05/06/2026
Mga lider-estudyante at mga kabataang organisasyon naman ang naging bida at sandigan sa ikalimang araw ng ating Brigada Eskwela ngayong Hunyo 5, 2026!
Sila ang tunay na nagpatunay na ang kabataan ang pag-asa at lakas ng ating paaralan pagdating sa paglilingkod. Bitbit ang kanilang nag-aalab na dedikasyon at lakas ng kabataan, maagang dinaluhan ng ating mga student leaders, kasama ang ating mga g**o, mga mag-aaral, mga magulang, at mga boluntaryo ang huling hirit sa malawakang paglilinis, pagpipinta, at pag-aayos sa iba’t ibang bahagi ng paaralan upang masig**o ang isang ligtas, masigla, at komportableng kapaligiran para sa darating na pasukan.
Naging mas matatag ang ating pwersa sa huling araw na ito sa pakikibahagi ng iba’t ibang sektor at organisasyon. Katuwang natin sa paggabay at paggawa ang PTA, 4Ps, SSLG, BKB, YES-O, Subject Clubs, The Hilltop, BSP, GSP, LGU Morong, Iskolar ng Bataan, Morong Running Club, Freedom Alliance Riders Club, Maritime Academy of Asia and the Pacific, DPWH, at BECS Morong.
Ang bawat bisig na tumulong ngayong araw ay patunay na ang pagkakaisa ng mga kabataan at ng pamayanan ang susi sa tagumpay ng ating mga mag-aaral.
Hindi rin magiging ganito katagumpay ang ating ikalimang araw kung wala ang mga mapagpalang kamay na nag-abot ng kanilang suporta at donasyon. Taos-pusong pasasalamat ang aming ipinaaabot kina Mrs. Lisette Ellano, Mrs. Madonna Alayon, Mrs. Naneth Celedonio, Mrs. Kristine Pastelero, Mr. Romel Dagan, Mr. John Mathew Gonzales, Mrs. Mariane Santos, Mrs. Anna Santos, SK Chairman Michael Cariaso, SK Chairman Jayson Topasi, SK Sabang, Mrs. Norie P. Montemayor, Mr. Elmer P. Santos, Mr. John Paul Bugay, Mrs. Edith Rodrigo, 9-Santan Students, Mrs. Roselle Manalo, 9-Azure, Mr. Mark Oliver Dimalanta, Ms. Faire Ann F. Corpuz, Mrs. Michelle Calma, 7-Hydrogen, Mrs. Marinie Picardo, Ms. Jonalyn Samonte, Mr. Mitchell Lagas, Mr. Wilson Fechalin, 7-Lithium, Provincial Government of Bataan, BECS Morong, Boni Food Hub, Loleng’s Plus, Mr. Clark Natividad, at Ms. Paula Villareal. Ang inyong kabutihang-loob ang siyang patuloy na nagbibigay lakas sa ating mga paggawa.
Sa pagtatapos ng ating limang araw na bayanihan, lubos ang ating galak at pasasalamat sa lahat ng nakiisa mula unang araw hanggang dulo. Ang inyong walang-sawang pagsuporta ang naging sandigan upang maging ligtas, maayos, at handang-handa na ang ating paaralan!
Kaya naman, mga mag-aaral, handang-handa na kaming salubungin kayo sa pagbubukas ng klase sa susunod na linggo! Kita-kits at sama-sama nating simulan ang isang matagumpay na taong panuruan!
