kay Bb. Callanga, ang donasyon ay bahagi ng kanyang hangaring mag-iwan ng makabuluhang ambag sa paaralan habang siya ay naghahanda sa pagreretiro.

“This is my last gift before ko mag-retire para may mabilin nga gamit for the good of the teachers and students,” ani Callanga.

Dagdag pa niya, ang kanyang pagmamahal sa edukasyon at paglilingkod ang naging inspirasyon upang hikayatin ang mga alumni na magbahagi ng kanilang biyaya para sa kapakinabangan ng mga g**o at mag-aaral ng PNHS.

ARTIKULO & LARAWAN | Nyghela Jover

𝗧𝗜𝗡𝗚𝗡𝗔𝗡 | Sa diwa ng bayanihan, opisyal na sinimulan ng Pavia National High School ang Brigada Eskwela 2026 ngayong Hunyo 1 sa pamamagitan ng isang pambungad na palatuntunan, kasabay ng sama-samang pagkilos ng mga g**o, magulang, mag-aaral, alumni, at iba’t ibang katuwang sa komunidad upang ihanda ang paaralan para sa pagbubukas ng SY 2026-2027.

Alinsunod sa DepEd Memorandum No. 027, s. 2026, isinasagawa ngayong taon ang Brigada Eskwela sa temang “Bayanihan sa Paaralan: Nagkakaisa para sa Kaayusan at Kaalaman.”

Photos | Cian Mars Sampelo, Auie Jann Abogadil & Paulo Arabia