28/09/2026
ALAMIN | Chancy Selex Activities Overview
Nitong Setyembre 24 sa pamamagitan ng 1412th BOR Meeting, ihinirang muli si Dr. Clement Camposano bilang tyanselor ng UP Visayas sa susunod na tatlong taon.
Ang desisyong ito ay nagmula sa deliberasyon at boto ng Board of Regents (BOR) ng buong UP system, sa tulong rin ng ipinasang comprehensive report ng Search Committee na binubuo ng mga kinatawan sa iba't ibang sektor ng unibersidad. Ito ay nakabase sa pagsuri ng vision papers, public forums, at interviews ng komite kasama ang mga nominees. Ipinasa ito noong Setyembre 15, halos isang linggo bago ang nangyaring 1412th BOR meeting. Ito rin ang araw na nakapagpasa ang USC, Local College Councils ng 12-page report na naglalaman ng mga hinaing, demanda, at rekomendasyon ng mga estudyante para sa pro-people at pro-student na administrasyon, sinuman ang maging tyanselor. Hindi ito naglalaman ng kahit anong pangalan.
Ang UPV University Student Council kasama ang mga Local College Councils at iba pang mga unyon ay nagkaroon ng mga inisyatiba upang suriin ang track record, commitment, at partisipasyon ng mga nominee sa ginanap na mga forum, TAPATAN 2026, sectoral consultations, at dialogues.
Nakapaloob sa post na ito ang mga activities at ang digest ng isinagawang meeting para sa stance-building ng UP Visayas Councils and Publications nitong Setyembre 23. Inisa-isa ang commitment at track record ng dalawang nominee ayon sa democratic rights, academic rights, budget and infrastructure, at iba pa mula sa kanilang mga nagawa para sa obhektibo na suri. Kinilala ang kanilang mga nagawa at mga naging rasyonale sa mga ito at parehong pinuna ang pagkukulang at kamalian ng dalawang nominee.
An prosesong ito ay pinuno ng mga katanungan at manipestasyon para makarating sa iisang paninindigan- na wala sa sinoman sa dalawang nominado ang tunay na pro-people at pro-students. Hindi rin nangangahulagang pinapatawad at pinapalipas ang mga kamalian ng mga nominee. Sumunod ito sa parliamentary procedures at nagkaroon ng consensus-building. Walang division of the house o botohan ang nangyari.
Alamin at suriin nang bukas at may talas ang mga impormasyon, argumento, at mga proseso na naganap at nakalap sa panahon ng Chancy Selex. Bukas ang mga konseho para sa mga katanungan.
Tinitiyak ng mga konseho at mga publikasyon na kasama ang sangkaestudyantehan at mga sektor na patuloy nating babantayan at pananagutin ang tyanselor sa anumang paraan upang makamit ang pro-student at pro-people na administrasyon sa kapangyarihan ng buong UPV community.
Ang paglathala sa mga nagganap sa kabuuan ng ay para mas bigyang linaw sa sangkaestudyantehan ang mga nagganap sa panahon ng seleksyon sa tsanselor ng UP Visayas.
Dagdag nito, humihingi ng paumanhin ang UPV University Student Council sa naantala na paglalabas ng pahayag dulot ng mga salungat na iskedyul sa pagtapos ng digest at pangangailangang matiyak na kumpleto at wasto ang mga detalye bago ito ilabas.
Bagama’t marami nang isinagawang konsultasyon kaugnay nito, kinikilala namin ang naging lapse sa proseso. Tinatanggap namin ang mga pagpuna at patuloy na pinupuna ang mga sarili. Hindi kailanman gustong isantabi ng UPV USC ang proseso ng genuine at transparent consultation, dahil ito ang pinaka-pundasyon ng mga student councils- ang manguna tungo sa pagsulong ng mga karapatan at kapakanan lalo na ng mga kapwa natin estudyante. Palaging nilalagay ng mga lider-estudyante sa lahat ng mga konsultasyon, dialogue, at negotiations ang direktang kapakanan ng mga Iskolar ng Bayan, hindi lang dahil mandato natin ito kundi tayo ay may tiwala na ang lahat ng ito ay tungo sa hinahangad natin para sa isang administrasyon na inuugat ang kaniyang sarili sa malawak na hanay ng masa.
Ang UP Visayas University Student Council ay taos-pusong humihingi ng paumanhin at pag-unawa sa mga kapwa natin Iskolar ng Bayan. Buong puso na bukas ang pintuan ng konseho para dinggin ang bawat hinaing, suhestyon, at mga pagdududa, dahil ito mismo ang esensya ng democratic right ng bawat iskolar ng bayan.
Dagdag nito, kasalukuyang inaayos ang Opisyal na page ng UP Visayas University Student Council dahil sa 'admin issues' at patuloy itong tinatalakay at nareresolba sa loob ng konseho. Samantala, naghahanap tayo ng alternatibong tsanel na maaaring gamitin upang maipagpatuloy ang paglalabas ng mga kinakailangang pabatid at impormasyon sa mga estudyante.
Ang kakatapos na Chancellor Selections ay isang malaking manipestasyon na buhay ang diwa ng student movement sa UP Visayas, na lahat tayo ay may pakialam sa kinabukasan ng ating sintang pamantasan.
Ang UP Visayas University Student Council, kasama ang mga Local College Councils, ay mananatili na militanteng isusulong ang karapatan at kapakanan ng mga Iskolar ng Bayan. Nakaukit sa kasaysayan ang patuloy na lumalakas na pagdaluyong ng mga iskolar ng bayan hanggang mapagtagumpayan natin ang ating mga laban, at dala-dala natin ang mas pinalakas na kolektibong adhikain para sa mas progresibong UP Visayas para sa lahat.
OVERALL LINK TO CHANCYSELEX ACTIVITIES DOCUMENTS | https://tinyurl.com/ChancySelex
