https://www.facebook.com/116749534840917/

Ang MATA, Pasay City, Pasay City (2026)

31/07/2026

Pasay City LGU Ceremonial Turn Over, ginanap sa PCNHS

Nakatanggap ng mga kagamitang pang-edukasyon ang mga mag-aaral ng Pasay City North High School (PCNHS) mula sa Pamahalaang Lungsod ng Pasay sa isinagawang Ceremonial Turnover na may temang,”United in Service, Committed in Every Pasayeño Learners” noong Hulyo 31 sa Conference Room ng paaralan.

Dinaluhan ang programa ng mga opisyal ng lokal na pamahalaan, mga administrador ng paaralan, mga g**o, at mga piling mag-aaral bilang bahagi ng patuloy na pagsuporta ng lungsod sa sektor ng edukasyon.

Binuksan ang programa sa pag-awit ng pambansang awit, panalangin, at Himno ng Pasay sa pamamagitan ng audio-visual presentation (AVP), na sinundan ng pambungad na mensahe ni G. Michael C. Artoza, punongg**o ng PCNHS.

Nagbigay rin ng mensahe si Konsehal Luigi Calixto Rubiano, tagapangulo ng Committee on Education ng Ikalawang Distrito ng Pasay, sa pamamagitan ng kaniyang kinatawan. Ipinarating din ang mensahe ni Mayor Imelda “Emi” Calixto-Rubiano sa pamamagitan ni dating Konsehal Joey Calixto.

Pinangunahan ni dating Konsehal Joey Calixto ang seremonyal na turnover at pamamahagi ng mga kagamitang pang-edukasyon na inaasahang makatutulong sa pagkatuto ng mga mag-aaral.

Samantala, binigyang-diin ni G. Mark Niño H. Avelino, FEA President, sa kaniyang pangwakas na mensahe ang kahalagahan ng patuloy na pakikipagtulungan ng lokal na pamahalaan at ng paaralan upang higit na masuportahan ang pag-aaral at kinabukasan ng kabataan.

✍🏻Marc Jensen Rilloraza

31/07/2026

ARAL Program Parents' Orientation, Matagumpay na Idinaos sa PCNHS

Matagumpay na isinagawa ng Pasay City North High School (PCNHS) ang ARAL Program Parents' Orientation noong Hulyo 31, 2026, mula 1:00 hanggang 2:00 ng hapon. Dinaluhan ito ng mga magulang, tagapangalaga, at piling mag-aaral bilang paghahanda sa pagpapatupad ng Academic Recovery and Accessible Learning (ARAL) Program.

Binuksan ang programa sa pag-awit ng Pambansang Awit ng Pilipinas, sinundan ng panalangin at pag-awit ng Pasay City Hymn.

Nagbigay naman ng pambungad na mensahe si Ginoong Michael Artoza, punongg**o ng PCNHS, kung saan binigyang-diin niya ang kahalagahan ng pakikiisa ng mga magulang sa pagpapatupad ng programa upang higit na masuportahan ang pagkatuto ng mga mag-aaral.

Ipinaliwanag sa oryentasyon ang layunin ng Academic Recovery and Accessible Learning (ARAL) Program, na naglalayong mapalakas ang kasanayan ng mga mag-aaral sa pagbasa, pag-unawa, at iba pang pangunahing kasanayang akademiko.

Tinalakay rin ni Ginang Francia Nuñez, Officer-in-charge, English, ang iskedyul ng programa, mahahalagang impormasyon, at ang mga gampanin ng mga magulang at mag-aaral upang masig**o ang matagumpay na implementasyon ng programa.

Narito ang iskedyul ng ARAL Program sa bawat baitang:

Baitang 7 at 9: 12:30 N.N. – 1:10 N.H.
Baitang 8 at 10: 11:20 N.U. – 12:10 N.N.

Sa pagtatapos ng programa, nagbigay ng pangwakas na mensahe si Ginang Raquel Beraña, g**o sa English, at nagpahayag ng pasasalamat sa mga dumalo para sa kanilang pakikiisa, at suporta sa mga programa ng paaralan.

Patuloy na hinihikayat ng Pasay City North High School ang aktibong pakikilahok ng mga magulang at tagapangalaga upang higit na mapaunlad ang kasanayan sa pagbasa, pag-unawa, at pangkalahatang pagganap sa akademiko ng bawat mag-aaral sa pamamagitan ng ARAL Program.

✍🏻: Carl Steven Bangcaya

23/07/2026

BETHANY BAPTIST CHURCH, NAGSAGAWA NG ANTI-DRUG PREVENTION SESSION SA PCNHS

Nagsagawa ang Bethany Baptist Church ng Anti-Drug Prevention Session para sa mga mag-aaral ng Pasay City North High School (PCNHS) sa Audio Visual Room (AVR) noong Hulyo 23, 2026, mula 10:30 ng umaga hanggang 12:00 ng tanghali.

Layunin ng programa na palakasin ang kamalayan ng mga mag-aaral laban sa paggamit ng ilegal na droga sa pamamagitan ng pagbibigay-diin sa kahalagahan ng pananampalataya, wastong pagpapasya, disiplina sa sarili, at pagpili ng mabubuting kaibigan.

Ayon sa tagapagsalita ng Bethany Baptist Church, "True success is not achieved by keeping rules, but by maintaining a right relationship with God and others. When we love God and treat others with kindness and respect, we experience the kind of success that truly matters. Encouraging us to do what is right, we can resist the temptation of drugs and choose a life of hope with purpose."

Nagbahagi rin si Austin ng mensahe tungkol sa pagpapatawad at pag-asa. Aniya, "In Jesus, I can have freedom and forgiveness. No matter what we have done, Jesus is always ready to forgive us. Through Him, we can be free from sin and start a new life with hope and peace."

Bilang bahagi ng programa, namahagi ang Bethany Baptist Church ng tig-iisang Bibliya sa mga mag-aaral na dumalo sa talakayan upang hikayatin silang higit na mapalalim ang kanilang pananampalataya.

Ibinahagi rin ni Austin ang talata sa Psalm 1:1, na nagsasabing, "Blessed is the man that walketh not in the counsel of the ungodly, nor standeth in the way of sinners, nor sitteth in the seat of the scornful." Dagdag pa niya, "My friend will affect my future," bilang paalala sa kahalagahan ng pagpili ng mabubuting kaibigan.

Sa pagtatapos ng programa, nagpasalamat ang Bethany Baptist Church sa mga mag-aaral ng PCNHS sa kanilang pakikilahok at pakikinig sa isinagawang talakayan. Namahagi rin ang samahan ng pagkain at inumin sa mga dumalo.

✍🏻: Carl Steven Bangcaya

27/06/2026

FLAG RETIREMENT, MATAGUMPAY NA ISINAGAWA SA PASAY CITY NORTH HIGH SCHOOL–MDC

"𝘼𝙣𝙜 𝙙𝙖𝙣𝙜𝙖𝙡 𝙣𝙜 𝙗𝙖𝙣𝙨𝙖 𝙖𝙮 𝙢𝙖𝙠𝙞𝙠𝙞𝙩𝙖 𝙨𝙖 𝙥𝙖𝙜𝙜𝙖𝙡𝙖𝙣𝙜 𝙣𝙜 𝙢𝙖𝙢𝙖𝙢𝙖𝙮𝙖𝙣 𝙨𝙖 𝙠𝙖𝙣𝙞𝙡𝙖𝙣𝙜 𝙗𝙖𝙣𝙙𝙞𝙡𝙖."

Matagumpay na isinagawa ng Pasay City North High School–MDC ang seremonya ng Flag Retirement noong Hunyo 27, 2026, bilang paggalang sa mga lumang watawat ng Pilipinas na hindi na maaaring gamitin. Dinaluhan ang programa ng mga kinatawan ng Boy Scouts of the Philippines, Girls Scouts of the Philippines, mga g**o, School Parent-Teacher Association (SPTA), at iba't ibang organisasyon ng paaralan.

Sinimulan ang programa sa pamamagitan ng panalangin na pinangunahan ni Scout Dominic Calintz Dela Cruz, na sinundan ng pambungad na pananalita ni School Principal I at Scout Leader Michael Artoza. Sa kanyang mensahe, binigyang-diin niya ang kahalagahan ng paggalang at wastong pangangalaga sa pambansang watawat bilang sagisag ng kalayaan at pagkakaisa ng bansa.

Kasunod nito ang pagbigkas ng tulang "Ang Aking Bandila" ni Cirio H. Panganiban sa pangunguna ni Scout Nick Vito Cruz. Ipinaliwanag din ni Scout June Paolo Falcon ang kahalagahan at wastong pagpapahalaga sa Watawat ng Pilipinas. Pagkatapos nito ay sabay-sabay na isinambit ng mga dumalo ang Panunumpa sa Watawat ng Pilipinas bilang pagpapakita ng paggalang at katapatan sa bansa.

Isinagawa rin ang pormal na seremonya ng pagsusunog ng mga lumang watawat alinsunod sa itinakdang pamamaraan. Pinangunahan ni Gng. Jessica P. Peralta, g**o sa Filipino, ang pangangalap ng abo ng mga watawat na isinunod na inihatid sa hantungan.

Bilang huling bahagi ng programa, nag-alay ng bulaklak ang mga kalahok bilang simbolo ng paggalang at pagmamahal sa bayan habang sabay-sabay na inawit ang "Ako ay Pilipino."

Nagtapos ang programa sa pangwakas na pananalita ni Adrie Felex, tagapagdaloy ng programa, na nagpahayag ng pasasalamat sa lahat ng nakiisa at tumulong sa matagumpay na pagsasagawa ng seremonya.

✍️: Carl Steven Bangcaya

24/06/2026

𝓢𝓽𝓪𝓽𝓮 𝓸𝓯 𝓽𝓱𝓮 𝓢𝓬𝓱𝓸𝓸𝓵 𝓐𝓭𝓭𝓻𝓮𝓼𝓼 (𝓢𝓞𝓢𝓐) 𝓪𝓽 𝓞𝓪𝓽𝓱-𝓣𝓪𝓴𝓲𝓷𝓰 𝓒𝓮𝓻𝓮𝓶𝓸𝓷𝔂, 𝓜𝓪𝓽𝓪𝓰𝓾𝓶𝓹𝓪𝔂 𝓷𝓪 𝓘𝓭𝓲𝓷𝓪𝓸𝓼

Matagumpay na isinagawa ang State of the School Address (SOSA) at Panunumpa sa Katungkulan ng mga bagong halal na opisyales ng mga pampaaralang organisasyon noong ika-24 ng Hunyo, 2026 alas-11:00 ng umaga sa Audio-Visual Room (AVR) ng paaralan.

Pinangunahan ni Bb. Ronalyn C. Dingcong, tagapagdaloy ng programa, ang pagbubukas ng palatuntunan sa pamamagitan ng pag-awit ng Lupang Hinirang. Sinundan ito ng panalangin, pag-awit ng Bagong Pilipinas Hymn, at Himno ng Pasay sa pamamagitan ng visual presentation.

Nagbigay ng pambungad na mensahe si Bb. Virginia J. Mondero, Kawaksing Punongg**o, at malugod na tinanggap ang mga g**o, magulang, at mag-aaral na dumalo sa programa.

Sa kanyang State of the School Address, ibinahagi ni G. Michael C. Artoza, Punongg**o, ang mga naging tagumpay at proyekto ng paaralan sa nakaraang panuruan. Kinilala rin niya ang mahahalagang kontribusyon ng dating Punongg**o na si Gng. Grace B. Torres. Ayon kay Artoza, patuloy niyang pagbubutihin ang pamamahala upang higit pang mapaunlad ang paaralan at mapakinabangan ng buong komunidad nito.

Nagbigay rin ng mensahe si Mayor Imelda Calixto-Rubiano sa pamamagitan ng video presentation bilang pagbati sa pagsisimula ng taong panuruan. Samantala, naghatid naman ng mensahe ang kinatawan ng tanggapan ni Konsehal Luigi Calixto-Rubiano ng Ikalawang Distrito para batiin ang mga bagong halal na opisyales ng iba't ibang organisasyon ng Pasay City North High School (PCNHS).

Nagbigay rin ng inspirasyonal na mensahe si Gng. Evelyn R. Ramos, Public Schools District Supervisor (PSDS) ng Cluster 10. Hinikayat niya ang mga bagong halal na opisyal at iba pang kasapi ng paaralan na pairalin ang pagkakaisa, dedikasyon, at pananagutan sa pagtupad ng kanilang mga tungkulin.

Nagtapos ang programa sa pangwakas na pananalita ni G. Mark Niño H. Avelino, Faculty President. Nagpahayag siya ng pasasalamat sa mga panauhing pandangal, opisyal ng paaralan, mga g**o, non-teaching personnel, magulang, at mga mag-aaral na nakiisa sa programa. Binigyang-diin niya na ang panunumpa ay hindi lamang isang pormalidad kundi isang pangakong dapat isabuhay ng mga nahalal sa pamamagitan ng tapat na paglilingkod, paninindigan, at pananagutan.

✍️ Marc Jensen
📸Chenelle Diogracias

18/06/2026

Nationwide Simultaneous Earthquake Drill, Isinagawa sa PCNHS

PASAY CITY — Nakiisa ang Pasay City North High School (PCNHS) sa isinagawang 2nd Quarter Nationwide Simultaneous Earthquake Drill (NSED) ngayong ika-18 ng Hunyo 2026, alas-9:00 ng umaga, bilang bahagi ng paghahanda ng paaralan sa mga posibleng sakunang dulot ng lindol.

Layunin ng earthquake drill na mapalakas at mapahusay ang kahandaan ng mga mag-aaral, g**o, at kawani ng paaralan sa oras ng sakuna. Bahagi ito ng programa ng Disaster Risk Reduction and Management (DRRM) ng Department of Education (DepEd) na naglalayong bumuo ng ligtas, handa, at matatag na kapaligiran sa pag-aaral.

Pinangunahan nina Gng. Ethel Donessa, SDRRM Coordinator, at G. Michael Artoza, School Principal, ang mga gawain at paalala ukol sa wastong paghahanda at pagtugon sa oras ng lindol. Katuwang ang mga g**o at mga opisyal ng iba't ibang club sa paggabay sa mga mag-aaral upang matiyak ang maayos at organisadong pagsasagawa ng drill.

Sa isinagawang pagsasanay, sinunod ng mga kalahok ang mga itinakdang hakbang sa paglikas at pag-iingat upang masubukan ang kahandaan ng paaralan sa gitna ng sakuna.

Bilang pagtatapos, nagpasalamat si Gng. Donessa sa mga kasapi ng Brigada Eskwela Response Team (BERT) at Rover Scouts para sa kanilang aktibong pakikilahok at mahalagang papel sa pangangasiwa ng mga silid-aralan at iba pang bahagi ng paaralan sa oras ng drill.

📝Marc Jensen
📸Marc Jensen

08/06/2026

𝙱𝙰𝙻𝙸𝙺 𝙴𝚂𝙺𝚆𝙴𝙻𝙰 2026: 𝙼𝙰𝙰𝚈𝙾𝚂 𝙽𝙰 𝚂𝙸𝙽𝙸𝙼𝚄𝙻𝙰𝙽 𝚂𝙰 𝙿𝙲𝙽𝙷𝚂

Masiglang sinalubong ang pagbubukas ng pagbabalik klase ng mga mag-aaral para sa School Year 2026-2027 ngayon ika-8 ng Hunyo, 2026 sa Pasay City North High School, tiniyak ng paaralan ang mga pasilidad at silid-aralan na ligtas at handa para sa pagdating ng mga mag-aaral ngayong Balik Eskwela 2026.

Dinaluhan ng mga g**o, magulang, estudyante, at iba pang kawani ng paaralan ang pagbabalik eskwela na binigyang pansin ang seguridad ng paaralan kasama ang kapulisan ng Pasay City Police Station Sub-station 4, SSLG, Barangay Officials, SPTA at mga puno ng kagawaran sa iba't ibang departamento.

Sa unang araw ng klase, maagang dumating ang mga mag-aaral at g**o upang makiisa sa Flag Ceremony na opisyal na pagsisimula ng panibagong taon ng pag-aaral.

Sa tulong-tulong at sama-samang pagkilos ng buong mamayan para sa paaralan, inaasahan ang matagumpay at produktibong taon ng 2026-2027.

✍️ Carl Bangcaya

30/03/2026

SENIOR HIGH SCHOOL 9th COMMENCEMENT EXERCISES 2026

Isinagawa ang ika-9 Commencement Exercise ng Pasay City North High School noong ika-25 ng Marso, 2026 na ginanap sa Cuneta Astrodome, Pasay City. Sa temang "Filipino Graduates: Prepared to Lead with Competence and Character".

Sinimulan ang seremonya sa pamamagitan ng prosesyonal ng mga panauhin, g**o at mga mag-aaral na nagsipagtapos. Kasunod ang pag-awit ng Lupang Hinirang, sinundan ng Panalangin na pinangunahan ni Bobby F. Sobrete, May Mataas na Karangalan, 12 - HUMSS, na sinundan ng pag-awit ng Bagong Pilipinas Hymn at Pasay March.

Nagbigay ng Pambungad na Pananalita si Donna Jane L. Gapuz, May Mataas na Karangalan, 12 - ABM, sinundan ng pagpapakilala sa mga nagsipagtapos at pagpapatunay ng pagtupad sa mga kahingian sa pagtatapos na pinangunahan ni Gng. Grace B. Torres, Principal II at pagpapatibay sa mag-aaral ng senior high school ni Gng. Evelyn R. Ramos, Public Schools District Supervisor, Cluster 10.

Sinundan ng pagkakaloob ng diploma kasabay ng parangal sa mga natatanging mag-aaral na nagkamit ng karangalan.

Ipinahayag ni G. Sonny Angara, DepEd Secretary, ang kaniyang Mensahe sa pamamagitan ng audio-visual presentation. Ipinakilala naman ng punongg**o ang mga matataas na opisyal ng Pasay, at nagbigay ng mensahe sina Hon. Imelda Calixto-Rubiano, Alkalde ng Pasay, at Hon. Antonino G. Calixto, Kinatawan ng lungsod.

Ibinahagi ni Agatha Mae S. Mendoza, May Pinakamataas na Karangalan, 12 - ABM, ang kaniyang Pananalitang Inspirasyunal:
"Hindi mahalaga kung may medal ka ngayon o wala. The true honor are measured by how people act when he fails and how he succeed even if he’d lose. Ang mahalaga ay ang pagpili mong bumangon nung akala mo ay talo ka na. Your diploma is not just a piece of paper; it is a testament that you survived your own storms. Your pace is yours alone, and you are exactly where you need to be.”

Kasunod ng pormal na programa ay ang pagsambit ng Panunumpa ng mga Nagsipagtapos na pinangunahan ni Jerome B. Dipalac, May Mataas na Karangalan, 12-HE2 at sinundan ng Message of Gratitude ni Precious Jadrielle E. Cruz, May Pinakamataas na Karangalan, 12-ABM.

Sa pagpapatuloy ng seremonya, sabay-sabay na inawit ang kanilang Graduation Song na pinamagatang RISE ni Bell Mariano, pagkatapos ay inawit ang Pasay City Hymn.

Matagumpay na isinara sa pamamagitan ng recessional na pinangunahan ng Pasay City North High School Boy Scouts.

Ang tagumpay ng bawat mag-aaral ay magsisilbing hakbang tungo sa kanilang kaunlaran at hinaharap.

30/03/2026

Ika-11 Completion Rights ng Pasay City North High School, Isinagawa

Isinagawa ang ika-11 Completion Rites ng Pasay City North High School noong ika-25 ng Marso 2026 sa Cuneta Astrodome sa Pasay City. Ang naturang seremonya ay dinaluhan ng mga mag-aaral, g**o, magulang, at panauhing pandangal bilang paggunita sa isang mahalagang yugto ng akademikong paglalakbay ng mga nagsipagtapos.

Nagsimula ang programa sa pag-awit ng Lupang Hinirang, na sinundan ng panalangin na pinangunahan ni Vivienne Artemis E. Esparagoza ng 10-Rizal, may Mataas na Karangalan. Kaagad itong sinundan ng pag-awit ng Bagong Pilipinas at Himno ng Pasay na pinangunahan ni Gng. Mary Jane C. Octaviano, g**o sa MAPEH. Nagbigay ng pambungad na pananalita si Cryslyn Pereyras ng 10-Rizal, may Mataas na Karangalan, na naglatag ng diwa ng pagtitipon at pagbibigay-pugay sa mga nagtapos na mag-aaral.

Sumunod ang presentasyon at pagkumpirma ng mga mag-aaral na nagsipagtapos na pinangunahan nina Gng. Grace B. Torres, Principal II. Pagkatapos, pormal na iginawad sa mga mag-aaral ang sertipiko at medalya bilang simbolo ng tagumpay at pagpupunyagi.

Ang bawat parangal ay nagsilbing paalala ng kanilang sakripisyo at determinasyon upang makamit ang kanilang mga layunin. Ang seremonya ay nagsilbing opisyal na pagkilala sa kanilang pag-usad mula sa isang antas patungo sa susunod na yugto ng kanilang edukasyon.

Kasunod nito, nagbigay ng makabuluhang mensahe sina Hon. Imelda Calixto-Rubiano, Alkalde ng Lungsod ng Pasay at Hon. Antonio G. Calixto, Lone District Representative ng Pasay kung saan hinikayat ang mga mag-aaral na ipagpatuloy ang kanilang mga pangarap at gamitin ang kanilang natutunan bilang sandata sa pagharap sa hamon ng buhay.

Bilang pagtatapos, sabay-sabay na inawit ng mga mag-aaral ang kanilang moving up song at ang Pasay Alma Mater Hymn, na nagbigay ng emosyonal at makabuluhang pagtatapos sa programa. Sinundan ito ng pasasalamat na pananalita na pinangunahan ni Marc Jensen C. Rilloraza ng 10-Rizal, may Mataas na Karangalan, na nag-iwan ng mensahe ng pasasalamat at inspirasyon para sa kapwa mag-aaral, g**o, at mga magulang.

Isang makabuluhang pagdiriwang ng sipag, tiyaga, at pagkakaisa—isang pagpupugay sa mga nagsipagtapos na handa nang harapin ang panibagong kabanata ng kanilang buhay.

16/02/2026

"Magsulat, mag-ulat at magmulat"
Sa malayang pamamahayag naisasatinig ang katotohanang magsulat, mag-ulat at magmulat ng mga pangyayari sa lipunan.

Bisitahin ang opisyal na pahayagan ng Pasay City North High School. I-click ang link na ito
https://heyzine.com/flip-book/155872735f.html

Ang MATA

31/07/2026

31/07/2026

23/07/2026

27/06/2026

24/06/2026

18/06/2026

08/06/2026

30/03/2026

30/03/2026

16/02/2026

Address

Website

Alerts

Shortcuts

Share

Category

Listing takedown request