Bicol State College of Applied Sciences and Technology

Ang buong komunidad ng BISCAST ay nakikiisa sa paggunita sa buhay at sakripisyo ni Benigno "Ninoy" S. Aquino Jr., na patuloy na nagpapaalala sa atin ng halaga ng tapang, paninindigan, at pagmamahal sa bayan.

Nawa’y magsilbi itong inspirasyon upang patuloy tayong mag-aral, maglingkod, at kumilos nang may integridad para sa kapwa at sa bansa.

𝗠𝗮𝘀 𝗠𝗮𝗮𝗹𝗶𝘄𝗮𝗹𝗮𝘀 𝗻𝗮 𝗕𝗜𝗦𝗖𝗔𝗦𝗧 𝗟𝗥𝗩 𝗦𝘁𝘂𝗱𝗲𝗻𝘁 𝗣𝗮𝘃𝗶𝗹𝗶𝗼𝗻: 𝗗𝗮𝗹𝗮𝘄𝗮𝗻𝗴 𝗞𝗮𝗿𝗮𝗴𝗱𝗮𝗴𝗮𝗻𝗴 𝗜𝗻𝗱𝘂𝘀𝘁𝗿𝗶𝗮𝗹 𝗖𝗲𝗶𝗹𝗶𝗻𝗴 𝗙𝗮𝗻𝘀, 𝗜𝗸𝗶𝗻𝗮𝗯𝗶𝘁

Bilang bahagi ng patuloy na pagsisikap ng Bicol State College of Applied Sciences and Technology (BISCAST) na mapabuti ang mga pasilidad at mapahusay ang karanasan ng mga mag-aaral at stakeholders, dalawang (2) karagdagang industrial ceiling fans ang inilagay sa BISCAST LRV Student Pavilion upang dagdagan ang bentilasyon at gawing mas komportable ang paggamit sa nasabing pasilidad.

Sa ilalim ng pamumuno ni SUC President II Prof. Charlie P. Nacario, PhD, patuloy na binibigyang-prayoridad ng BISCAST ang pagpapaunlad ng mga pasilidad na tumutugon sa pang-araw-araw na pangangailangan ng komunidad ng Kolehiyo. Ang karagdagang industrial ceiling fans ay inaasahang makatutulong sa mas maayos na sirkulasyon ng hangin, lalo na sa panahon ng mga aktibidad, programa, pagtitipon, at iba pang gawain na ginaganap sa Student Pavilion.

Ang LRV Student Pavilion ay mahalagang espasyo para sa mga mag-aaral, faculty, personnel, bisita, at iba pang stakeholders ng BISCAST. Sa pamamagitan ng pagpapahusay sa bentilasyon nito, layunin ng Kolehiyo na makalikha ng mas maaliwalas, komportable, at student-friendly na learning and engagement space.

Ang simpleng dagdag-pasilidad na ito ay bahagi ng mas malawak na hangarin ng BISCAST na patuloy na pangalagaan ang kapakanan at kaginhawaan ng mga gumagamit ng mga pasilidad nito. Ipinakikita rin nito ang patuloy na pagtutok ng administrasyon sa mga konkretong improvement na direktang nakatutulong sa campus experience ng BISCAST community.

Sa patuloy na pagpapaunlad ng kampus, nananatiling nakatuon ang BISCAST sa pagbibigay ng mga pasilidad na mas maaliwalas, mas episyente, at mas angkop sa pangangailangan ng mga mag-aaral at stakeholders.

𝗕𝗲𝘁𝘁𝗲𝗿, 𝗯𝗿𝗶𝗴𝗵𝘁𝗲𝗿, 𝗯𝗼𝘂𝗻𝗱𝗹𝗲𝘀𝘀 𝗕𝗜𝗦𝗖𝗔𝗦𝗧!

𝗔𝗦𝗧𝗘𝗔𝗡 𝗣𝗥𝗜𝗗𝗘! 𝗧𝗔𝗧𝗔𝗞 𝗔𝗦𝗧𝗘𝗔𝗡!

𝗕𝗜𝗦𝗖𝗔𝗦𝗧, 𝗜𝗣𝗜𝗡𝗔𝗚𝗠𝗔𝗠𝗔𝗟𝗔𝗞𝗜 𝗔𝗡𝗚 𝟭𝟮 𝗕𝗔𝗚𝗢𝗡𝗚 𝗟𝗜𝗦𝗘𝗡𝗦𝗬𝗔𝗗𝗢𝗡𝗚 𝗙𝗢𝗢𝗗 𝗧𝗘𝗖𝗛𝗡𝗢𝗟𝗢𝗚𝗜𝗦𝗧𝗦

Taos-pusong pagbati ng Bicol State College of Applied Sciences and Technology (BISCAST) sa ating 12 bagong lisensyadong Food Technologists na matagumpay na nalampasan ang August 2026 Food Technologist Licensure Examination (FTLE)!

Lalong ipinagmamalaki ng BISCAST ang natatanging tagumpay ni Patricia Mae Almen, PFT, na nagtamo ng RANK 9 SA BUONG BANSA!

Sa ilalim ng pamumuno ng SUC President II Prof. Charlie P. Nacario, ang tagumpay na ito ay patunay ng patuloy na pagsusulong ng BISCAST sa kahusayan, kalidad ng edukasyon, at paghahanda sa mga ASTean upang maging mahusay at kompetitibong propesyonal.

MALUGOD NA BINABATI ANG ATING MGA BAGONG FOOD TECHNOLOGISTS:

𝗣𝗮𝘁𝗿𝗶𝗰𝗶𝗮 𝗠𝗮𝗲 𝗔𝗹𝗺𝗲𝗻 — 𝗥𝗔𝗡𝗞 𝟵 𝗡𝗔𝗧𝗜𝗢𝗡𝗪𝗜𝗗𝗘
𝗠𝗮𝗿𝗶𝘃𝗶 𝗘𝗻𝗰𝗶𝗻𝗮𝘀
𝗔𝗻𝗴𝗲𝗹𝗲𝗻𝗲 𝗖𝗮𝗿𝗶𝗹𝗹𝗼
𝗔𝘂𝗱𝗿𝗲𝘆 𝗗𝗲 𝗹𝗼𝘀 𝗥𝗲𝘆𝗲𝘀
𝗝𝗼𝗵𝗻 𝗥𝗼𝗺𝗲𝗹𝗹 𝗦𝗲𝗺𝗶𝗳𝗿𝗮𝗻𝗶𝗮
𝗔𝗯𝗲𝗴𝗮𝗶𝗹 𝗕𝗮𝗹𝗮𝗴𝘂𝗲𝗿
𝗝𝘂𝘀𝘁𝗶𝗻 𝗥𝗲𝗶 𝗚𝗼𝗻𝘇𝗮𝗴𝗮
𝗠𝗲𝗰𝘆 𝗥𝗲𝗹𝗹𝗲𝘃𝗲
𝗙𝗿𝗮𝗻𝗰𝗶𝘀 𝗗𝗲𝗮𝗻 𝗧𝗿𝗶𝗹𝗹𝗮𝗻𝗲𝘀
𝗧𝗲𝗿𝗲𝘀𝗲 𝗕𝗲𝗹𝘁𝗿𝗮𝗻𝗼
𝗖𝗵𝗿𝗶𝘀𝘁𝗶𝗮𝗻 𝗦𝗮𝗻𝘁𝗶𝗮𝗻𝗼
𝗡𝗶ñ𝗮 𝗔𝗻𝗱𝗿𝗲𝗹𝘆𝗻 𝗨𝘆𝗷𝗶𝗼𝗰𝗼

PAGGANAP NG BISCAST SA AUGUST 2026 FTLE
First-Timers: 11 sa 16 — 68.75%
Repeaters: 1 sa 2 — 50.00%
Kabuuang Passing Rate: 66.67%

Ang inyong tagumpay ay bunga ng sipag, tiyaga, dedikasyon, walang-sawang paghahanda, at mga gabing inilaan sa pag-aaral. Higit sa lahat, ito ay patunay na ang pagsusumikap ng isang ASTean ay may magandang patutunguhan.

Mga bagong Professional Food Technologists, dalhin ninyo ang inyong kaalaman, husay, at malasakit sa inyong paglilingkod sa bayan. Patuloy ninyong itaguyod ang kalidad, kaligtasan, at inobasyon sa larangan ng Food Technology.

𝗕𝗲𝘁𝘁𝗲𝗿, 𝗯𝗿𝗶𝗴𝗵𝘁𝗲𝗿, 𝗯𝗼𝘂𝗻𝗱𝗹𝗲𝘀𝘀 𝗕𝗜𝗦𝗖𝗔𝗦𝗧!

𝗔𝗦𝗧𝗘𝗔𝗡 𝗣𝗥𝗜𝗗𝗘! 𝗧𝗔𝗧𝗔𝗞 𝗔𝗦𝗧𝗘𝗔𝗡!

𝗕𝗜𝗦𝗖𝗔𝗦𝗧 𝗚𝗥𝗔𝗗𝗨𝗔𝗧𝗘, 𝗧𝗢𝗣 𝟵 𝗦𝗔 𝗕𝗨𝗢𝗡𝗚 𝗕𝗔𝗡𝗦𝗔 𝗦𝗔 𝗔𝗨𝗚𝗨𝗦𝗧 𝟮𝟬𝟮𝟲 𝗙𝗢𝗢𝗗 𝗧𝗘𝗖𝗛𝗡𝗢𝗟𝗢𝗚𝗜𝗦𝗧 𝗟𝗜𝗖𝗘𝗡𝗦𝗨𝗥𝗘 𝗘𝗫𝗔𝗠𝗜𝗡𝗔𝗧𝗜𝗢𝗡!

Taos-pusong pagbati ng Bicol State College of Applied Sciences and Technology (BISCAST) kay 𝐏𝐚𝐭𝐫𝐢𝐜𝐢𝐚 𝐌𝐚𝐞 𝐀𝐥𝐦𝐞𝐧, 𝐏𝐅𝐓, sa kanyang kahanga-hangang pagkamit ng RANK 9 SA BUONG BANSA sa August 2026 Food Technologist Licensure Examination (FTLE)!

Sa ilalim ng pamumuno ng SUC President II Prof. Charlie P. Nacario, muling ipinakita ng BISCAST ang husay at kahandaan ng mga ASTean na makipagsabayan sa pinakamahuhusay na bagong propesyonal sa bansa.

Ang pagkakamit ni Patricia ng Top 9 nationwide ay hindi lamang isang personal na tagumpay, kundi isang malaking karangalan para sa buong BISCAST community. Patunay ito na sa sipag, tiyaga, dedikasyon, at mahusay na paghahanda, ang isang ASTean ay kayang maabot ang pinakamataas na antas ng kahusayan.

Malugod ding binabati ng BISCAST ang lahat ng mga Food Technology graduates na matagumpay na nakapasa sa pagsusulit. Ang inyong tagumpay ay bunga ng sama-samang pagsisikap ng ating mga mag-aaral, graduates, faculty members, mentors, pamilya, at buong BISCAST community.

Patricia Mae, ang inyong Rank 9 nationwide ay karangalang aming ipinagmamalaki at inspirasyong maibabahagi sa bawat ASTean!

Nawa'y magsilbi itong simula ng isang matagumpay at makabuluhang karera sa pagsusulong ng kaligtasan, kalidad, inobasyon, at kahusayan sa pagkain.

𝗕𝗲𝘁𝘁𝗲𝗿, 𝗯𝗿𝗶𝗴𝗵𝘁𝗲𝗿, 𝗯𝗼𝘂𝗻𝗱𝗹𝗲𝘀𝘀 𝗕𝗜𝗦𝗖𝗔𝗦𝗧!

BISCAST proudly congratulates its 𝗠𝗮𝘀𝘁𝗲𝗿 𝗼𝗳 𝗔𝗿𝘁𝘀 𝗶𝗻 𝗧𝗲𝗮𝗰𝗵𝗶𝗻𝗴 𝗺𝗮𝗷𝗼𝗿 𝗶𝗻 𝗧𝗲𝗰𝗵𝗻𝗼𝗹𝗼𝗴𝘆 𝗮𝗻𝗱 𝗟𝗶𝘃𝗲𝗹𝗶𝗵𝗼𝗼𝗱 𝗘𝗱𝘂𝗰𝗮𝘁𝗶𝗼𝗻 𝘄𝗶𝘁𝗵 𝘀𝗽𝗲𝗰𝗶𝗮𝗹𝗶𝘇𝗮𝘁𝗶𝗼𝗻 𝗶𝗻 𝗛𝗼𝗺𝗲 𝗘𝗰𝗼𝗻𝗼𝗺𝗶𝗰𝘀 program, under the Graduate School, for successfully earning 𝗟𝗘𝗩𝗘𝗟 𝗜𝗜𝗜 𝗥𝗘-𝗔𝗖𝗖𝗥𝗘𝗗𝗜𝗧𝗘𝗗 𝗦𝗧𝗔𝗧𝗨𝗦 from the 𝗔𝗰𝗰𝗿𝗲𝗱𝗶𝘁𝗶𝗻𝗴 𝗔𝗴𝗲𝗻𝗰𝘆 𝗼𝗳 𝗖𝗵𝗮𝗿𝘁𝗲𝗿𝗲𝗱 𝗖𝗼𝗹𝗹𝗲𝗴𝗲𝘀 𝗮𝗻𝗱 𝗨𝗻𝗶𝘃𝗲𝗿𝘀𝗶𝘁𝗶𝗲𝘀 𝗶𝗻 𝘁𝗵𝗲 𝗣𝗵𝗶𝗹𝗶𝗽𝗽𝗶𝗻𝗲𝘀 (𝗔𝗔𝗖𝗖𝗨𝗣), 𝗜𝗻𝗰.!

This milestone affirms BISCAST’s steadfast commitment to quality assurance, academic excellence, and continuous improvement in graduate education.

Congratulations to Graduate School Dean Dr. Genaro N. De Mesa, Jr., former GS Dean Dr. Jake M. Laguador, MAT Program Chairperson Dr. Lelit M. Odiame, former MAT Program Chairperson Dr. John Rey SR. Soverano, and the faculty members, students, and staff whose collective efforts sustained the program’s compliance and quality assurance initiatives.

The achievement also recognizes the groundwork undertaken under former OIC-President Dr. DeAnna C. Regnim, with the continued support of the present administration led by SUC President II Prof. Charlie P. Nacario, PhD.

𝗕𝗲𝘁𝘁𝗲𝗿, 𝗯𝗿𝗶𝗴𝗵𝘁𝗲𝗿, 𝗯𝗼𝘂𝗻𝗱𝗹𝗲𝘀𝘀 𝗕𝗜𝗦𝗖𝗔𝗦𝗧!

𝗡𝗮𝗴𝗮 𝗖𝗶𝘁𝘆 𝗦𝗰𝗶𝗲𝗻𝗰𝗲 𝗛𝗦 𝘀𝘁𝘂𝗱𝗲𝗻𝘁-𝗿𝗲𝘀𝗲𝗮𝗿𝗰𝗵𝗲𝗿𝘀, 𝗶𝗻𝗮𝗹𝗮𝗹𝗮𝘆𝗮𝗻 𝗻𝗴 𝗕𝗜𝗦𝗖𝗔𝗦𝗧

Buong suporta ang ipinakita ng Bicol State College of Applied Sciences and Technology (BISCAST) sa pagbisita ng Grade 12 STEM student-researchers ng Naga City Science High School para sa isang technical consultation visit ngayong umaga, Agosto 13, 2026.

Bitbit ng research team na binubuo nina Gavin Adrien C. Balunso, Andre Zachary Sebastian V. Ante, Aydin Joaquin P. Perillo, at Juliana Margaux B. Barrion ang pananaliksik na “SOLARIS: An Arduino and IoT-Based Solar-Powered Automated System for White Radish Cultivation,” isang proyektong nakatuon sa smart at sustainable agriculture.

Ginagabayan ang grupo ni Research Adviser Mr. Rodrigo B. Buere Jr., sa suporta ni Principal I Ms. Baby Ruby F. Laurente.

Personal na ibinahagi ng mga estudyante ang kanilang pananaliksik kay SUC President II Prof. Charlie P. Nacario, PhD, sa Tanggapan ng Pangulo, kung saan agad silang nakatanggap ng direksyon at mga mungkahi upang palakasin ang kanilang pag-aaral.

Nagkaroon din ng masinsinang konsultasyon ang grupo kina College of Engineering Dean Engr. Lyncel S. Celimen at ECE faculty member Engr. Christian Albert DLT. Huerto, na nagbigay ng ekspertong gabay at mahahalagang teknikal na input.

Bumisita rin ang mga mag-aaral sa Manufacturing Innovation Laboratory (ManFabLab) at Metals and Engineering Innovation Center (MEIC) ng BISCAST, kung saan ipinakilala sa kanila ang mga pasilidad at innovation support services na maaaring makatulong sa kanilang proyekto. Sila ay inalalayan nina ManFabLab staff Mr. Toby B. Del Castillo at MEIC staff Engr. Mark Allen O. Estipona, na nagbigay rin ng praktikal na gabay kaugnay ng kanilang pag-aaral.

Sa ilalim ng pamumuno ni Pangulong Nacario, patuloy na pinalalawak ng BISCAST ang serbisyong pampubliko nito sa pamamagitan ng pagbabahagi ng kaalaman at pagbubukas ng mga pasilidad sa mga katuwang na institusyon at komunidad, bilang sentro ng pananaliksik at inobasyon sa rehiyon.

𝗕𝗲𝘁𝘁𝗲𝗿, 𝗯𝗿𝗶𝗴𝗵𝘁𝗲𝗿, 𝗯𝗼𝘂𝗻𝗱𝗹𝗲𝘀𝘀 𝗕𝗜𝗦𝗖𝗔𝗦𝗧!

𝗕𝗜𝗦𝗖𝗔𝗦𝗧, 𝗖𝗕𝗦𝗨𝗔, 𝗻𝗮𝗴𝘀𝗮𝗻𝗶𝗯-𝗽𝘂𝘄𝗲𝗿𝘀𝗮 𝘀𝗮 𝗙𝗼𝗼𝗱 𝗧𝗲𝗰𝗵

LUNGSOD NG NAGA — Pinalakas ng Bicol State College of Applied Sciences and Technology (BISCAST) at Central Bicol State University of Agriculture (CBSUA) ang kanilang ugnayan sa larangan ng Food Technology sa paglagda ng isang Memorandum of Agreement (MOA) noong Agosto 11, 2026, sa Royale Emelina.

Saklaw ng MOA ang adjunct faculty at laboratory support para sa Bachelor of Science in Food Technology (BSFT) program ng dalawang institusyon.

Para sa BISCAST, nilagdaan ito nina SUC President II Prof. Charlie P. Nacario, PhD; Vice President for Academic Affairs Dr. Apolonia C. Sebello; at College of Science Dean Dr. Amante T. Ama.

Kinatawan naman ang CBSUA nina SUC President IV Dr. Alberto N. Naperi; Vice President for Academic Affairs Dr. Melinda P. Pan; at College of Engineering and Food Sciences Dean Dr. Glaiza J. Visitacion.

Saksi sa seremonya sina BISCAST BSFT Program Chairperson Ms. Julie Amor D. Zantua at CBSUA BSFT Program Chairperson Prof. Alessandra D. Bautista.

Isinagawa ang MOA signing kasabay ng AACCUP Institutional Accreditation General Orientation and Workshop na pinangunahan ng BISCAST.

Sa kasunduang ito, mas mapapalakas ang pagtuturo at pagsasanay sa Food Technology sa rehiyon, kasabay ng higit pang pagpapatibay sa matagal nang ugnayan ng dalawang institusyon.

𝗕𝗲𝘁𝘁𝗲𝗿, 𝗯𝗿𝗶𝗴𝗵𝘁𝗲𝗿, 𝗯𝗼𝘂𝗻𝗱𝗹𝗲𝘀𝘀 𝗕𝗜𝗦𝗖𝗔𝗦𝗧!

𝗕𝗜𝗦𝗖𝗔𝗦𝗧, 𝗶𝗻𝗶𝗹𝘂𝗻𝘀𝗮𝗱 𝗮𝗻𝗴 𝗸𝗮𝘂𝗻𝗮-𝘂𝗻𝗮𝗵𝗮𝗻𝗴 𝗲𝗹𝗲𝘃𝗮𝘁𝗼𝗿

Isinagawa ng Bicol State College of Applied Sciences and Technology (BISCAST) ang blessing, ribbon-cutting, at turnover ng kauna-unahang elevator nito sa Academic Building 1 noong Agosto 4, 2026.

Pormal na iniabot ng Elisha & Charles Solutions, Inc., isang ISO 9001:2015-certified elevator and escalator company, ang Warranty Certificate at Permit to Operate kay SUC President II Prof. Charlie P. Nacario, PhD, kasama si Project Management Unit Head Engr. Al Greg Tumbaga.

Pinangunahan ni BISCAST College Chaplain Rev. Fr. Ryan O. Fenis ang pagbabasbas sa elevator, habang isinagawa naman ang ribbon-cutting sa pangunguna ni Pangulong Nacario.

Dumalo rin sa aktibidad sina Vice President for Academic Affairs Dr. Apolonia C. Sebello, Student Development Services Director Dr. Jonathan S. Dela Cruz, COE Dean Dr. Rosalie S. Magistrado, Graduate School Dean Dr. Genaro N. De Mesa, Jr., kasama ang mga kawani ng BISCAST at mga kinatawan ng Elisha & Charles Solutions, Inc.

Naging posible ang proyekto sa suporta ng Administration and Finance cluster sa pangunguna ni Vice President for Administration and Finance Mr. Abbas F. Villalon, kasama ang Physical Plant Development and Maintenance Services at Project Management Unit.

Sa nalalapit na ganap na operasyon ng elevator, patuloy na isinusulong ng BISCAST ang mas accessible na campus at mas maayos na serbisyo sa mga pasilidad para sa mga ASTean at stakeholder.

𝗕𝗲𝘁𝘁𝗲𝗿, 𝗯𝗿𝗶𝗴𝗵𝘁𝗲𝗿, 𝗯𝗼𝘂𝗻𝗱𝗹𝗲𝘀𝘀 𝗕𝗜𝗦𝗖𝗔𝗦𝗧!

𝗕𝗜𝗦𝗖𝗔𝗦𝗧, 𝗕𝗿𝗴𝘆. 𝗖𝗮𝗿𝗼𝗹𝗶𝗻𝗮, 𝗹𝘂𝗺𝗮𝗴𝗱𝗮 𝘀𝗮 𝗠𝗢𝗔 𝗽𝗮𝗿𝗮 𝘀𝗮 𝗸𝗮𝗯𝘂𝗵𝗮𝘆𝗮𝗻 𝗻𝗴 𝗺𝗴𝗮 𝘀𝗲𝗻𝗶𝗼𝗿 𝗰𝗶𝘁𝗶𝘇𝗲𝗻

LUNGSOD NG NAGA — Lumagda sa isang Memorandum of Agreement (MOA) ang Bicol State College of Applied Sciences and Technology (BISCAST), sa pamamagitan ng College of Education Extension Services Unit, at Pamahalaang Barangay ng Carolina noong Hulyo 30, 2026, sa Carolina Barangay Hall.

Sa temang “Empowering Senior Citizens through Sustainable Skills and Livelihood Training: An Extension Partnership,” layunin ng programa na magbigay ng skills at livelihood training para sa mga senior citizen.

Bilang mga kinatawan ng BISCAST, nilagdaan nina SUC President II Prof. Charlie P. Nacario, PhD; REPED Director Prof. Ana Sheryl Lynn S. Catura; at College of Education Dean Dr. Rosalie S. Magistrado ang kasunduan.

Dumalo rin sa seremonya si Program Leader Dr. Maria Christina G. Remoquillo, kasama ang mga Project Leader na sina Ms. Araceli Q. Rosari, Dr. Francia C. Bihag, Dr. Maria Lourdes O. Padua, Dr. Lelit M. Odiame, Ms. Wennie Rose P. Camba, at Ms. Anabelle Asares, na mangunguna sa pagpapatupad ng mga proyekto sa ilalim ng programa.

Kinatawan naman ang Barangay Carolina ni Punong Barangay Hon. Leoncio Lobuit, kasama sina Senior Citizens Carolina Chapter President Ms. Belen Boragay at Hon. Kgd. Salvacion D. Boragay ng Committee on Education.

Sa inisyatibang ito, patuloy na pinalalawak ng BISCAST ang community-based extension services nito upang mas maraming sektor ng komunidad ang maabot ng mga programang pangkabuhayan at serbisyong tumutugon sa kanilang pangangailangan.

𝗕𝗲𝘁𝘁𝗲𝗿, 𝗯𝗿𝗶𝗴𝗵𝘁𝗲𝗿, 𝗯𝗼𝘂𝗻𝗱𝗹𝗲𝘀𝘀 𝗕𝗜𝗦𝗖𝗔𝗦𝗧!

𝐁𝐈𝐒𝐂𝐀𝐒𝐓, 𝐓𝐮𝐦𝐚𝐧𝐠𝐠𝐚𝐩 𝐧𝐠 𝐓𝐚𝐭𝐥𝐨𝐧𝐠 𝐏𝐚𝐠𝐤𝐢𝐥𝐚𝐥𝐚 𝐦𝐮𝐥𝐚 𝐬𝐚 𝐏𝐚𝐦𝐚𝐡𝐚𝐥𝐚𝐚𝐧𝐠 𝐋𝐮𝐧𝐠𝐬𝐨𝐝 𝐧𝐠 𝐍𝐚𝐠𝐚

NAGA CITY | Agosto 10, 2026 — Tumanggap ang Bicol State College of Applied Sciences and Technology (BISCAST) ng tatlong mahahalagang pagkilala mula sa Pamahalaang Lungsod ng Naga, bilang patunay ng patuloy nitong kahusayan sa larangan ng sustainability, arkitektura at disenyo, at propesyonal na licensure performance.

Pormal na iginawad ang mga pagkilalang ito sa Flag Raising Ceremonies ng Pamahalaang Lungsod ng Naga, sa pangunguna ni Hon. City Mayor Maria Leonor “Leni” G. Robredo.

Sa pamamagitan ng Sangguniang Panlungsod Resolution No. 2026-517, ipinahayag ng Pamahalaang Lungsod ang pinakamainit na pagbati at pinakamataas na pagkilala sa BISCAST, sa ilalim ng pamumuno ni SUC President II Prof. Charlie P. Nacario, PhD, para sa matagumpay nitong pagkilala sa 2026 Times Higher Education (THE) Sustainability Impact Ratings. Ang BISCAST ay kabilang sa anim na institusyon ng mataas na edukasyon sa buong Rehiyon ng Bicol na kinilala sa prestihiyosong pandaigdigang sustainability assessment.

Dalawa pang resolusyon ang nagbigay-pugay sa iba pang natatanging tagumpay ng BISCAST. Sa pamamagitan ng SP Resolution No. 2026-426, kinilala at binati ang BISCAST bilang Champion sa 2026 Archinext: HCG Young Designers Competition, na ginanap sa SMX Convention Center, Pasay City noong Abril 17, 2026.

Samantala, sa SP Resolution No. 2026-443, kinilala ang BISCAST graduate na si Mr. Christian Lanuza Quinao dahil sa kanyang kahanga-hangang pagganap sa March 2026 Licensure Examination for Professional Teachers (LEPT), kung saan nakamit niya ang ika-7 puwesto sa buong bansa na may napakataas na rating na 93.80%.

Kasama ni President Nacario sa pagtanggap ng mga pagkilala sina Vice President for Academic Affairs Dr. Apolonia C. Sebello; Vice President for Administration and Finance Mr. Abbas F. Villalon; College of Architecture and Design Dean Arch. Ronel M. Descarga; dating CA+D Dean Arch. Jennifer Y. Vibar; at Information Officer III Richard P. Nabua.

Kinilala rin ang mga fourth-year students ng College of Architecture and Design na nagkamit ng kampeonato sa Archinext competition—sina John Lloyd B. Navarro, Aile Heydee C. Reolope, at Lyka Villamor.

Ang tatlong pagkilalang ito ay sumasalamin sa patuloy na pagsusulong ng BISCAST sa kahusayan sa akademya, inobasyon, pagpapanatili ng kapaligiran, at makabuluhang edukasyon, at higit pang nagpapatibay sa mahalagang papel nito bilang isang dynamic na institusyon ng mataas na edukasyon na patuloy na nag-aambag sa pag-unlad ng Naga City, Rehiyon ng Bicol, at ng buong bansa.

𝗕𝗲𝘁𝘁𝗲𝗿, 𝗯𝗿𝗶𝗴𝗵𝘁𝗲𝗿, 𝗯𝗼𝘂𝗻𝗱𝗹𝗲𝘀𝘀 𝗕𝗜𝗦𝗖𝗔𝗦𝗧!