https://www.facebook.com/428406130354444/

Matalam Central Elementary School

Home
Philippines
Matalam
Matalam Central Elementary School

Directions

Contact information, map and directions, contact form, opening hours, services, ratings, photos, videos and announcements from Matalam Central Elementary School, School, Poblacion, Cotabato, Matalam.

01/10/2026

Batang MCES, Protektado sa Bakuna

Isinulong ng Matalam Central Elementary School (MCES) ang kalusugan at kapakanan ng mga mag-aaral sa pamamagitan ng school-based vaccination program na ginanap nitong ika-1 ng Oktubre 2026 sa MCES Social Hall.

Isinagawa ang pagbabakuna sa tulong ng Local Government Unit (LGU) ng Matalam, katuwang si Matalam South District School Nurse Cecile J. Segumban. Layunin ng programa na maprotektahan ang mga mag-aaral laban sa iba’t ibang sakit at mapanatili ang kanilang kalusugan.

Tumanggap ng Measles-Rubella at Diphtheria vaccines ang mga mag-aaral mula sa unang baitang. Samantala, binigyan naman ng HPV vaccine at Tetanus Toxoid ang mga babaeng mag-aaral sa Ikaapat na baiting.
Patuloy na nakikiisa ang MCES, sa pamumuno ni Juheri K. Pagocag, sa mga programang pangkalusugan ng pamahalaan upang mapangalagaan ang kaligtasan at kapakanan ng mga mag-aaral.

21/09/2026

MEDALYA AT KARANGALAN: MGA KINATAWAN NG MCES, PINARANGALAN

Ipinamalas ng mga kinatawan ng Matalam Central Elementary School (MCES) ang kanilang husay sa iba’t ibang larangan matapos kilalanin ang kanilang mga natamong tagumpay sa isang pagkilala na isinagawa matapos ang flag ceremony ngayong Setyembre 21, 2026.

Masayang ibinahagi ng mga coach ang mga nakamit ng kanilang mga manlalaro at kinatawan, habang pinalakpakan naman ng mga g**o at kapwa mag-aaral ang kanilang mga tagumpay.

Unang pinarangalan nina Punong G**o Ginoong Juheri Pagocag at Coach Ma’am Ananhova ang mga kinatawan ng MCES sa Lawn Tennis. Nakamit ni Zaky Chad D. Villanueva ang Gold Medal at Overall Champion sa All Singles Category, habang nagkamit naman ng gintong medalya sa Mixed Doubles sina Zydryc Brevyn Mathe Lee Cañete at Julliani Xeff C. Umadhay sa Provincial Athletic Meet 2026 – Elementary Lawn Tennis Boys-CD3 na ginanap noong Setyembre 9–12, 2026 sa Matalam Lawn Tennis Court.

Samantala, kinilala rin si Jusmiel Dirk N. Prado, na nagkamit ng Bronze Medal sa Single A sa Congressional Meet na ginanap sa Tulunan.

Sa larangan naman ng Chess, ipinakilala ni Coach Mary Grace Arguelles si Rhenier D. Lactaotao, na nagkamit ng Bronze Medal sa Team Event sa Provincial Athletic Meet 2026 noong Setyembre 8–12, 2026 sa Rooftop, Amas Provincial Capitol.

Hindi rin nagpahuli sa larangan ng sining si Kyla Chelsea Ricafort, na ipinakilala ni Coach Marouf Sulayman bilang kinatawan ng MCES sa Regional On-the-Spot Poster Making Contest. Naging isa siya sa mga Top Performers sa patimpalak na nilahukan ng mga kinatawan mula sa walong Schools Division Offices (SDOs) noong Setyembre 19, 2026 sa Greenleaf Hotel, General Santos City.

Sa bawat medalya at pagkilalang natamo, dala ng mga kinatawan ang pangalan ng MCES at ipinakikita ang kanilang sipag, talento, at dedikasyon sa larangang kanilang kinabibilangan.

03/09/2026

LARO NG LAKAS, DIWA NG PAGKAKAISA: MCES SPORTS FEST 2026!

Nagsama-sama ang mga mag-aaral, g**o, at kawani ng Matalam Central Elementary School (MCES) para sa Sports Fest 2026 nitong Ika-3 ng Setyembre. Sinimulan ang programa sa makulay na Foot Parade na nilahukan ng Drum and Lyre, Colors, mga G**o, PTA Officers, at mga mag-aaral mula sa iba’t ibang baitang. Sinundan ito ng opening program na nagbigay-daan sa iba’t ibang paligsahan at aktibidad para sa mga kalahok.

Lumahok ang mga mag-aaral mula Kindergarten hanggang Grade 3 sa iba’t ibang laro, gayundin sa Yell Competition at Dance Competition. Samantala, nakilahok naman ang mga mag-aaral mula Grade 4 hanggang Grade 6 sa mga larong Patintero, Tumbang Preso, Agawang Base, Ubusang Lahi, Agawang Panyo, Basketball ng Lahi, at Tug of War. Sa bawat laro, ipinakita ng mga kalahok ang kanilang kakayahan, pagtutulungan, at pagsunod sa mga alituntunin. Naipakita rin nila ang paggalang sa kanilang mga kakampi at kalaban.

Nagtapos ang Sports Fest sa Closing and Awarding Ceremony kung saan kinilala ang mga nagpakita ng husay at pagsisikap sa iba’t ibang paligsahan. Naiwan naman sa mga kalahok ang mahahalagang aral tungkol sa disiplina, pagkakaibigan, pagtutulungan, at pagkakaisa. Sa panawagang “One Team, One School, One Spirit!”, ipinakita ng MCES na ang palakasan ay hindi lamang tungkol sa pagkapanalo kundi tungkol din sa sama-samang pagharap sa hamon. Sa MCES Sports Fest 2026, laro man ang pinagtagpo-tagpo, pagkakaisa naman ang tunay na nagwagi.

17/08/2026

Buong pagmamalaking ibinahagi ng Matalam Central Elementary School ang tagumpay ng mga mag-aaral sa katatapos na Municipal Musabaqah 2026, na matagumpay na ginanap noong Agosto 15, 2026 sa Kidama Elementary School.

Mga Kalahok:

- Harf Touch — Junailah Abdullah

- Qur’an Reading — Jamil Alay

- Quiz Bee — Bairehan Anti, Shahody Tiago, Mardiyah Mata

-Naseeha (Oration) — Ysmael Habib Dilangalen

-Adhan(call to prayer)—Adil Ayman L.Sencil

- Calligraphy — Al-Muhathea Dimacial

- Imlah — Dhaliah Dumalaba

Maraming salamat sa lahat ng sumuporta!Mabuhay! 🤲

-DEPED

14/07/2026

Welcome to the MCES Family! 💙💛

Matalam Central Elementary School warmly welcomes Ma'am Jessie Bel Magana as our newest teacher. We are delighted to have you join our growing family, and we look forward to your dedication, passion, and positive impact on our learners.

Welcome to MCES, Ma'am Jessie! Wishing you a meaningful and successful journey with us. 💙✨

08/07/2026

WELCOME TO MCES FAMILY!

27/06/2026

MCES Matagumpay na Naisagawa ang Unang PTA General Assembly

Matagumpay na naisagawa ng Matalam Central Elementary School (MCES) ang unang PTA General Assembly para sa Taong Panuruan 2026–2027 nitong Hunyo 27, 2026. Dinaluhan ito ng mga magulang, tagapag-alaga, at iba pang stakeholders ng paaralan.

Tinalakay sa pagpupulong ang pagkilala sa mga bagong halal na opisyal ng PTA, mga polisiya sa kaligtasan at seguridad ng paaralan, panukalang PTA school obligation, mga gawaing pangangalap ng pondo, Centralized Bayanihan Program, at iba pang mahahalagang programa ng paaralan.

Nagbahagi rin si PLTCOL. Marvin C. Hugos, Chief of Police ng Matalam MPS, ng mahahalagang impormasyon hinggil sa mga hakbang sa pag-iwas sa krimen at pagpapatibay ng seguridad kasunod ng naganap na insidente ng pamamaril sa Tacloban. Binigyang-diin niya ang kahalagahan ng pagtutulungan ng paaralan, mga magulang, at komunidad upang mapanatiling ligtas ang mga mag-aaral laban sa anumang banta.

Naging mas masaya ang pagtitipon sa isinagawang raffle draw, kung saan namahagi ang paaralan at ang PTA ng mga sako ng bigas at mga bisikleta bilang pangunahing papremyo. Nagtapos ang programa sa paglagda ng mga magulang sa Parents’ Commitment Contract bilang tanda ng kanilang pakikiisa at suporta sa mga layunin at programa ng paaralan.

25/06/2026

📢 GENERAL PTA ASSEMBLY MEETING

We warmly invite all parents, guardians, and stakeholders to join us on June 27, 2026 (Saturday), at 8:00 AM at the MCES Covered Court.

Your presence and support make a difference in shaping a better future for our children. Come, participate, and get a chance to win exciting prizes!

See you there! 💙💚

17/06/2026

📣 Announcement 📣

Matalam Central Elementary School is now accepting new members for the Drum and Lyre Corps (Grade 3–6 MCES learners). Join and showcase your talent in music and rhythm!

Also, please be informed of the upcoming General PTA Assembly Meeting. Your presence and participation are highly encouraged.

Thank you! 🎶🤝

09/06/2026

Eyes here!👀👀👀

Address

Poblacion, Cotabato
Matalam
9406

Website

facebook.com

Alerts

Be the first to know and let us send you an email when Matalam Central Elementary School posts news and promotions. Your email address will not be used for any other purpose, and you can unsubscribe at any time.

Want your school to be the top-listed school/college in Matalam?