22/03/2026
Manga Hukoman o Kaphuwasae ko N'm gawii ko shawwal
1. Antonaa e Hukoman iyan?
✔️Sunnah, knaba palyogat. Maana a mbalasan kawn opama ko itonaynka, go knaba kawn siksaan o mibagak ka.
2. Antonaa e balas iyan?
✔️Lagid o kyaphowasan ka so tnday o saragon, amay ka kapamuwasaan raks o Bolan a Ramadan.
3. Antonaa e dalil iyan?
✔️Pitharo o Nabi صلى الله عليه وسلم:
(من صام رمضان ثم أتبعه ستاً من شوال كان كصيام الدهر.)
Sadn sa pamuwasaan iyan so Ramadhan, oriyan iyan na pakatonogn niyanon a phuwasaan niyan so n'm a gawii ko shawwal, na lagid o kyaphowasaan iyan so tnday o saragon.
4. Antonaa e kap'phoon akn mamuwasa?
✔️Siiko phakatondog a gawii ko Eidl Fitr na kapakay dn a mamuwasa ka.
5. Ba kailangan na makathonotonog so gawii niyan?
✔️Knaba kailangan. Apea knaba thonotonog.
6. Ba kailangan a makapamayad ako daan ko dakn kaphuwasae ko Ramadan, o kapakay a unaan akn daan a giya a n'm a gawii ko shawwal?
✔️Adn a gominiraw ko manga Ulama tano a Da Mushkila o onaan niyan so n'm gawii ko shawwal na gobo skaniyan mamayad, sabap sa malayat bo so oras ko kapamayad.
Go adn mambo a inimpidan iyanon a kailangan na makapamayad daan go bo panolod sa n'm gawii a shawwal, sa dikapakay oba onae adi so bayadan.
7. Ino kapakay a timoon akn so puwasa a akn n'm gawii ko shawwal ago so kaphamayad akn sa isa a niyat?
✔️Di kapakay ka so n'm gawii a shawwal na sunnah, na so kapamayad na palyogat.
8. Ino kapakay a timoon akn so puwasa akn a n'm gawii ko shawwal go puwasa ko isnin ago khamis sa isa a niyat?
✔️Oae kapakay, sa dowa a balas kawn إن شاء الله
✍AbuIshāq Isa L. Ibrahim
