MNCHS Alumni

Sugdan na sa People’s Administration ang Weekend Car-Free Days sa pili lamang nga lugar, sugod ugma, Marso 28, 2026 isip kabahin sa interbensyon sa krisis sa enerhiya.

Subay sa gipagula ni Mayor Joel Mayo Almario nga Executive Order No. 063 ipasirado gikan sa kanto nga dalan atubangan sa City Hall hangtod sa kanto sa 7-Eleven ingon man ang dalan kung asa nahimutang ang Night Market padulong sa kanto atbang sa Baywalk Hotel.

Ipatuman kini matag Sabado ug Dominggo gikan ala 1:00 sa hapon hangtod alas 7:00 sa gabii. Sulod niining mga orasa, sirado ang dalan alang sa tanang de-makinang sakyanan gawas lang sa mga emergency response, law enforcement, ug uban pang awtorisadong service vehicles.

Mahimo kining gamiton sa mga Matinian sama sa walking, jogging, ug uban pang ehersisyo ug sports sama sa sikat karon nga Pickleball. Gidasig usab ang mga lokal nga MSMEs sa pag-abli og mga pop-up stalls ingon man ang mga buskers, artists, ug coffee carts.

Tinguha sa People’s Administration nga mabawasan ang konsumo sa kuryente ug petrolyo apil na ang pag-promotar sa mas himsog nga lifestyle. Ginaawhag ni Mayor Almario nga magsambuok ang komunidad pinaagi sa pag-apil niining inisyatibo sa pagdaginot sa enerhiya. | CIO

Together, Yes We Can
Para Sa Tanan

Airline Companies gihangyo nga ikonsiderar ang Siyudad sa Mati isip Bag-ong Destinasyon sa Mindanao

City of Mati, Davao Oriental – Gihangyo ni Mayor Mayo Almario ang mga airline companies sama sa Cebu Pacific Air, Philippine Airlines, ug SkyJet Airlines pinaagi sa suwat nga ikonsiderar ang Siyudad sa Mati isip bag-ong destinasyon sa Mindanao. Tumong niini ang pagpalig-on sa konektibidad ug pagduso sa turismo sa silangang bahin sa rehiyon.

Ang Mati gipasiugdahan isip priority tourism hub pinaagi sa hiniusang paningkamot sa Department of Tourism, Kongreso, Provincial Government, ug City Government. Lakip sa gipasigarbo sa syudad ang Pujada Bay ug Mayo Bay, nga apil sa Most Beautiful Bays in the World, ug ang Mount Hamiguitan Range Wildlife Sanctuary, usa ka UNESCO World Heritage Site.

“Ang paliparan gilaraw alang sa commercial operations ug direktang air access sa Eastern Mindanao ug gilaumang magserbisyo sa mga biyahero gikan sa Davao Oriental, Davao del Norte, Davao de Oro, Agusan del Sur, ug Surigao del Sur,” sumala sa MAYOr.

Nagapadayon ang konstruksyon sa New Mati Airport nga gilaumang mahuman sa sunod tuig.

Ang City Government andam makigtambayayong sa mga airline companies sa data sharing ug lokal nga suporta alang sa route evaluation, matud pa ni Almario.



*𝐴𝐼 𝑔𝑒𝑛𝑒𝑟𝑎𝑡𝑒𝑑 𝑖𝑚𝑎𝑔𝑒 𝑓𝑜𝑟 𝑖𝑙𝑙𝑢𝑠𝑡𝑟𝑎𝑡𝑖𝑜𝑛 𝑝𝑢𝑟𝑝𝑜𝑠𝑒𝑠 𝑜𝑛𝑙𝑦.