29/05/2020
Kaluguran ming pengari da ring anak ming magaral Mexico National HS, masaya ming ipayabut ing kekatamung enrollment para king School year 2020-2021 magumpisa neng June1-30,2020.
Bistat man mekapag Early Registration tamu pu last February, kailangan la pa rin magregister thru online or thru text. Enakayu pu kailangan munta king escuela anggat malyari, para atukyan tamu ing panagkat ning kaligtasan at social distancing.
Bandang lalam ning announcement a iti, akit yo pu reng maestra or Enrollment Focal Persons (EFP) na magsilbi yung kontakan para i enroll la reng anak.
Alinsunud keng utus ning kekatang Presidenti Duterte, na sinang-ayunan ning DepEd, ala tamung Face to Face classroom instruction, pauli ning pandemic. Ing kaligtasan ning bawat metung ya ing prioridad.
Dakal ya alternatibung paralan ing Deped para misundu ing edukasyun da ring anak tamu.
Keng Distance Learning or Contextualized Learning, ing maestra mamye yang modules okaya mag discuss ya online. Ikayung pengari ing magsilbing gabay da kabang gagampanan da ing pamag-aral kilub ning pibale-bale. Disiplina, tiyaga at determinasyun ing kailangan ning anak para misadsad. Responsibilidad yu pu ing tutukan yu la, at ikami ring maestra maging flexible kami naman king pamamye kaalamang intellectual. Kailangan tamung misasanmetung:pengari, anak at maestra para alabanan ing hamon ning pandemia.
Alang dapat maging sumbagal king panyulung ning edukasyun.
Asadsad ta pu ini king pamisopan tamu.
At potang atchu ne ing panayan at pangadi tamung covid vaccine, masaya tamung magbalik escuela, uling alampasan taya ing crisis pauli ning lugud at pamanantabe ning Guinung Mayupaya!
Atchu pu kekayu ing desisyun nung buri yeng i-enroll o ali ing anak yu.
Mamye kami pung Learner Enrollment Survey Form (LESF) para i fill-up yu.
Pauli ning makabawal pu ing munta kayu escuela, king utus ning DepEd, kayantabe tala reng mamuntukan barrio(Barangay Council) para ikalat la reti at ibalik para akit tamu nung nanung resulta: Online okaya Modular Learning.
Pasibayu, atchu kekayung pengari nung tanggapan yu iting mayap a parasan para king kapakanan da ring kekatamung magaral.
Salamat pu at bendisyunan Na katamu ngan ning Mabie Dios!
Enrollment Focal Persons:
TEACHERS Contact Numbers
Rebecca Vino - 092713634126
Vilma S Ramirez - 09153724155
Raffy Navarro- 09284968253
Kim Sanga - 09277193518
Leonila Atienza - 09054273586
Dariane M. German 09058457262
Theresa Mae Basa - 09276017866
Marla Silvano 09466084731
Alfie Ivan Supan 09499393890
Emalin Lising 09171584815
Queenie Bondoc 09359359828
Lorena Pineda 09392909381
Krisel Reyes Cortez 09351791916
Hermie Sahagun 09175083199
Miko Gabriel Reyes 09669128431
Maribel Mangio 09068024628
Maila B. Manco 09277996335
Luzviminda Dizon 09174466613
Irvin Kent Guintu 09159241315
Cherilyn Gomez Viray 09223190893
Mary Ann Lagundo Quintino 09420021465
Ing kekong talasuyung principal,
Lydia Dizon Canlas
09993077951
