300728-BNHS-Araling Panlipunan

🇵🇭ㅤ𝐌𝐀𝐆𝐀𝐍𝐃𝐀𝐍𝐆 𝐁𝐔𝐇𝐀𝐘, 𝐁𝐔𝐍𝐒𝐔𝐑𝐀𝐍𝐈𝐀𝐍𝐒 ❕

𝐀𝐋𝐀𝐌 𝐌𝐎 𝐁𝐀? Bago pa dumating ang mga Espanyol noong ika-16 na siglo, mayroon nang sariling sistema ng pagsulat ang mga sinaunang Pilipino na tinatawag na Baybayin. Isa itong sinaunang alpabeto na ginagamit sa pagsusulat ng mga liham, tula, kasunduan, at iba pang mahahalagang tala.

Sa panahon ng Himagsikang Pilipino, may mga Katipunero ring gumamit ng Baybayin sa ilang lihim na sulat at mensahe. Bagama't hindi ito ang pangunahing sistema ng komunikasyon ng Katipunan, nakatulong ito sa ilang pagkakataon upang hindi agad maunawaan ng mga mananakop ang nilalaman ng kanilang mga mensahe. Ang Baybayin ay isanh mahalagang bahagi ng kulturang Pilipino at simbolo ng mayamang kasaysayan at pagkakakilanlan ng ating bansa.

🇵🇭ㅤ𝐌𝐀𝐆𝐀𝐍𝐃𝐀𝐍𝐆 𝐁𝐔𝐇𝐀𝐘, 𝐁𝐔𝐍𝐒𝐔𝐑𝐀𝐍𝐈𝐀𝐍𝐒 ❕

𝐀𝐋𝐀𝐌 𝐌𝐎 𝐁𝐀? Ang Rosetta Stone ang naging susi sa pagbasa ng sinaunang Egyptian hieroglyphs. Natuklasan ito noong 1799 sa Egypt at naglalaman ng iisang mensahe na nakasulat sa tatlong magkaibang sistema ng pagsulat, hieroglyphic, Demotic, at sinaunang Griyego.

Dahil nababasa na noon ang wikang Griyego, unti-unting naunawaan ng mga iskolar ang kahulugan ng mga hieroglyph. Dahil dito, mas marami pang impormasyon tungkol sa sinaunang kabihasnang Egyptian ang natuklasan at naipreserba hanggang sa kasalukuyan.

🇵🇭ㅤ𝐌𝐀𝐆𝐀𝐍𝐃𝐀𝐍𝐆 𝐁𝐔𝐇𝐀𝐘, 𝐁𝐔𝐍𝐒𝐔𝐑𝐀𝐍𝐈𝐀𝐍𝐒 ❕

𝐀𝐋𝐀𝐌 𝐌𝐎 𝐁𝐀? Ang Intramuros ay tinatawag na '“Walled City” o “Napapaderang Lungsod”, ang pinakamatandang distrito at sentro ng kasaysayan sa lungsod ng Maynila. Noong panahon ng mga Kastila ay itinuturing ang lugar na ito bilang lungsod ng Maynila.

Mga Espanyol ang nagpatayo nito sa pamumuno ni Miguel Lopez de Legaspi. Ito ang simbolo ng diskreminasyon noon, halos walang sinumang Indio (Pilipino) ang pwedeng pumasok sa Intramuros at maaari lamang makapasok dito ay mga Espanyol (Peninsulares) at Insulares (mga purong Espanyol na ipinanganak sa Pilipinas) lamang.

🇵🇭ㅤ𝐌𝐀𝐆𝐀𝐍𝐃𝐀𝐍𝐆 𝐁𝐔𝐇𝐀𝐘, 𝐁𝐔𝐍𝐒𝐔𝐑𝐀𝐍𝐈𝐀𝐍𝐒 ❕

𝐀𝐋𝐀𝐌 𝐌𝐎 𝐁𝐀? Ang Great Emu War sa Australia noong 1932 ay isa sa mga pinakakakaibang pangyayari sa kasaysayan. Matapos ang Unang Digmaang Pandaigdig, libo-libong emu ang sumalakay sa mga taniman ng mga beteranong magsasaka sa Western Australia. Dahil sa laki ng pinsala, nagpadala ang pamahalaan ng mga sundalo na may dalang machine gun upang kontrolin ang mga ibon.

Sa kabila ng kanilang modernong sandata, nabigo ang operasyon dahil mabilis, kalat-kalat, at mahirap hulihin ang mga emu. Sa huli, mas maraming emu ang nakaligtas kaysa sa inaasahan, kaya't tinawag ng marami ang pangyayaring ito bilang isang "digmaang" tila ang mga emu ang nagwagi. Hanggang ngayon, nananatili itong isa sa mga pinakanatatanging kabanata sa kasaysayan ng Australia at nagpapakita na hindi lahat ng laban ay natatapos ayon sa plano.

Pagbati sa isang butihing g**o at sa iyong kahusayan sa pagtupad sa tungkulin bilang AP coordinator.Ikinagagalak namin ang iyong dedikasyon na patuloy na nagpapatatag ng departamento.

Maligayang kaarawan po Ma'am Madel Martin 🥰💕🎂

Hangad po namin ang masaya,ligtas, at malusog na pangangatawan.Nawa'y patuloy po kayong pagkalooban ng mahabang buhay,masaganang biyaya, at higit pang tagumpay sa inyong mahusay na pamumuno at pagtuturo.😘

Maligayang kaarawan po muli!

🇵🇭ㅤ𝐌𝐀𝐆𝐀𝐍𝐃𝐀𝐍𝐆 𝐁𝐔𝐇𝐀𝐘, 𝐁𝐔𝐍𝐒𝐔𝐑𝐀𝐍𝐈𝐀𝐍𝐒 ❕

𝐀𝐋𝐀𝐌 𝐌𝐎 𝐁𝐀? Ang Anglo-Zanzibar War noong Agosto 27, 1896 ay tinaguriang “the shortest war in history” dahil tumagal lamang ito ng humigit-kumulang 38 hanggang 45 minuto. Nagsimula ito nang mamatay ang pro-British Sultan Hamad bin Thuwaini at agad na nagdeklara si Khalid bin Barghash bilang bagong sultan nang walang pahintulot ng Britanya. Nagbigay ng ultimatum ang mga Ingles na umalis siya sa palasyo, ngunit nang tumanggi, agad na nagsimula ang pambobomba ng Royal Navy.

Bagama’t maikli, ang digmaan ay nagpatibay sa kontrol ng Britanya sa Zanzibar at nagbigay-daan sa mas mahigpit na pagpapatupad ng mga patakaran laban sa kalakalan ng alipin. Ang insidente ay nagsilbing malinaw na halimbawa ng kapangyarihan ng Britanya sa panahon ng Scramble for Africa at ng kahinaan ng lokal na pamumuno sa harap ng imperyalismo.

🇵🇭ㅤ𝐌𝐀𝐆𝐀𝐍𝐃𝐀𝐍𝐆 𝐁𝐔𝐇𝐀𝐘, 𝐁𝐔𝐍𝐒𝐔𝐑𝐀𝐍𝐈𝐀𝐍𝐒 ❕

𝐀𝐋𝐀𝐌 𝐌𝐎 𝐁𝐀? Ang Lupang Hinirang ay orihinal na nasa wikang Espanyol (Filipinas), bago isinalin sa Tagalog noong 1940s. Naging opisyal na pambansang awit ito noong 1956. Ang musika ay nilikha ng kompositor na si Julian Felipe noong 1898, habang ito ay isinulat ng makata na si Jose Palma noong 1899.

Sa panahon ng pananakop ng mga Amerikano, lumitaw ang mga bersyong Ingles gaya ng “Land of the Morning” at “Beloved Land,” na siyang ginagamit sa mga paaralan at opisyal na seremonya. Sa kalaunan, sa pamamagitan ng Republic Act No. 8491 o Flag and Heraldic Code of the Philippines noong 1998, itinakda na ang pambansang awit ay dapat awitin lamang sa wikang Filipino, sa tamang tempo, at gamit ang opisyal na liriko.

🇵🇭ㅤ𝐌𝐀𝐆𝐀𝐍𝐃𝐀𝐍𝐆 𝐁𝐔𝐇𝐀𝐘, 𝐁𝐔𝐍𝐒𝐔𝐑𝐀𝐍𝐈𝐀𝐍𝐒 ❕

𝐀𝐋𝐀𝐌 𝐌𝐎 𝐁𝐀? Noong Hulyo 3, 1892, itinatag ng ating pambansang bayani na si Dr. José P. Rizal ang La Liga Filipina sa Ilaya Street, Tondo, Maynila. Layunin ng samahan na pag-isahin ang mga Pilipino, isulong ang mapayapang reporma, paunlarin ang edukasyon, hikayatin ang pagtutulungan sa kalakalan at agrikultura, at ipagtanggol ang mamamayan laban sa pang-aabuso ng pamahalaang kolonyal ng Espanya.

Tatlong araw lamang matapos itong maitatag, noong Hulyo 6, 1892, inaresto at ipinatapon si Dr. José P. Rizal sa Dapitan. Dahil dito, humina ang samahan, ngunit hindi nawala ang impluwensya nito. Ang mga layunin at adhikain ng La Liga Filipina ay nagbigay-inspirasyon sa ilang kasapi, kabilang si Andrés Bonifacio, na kalaunan ay nagtatag ng Kataas-taasan, Kagalang-galangang Katipunan ng mga Anak ng Bayan (K.K.K) upang ipaglaban ang kalayaan ng Pilipinas sa pamamagitan ng rebolusyon.

📣 MAGANDANG BUHAY, BUNSURANIANS! ❗

Handa na ba kayong makilala ang mga magiging haligi ng Araling Panlipunan Club para sa School Year 2026–2027? Dahil narito na sila! ✨

Kilalanin ang mga pinunong handang manguna, maglingkod, at magsilbing inspirasyon sa bawat Bunsuranians. Mga lider na may integridad, paninindigan sa tama, at dedikasyong itaguyod ang kapakanan ng ating paaralan. 🏫

📌 Narito ang mga napiling Officers na maglingkod sa ating Club:

CLUB ADVISER: Mrs. Annabele B. Mostoles

PRESIDENT: Julia Pascual

VICE PRESIDENT: Althea Destura

SECRETARY: Chloe Denise Pascual

TREASURER: Charles Jester De Castro

AUDITOR: Zyrene Moraña

EVENTS CHAIRMAN I: Joseph Capiyoc

EVENTS CHAIRMAN II: Tristan Manuel Rivera

WEBMASTER I: Trixie Ann Vibora Mercader

WEBMASTER II: Steph Tabangay

COMMUNICATION CHAIR I: Josant Sagun

COMMUNICATION CHAIR II: Lizbeth Ocampo

✨ Naririto naman ang mga nahalal na kinatawan ng bawat pangkat:

GRADE 7 REPRESENTATIVE: Meizsha Ignacio

GRADE 8 REPRESENTATIVE: Rejman Jane Pico

GRADE 9 REPRESENTATIVE: Jessie James Baliza

GRADE 10 REPRESENTATIVE: Dionne Colin Batulan

“Leadership is not about being in charge. It is about taking care of those in your charge.” 🤍🌟
- Simon Sinek.

Sama-sama nating salubungin at suportahan ang bagong hanay ng mga opisyal ng Araling Panlipunan Club 2026–2027!

🖼️: ALTHEA DESTURA (VICE PRESIDENT)
JOSEPH CAPIYOC (EVENTS CHAIRPERSON 1)

🖊️: LIZBETH OCAMPO(COMMUNICATION CHAIRPERSON 2)
JOSANT SAGUN (COMMUNICATION CHAIRPERSON 1)

𝑰𝒔𝒂𝒏𝒈 𝑷𝒂𝒈𝒑𝒖𝒑𝒖𝒈𝒂𝒚 𝒔𝒂 𝑻𝒂𝒑𝒂𝒕 𝒏𝒂 𝑷𝒂𝒈𝒍𝒊𝒍𝒊𝒏𝒈𝒌𝒐𝒅!

Sa loob ng 21 taon ng tapat na paglilingkod bilang g**o ng Araling Panlipunan, naging katuwang ka sa paghubog ng mga mag-aaral tungo sa pagiging makabayan, responsable at may pagpapahalaga sa kasaysayan.

Sa iyong pagreretiro, taos-puso naming ipinapaabot ang aming pasasalamat at pagpupugay sa iyong makabuluhang ambag sa larangan ng edukasyon.

Maraming salamat sa 21 taong tapat na paglilingkod. Nawa'y pagpalain pa ng Poong Maykapal ang bagong yugto ng iyong buhay na puno ng mabuting kalusugan, kapayapaan, at kagalakan.

𝓜𝓪𝓵𝓲𝓰𝓪𝔂𝓪𝓷𝓰 𝓟𝓪𝓰𝓻𝓮𝓻𝓮𝓽𝓲𝓻𝓸, 𝓜𝓪'𝓪𝓶 𝓜𝓮𝓵 ✨