27/01/2026
Lubos na pagbati ang ipinaaabot ng Osmeña Colleges sa mga piling batang mamamahayag na matagumpay na naging Regional Schools Press Conference (RSPC) Qualifiers ng Masbate City Division. Ang kanilang dedikasyon, husay, at walang sawang pagsisikap sa larangan ng pamamahayag ay patunay ng mataas na antas ng kahusayan na patuloy na hinuhubog ng institusyon.
Dumalo ang mga mamamahayag sa opening program na ginanap sa Ibalong Centrum for Recreation, hudyat ng pormal na pagsisimula ng prestihiyosong press conference sa buong rehiyon ng Bicol. Ang nasabing kompetisyon ay inaasahang magtatagal hanggang Enero 30, 2026, kung saan patuloy na ipapamalas ng mga delegado ang kanilang talento, talino, at integridad bilang mga tinig ng bawat Pilipino.
Muli, mabuhay ang mga batang mamamahayag ng Osmeña Colleges! Mabuhay ang kabataang Pilipino! 📰
02/12/2025
𝕄𝕒𝕓𝕦𝕙𝕒𝕪, 𝕆𝕤𝕞𝕖ñ𝕒 ℂ𝕠𝕝𝕝𝕖𝕘𝕖𝕤! 𝕆𝕧𝕖𝕣𝕒𝕝𝕝 𝕊𝕖𝕔𝕠𝕟𝕕 ℝ𝕦𝕟𝕟𝕖𝕣-𝕌𝕡 𝕤𝕒 𝔻𝕊ℙℂ 𝟚𝟘𝟚𝟝!
Isang mainit na pagbati sa buong delegasyon ng Osmeña Colleges sa pagkamit ng Overall Second Runner-Up sa ginanap na Division Schools Press Conference sa Amancio Aguilar Elementary School! Tunay na ipinamalas ninyo ang galing, talino, at determinasyon ng isang tunay na Pioneer.
Habang kayo’y naghahanda para sa Regional Schools Press Conference sa Legazpi City, dalangin namin ang inyong patuloy na tagumpay. Ipagpatuloy ninyo ang pagningning at patunayang kayang-kaya ng Osmeña Colleges na makipagsabayan sa rehiyon. Padayon, mga batang mamahayag! ✨
02/12/2025