Nagpayong High School Supreme Secondary Learner Government

𝗠𝗮𝗹𝗶𝗴𝗮𝘆𝗮𝗻𝗴 𝗞𝗮𝗮𝗿𝗮𝘄𝗮𝗻 𝘀𝗮 𝗢𝗹𝗹𝗲𝗧𝗔𝗚𝗔𝗕𝗢𝗦𝗘𝗦 𝗻𝗴 𝗮𝘁𝗶𝗻𝗴 𝗺𝗴𝗮 𝗵𝗶𝗻𝗮𝗶𝗻𝗴!

Huli man, ngunit isang maligayang pagbati mula sa Supreme Secondary Learner Government para sa aming maaasahang Grade 12 Representative, Madison Kimberly Nicole S. Olleta!

Bagama't huli na, nais pa rin naming ipaabot ang aming pagbati sa iyong kaarawan. Maraming salamat sa iyong kahandaang maglingkod at maging bahagi ng SSLG. Patuloy mong ipamalas ang iyong husay at malasakit sa pamamagitan ng paglilingkod at pagiging huwaran sa iyong mga kapuwa mag-aaral.

Muli, isang mainit na pagbati ng maligayang kaarawan! Nawa'y patuloy kang pagpalain ng mabuting kalusugan, kaligayahan, at tagumpay.

Noong ika-12 ng Hunyo, 1898, buong pagmamalaking idineklara ng mga Pilipino ang kalayaan ng Pilipinas mula sa pananakop ng mga Espanyol na tumagal ng 333 taon. Ito ay isang mahalagang yugto sa ating kasaysayan na sumasalamin sa katapangan, pagkakaisa, at pagmamahal sa bayan na ipinamalas ng ating mga ninuno.

Sa pagdiriwang ng ika-128 na Araw ng Kalayaan, ating ginugunita ang mga sakripisyo ng mga bayaning nag-alay ng kanilang buhay upang makamit ang kalayaang ating tinatamasa ngayon. Nawa'y magsilbi itong paalala na pahalagahan ang ating kasaysayan, ipagmalaki ang ating pagkakakilanlan, at patuloy na gampanan ang ating tungkulin bilang mga responsableng mamamayang Pilipino.

𝙈𝙖𝙡𝙞𝙜𝙖𝙮𝙖𝙣𝙜 𝘼𝙧𝙖𝙬 𝙣𝙜 𝙆𝙖𝙡𝙖𝙮𝙖𝙖𝙣, 𝙋𝙞𝙡𝙞𝙥𝙞𝙣𝙖𝙨!🇵🇭

𝗡𝗮𝗴𝗽𝗮𝘆𝗼𝗻𝗴 𝗛𝗦 𝘁𝘂𝗻𝗴𝗼 𝘀𝗮 𝗖𝗵𝗶𝗹𝗱-𝗳𝗿𝗶𝗲𝗻𝗱𝗹𝘆 𝘀𝗽𝗮𝗰𝗲!

Ang bawat mag-aaral ay may karapatan, kabilang na rito ang pagkakaroon ng isang ligtas, maayos, at mapagkalingang kapaligiran. Gayunpaman, marami pa ring kabataan ang nakararanas ng iba't ibang anyo ng pambubulas o pambubully sa loob at labas ng paaralan na maaaring makaapekto sa kanilang pag-aaral, kalusugang pangkaisipan, at tiwala sa sarili.

Ang mga impormasyong ito ay naglalayong palawakin ang kamalayan ng bawat mag-aaral tungkol sa pambubulas sa pamamagitan ng mga datos, batas, at mga patakarang nagbibigay-proteksyon sa kanilang mga karapatan at kapakanan. Higit sa lahat, nais naming ipaabot sa mga nakararanas ng pambubulas na may mga taong handang makinig, umunawa, at tumulong sa kanila.

Maging bahagi ng pagbabago. Maging bahagi ng solusyon. Sama-sama nating wakasan ang pambubulas.

✍🏻: Angelica Joyce S. Filosopo | SSLG G12 Representative
🖼️: Alexandra Janis M. Tanotan | SSLG President
🎨: Rouxan Jacobb Gannaban, Christian Gonzales | VISAC

‎𝗡𝗔𝗚𝗣𝗔𝗬𝗢𝗡𝗚 𝗦𝗔𝗟𝗨𝗕𝗢𝗡𝗚 | 𝙁𝙄𝙍𝙎𝙏 𝘿𝘼𝙔 𝙃𝙄𝙂𝙃! 💫
‎
Sa pagsisimula ng Taong Panuruan 2026-2027, buong siglang sinalubong ng Supreme Secondary Learner Government (SSLG) kasama ang iba't ibang Learner-led Clubs and Organizations ng Nagpayong High School ang mga mag-aaral sa kanilang unang araw ng pagbabalik-eskwela.
‎
‎Sa pamamagitan ng pagbibigay ng mga token tulad ng ballpens, candies, at mga flyers ay ipinadama ng mga organisasyon ang mainit na pagtanggap sa bawat Umbrellian na muling tatahak ng panibagong yugto sa kanilang pag-aaral.
‎
‎𝗦𝗮 𝗯𝗮𝘄𝗮𝘁 𝗽𝗮𝗴𝗯𝗮𝘁𝗶, 𝗺𝗮𝘆 𝗽𝗮𝗴𝘁𝗮𝗻𝗴𝗴𝗮𝗽.
‎
‎Higit pa sa mga token na ipinamahagi ang iniwan ng Nagpayong Salubong sa bawat mag-aaral, ginawa nitong mas magaan, mas masaya, at mas makabuluhan ang unang araw ng klase sa Bagong Taong Panuruan 2026-2027.
‎
‎Maligayang pagdating at maligayang pagbabalik sa Nagpayong High School, Umbrellians! Panibagong taon, panibagong pagkakataon. 🏫

✍🏻: Madison Kimberly Nicole S. Olleta | G12 Representative
🖼️: Alexandra Janis M. Tanotan | SSLG President

𝙋𝘼𝙍𝘼 𝙎𝘼 𝙆𝘼𝘼𝙔𝙐𝙎𝘼𝙉, 𝙆𝘼𝘼𝙇𝘼𝙈𝘼𝙉, 𝘼𝙏 𝙆𝘼𝘽𝘼𝙏𝘼𝘼𝙉!

Ngayong Hunyo 8, 2026, kasabay ng pagbubukas ng panibagong panuruang taon 2026–2027, muling ipinamalas ng Eastern Police District (EPD) ang kanilang suporta at malasakit sa mga mag-aaral ng Nagpayong High School sa pamamagitan ng kanilang Adopt-A-Student Program.

Bukod sa pamamahagi ng mga kagamitang pampaaralan, nagbahagi rin ang mga opisyal ng EPD ng mahahalagang kaalaman at mga salitang nagbibigay-inspirasyon upang higit pang pagbutihin ng mga mag-aaral ang kanilang pag-aaral at patuloy na magsikap tungo sa kanilang mga pangarap.

Lubos na nagpapasalamat ang Supreme Secondary Learner Government ng Nagpayong High School sa Eastern Police District para sa kanilang patuloy na suporta, malasakit, at dedikasyon sa kapakanan at kinabukasan ng bawat Umbrellian.

Tunay ngang sinabi ni Anne Frank, “No one has ever become poor by giving.” Nawa'y patuloy pang dumami ang mga kabataang mabibigyan ninyo ng pagkakataon, inspirasyon, at pag-asang maabot ang kanilang mga pangarap. Maraming salamat, Eastern Police District, sa pagiging katuwang sa paghubog ng mas maliwanag na kinabukasan para sa kabataan.

✍🏻: Angelica Joyce S. Filosopo | SSLG Grade 12 Representative
🖼️: Alexandra Janis M. Tanotan | SSLG President

‎𝗨𝗡𝗔𝗡𝗚 𝗣𝗔𝗚𝗧𝗔𝗧𝗔𝗔𝗦 𝗡𝗚 𝗪𝗔𝗧𝗔𝗪𝗔𝗧 𝗦𝗔 𝗧𝗔𝗢𝗡𝗚 𝗣𝗔𝗡𝗨𝗥𝗨𝗔𝗡 𝟮𝟬𝟮𝟲–𝟮𝟬𝟮𝟳 🇵🇭
‎
‎Ngayong ika-8 ng Hunyo 2026, sa unang araw ng klase, pinangunahan ng Supreme Secondary Learner Government kasama ng mga tagapamahala, g**o, kawani, at mga mag-aaral ng paaralan ang matagumpay na pagsasagawa ng Nagpayong High School Flag Ceremony sa Taong Panuruang 2026-2027. Ang seremonya ay ang marka ng panibagong simula —bagong yugto ng pagkatuto, pagkakaisa at pagiging responsableng mag-aaral.
‎
‎Higit pa sa pagtataas ng watawat, ang seremonya ay ang unang pagtitipon na nagpapaalala na ang bawat simula ay isa ring pagkakataon upang umunlad at maging mas mabuting bersyon ng ating mga sarili.
‎
‎Mula sa Supreme Secondary Learner Government (SSLG) malugod naming binabati ang bawat mag-aaral sa pagsisimula ng panibagong taon. Nawa'y maging mas produktibo at puno ng kulay ang Taong Panuruan 2026-2027!
‎
‎Maligayang pagbabalik, Umbrellians! 💙☂️

✍🏻: Madison Kimberly Nicole S. Olleta | SSLG Grade 12 Representative
🖼️: Alexandra Janis M. Tanotan | SSLG President

Magandang araw!
Narito ang regular schedule ng ating mga learners mula sa Junior High School para sa lunes, June 8, 2026.

Tandaan ang mga sumusunod:
1. 5:30AM every Monday ang Flag Raising Ceremony
2. 1PM ang Assembly Time ng ating Grade 7 learners sa June 8, 2026
3. Asahan ang pagbabago ng oras ng pasok o uwian ng mga learners na nasa ARAL program (soon)
4. Ang ating learners na nasa modular/Open HS category ay sa June 15, 2026 ang tentative first day of classes.

𝟭 𝗧𝗨𝗟𝗢𝗚 𝗡𝗔 𝗟𝗔𝗡𝗚 𝗕𝗔𝗚𝗢 𝗔𝗡𝗚 𝗕𝗔𝗟𝗜𝗞-𝗘𝗦𝗞𝗪𝗘𝗟𝗔!

Bukas na ang unang araw ng klase! Ngayong huling araw ng ating countdown, hindi lang ang mga kuwaderno, ballpen, at bag ang dapat nating ihanda. Higit sa lahat, panahon na upang ihanda ang ating puso at isipan para sa mga bagong kaalaman, kwento, at pangarap na ating sasalubungin sa panibagong taon ng pag-aaral.

Huwag nang magpatumpik-tumpik pa. Ayusin na ang mga gamit, matulog nang maaga nang may ngiti, at magbaon ng positibong pananaw para sa ating pagbabalik.

𝙎𝙚𝙚 𝙮𝙤𝙪 𝙩𝙤𝙢𝙤𝙧𝙧𝙤𝙬, 𝙐𝙢𝙗𝙧𝙚𝙡𝙡𝙞𝙖𝙣𝙨!

🎨✍🏻: Tolosa, Rayjan | SSLG P.I.O
Illustration: Rouxan Jacobb Gannaban | VISAC