09/03/2026
✨Walang Hadlang sa Tagumpay✨
Ang pagkapanalo ng isang atletang may kapansanan sa Palarong Bikol Paragames sa larangan ng athletics para sa visually impaired ay patunay na ang kapansanan ay hindi hadlang upang makamit ang tagumpay.
Higit pa rito, siya ay qualifier para sa Palarong Pambansa matapos na makuha ang tatlong medalyang ginto sa kompetisyon.
Ipinapakita nito na maraming batang may espesyal na pangangailangan ang may kakayahan at talento na dapat mabigyan ng pagkakataon.
Sa pamamagitan ng Special Needs Education (SNED), natutulungan silang matuto, umunlad, at maabot ang kanilang mga pangarap.
Opisyal na binuksan ng Milagros West Central School ang programang SNED taong 2024 sa tulong ng Schools Division Office of Masbate Province, sa panahon ng pamumuno ni Schools Division Superintendent Raymundo M. Cantonjos, CESO VI, na nag apruba at naglaan ng Special Education Teacher (SPET) para sa paaralan.
Ang pagbubukas ng programang ito ay naisakatuparan din sa pangunguna ni Antonio Magnawa , Punong G**o II, na siyang bumuo ng SNED Program Innovation Plan at inaprubahan ni Lorenzo C. Oracales, dating Public Schools District Supervisor ng Milagros West, na naging daan upang opisyal na maitatag ang SNED class sa paaralan.
Sa kasalukuyan, patuloy na sinusuportahan ang programa sa ilalim ng pamumuno ng OIC Schools Division Superintendent Joel E.Caolboy gayundin ng kasalukuyang Public Schools District Supervisor ng Milagros West Ariel Rivera, na nagpapatibay sa adhikain ng inklusibong edukasyon para sa lahat ng mag-aaral.
Hinihikayat ng paaralan ang mga magulang na kung ang kanilang mga anak ay may kapansanan, ang SNED program ay magsisilbing tulay upang mabigyan sila ng tamang suporta at oportunidad.
Pinapasalamatan din ng pamunuan ng paaralan ang Division SNED Coordinator na si Ma'am Imelda Alvarez at ang SNED Teacher -Coach na si Ma'am Catherine T. Balbon sa kanilang patuloy na suporta at dedikasyon sa programa.
Bigyan natin sila ng pagkakataon na magtagumpay. ♥️
