Akh Esmael Bin Yosoof

Khutbah 06

Topic: Ang Kahalagahan ng Buwan ng Shawwal

Unang Khutbah

‎إِنَّ الْحَمْدَ لِلَّهِ، نَحْمَدُهُ وَنَسْتَعِينُهُ وَنَسْتَغْفِرُهُ,وَنَعُوذُ بِاللَّهِ مِنْ شُرُورِ أَنْفُسِنَا، وَمِنْ سَيِّئَاتِ أَعْمَالِنَا،
مَنْ يَهْدِهِ اللَّهُ فَلَا مُضِلَّ لَهُ، وَمَنْ يُضْلِلْ فَلَا هَادِيَ لَهُ،
وَأَشْهَدُ أَنْ لَا إِلَٰهَ إِلَّا اللَّهُ وَحْدَهُ لَا شَرِيكَ لَهُ،
وَأَشْهَدُ أَنَّ مُحَمَّدًا عَبْدُهُ وَرَسُولُهُ.

‎يَا أَيُّهَا الَّذِينَ آمَنُوا اتَّقُوا اللَّهَ حَقَّ تُقَاتِهِ، وَلَا تَمُوتُنَّ إِلَّا وَأَنْتُمْ مُسْلِمُونَ

Innal-hamda lillahi, nahmaduhu wa nasta’inuhu wa nastaghfiruhu, wa na’udhu billahi min shururi anfusina wa min sayyi-ati a’malina. May-yahdihillahu fala mudhilla lah, wa may-yudhlil fala hadiya lah. Ash-hadu an la ilaha illallahu wahdahu la sharika lah, wa ash-hadu anna Muhammadan ‘abduhu wa rasuluh.

Ya ayyu-halladhina amanut-taqullaha haqqa tuqatih, wala tamutunna illa wa antum Muslimun.

Mga kapatid sa Islam, ngayong araw ay ating tatalakayin ang tungkol sa buwan ng Shawwal. Pagkatapos nating dumaan sa madisiplinang buwan ng Ramadan, narito tayo ngayon sa Shawwal upang patunayan na ang ating pagsamba ay hindi natatapos sa paglubog ng araw ng huling araw ng Ramadan.

Mga kapatid ko sa Islam,
Nakamit natin ang buwan ng Ramadan, nag-ayuno, nagdasal, at nagbasa ng Qur'an.

Ngayon, tayo ay nasa buwan na ng Shawwal, ang buwan na sumusunod sa Ramadan. Ang Shawwal ay isang buwan ng pagpapatuloy ng kabutihan.

Ang unang araw ng Shawwal ay ang Eid al-Fitr, ang araw ng pagdiriwang at pasasalamat sa Allah. Mahalagang tandaan na ipinagbabawal ang mag-ayuno sa araw ng Eid.

Ang Anim na Araw ng Shawwal (Sitta Shawwal)

Isa sa pinakamahalagang sunnah (tradisyon) ng ating Propeta Muhammad (SAW) sa buwang ito ay ang pag-aayuno ng anim na araw.

Sinabi ng Propeta (SAW) sa isang Hadith:

‎مَنْ صَامَ رَمَضَانَ ثُمَّ أَتْبَعَهُ سِتًّا مِنْ شَوَّالٍ كَانَ كَصِيَامِ الدَّهْرِ"

"Sinuman ang mag-ayuno sa Ramadan pagkatapos ay sinundan niya ito ng anim na araw sa Shawwal, ito ay katulad ng pag-aayuno sa buong taon." (HR. Muslim)

Ang prinsipyo ng Islam ukol dito ay Ang Sinabi ng Allah

Bakit ito mahalaga?

1. Gantimpala ng Isang Taon: Ang bawat kabutihan ay may sampung katumbas na gantimpala. Ang 30 araw ng Ramadan x 10 = 300 araw. Ang 6 na araw ng Shawwal x 10 = 60 araw. 300 + 60 = 360 araw, na halos katumbas ng isang taong pag-aayuno.

Sa Qur'an, ipinaliwanag ng Allah kung paano kinakalkula ang gantimpala:

Sinabi ng Allah:

‎من جاء بالحسنة فله عشر أمثالها ومن جاء بالسيئة فلا يجزى إلا مثلها وهم لا يظلمون

Man ja'a bil-hasanati falahu 'ashru amthaliha..."

"Sinuman ang gumawa ng isang mabuting gawa, siya ay magkakaroon ng sampung katumbas nito..." (Surah Al-An'am 6:160)

2. Pagpapatuloy ng Pagsamba: Ito ay nagpapakita na ang pag-aayuno ay hindi lang para sa Ramadan. Ito ay tanda na ang ating pagiging alipin ng Allah ay hindi natatapos.

Ang Shawwal ay pagpapatuloy ng pagsamba mula Ramadan.

Sinabi ng Allah: واعبد ربك حتى يأتيك اليقين
Wa’bud Rabbaka hatta ya’tiyakal-yaqin."
"At sambahin mo ang iyong Panginoon hanggang sa dumating sa iyo ang katiyakan (kamatayan)."(Surah Al-Hijr 15:99)

3. Kagandahan ng Ugali: Ang Shawwal ay nagpapaalala sa atin na panatilihin ang disiplina, pasensya, at kabutihang asal na ating natutunan noong Ramadan.

Ang pag-aayuno sa Shawwal ay pasok sa utos ng Allah na mag-unahan sa kabutihan:

Sinabi ng Allah: فاستبقوا الخيرات
"Fastabiqul-khayrat..."
"Kaya mag-unahan kayo sa paggawa ng mabubuting gawa..."(Surah Al-Baqarah 2:148)

Maaaring i-ayuno ang anim na araw na ito nang sunod-sunod pagkatapos ng Eid, o kaya ay paghiwa-hiwalayin sa buong buwan ng Shawwal.

Aqulu qawli hadha wa astaghfirullaha li wa lakum wa li sa’iril Muslimina min kulli dhanbin, fastaghfiruhu innahu Huwal Ghafurur Rahim."

Ikalawang Khutbah

Allahamdulillah……

Mga kapatid, huwag nating hayaan na ang ating mga puso ay tumigas muli pagkatapos ng Ramadan. Ang pag-aayuno sa Shawwal ay isang magandang paraan upang ipakita ang ating pasasalamat sa Allah sa pagpapahintulot sa atin na maranasan ang Ramadan.

Gawin nating tulay ang Shawwal upang ang ating mga nakagawian (gaya ng pagdarasal sa masjid, pagbasa ng Qur'an, at pagbibigay ng sadaqah) ay magpatuloy sa buong taon.

Nawa'y tanggapin ng Allah ang ating mga pag-aayuno sa Ramadan at gabayan tayo sa pag-aayuno sa anim na araw ng Shawwal.

Allahumma taqabbal minna siyamana, wa qiyamana, wa ruku’ana, wa sujudana."

Allahumma wa-ffiqna li-siyami sittatin min Shawwal, wa-j’alhu khulisan li-wajhikal Karim.

Allahumma thabbit qulubana 'ala dinik, wa 'ala ta'atik, ba'da Ramadan.

Rabbana atina fid-dunya hasanatan, wa fil-akhirati hasanatan, wa qina 'adhaban-nar.

Akh Esmael Bin Yosoof

KHUTBAH 05

الخُطْبَةُ الْجُمُعَةِ
موضوع الخطبة: وجوب طاعة أولي الأمر

(Paksa ng Khutbah: Ang Kahalagahan ng Pagsunod sa mga Namumuno)

الخُطْبَةُ الأُوْلَىٰ

بِسْمِ اللَّهِ الرَّحْمَٰنِ الرَّحِيمِ
إِنَّ الْحَمْدَ لِلَّهِ نَحْمَدُهُ وَنَسْتَعِينُهُ وَنَسْتَغْفِرُهُ وَنَعُوذُ بِاللَّهِ مِنْ شُرُورِ أَنْفُسِنَا وَمِنْ سَيِّئَاتِ أَعْمَالِنَا. مَنْ يَهْدِهِ اللَّهُ فَلَا مُضِلَّ لَهُ وَمَنْ يُضْلِلْ فَلَا هَادِيَ لَهُ. وَأَشْهَدُ أَنْ لَا إِلٰهَ إِلَّا اللَّهُ وَحْدَهُ لَا شَرِيكَ لَهُ وَأَشْهَدُ أَنَّ مُحَمَّدًا عَبْدُهُ وَرَسُولُهُ.

Innal-ḥamda lillāhi, naḥmaduhu, wa nasta‘īnuhu, wa nastaghfiruhu, wa na‘ūdhu billāhi min shurūri anfusinā wa min sayyi’āti a‘mālinā. Man yahdihillāhu fa-lā muḍilla lah, wa man yuḍlil fa-lā hādiya lah. Wa ash-hadu an lā ilāha illallāh waḥdahu lā sharīka lah, wa ash-hadu anna Muḥammadan ‘abduhu wa rasūluh.

Mga kapatid sa Pananampalataya, sa kasalukuyang panahon kung saan marami ang kalituhan at kaguluhan, isang mahalagang tungkulin ang ating tatalakayin ngayon ang Wājib (obligasyon) ng pagsunod sa mga Ulil-Amr (namumuno) sa mga Muslim, sa mga bagay na hindi pagsuway kay Allāh. Ang pagsunod sa kanila ay pag-iingat sa ating pagkakaisa at kaligtasan ng ating Ummah.

قال الله تعالى: ﴿ يَا أَيُّهَا الَّذِينَ آمَنُوا أَطِيعُوا اللَّهَ وَأَطِيعُوا الرَّسُولَ وَأُولِي الْأَمْرِ مِنْكُمْ ﴾ [النساء: ٥٩]

Yā ayyuhalladhīna āmanū aṭī‘ullāha wa aṭī‘ur-rasūla wa ulīl-amri minkum.

(O kayong mga sumampalataya! Sundin ninyo si Allāh, at sundin ninyo ang Sugo, at ang mga tagapangasiwa sa inyo.) [An-Nisā’: 59]

قال النبي ﷺ: "مَنْ أَطَاعَنِي فَقَدْ أَطَاعَ اللَّهَ، وَمَنْ يَعْصِنِي فَقَدْ عَصَى اللَّهَ، وَمَنْ يُطِعِ الْأَمِيرَ فَقَدْ أَطَاعَنِي، وَمَنْ يَعْصِ الْأَمِيرَ فَقَدْ عَصَانِي." [رواه البخاري ومسلم]

Man aṭā‘anī faqad aṭā‘allāh, wa man ya‘ṣinī faqad ‘aṣāllāh, wa man yuṭi‘il-amīra faqad aṭā‘anī, wa man ya‘ṣil-amīra faqad ‘aṣānī.

(Sinuman ang sumunod sa akin ay tunay na sumunod kay Allāh, at sinumang sumuway sa akin ay sumuway kay Allāh. Sinuman ang sumunod sa pinuno ay sumunod sa akin, at sinumang sumuway sa pinuno ay sumuway sa akin.)

Sinabi ni Imām Aḥmad ibn Ḥanbal:

"من غلب عليهم بالسيف حتى صار خليفةً وسُمِّي أمير المؤمنين، لا يحل لأحد يؤمن بالله واليوم الآخر أن يبيت ولا يراه إماماً عليه، براً كان أو فاجراً."

Man ghalaba ‘alayhim bis-sayfi ḥattā ṣāra khalīfatan wa summiya amīrul-mu'minīn, lā yaḥillu li-aḥadin yu’minu billāhi wal-yawmil-ākhir an yabīta wa lā yarāhu imāman ‘alayh, barran kāna aw fājiran.

(Ang sinumang nanaig bilang pinuno, at tinawag na Amīrul-Mu'minīn, hindi pinapayagan sa sinumang sumasampalataya kay Allāh at sa Huling Araw na hindi siya kilalaning pinuno, mabuti man o masama.)

فاتقوا الله عباد الله، وأطيعوا ولاة أموركم، وادعوا الله أن يصلحهم ويهديهم.

(Matakot kayo kay Allāh, O mga alipin ni Allāh! Sundin ninyo ang inyong mga pinuno, at manalangin kayo kay Allāh na sila'y gawing matuwid at gabayan.)

أقول قولي هذا وأستغفر الله لي ولكم ولسائر المسلمين، فاستغفروه إنه هو الغفور الرحيم.

الخُطْبَةُ الثَّانِيَةُ

الحمد لله حمداً كثيراً طيباً مباركاً فيه، كما يحب ربنا ويرضى، وأشهد أن لا إله إلا الله وحده لا شريك له، وأشهد أن محمداً عبده ورسوله.

Al-ḥamdu lillāhi ḥamdan kathīran ṭayyiban mubārakan fīh, kamā yuḥibbu rabbunā wa yarḍā, wa ash-hadu an lā ilāha illallāh waḥdahu lā sharīka lah, wa ash-hadu anna Muḥammadan ‘abduhu wa rasūluh.

(Ang lahat ng papuri ay para kay Allāh, papuring marami, mabuti at pinagpala, ayon sa nais ng ating Panginoon at Kanyang kasiyahan. Pinatototohanan ko na walang ibang diyos maliban kay Allāh, at si Muḥammad ay Kanyang alipin at sugo.)

عباد الله، أوصيكم ونفسي المقصرة بتقوى الله عز وجل، وأذكركم بما ينفع في الدنيا والآخرة، واعلموا أن طاعة ولاة الأمور فيها حفظ الدين، وسلامة المجتمع، وأمن البلاد، ودرء الفتن.

(Mga alipin ni Allāh, ipinapayo ko sa inyo at sa aking sarili na maging may takwā kay Allāh, at pinapaalalahanan ko kayo ng mga kapaki-pakinabang sa mundo at sa Kabilang Buhay. Alamin ninyo na ang pagsunod sa mga pinuno ay pag-iingat ng pananampalataya, kaligtasan ng pamayanan, katiwasayan ng bansa, at paghadlang sa fitnah (kaguluhan).)

اللَّهُمَّ أَصْلِحْ أَئِمَّتَنَا وَوُلَاةَ أُمُورِنَا، وَاجْعَلْ وِلَايَتَنَا فِي مَنْ خَافَكَ وَاتَّقَاكَ وَاتَّبَعَ رِضَاكَ.

Allāhumma aṣliḥ a'immatanā wa wulāta umūrinā, waj‘al wilāyatanā fī man khāfaka wattaqāka wat-taba‘a riḍāka.

(O Allāh! Ituwid Mo ang aming mga pinuno at mga namumuno sa amin. At italaga Mo ang pamumuno sa mga taong may takot sa Iyo, may takwā sa Iyo, at sumusunod sa Iyong kasiyahan.)

اللَّهُمَّ اجْمَعْ كَلِمَةَ الْمُسْلِمِينَ عَلَى الْحَقِّ، وَوَفِّقْهُمْ لِمَا تُحِبُّ وَتَرْضَى.
Allāhumma ijma‘ kalimata-l-muslimīna ‘ala-l-ḥaqq, wa waffiqhum limā tuḥibbu wa tarḍā.
(O Allāh! Pagsamahin Mo ang mga Muslim sa katotohanan, at itaguyod Mo sila sa mga bagay na Iyong minamahal at kinalulugdan.)

وَصَلَّى اللَّهُ وَسَلَّمَ عَلَى نَبِيِّنَا مُحَمَّدٍ وَعَلَى آلِهِ وَصَحْبِهِ أَجْمَعِينَ. وَآخِرُ دَعْوَانَا أَنِ الْحَمْدُ لِلَّهِ رَبِّ الْعَالَمِينَ.

Wa ṣallallāhu wa sallama ‘alā nabiyyinā Muḥammad wa ‘alā ālihī wa ṣaḥbihī ajma‘īn. Wa ākhiru da‘wānā anil-ḥamdu lillāhi rabbil-‘ālamīn.

Akh Esmael bin yosoof

KHUTBAH 04

Paksa: HUKUM NG VALENTINE’S DAY AT HATOL SA MGA NAKIKILAHOK DITO

Unang Khutbah

ٱلْحَمْدُ لِلَّهِ، ٱلْإِلٰهُ ٱلْوَاحِدُ، ٱلرَّحْمَٰنُ ٱلرَّحِيمُ. لَا مَعْبُودَ بِحَقٍّ إِلَّا هُوَ، وَمُحَمَّدٌ ﷺ خَاتِمُ أَنْبِيَائِهِ وَرُسُلِهِ.

أَيُّهَا ٱلْإِخْوَةُ فِي ٱلْإِسْلَامِ، نَجْتَمِعُ ٱلْيَوْمَ لِنَتَحَدَّثَ عَنْ مَوْضُوعٍ مُهِمٍّ، وَهُوَ يَوْمُ ٱلْفَالِنْتَايْنِ وَحُكْمُ ٱلْإِسْلَامِ فِيهِ.

Ang lahat ng papuri ay sa Allah, ang Nag-iisang Diyos, ang Pinakamahabagin, ang Pinakamaawain. Walang pagsamba maliban sa Kanya, at si Muhammad (ﷺ) ay Kanyang huling Sugo.

Mga kapatid sa Islam, natitipon tayo ngayon upang pag-usapan ang isang mahalagang paksa—ang Valentine’s Day at ang hatol ng Islam tungkol dito.

Pinagmulan ng Valentine’s Day
Ang Valentine’s Day ay may pinagmulan sa paganong selebrasyon ng mga Romano na tinatawag na Lupercalia, isang pagdiriwang ng kasaganaan at pag-aalay sa kanilang mga diyus-diyosan. Nang lumaganap ang Kristiyanismo, ito ay iniuugnay kay Saint Valentine, isang pari na ayon sa mga alamat ay nagkasal ng mga sundalo ng palihim. Sa paglipas ng panahon, ang pagdiriwang na ito ay naging isang araw ng pagpapahayag ng pag-ibig at romantikong relasyon.

Ang Hatol ng Islam sa Valentine’s Day
Mga kapatid, dapat nating tandaan na ang Islam ay may malinaw na patnubay tungkol sa paggaya sa mga di-Muslim sa kanilang relihiyosong o tradisyunal na mga pagdiriwang.

قَالَ ٱلنَّبِيُّ مُحَمَّدٌ ﷺ:
"مَنْ تَشَبَّهَ بِقَوْمٍ فَهُوَ مِنْهُمْ." (سُنَنُ أَبِي دَاوُد ٤٠٣١، صَحِيحٌ بِحَسَبِ ٱبْنِ حِبَّانَ وَٱلْأَلْبَانِيّ)

Sinabi ng Propeta Muhammad (ﷺ):
"Sinuman ang gumaya sa isang grupo ng tao, siya ay kabilang sa kanila." (Sunan Abi Dawood 4031, Sahih ayon kay Ibn Hibban at Al-Albani)

Ang Valentine’s Day ay walang pinagmulan sa Islam, bagkus ito ay isang tradisyong banyaga na sumasalungat sa ating pananampalataya. Sa Qur’an, ipinahayag ng Allah:

وَلَا تَكُونُوا مِنَ ٱلْمُشْرِكِينَ
"At huwag kayong maging kabilang sa mga nagtatambal (kay Allah)." (Surah Ar-Rum 30:31)

Ang Kapahamakan ng Pagsali sa Pagdiriwang na Ito
Ang Valentine’s Day ay naging daan ng maraming kasamaan tulad ng:

Ikaisa na

ٱلزِّنَا (ٱلْخِيَانَةُ ٱلزَّوْجِيَّةُ، ٱلْعِلَاقَاتُ قَبْلَ ٱلزَّوَاجِ وَبَعْدَهُ بِغَيْرِ حَقٍّ)–

Zina (pangangaliwa, pre-marital at extra-marital relationships) – Maraming kabataan at mag-asawa ang nahuhulog sa haram na relasyon sa araw na ito.

ٱلتَّشَبُّهُ (ٱلتَّقْلِيدُ لِغَيْرِ ٱلْمُسْلِمِينَ) –

Tasyabbuh (panggagaya sa di-Muslim) – Ang pagsunod sa kultura ng iba na salungat sa Islam ay maaaring magdala sa atin sa pagkakahiwalay sa tamang landas.

ٱلْإِسْرَافُ (ٱلتَّبْذِيرُ وَإِهْدَارُ ٱلْمَالِ) –

Israf (pag-aaksaya ng yaman) – Maraming pera ang ginugugol para lamang sa pansamantalang kaligayahan.

Mga kapatid sa Islam, ang tunay na pag-ibig ay hindi ipinagdiriwang sa isang araw lamang kundi sa pamamagitan ng pagsunod sa Allah sa araw-araw ng ating buhay. Sa Islam Araw Araw Ang pag spread ng pagmamahal Sa Allah kapwa Muslim at iba pa.

Tatlong Bagay na dapat natin Tandaan Una ay Ang tinatawag na

ٱلْحُبُّ ٱلْحَقِيقِيُّ فِي ٱلْإِسْلَامِ مَحَبَّةُ ٱللَّهِ وَرَسُولِهِ ﷺ
Ang Tunay na Pag-ibig sa Islam
Pagmamahal sa Allah at sa Kanyang Sugo (ﷺ)
Ang pinakamataas na uri ng pagmamahal ay ang pagmamahal sa Allah at sa Kanyang Propeta (ﷺ).
قَالَ ٱلنَّبِيُّ مُحَمَّدٌ ﷺ:
"لَا يُؤْمِنُ أَحَدُكُمْ حَتَّى يَكُونَ ٱللَّهُ وَرَسُولُهُ أَحَبَّ إِلَيْهِ مِمَّا سِوَاهُمَا." (ٱلْبُخَارِيّ 16، مُسْلِم 43)

Sinabi ng Propeta Muhammad (ﷺ): "Walang sino mang mananampalataya hanggang ang Allah at ang Kanyang Sugo ay maging higit na mahalaga sa kanya kaysa sa iba pa." (Bukhari 16, Muslim 43)

Pangalawa:
مَحَبَّةُ ٱلزَّوْجِ وَٱلزَّوْجَةِ بِطَرِيقَةٍ حَلَالٍ
Pagmamahal sa Asawa sa Halal na Paraan
Ang Islam ay nagtuturo ng tunay at dalisay na pag-ibig sa pagitan ng mag-asawa.
قَالَ ٱلنَّبِيُّ ﷺ:
"خَيْرُكُمْ خَيْرُكُمْ لِأَهْلِهِ، وَأَنَا خَيْرُكُمْ لِأَهْلِي." (ٱلتِّرْمِذِيّ 3895، صَحِيحٌ بِحَسَبِ ٱلْأَلْبَانِيّ)

Sinabi ng Propeta (ﷺ): "Ang pinakamahusay sa inyo ay ang pinakamahusay sa kanyang pamilya, at ako ang pinakamahusay sa aking pamilya." (Tirmidhi 3895, Sahih ayon kay Al-Albani)

Pangatlo:
مَحَبَّةُ ٱلْأُسْرَةِ وَٱلْإِخْوَةِ فِي ٱلْإِسْلَامِ
Pagmamahal sa Pamilya at Kapwa Muslim
Ang pagmamahal sa kapwa Muslim ay isang mahalagang aral sa Islam.
قَالَ ٱلنَّبِيُّ ﷺ:
"لَا يُؤْمِنُ أَحَدُكُمْ حَتَّى يُحِبَّ لِأَخِيهِ مَا يُحِبُّ لِنَفْسِهِ." (ٱلْبُخَارِيّ 13، مُسْلِم 45)

Sinabi ng Propeta (ﷺ): "Walang sinuman sa inyo ang tunay na mananampalataya hanggang sa nais niya para sa kanyang kapatid ang nais niya para sa kanyang sarili." (Bukhari 13, Muslim 45)

أقولُ قَوْلِي هذَا وَأَسْتَغْفِرُ اللهَ لِي وَلَكُمْ وَلِسَائِرِ الْمُسْلِمِينَ مِنْ كُلِّ ذَنْبٍ، فَاسْتَغْفِرُوهُ، إِنَّهُ هُوَ الْغَفُورُ الرَّحِيمُ

Pangalawang Khutbah

الحمد لله، نحمده ونستعينه ونستغفره، ونعوذ بالله من شرور أنفسنا ومن سيئات أعمالنا.
Mga kapatid sa Islam, sa pangalawang bahagi ng khutbah na ito, nais kong paalalahanin ang Ang kapwa muslim na Kapatid, kapamilya, Kabataan o magulang

Payo sa mga Kabataan at Magulang
Sa mga kabataan – Huwag kayong mahulog sa patibong ng maling pag-ibig. Maghintay ng tamang panahon sa pamamagitan ng nikah (kasal) at huwag magpadala sa tukso.

Sa mga magulang – Turuan ang inyong mga anak ng tamang konsepto ng pag-ibig na naaayon sa Islam. Huwag hayaang ang kultura ng di-Muslim ang magturo sa kanila.

Konklusyon
Mga kapatid, sa halip na ipagdiwang ang Valentine’s Day, ipagdiwang natin ang tunay na pag-ibig sa pamamagitan ng pagsunod sa Allah. Maging matatag sa ating pananampalataya at huwag mahulog sa mga gawaing ipinagbabawal.

ٱللَّهُمَّ ٱهْدِنَا فِيْمَنْ هَدَيْتَ، وَعَافِنَا فِيْمَنْ عَافَيْتَ، وَتَوَلَّنَا فِيْمَنْ تَوَلَّيْتَ، وَبَارِكْ لَنَا فِيْمَا أَعْطَيْتَ، وَقِنَا شَرَّ مَا قَضَيْتَ.

O Allah, gabayan Mo kami tungo sa Iyong tuwid na landas at ilayo Mo kami sa mga gawaing hindi Mo ikinalulugod.
Ameen.

Akh Esmael Bin Yosoof