What are the opening hours?

Monday 8am - 5pm Tuesday 8am - 5pm Wednesday 8am - 5pm Thursday 8am - 5pm Friday 8am - 5pm

https://www.facebook.com/630219150408528/

Supreme Secondary Learner Government Organization - MNHS, El Camino Real, Meycauayan (2026)

24/08/2026

𝗛𝗜𝗠𝗣𝗜𝗟𝗔𝗡𝗚 𝗗𝗔𝗔𝗡𝗚-𝗕𝗔𝗞𝗔𝗟 𝗡𝗚 𝗚𝗨𝗜𝗚𝗨𝗜𝗡𝗧𝗢: 𝗞𝗔𝗦𝗔𝗬𝗦𝗔𝗬𝗔𝗡, 𝗔𝗥𝗞𝗜𝗧𝗘𝗞𝗧𝗨𝗥𝗔, 𝗔𝗧 𝗗𝗨𝗚𝗢 𝗡𝗚 𝗣𝗔𝗞𝗜𝗞𝗜𝗕𝗔𝗞𝗔

Alam mo ba na ang lumang estasyon ng tren sa Guiguinto ay hindi lamang simpleng daanan ng biyahero noon, kundi naging madugong larangan ng labanan para sa ating kalayaan?

Bilang bahagi ng 𝗦𝗦𝗟𝗚 𝗛𝗜𝗦𝗧𝗖𝗔𝗠𝗣 𝟭𝟬𝟭: 𝗛𝗶𝘀𝘁𝗼𝗿𝗶𝗰𝗮𝗹 𝗛𝗲𝗿𝗶𝘁𝗮𝗴𝗲 𝗖𝗮𝗺𝗽𝗮𝗶𝗴𝗻, ating alalahanin ang makasaysayang papel ng Himpilang Daang-Bakal ng Guiguinto!

Pinasimulan ng Briton na si Don Edmundo Sykes noong 1887 at pormal na nag-operate noong Marso 24, 1891, ang estasyon ng tren sa Poblacion, Guiguinto ay nagsilbing gulugod ng ekonomiya sa lalawigan.

Ilan sa mga natatanging katangian at kahalagahan ng Himpilang Daang-Bakal ng Guiguinto:
• Arkitekturang Kanluranin at Katutubo:
o Kanluranin: Ginamitan ng mga brick tiles o tisa sa sahig na katulad ng mga lumang estasyon sa Estados Unidos at Britanya.
o Katutubo: Nagtaglay ng mga bintanang capiz, ventanilla para sa daloy ng hangin at liwanag, at bubong na media agua bilang silungan ng mga pasahero.

• Saksi sa Dugo at Pag-aalsa noong 1898:
o Bunga ng mga pagmamalabis ng mga Kastila at ng masaker sa mga mamamayan ng Barrio Tabang, nag-aklas ang mga Katipunerong Guiguinteño.
o Noong Mayo 27, 1898, pinaligiran ng humigit-kumulang 200 Katipunero sa pamumuno nina Kapitan Inocencio Tolentino at Paulino Garcia ang estasyon habang naghihintay ng tren ang mga Kastila. Dito napatay ang mapang-aping kura parokong si Padre Leocadio Sanchez at ang kaniyang mga kasamahan.

• Labanan sa Ilog Guiguinto (1899):
o Noong Marso 29, 1899, ginamit ni Heneral Antonio Luna at ng kaniyang mga Rebolusyonaryong Pilipino ang mga trench sa paligid ng daang-bakal upang makipagsagupaan sa mga Amerikano.
o Ang matagumpay na pagdepensa sa Guiguinto ay nagbigay ng sapat na panahon kay Pangulong Emilio Aguinaldo upang mailipat ang kabisera ng Unang Republika mula Malolos patungong San Isidro, Nueva Ecija.

• Preserbasyon: Bilang bahagi ng pamana ng lalawigan, ang estasyon ay kasalukuyang pinangangalagaan at isinasaayos kasabay ng modernisasyon ng North-South Commuter Railway (NSCR) Project.

Ang Himpilang Daang-Bakal ng Guiguinto ay pader na nagpapatunay sa tapang ng mga Bulakenyo! Isang Pamana ng Lahi, Yamang Aking Ipagmamalaki!

𝗚𝗨𝗦𝗧𝗢 𝗠𝗢 𝗣𝗔 𝗕𝗔𝗡𝗚 𝗠𝗔𝗧𝗨𝗧𝗢? I-scan ang 𝗤𝗥 𝗖𝗼𝗱𝗲 sa aming opisyal na pubmat para sa iba pang detalye ukol sa Himpilang Daang-Bakal ng Guiguinto!

𝗦𝗮𝗻𝗴𝗴𝘂𝗻𝗶𝗮𝗻: Marciano, B. J. B. (2019). Estasyong itinangi(s). Sa SINEliksik Bulacan heritage book: Vol. II. Pamana ng lahi, yamang aking ipagmamalaki (mga pah. 6–12). Pamahalaang Panlalawigan ng Bulacan.

24/08/2026

🏆📜 𝔹𝔸𝕂𝔹𝔸𝕂𝔸ℕ 𝕊𝔸 𝕂𝔸𝕊𝔸𝕐𝕊𝔸𝕐𝔸ℕ 𝟚𝟘𝟚𝟞 𝕀ℕ ℙℝ𝕆𝔾ℝ𝔼𝕊𝕊! 📜🏆

𝗞𝗮𝘀𝗮𝗹𝘂𝗸𝘂𝘆𝗮𝗻𝗴 isinasagawa ngayong araw, 𝗔𝗴𝗼𝘀𝘁𝗼 𝟮𝟰, 𝟮𝟬𝟮𝟲, ang 𝗕𝗮𝗸𝗯𝗮𝗸𝗮𝗻 𝘀𝗮 𝗞𝗮𝘀𝗮𝘆𝘀𝗮𝘆𝗮𝗻: 𝗣𝗮𝗺𝗽𝗮𝗮𝗿𝗮𝗹𝗮𝗻𝗴 𝗧𝗮𝗴𝗶𝘀𝗮𝗻 𝗻𝗴 𝗧𝗮𝗹𝗶𝗻𝗼 bilang bahagi ng pagdiriwang ng 𝗕𝘂𝘄𝗮𝗻 𝗻𝗴 𝗞𝗮𝘀𝗮𝘆𝘀𝗮𝘆𝗮𝗻 𝟮𝟬𝟮𝟲! 🇵🇭✨

Sa mga oras na ito, buong husay na sinusubok ng mga kalahok ang kanilang kaalaman sa 𝐤𝐚𝐬𝐚𝐲𝐬𝐚𝐲𝐚𝐧 𝐧𝐠 𝐌𝐞𝐲𝐜𝐚𝐮𝐚𝐲𝐚𝐧, 𝐁𝐮𝐥𝐚𝐜𝐚𝐧, at 𝐏𝐢𝐥𝐢𝐩𝐢𝐧𝐚𝐬. Mula sa mahahalagang pangyayari, mga bayani, at pamanang kultural, ipinakikita ng bawat pangkat ang kanilang kahandaan, bilis ng pag-iisip, at lalim ng pag-unawa sa ating makulay na kasaysayan. 🧠⚡

Nagiging masigla at kapanapanabik ang bawat round habang nagpapalitan ng tamang kasagutan ang mga kalahok. Tunay ngang kasaysayan ang larangan at kaalaman ang pinakamabisang sandata sa labanang ito ng talino! 📚🔥

Nawa’y magsilbing inspirasyon ang gawaing ito upang higit pang mahalin, pag-aralan, at ipagmalaki ng bawat mag-aaral ang ating pagkakakilanlan bilang mga Meycaueño, Bulakenyo, at Pilipino. ❤️💙

23/08/2026

𝗧𝗔𝗛𝗔𝗡𝗔𝗡𝗚-𝗔𝗡𝗚𝗞𝗔𝗡 𝗡𝗚 𝗖𝗢𝗡𝗦𝗧𝗔𝗡𝗧𝗜𝗡𝗢: 𝗦𝗔𝗟𝗔𝗠𝗜𝗡 𝗡𝗚 𝗠𝗔𝗬𝗔𝗠𝗔𝗡𝗚 𝗞𝗔𝗦𝗔𝗬𝗦𝗔𝗬𝗔𝗡 𝗡𝗚 𝗕𝗔𝗟𝗔𝗚𝗧𝗔𝗦, 𝗕𝗨𝗟𝗔𝗖𝗔𝗡

Alam mo ba na may isang bahay na bato sa Balagtas (dating Bigaa) na naging tuluyan mismo ni Dr. Jose Rizal noong 1892 at nakaligtas sa pagsabog noong Ikalawang Digmaang Pandaigdig?

Bilang bahagi ng 𝗦𝗦𝗟𝗚 𝗛𝗜𝗦𝗧𝗖𝗔𝗠𝗣 𝟭𝟬𝟭: 𝗛𝗶𝘀𝘁𝗼𝗿𝗶𝗰𝗮𝗹 𝗛𝗲𝗿𝗶𝘁𝗮𝗴𝗲 𝗖𝗮𝗺𝗽𝗮𝗶𝗴𝗻, ating kilalanin ang makasaysayan at arkitektural na pamana ng Tahanang-Angkan ng Constantino!

Matatagpuan sa MacArthur Highway sa harap ng Pamahalaang Bayan ng Balagtas at Simbahan ng San Lorenzo Diakono at Martir, ang 1,200 metrong kuwadradong tahanang ito ay bumubuo sa tinatawag na tradisyunal na plaza complex.

Ilan sa mga natatanging katangian at kahalagahan ng Tahanang-Angkan ng Constantino:
𝗠𝗮𝗸𝗮𝘀𝗮𝘆𝘀𝗮𝘆𝗮𝗻𝗴 𝗣𝗮𝗽𝗲𝗹:
o 1840: Itinayo ni Don Valentin Constantino (dating gobernadorcillo) at nagsilbing Pamahalaang Bayan.
o 1892: Naging pansamantalang tuluyan ni Dr. Jose Rizal at ng kaniyang asawang si Josephine Bracken noong sila ay bumisita sa Malolos.
o 1896–1898: Nagsilbing gusali ng gobyerno at naging kulungan ng walong Kastila.
o Ikalawang Digmaang Pandaigdig: Naging kanlungan ng 20 pamilya, inokupa ng mga Hapones bilang kulungan sa unang palapag, at nabawi ng mga sundalong Pilipino upang maiwasang mapasabog.
𝗧𝘂𝗻𝗮𝘆 𝗻𝗮 "𝗕𝗮𝗵𝗮𝘆 𝗻𝗮 𝗕𝗮𝘁𝗼":Tanging sa bato at tisa gawa ang kabuuan nito—mula lapag hanggang bubong—gamit ang adobeng Meycauayan at ladrilyong Calumpit, na maikukumpara sa mga sinaunang bahay sa Vigan.
𝗡𝗮𝘁𝗮𝘁𝗮𝗻𝗴𝗶𝗻𝗴 𝗔𝗿𝗸𝗶𝘁𝗲𝗸𝘁𝘂𝗿𝗮 𝗮𝘁 𝗜𝗻𝗵𝗲𝗻𝘆𝗲𝗿𝗶𝘆𝗮:
o Aljibe at Balong Pedestal: May makabagong sistema ng pagsahod ng tubig-ulan mula sa bubong patungong salaan at imbakan sa ikalawang palapag.
o Volada at Balkonaheng Mala-buntis: May dungawang hugis kalahating-buwan na nakaharap sa Ilog Balagtas.
o Bas relief: Mga dekorasyon sa haligi na may nakalitaw na disenyong Griyego (Corinthian at Doric).
o Zaguan, Kaida, at Azotea: Mga klasikong espasyo para sa imbakan ng karosa, silid-tanggap, at labahan/paliguan.
• Pamanang Kultural: Naglalaman ng mga antigong muwebles (solihiya, piano, aparador), mga imahen ng santo para sa prusisyon, at mga sinaunang kagamitan sa pagluluto na nagpapakita ng kulturang Bulakenyo.

Sa kabila ng mga hamon ng panahon at banta ng modernisasyon, patuloy na nakatayo ang Tahanang-Angkan ng Constantino bilang simbolo ng ating identity at nakaraan. Isang Pamana ng Lahi, Yamang Aking Ipagmamalaki!

𝗦𝗮𝗻𝗴𝗴𝘂𝗻𝗶𝗮𝗻:Martinez, M. L., Jr. (2019). Salamin ng mayamang kasaysayan at maringal na kagandahan: Ang bahay na bato na tahanang-angkan ng Constantino. Sa SINEliksik Bulacan heritage book: Vol. II. Pamana ng lahi, yamang aking ipagmamalaki (mga pah. 6–12). Pamahalaang Panlalawigan ng Bulacan.

23/08/2026

"𝗧𝗵𝗲 𝗳𝘂𝘁𝘂𝗿𝗲 𝗶𝘀 𝗻𝗼𝘁 𝘀𝗼𝗺𝗲𝘁𝗵𝗶𝗻𝗴 𝘄𝗲 𝘄𝗮𝗶𝘁 𝗳𝗼𝗿, 𝗶𝘁 𝗶𝘀 𝘀𝗼𝗺𝗲𝘁𝗵𝗶𝗻𝗴 𝘄𝗲 𝗰𝗮𝗻 𝗲𝘅𝗽𝗹𝗼𝗿𝗲 𝗮𝗻𝗱 𝗵𝗲𝗹𝗽 𝗰𝗿𝗲𝗮𝘁𝗲." 💫

The 𝗦𝘂𝗽𝗿𝗲𝗺𝗲 𝗦𝗲𝗰𝗼𝗻𝗱𝗮𝗿𝘆 𝗟𝗲𝗮𝗿𝗻𝗲𝗿 𝗚𝗼𝘃𝗲𝗿𝗻𝗺𝗲𝗻𝘁 (SSLG) of Meycauayan National High School has engaged actively in the 𝗨𝗡 𝗦𝗗𝗚 𝗬𝗼𝘂𝘁𝗵 𝗪𝗲𝗯𝗶𝗻𝗮𝗿 𝗦𝗲𝗿𝗶𝗲𝘀, with the special episode titled, "𝗙𝘂𝘁𝘂𝗿𝗲𝘀 𝗟𝗶𝘁𝗲𝗿𝗮𝗰𝘆 𝗳𝗼𝗿 𝘁𝗵𝗲 𝗬𝗼𝘂𝘁𝗵, 𝗙𝗿𝗼𝗺 𝗜𝗺𝗮𝗴𝗶𝗻𝗶𝗻𝗴 𝗙𝘂𝘁𝘂𝗿𝗲𝘀 𝘁𝗼 𝗦𝗵𝗮𝗽𝗶𝗻𝗴 𝗖𝗵𝗮𝗻𝗴𝗲." The episode focuses on topics of conversation regarding sustainability, future literacy, and the youth as the main participants of the future. 📚

From the welcoming message of 𝗠𝘀. 𝗦𝘁𝗲𝗽𝗵𝗮𝗻𝗶𝗲 𝗕𝗼𝗻𝗶𝗹𝗹𝗮, to the opening address of 𝗠𝘀. 𝗠𝗮𝗿𝗲𝗶𝗻 𝗕𝗲𝗿𝗺𝘂𝗱𝗲𝘇—discussing the relations of technology and the future, to 𝗠𝗿. 𝗝𝗲𝘇𝗿𝗲𝗲𝗹 𝗟𝗮𝗿𝗿𝘆 𝗥. 𝗖𝗮𝘂𝗻𝗰𝗮'𝘀 keynote address, up until to 𝗠𝘀. 𝗔𝗹𝗲𝘅𝗶𝘀 𝗩𝗲𝗿𝗱𝗮𝗱𝗲𝗿𝗼'𝘀 closing address, the whole webinar episode dictated a clear message and goal all throughout: "The future is open, and the possibilities are ours."

📌 𝗠𝘀. 𝗦𝘁𝗲𝗽𝗵𝗮𝗻𝗶𝗲 𝗕𝗼𝗻𝗶𝗹𝗹𝗮 - 𝗪𝗲𝗹𝗰𝗼𝗺𝗲 𝗠𝗲𝘀𝘀𝗮𝗴𝗲
Our speaker, Ms. Bonilla discussed that instead of thinking or asking "𝗪𝗵𝗮𝘁 𝘄𝗶𝗹𝗹 𝗯𝗲 𝘁𝗵𝗲 𝗳𝘂𝘁𝘂𝗿𝗲?" we should focus more on "𝗪𝗵𝗮𝘁 𝗳𝘂𝘁𝘂𝗿𝗲 𝗱𝗼 𝘄𝗲 𝘄𝗮𝗻𝘁 𝘁𝗼 𝗹𝗶𝘃𝗲 𝗶𝗻?". She lead and opened the discussion, in regards to literacy regarding the future, and how the youth are participants of the present.

📌 𝗠𝘀. 𝗠𝗮𝗿𝗲𝗶𝗻 𝗕𝗲𝗿𝗺𝘂𝗱𝗲𝘇 - 𝗢𝗽𝗲𝗻𝗶𝗻𝗴 𝗔𝗱𝗱𝗿𝗲𝘀𝘀
All throughout the webinar, Ms. Bermudez led the discussion about how our present decisions, lead up to the future that we are creating. Focusing on the idea that the future is not something that we are merely doing, but it is also something that we are creating starting today.

📌 𝗠𝗿. 𝗝𝗲𝘇𝗿𝗲𝗲𝗹 𝗟𝗮𝗿𝗿𝘆 𝗥. 𝗖𝗮𝘂𝗻𝗰𝗮 - 𝗞𝗲𝘆𝗻𝗼𝘁𝗲 𝗔𝗱𝗱𝗿𝗲𝘀𝘀
"𝗔𝗻𝗴 𝗵𝗶𝗻𝗱𝗶 𝗺𝗮𝗿𝘂𝗻𝗼𝗻𝗴 𝗹𝘂𝗺𝗶𝗻𝗴𝗼𝗻 𝘀𝗮 𝗽𝗶𝗻𝗮𝗻𝗴𝗴𝗮𝗹𝗶𝗻𝗴𝗮𝗻 𝗮𝘆 𝗵𝗶𝗻𝗱𝗶 𝗺𝗮𝗸𝗮𝗿𝗮𝗿𝗮𝘁𝗶𝗻𝗴 𝘀𝗮 𝗽𝗮𝗿𝗼𝗿𝗼𝗼𝗻𝗮𝗻" — A powerful quote that Mr. Caunca shared with us, detailing that in terms of thinking about our futures, we have assumptions such as, the future exists within a continuity of experience and that the past, present, and future are entangled and interconnected.

Another powerful message from our speaker, is when he gave definition to future literacy. "It is about having an ability to think about the future, process all the complexities surrounding us, and anticipate what's coming our ways." So instead of us asking, "What will happen?", we should instead ask—"What could happen—and what can we do about it?".

📌 𝗠𝘀. 𝗔𝗹𝗲𝘅𝗶𝘀 𝗩𝗲𝗿𝗱𝗮𝗱𝗲𝗿𝗼 - 𝗖𝗹𝗼𝘀𝗶𝗻𝗴 𝗔𝗱𝗱𝗿𝗲𝘀𝘀
"𝗪𝗲 𝗮𝗿𝗲 𝗻𝗼𝘁 𝗼𝗻𝗹𝘆 𝗹𝗲𝗮𝗱𝗲𝗿𝘀 𝗼𝗳 𝘁𝗼𝗺𝗼𝗿𝗿𝗼𝘄, 𝗯𝘂𝘁 𝘄𝗲 𝗮𝗿𝗲 𝗽𝗮𝗿𝘁 𝗼𝗳 𝘁𝗼𝗱𝗮𝘆." Our closing address speaker—Ms. Verdadero, encouraged the youth of today to not only view leadership as a mere title. But instead, view it as a role of influencing others towards a better future, and to become a role model for the present actions we have to take today to be able to produce a sustainable and pleasant future.

One key takeaway from the webinar was to stop asking only “What will the future be?” and instead ask, “What future do we want to live in?” As Ms. Alexis Verdadero said in her closing address, “We are not only leaders of tomorrow, but we are part of today.” 🌎

This special episode, served as more than just a webinar session. Instead, it became a meaningful place of discussion and reflection. About future literacy, decision making, and leadership. Todays episode is a wonderful reminder of how we are all in charged of creating the future that we desire. With the given knowledge, wisdom, and a collaborative effort it shall lead to a more sustainable future.

👩🏻‍💻: Nathalie Rebano | SSLG INT. VICE PRESIDENT
Dessa Fontiveros |SSLG GRADE 11 REPRESENTATIVE
Jhana Mariz Gallano | SSLG GRADE 10 REPRESENTATIVE
✍🏻: Rhianna Alexa Reyes | SSLG AUDITOR
Dessa Fontiveros | SSLG GRADE 11 REPRESENTATIVE

© 2026 𝘔𝘦𝘺𝘤𝘢𝘶𝘢𝘺𝘢𝘯 𝘕𝘢𝘵𝘪𝘰𝘯𝘢𝘭 𝘏𝘪𝘨𝘩 𝘚𝘤𝘩𝘰𝘰𝘭 𝘚𝘶𝘱𝘳𝘦𝘮𝘦 𝘚𝘦𝘤𝘰𝘯𝘥𝘢𝘳𝘺 𝘓𝘦𝘢𝘳𝘯𝘦𝘳 𝘎𝘰𝘷𝘦𝘳𝘯𝘮𝘦𝘯𝘵 (𝘚𝘚𝘓𝘎). 𝘈𝘭𝘭 𝘙𝘪𝘨𝘩𝘵𝘴 𝘙𝘦𝘴𝘦𝘳𝘷𝘦𝘥.

All content, including digital designs, graphics, layouts, photographs, videos, and written captions posted on this page, are the intellectual property of Meycauayan National High School SSLG unless otherwise stated.

No part of these publications may be reproduced, distributed, modified, or transmitted in any form or by any means—including photocopying, recording, or other electronic methods—without the prior written permission of the SSLG Executive Council, except for official school sharing and non-commercial educational use with proper attribution.

21/08/2026

𝗦𝗜𝗠𝗕𝗔𝗛𝗔𝗡 𝗡𝗚 𝗣𝗟𝗔𝗥𝗜𝗗𝗘𝗟: 𝗔𝗡𝗚 𝗡𝗔𝗧𝗔𝗧𝗔𝗡𝗚𝗜𝗡𝗚 𝗣𝗔𝗥𝗢𝗞𝗬𝗔 𝗡𝗚 𝗡𝗘𝗢-𝗠𝗨𝗗𝗘𝗝𝗔𝗥 𝗔𝗧 𝗣𝗔𝗠𝗔𝗡𝗔 𝗡𝗚 𝗤𝗨𝗜𝗡𝗚𝗨𝗔

Alam mo ba na ang Simbahan ng Plaridel (Parokya ni Santiago Apostol) sa dating bayan ng Quingua ay isa sa mga pinakabihirang simbahan sa bansa na nagtataglay ng estilong Neo-Mudejar o disenyong may impluwensyang Arabesko at Moro?

Bilang bahagi ng 𝗦𝗦𝗟𝗚 𝗛𝗜𝗦𝗧𝗖𝗔𝗠𝗣 𝟭𝟬𝟭: 𝗛𝗶𝘀𝘁𝗼𝗿𝗶𝗰𝗮𝗹 𝗛𝗲𝗿𝗶𝘁𝗮𝗴𝗲 𝗖𝗮𝗺𝗽𝗮𝗶𝗴𝗻, ating balikan ang mayaman at makasaysayang pamana ng Simbahan ng Plaridel!

Nagmula ang pangalang Quingua sa Kapampangan na quing wawa ("sa kabila ng ilog"). Unang naitala ang simbahan bilang visita noong 1599 at naging nagsasariling parokya noong 1605 sa ilalim ng pamumuno ni Padre Diego Pardo. Noong 1936, pormal na pinalitan ang pangalan ng bayan mula Quingua patungong Plaridel bilang pagpaparangal sa sagisag-panulat ng bayaning si Marcelo H. del Pilar.

Ilan sa mga natatanging katangian at kahalagahan ng Simbahan ng Plaridel:

• 𝗔𝗿𝗸𝗶𝘁𝗲𝗸𝘁𝘂𝗿𝗮𝗻𝗴 𝗡𝗲𝗼-𝗠𝘂𝗱𝗲𝗷𝗮𝗿 𝗮𝘁 𝗜𝗻𝗳𝗹𝘂𝗲𝗻𝘀𝘆𝗮𝗻𝗴 𝗠𝗼𝗿𝗼: Natatangi ang simbahan dahil sa paggamit ng disenyong Arabesko o Mudejar mula sa Espanya. Kapansin-pansin ang mala-sibuyas o pabilog na pedimente (kahalintulad ng mga moske), mga arko na hugis talulot ng bulaklak, at mga geometrikong dibuho sa paligid nito.
• 𝗠𝗮𝘁𝗮𝗮𝘀 𝗻𝗮 𝗜𝗻𝗵𝗲𝗻𝘆𝗲𝗿𝗶𝘆𝗮 𝗮𝘁 𝗘𝘀𝘁𝗿𝘂𝗸𝘁𝘂𝗿𝗮: Gawa sa magagandang adobeng Meycauayan at matitigas na kahoy (balayong, yakal, molave) mula sa gubat ng Bintog. Ang bubungan ay ginamitan ng tradisyong Murisko gamit ang mga tirante (pangkabit ng dalawang pader) at zapata (dekoratibong kahoy na sumasapo) upang maiwasan ang pagbuka ng pader sa gitna ng lindol.
• 𝗕𝗮𝗿𝗼𝗸𝗼𝗻𝗴 𝗥𝗲𝘁𝗮𝗯𝗹𝗼 𝗮𝘁 𝗦𝘂𝗵𝗮𝘆: May makakapal na suhay (buttresses) na may kapal na 105 pulgada at lapad na 129 pulgada para sa proteksyon laban sa lindol, gayundin ang patatsulok na retablo mayor.
• 𝗧𝗿𝗮𝗱𝗶𝘀𝘆𝗼𝗻 𝗻𝗴 "𝗦𝗮𝗹𝘂𝗯𝗼𝗻𝗴": Tuwing Disyembre, ginaganap ang prusisyon ng "Salubong" kung saan inililipat ang imahen ng patron na si Santiago Matamoros mula Sipat-Lumang Bayan patungong Poblacion kasama ang mga tiburin, kalesa, at banda—isang tradisyong nag-uugnay sa paniniwalang doon sa Lumang Bayan unang nakatayo ang lumang simbahan bago inilipat sa mas mataas na pook dahil sa baha.
• 𝗥𝗲𝘀𝘁𝗼𝗿𝗮𝘀𝘆𝗼𝗻 𝗮𝘁 𝗗𝗲𝗸𝗼𝗿𝗮𝘀𝘆𝗼𝗻: Sa pamumuno ni Padre Victorino Lopez noong 1898, naidagdag ang baldosa sa sahig, ang bakod na may pinyal na apoy (simbolo ni San Agustin), at ang pinakamahabang beranda ng kumbento sa Bulacan. Naibalik ang orihinal nitong ganda at kisame sa restorasyon noong 2014.

Ang Simbahan ng Plaridel ay hindi lamang simbolo ng pananampalataya, kundi isang obra ng sining at arkitektura na nag-uugnay sa ating makasaysayang nakaraan! Tunay na Pamana ng Lahi, Yamang Aking Ipagmamalaki!

𝗚𝗨𝗦𝗧𝗢 𝗠𝗢 𝗣𝗔 𝗕𝗔𝗡𝗚 𝗠𝗔𝗧𝗨𝗧𝗢? I-scan ang 𝗤𝗥 𝗖𝗼𝗱𝗲 sa aming opisyal na pubmat para sa iba pang detalye ukol sa Simbahan ng Plaridel!

𝗦𝗮𝗻𝗴𝗴𝘂𝗻𝗶𝗮𝗻: Garcia, J. (2019). KING WA: Ang naglahong kaharian ng Quingua. Sa SINEliksik Bulacan heritage book: Vol. II. Pamana ng lahi, yamang aking ipagmamalaki (mga pah. 6–15). Pamahalaang Panlalawigan ng Bulacan.

21/08/2026

𝗡𝗜𝗡𝗢𝗬 𝗔𝗤𝗨𝗜𝗡𝗢 𝗗𝗔𝗬 | 𝟮𝟭 𝗔𝗨𝗚𝗨𝗦𝗧 𝟮𝟬𝟮𝟲 🎗️

The Supreme Secondary Learner Government (SSLG) of Meycauayan National High School joins the nation in commemorating the 43rd anniversary of the martyrdom of Senator Benigno “Ninoy” Aquino Jr.

On 21 August 1983, the assassination of Senator Aquino became a defining moment in Philippine history. His death intensified the call for democratic reforms and contributed to the growing movement that eventually led to the 1986 People Power Revolution.

As we commemorate this significant day, may we continue to recognize the importance of historical consciousness, democratic values, human rights, and responsible citizenship. For the youth, remembering our history is not simply an act of commemoration; it is an opportunity to understand the experiences that shaped our nation and to reflect on our responsibility in safeguarding the values of democracy.

May the life and legacy of Ninoy Aquino remind us that the preservation of freedom and democracy requires an informed, engaged, and responsible citizenry.

Let us remember with respect, learn from history, and uphold the values that strengthen our nation.

📷 Photo courtesy of the National Historical Commission of the Philippines (NHCP).

21/08/2026

May 'Stock Knowledge' ka pa ba, o puro stock ng chismis lang ang nasa isip mo? Oras na para gamitin 'yan sa tamang labanan! 🧠⚡

Ngayong 𝗕𝘂𝘄𝗮𝗻 𝗻𝗴 𝗞𝗮𝘀𝗮𝘆𝘀𝗮𝘆𝗮𝗻 𝟮𝟬𝟮𝟲, hindi sapat ang "Sana all nakakaalala." kailangan totoong kabisado mo ang ating nakaraan! Muling magkaka-alaman kung sino ang tunay na lodi sa 𝗕𝗮𝗸𝗯𝗮𝗸𝗮𝗻 𝘀𝗮 𝗞𝗮𝘀𝗮𝘆𝘀𝗮𝘆𝗮𝗻: 𝗣𝗮𝗺𝗽𝗮𝗮𝗿𝗮𝗹𝗮𝗻𝗴 𝗧𝗮𝗴𝗶𝘀𝗮𝗻 𝗻𝗴 𝗧𝗮𝗹𝗶𝗻𝗼.

Ihanda na ang inyong mga whiteboard marker, pabilisang mag-isip, at ipaglaban ang karangalan ng inyong seksyon/grupo sa usaping kasaysayan, kultura, at pamanang Meycaueño, Bulakenyo, at Pilipino!

Inihahandog ng 𝗦𝘂𝗽𝗿𝗲𝗺𝗲 𝗦𝗲𝗰𝗼𝗻𝗱𝗮𝗿𝘆 𝗟𝗲𝗮𝗿𝗻𝗲𝗿 𝗚𝗼𝘃𝗲𝗿𝗻𝗺𝗲𝗻𝘁 (𝗦𝗦𝗟𝗚) katuwang ang 𝗞𝗔𝗕𝗔𝗡𝗪𝗔 – 𝗦𝗼𝗰𝗶𝗮𝗹 𝗦𝗰𝗶𝗲𝗻𝗰𝗲 𝗖𝗹𝘂𝗯.

𝗠𝗚𝗔 𝗗𝗔𝗣𝗔𝗧 𝗧𝗔𝗡𝗗𝗔𝗔𝗡:
𝗣𝗲𝘁𝘀𝗮: 𝗔𝗴𝗼𝘀𝘁𝗼 𝟮𝟰, 𝟮𝟬𝟮𝟲 (𝗟𝘂𝗻𝗲𝘀)
𝗟𝘂𝗴𝗮𝗿: 𝗠𝗡𝗛𝗦 𝗖𝗼𝘃𝗲𝗿𝗲𝗱 𝗖𝗼𝘂𝗿𝘁
𝗢𝗿𝗮𝘀: 𝟮:𝟯𝟬 𝗣𝗠

Mag-review na habang may oras pa! Bawat tamang sagot ay hakbang tungo sa korona ng tagumpay. ✨
Kasaysayan ang larangan. Kaalaman ang sandata. Talino ang pundasyon.

𝐌𝐮𝐥𝐚 𝐌𝐞𝐲𝐜𝐚𝐮𝐚𝐲𝐚𝐧, 𝐏𝐚𝐫𝐚 𝐬𝐚 𝐁𝐮𝐥𝐚𝐜𝐚𝐧, 𝐏𝐚𝐫𝐚 𝐬𝐚 𝐏𝐢𝐥𝐢𝐩𝐢𝐧𝐚𝐬! 💙

20/08/2026

𝗧𝗮𝗵𝗮𝗻𝗮𝗻 𝗻𝗶 𝗗𝗿. 𝗟𝘂𝗶𝘀 𝗨𝗶𝘁𝗮𝗻𝗴𝗰𝗼𝘆 𝗦𝗮𝗻𝘁𝗼𝘀: 𝗞𝗮𝗻𝗹𝘂𝗻𝗴𝗮𝗻 𝗻𝗴 𝗞𝗮𝘀𝗮𝘆𝘀𝗮𝘆𝗮𝗻, 𝗦𝗶𝗻𝗶𝗻𝗴, 𝗮𝘁 𝗣𝗮𝗻𝗴𝗴𝗮𝗴𝗮𝗺𝗼𝘁 𝘀𝗮 𝗠𝗮𝗹𝗼𝗹𝗼𝘀

Alam mo ba na sa Distrito ng Kamestisuhan sa Malolos ay may isang nakatagong tahanan na hindi lamang naging klinika ng bayan kundi kanlungan din ng mga obra ng ating mga Pambansang Alagad ng Sining?

Bilang bahagi ng 𝗦𝗦𝗟𝗚 𝗛𝗜𝗦𝗧𝗖𝗔𝗠𝗣 𝟭𝟬𝟭: 𝗛𝗶𝘀𝘁𝗼𝗿𝗶𝗰𝗮𝗹 𝗛𝗲𝗿𝗶𝘁𝗮𝗴𝗲 𝗖𝗮𝗺𝗽𝗮𝗶𝗴𝗻, ating tuklasin ang 𝗧𝗮𝗵𝗮𝗻𝗮𝗻 𝗻𝗶 𝗗𝗿. 𝗟𝘂𝗶𝘀 𝗨𝗶𝘁𝗮𝗻𝗴𝗰𝗼𝘆 𝗦𝗮𝗻𝘁𝗼𝘀 —isang obra maestra ng arkitekturang Art Deco at saksi sa dakilang kasaysayan ng Bulacan!

Si 𝗗𝗿. 𝗟𝘂𝗶𝘀 𝗨𝗶𝘁𝗮𝗻𝗴𝗰𝗼𝘆 𝗦𝗮𝗻𝘁𝗼𝘀 ay anak nina Paulino Santos at Alberta Uitangcoy (ang lider ng tanyag na Kababaihan ng Malolos). Matapos magpakadalubhasa sa Estados Unidos, nagpatayo siya ng tahanan sa Distrito ng Kamestisuhan na natapos noong 1933.

𝗜𝗹𝗮𝗻 𝘀𝗮 𝗺𝗴𝗮 𝗻𝗮𝘁𝗮𝘁𝗮𝗻𝗴𝗶𝗻𝗴 𝗸𝗮𝘁𝗮𝗻𝗴𝗶𝗮𝗻 𝗮𝘁 𝗸𝗮𝗵𝗮𝗹𝗮𝗴𝗮𝗵𝗮𝗻 𝗻𝗴 𝗸𝗮𝗻𝗶𝘆𝗮𝗻𝗴 𝘁𝗮𝗵𝗮𝗻𝗮𝗻:

• 𝗔𝗿𝗸𝗶𝘁𝗲𝗸𝘁𝘂𝗿𝗮𝗻𝗴 𝗔𝗿𝘁 𝗗𝗲𝗰𝗼: Tampok sa kabuuan ng bahay ang mga matatapang na geometrikong hugis, madahon at mabulaklak na barandilya, semi-circular driveway, bukal o fountain, mataas na tore, at mga palamuting may disenyong mala-kidlat, alon, at diyosang si Nike.
• 𝗞𝗹𝗶𝗻𝗶𝗸𝗮 𝗻𝗴 𝗕𝗮𝘆𝗮𝗻 (𝗨𝗻𝗮𝗻𝗴 𝗣𝗮𝗹𝗮𝗽𝗮𝗴): May apat na metrong taas ng kisame upang maging maaliwalas ang konsultasyon at panggagamot. Walang pinili si Dr. Luis—ginamot at inalagaan niya rito ang mga karaniwang mamamayan, gerilya, at maging mga sundalong Hapones noong Ikalawang Digmaang Pandaigdig.
• 𝗜𝗺𝗯𝗮𝗸𝗮𝗻𝗴-𝗬𝗮𝗺𝗮𝗻 𝗻𝗴 𝗣𝗮𝗺𝗯𝗮𝗻𝘀𝗮𝗻𝗴 𝗦𝗶𝗻𝗶𝗻𝗴 (𝗜𝗸𝗮𝗹𝗮𝘄𝗮𝗻𝗴 𝗣𝗮𝗹𝗮𝗽𝗮𝗴 𝗮𝘁 𝗕𝗮𝗸𝘂𝗿𝗮𝗻):
o Fernando Amorsolo: Ang pabilog na kisame ng sala ay may pintang mural na "The Seven Muses in a Philippine Setting."
o Guillermo Tolentino: Ang nililok na bukal o fountain sa gitna ng hardin sa bakuran.
o Juan F. Nakpil: Ang disenyong solihiya ambassador chair sa sala.
o Iba pang Mahahalagang Sining: Replika ng "El Kundiman" ni Fabian dela Rosa, mga larawang-guhit ni Diosdado Lorenzo, at ang pamana at antigong imahen ng Santo Entierro mula kay Francisca Tantoco.
• 𝗟𝗮𝗯𝗮𝗻 𝘀𝗮 𝗣𝗿𝗲𝘀𝗲𝗿𝗯𝗮𝘀𝘆𝗼𝗻: Sa kabila ng banta ng baha, sunog, at mga bumibili ng antigong kagamitan (pickers), patuloy ang adbokasiya na maidaklara ito bilang Important Cultural Property (ICP) o National Cultural Treasure (NCT) sa Philippine Registry of Cultural Property.

Ang Tahanan ni Dr. Luis Uitangcoy Santos ay patunay ng husay ng Pilipino sa medisina, sining, at arkitektura. Isang tunay na Pamana ng Lahi, Yamang Aking Ipagmamalaki!

𝗚𝗨𝗦𝗧𝗢 𝗠𝗢 𝗣𝗔 𝗕𝗔𝗡𝗚 𝗠𝗔𝗧𝗨𝗧𝗢? I-scan ang 𝗤𝗥 𝗖𝗼𝗱𝗲 sa aming opisyal na pubmat para sa iba pang detalye ukol sa Tahanan ni Dr. Luis Uitangcoy Santos!

𝗦𝗮𝗻𝗴𝗴𝘂𝗻𝗶𝗮𝗻: Martinez, M. L., Jr. (2019). Nagtatago ng yaman at kasaysayan: Ang tahanan ni Dr. Luis Uitangcoy Santos. Sa SINEliksik Bulacan heritage book: Vol. II. Pamana ng lahi, yamang aking ipagmamalaki (mga pah. 6–18). Pamahalaang Panlalawigan ng Bulacan.

19/08/2026

𝗧𝗮𝗵𝗮𝗻𝗮𝗻 𝗻𝗶 𝗔𝗹𝗯𝗲𝗿𝘁𝗮 𝗨𝗶𝘁𝗮𝗻𝗴𝗰𝗼𝘆: 𝗦𝘂𝗹𝘆𝗮𝗽 𝘀𝗮 𝗞𝗮𝘁𝗮𝗽𝗮𝗻𝗴𝗮𝗻 𝗻𝗴 𝗞𝗮𝗯𝗮𝗯𝗮𝗶𝗵𝗮𝗻 𝗻𝗴 𝗠𝗮𝗹𝗼𝗹𝗼𝘀 𝗮𝘁 𝗣𝗮𝗺𝗮𝗻𝗮𝗻𝗴 𝗔𝗿𝗸𝗶𝘁𝗲𝗸𝘁𝘂𝗿𝗮

Alam mo ba na sa tanyag na Kamestisuhan District sa Malolos matatagpuan ang natatanging bahay na bato ng lider ng Kababaihan ng Malolos na si 𝗔𝗹𝗯𝗲𝗿𝘁𝗮 𝗨𝗶𝘁𝗮𝗻𝗴𝗰𝗼𝘆?

Bilang bahagi ng 𝗦𝗦𝗟𝗚 𝗛𝗜𝗦𝗧𝗖𝗔𝗠𝗣 𝟭𝟬𝟭: 𝗛𝗶𝘀𝘁𝗼𝗿𝗶𝗰𝗮𝗹 𝗛𝗲𝗿𝗶𝘁𝗮𝗴𝗲 𝗖𝗮𝗺𝗽𝗮𝗶𝗴𝗻, ating tuklasin ang kuwento ng katapangan, arkitekturang Art Deco at Art Nouveau, at mayamang kulinarya na nakaukit sa makasaysayang tahanang ito!

Si Alberta Uitangcoy (isinilang noong Nobyembre 20, 1865) ay ang lider ng Kababaihan ng Malolos na personal na nag-abot ng petisyon kay Gobernador-Heneral Valeriano Weyler noong 1888 upang magkaroon ng paaralan para sa kababaihan at makapag-aral ng wikang Espanyol. Ang katapangang ito ay pinuri nina Marcelo H. del Pilar, Graciano López Jaena, at ni Dr. José Rizal sa kaniyang tanyag na liham na "Sa Mga Kababayang Dalaga sa Malolos."

𝗜𝗹𝗮𝗻 𝘀𝗮 𝗺𝗴𝗮 𝗻𝗮𝘁𝗮𝘁𝗮𝗻𝗴𝗶𝗻𝗴 𝗸𝗮𝘁𝗮𝗻𝗴𝗶𝗮𝗻 𝗮𝘁 𝗸𝗮𝗵𝗮𝗹𝗮𝗴𝗮𝗵𝗮𝗻 𝗻𝗴 𝗸𝗮𝗻𝗶𝘆𝗮𝗻𝗴 𝘁𝗮𝗵𝗮𝗻𝗮𝗻:

• 𝗔𝗿𝗸𝗶𝘁𝗲𝗸𝘁𝘂𝗿𝗮𝗻𝗴 𝗕𝗮𝗵𝗮𝘆 𝗻𝗮 𝗕𝗮𝘁𝗼 (𝗔𝗿𝘁 𝗡𝗼𝘂𝘃𝗲𝗮𝘂 & 𝗔𝗿𝘁 𝗗𝗲𝗰𝗼): Matatagpuan sa makasaysayang distrito ng Kamestisuhan, ang dalawang-palapag na bahay na bato ay nagpapakita ng pinagsamang disenyong late-Art Nouveau (mga organikong kurba at disenyong hango sa kalikasan) at early Art Deco (mga linyang geometriko at matatalas na anggulo).
• 𝗠𝗮𝗸𝗮𝘀𝗮𝘆𝘀𝗮𝘆𝗮𝗻𝗴 𝗦𝗶𝗹𝗶𝗱 𝗮𝘁 𝗧𝗮𝗴𝘂𝗮𝗻: Nagtataglay ito ng mga sanga-sangang pinto at mga lihim na lagusan na ipininta sa kulay ng pader upang hindi mapansin. Ginamit itong taguan ng pamilya Uitangcoy-Santos laban sa mga sundalong Hapones noong Ikalawang Digmaang Pandaigdig.
• 𝗞𝗹𝗶𝗻𝗶𝗸𝗮 𝗮𝘁 𝗧𝗮𝗵𝗮𝗻𝗮𝗻 𝗻𝗴 𝗞𝘂𝗹𝗶𝗻𝗮𝗿𝘆𝗮: Ang unang palapag ay nagsilbing klinika ng kaniyang mga anak na sina Dr. Luis at Dr. Gonzalo Santos. Dito rin nagmula ang mga tanyag na resipe ng Malolos tulad ng Empanada de Kaliskis, Inipit, Gorgurya, at Pastillas de Leche.
• 𝗣𝗿𝗲𝘀𝗲𝗿𝗯𝗮𝘀𝘆𝗼𝗻 𝗮𝘁 𝗔𝗱𝗮𝗽𝘁𝗶𝘃𝗲 𝗥𝗲𝘂𝘀𝗲: Sa pakikipagtulungan ng Women of Malolos Foundation, Inc. (WOMFI) at ng mga apo ni Alberta, naisagawa ang proyektong "Adopt a Heritage House" upang maibalik ang orihinal na ganda ng bahay. Ginawa itong museo at bed and breakfast hotel upang manatiling buhid ang kasaysayan nito sa makabagong panahon.

Ang Tahanan ni Alberta Uitangcoy ay hindi lamang isang sinaunang gusali—ito ay patunay ng paninindigan at dakilang ambag ng kababaihang Bulakenya sa ating bansa! Tunay na Pamana ng Lahi, Yamang Aking Ipagmamalaki!

𝗦𝗮𝗻𝗴𝗴𝘂𝗻𝗶𝗮𝗻: Bagsic, N. A. L. (2019). Tahanan ni Alberta Uitangcoy. Sa SINEliksik Bulacan heritage book: Vol. II. Pamana ng lahi, yamang aking ipagmamalaki (mga pah. 5–13). Pamahalaang Panlalawigan ng Bulacan.

19/08/2026

📢 𝗙𝗔𝗖𝗘-𝗧𝗢-𝗙𝗔𝗖𝗘 𝗖𝗟𝗔𝗦𝗦 𝗦𝗨𝗦𝗣𝗘𝗡𝗦𝗜𝗢𝗡 | 𝗔𝘂𝗴𝘂𝘀𝘁 20, 2026 (𝐓𝐡𝐮𝐫𝐬𝐝𝐚𝐲)

Pursuant to Memorandum Circular No. 131 issued by the Office of the President, alternative learning modes for classes and learning continuity measures shall be implemented on Thursday, August 20, 2026 in Bulacan and other areas covered by the directive. 🌧️

The directive was issued upon the recommendation of the National Disaster Risk Reduction and Management Council (NDRRMC) in anticipation of continued heavy rainfall associated with the enhanced Southwest Monsoon (Habagat), which may pose risks of localized flooding and travel hazards.

Accordingly, face-to-face classes will not be conducted, and learners are advised to follow the alternative learning arrangements and learning continuity measures to be implemented by the school.

We encourage all 𝐁𝐚𝐭𝐚𝐧𝐠 𝐌𝐍𝐇𝐒 to prioritize your safety, stay informed, and monitor the official announcements of Meycauayan National High School, the City Government of Meycauayan, and PAGASA for further updates and instructions.

𝐒𝐭𝐚𝐲 𝐬𝐚𝐟𝐞, 𝐁𝐚𝐭𝐚𝐧𝐠 𝐌𝐍𝐇𝐒! 🫂🌧️💚

Source: Office of the President — Memorandum Circular No. 131
Date: August 19, 2026
https://www.facebook.com/share/1C9gyA2eY6/

👩🏻‍💻: Sophia Lhizette Macalipas | SSLG PUBLIC INFORMATION OFFICER
✍️🏼: Chaunsea Mangalindan | SSLG PUBLIC INFORMATION OFFICER

© 2026 𝘔𝘦𝘺𝘤𝘢𝘶𝘢𝘺𝘢𝘯 𝘕𝘢𝘵𝘪𝘰𝘯𝘢𝘭 𝘏𝘪𝘨𝘩 𝘚𝘤𝘩𝘰𝘰𝘭 𝘚𝘶𝘱𝘳𝘦𝘮𝘦 𝘚𝘦𝘤𝘰𝘯𝘥𝘢𝘳𝘺 𝘓𝘦𝘢𝘳𝘯𝘦𝘳 𝘎𝘰𝘷𝘦𝘳𝘯𝘮𝘦𝘯𝘵 (𝘚𝘚𝘓𝘎). 𝘈𝘭𝘭 𝘙𝘪𝘨𝘩𝘵𝘴 𝘙𝘦𝘴𝘦𝘳𝘷𝘦𝘥.

All content, including digital designs, graphics, layouts, photographs, videos, and written captions posted on this page, are the intellectual property of Meycauayan National High School SSLG unless otherwise stated.

No part of these publications may be reproduced, distributed, modified, or transmitted in any form or by any means—including photocopying, recording, or other electronic methods—without the prior written permission of the SSLG Executive Council, except for official school sharing and non-commercial educational use with proper attribution.

Supreme Secondary Learner Government Organization - MNHS

24/08/2026

24/08/2026

23/08/2026

23/08/2026

21/08/2026

21/08/2026

21/08/2026

20/08/2026

19/08/2026

19/08/2026

Address

Opening Hours

Website

Alerts

Shortcuts

Share

Category

Listing takedown request

Monday	8am - 5pm
Tuesday	8am - 5pm
Wednesday	8am - 5pm
Thursday	8am - 5pm
Friday	8am - 5pm