DEBESMSCAT—Samahan ng mga Guro sa Filipino

DEBESMSCAT—Samahan ng mga Guro sa Filipino Ang SAGUFIL ay naglalayon na maipalaganap ang Panitikan at Wikang Filipino.

From ''Di ko kaya" to" Kaya ko pala"!Saksi ang mga tala sa pagsusunog ninyo ng kilay gabi-gabi. Kasangga ang isang tasan...
05/06/2026

From ''Di ko kaya" to" Kaya ko pala"!

Saksi ang mga tala sa pagsusunog ninyo ng kilay gabi-gabi. Kasangga ang isang tasang kape sa pagharap sa mapapait na hamon ng buhay, kasabay ng paulit-ulit na pagtatanong sa sarili: 'Kaya ko pa ba?' dahil sa totoo lang, nakakapagod na.
Ngunit ngayon, ang bawat patak ng luha, puyat, at sakripisyo ay napalitan na ng isang matamis at maningning na tagumpay. Napatunayan ninyo na ang sipag, tiyaga, at hindi matitinag na determinasyon ang tunay na susi upang maabot ang mga bituin sa kalangitan.
Bako-bako man ang landas na inyong binagtas ngunit tingnan ninyo ang inyong mga sarili ngayon—nagtagumpay, nakatindig nang mataas, at handang-handa nang harapin ang susunod na kabanata ng buhay bilang mga bagong gradwado.
Walang katapusang papuri at paghanga sa inyong katatagan! Isang taos-pusong pagbati sa inyo.

Maligayang Pagtatapos, mga Ka-Wika! 🎓✨

MALUGOD NA PAGBATI SA MGA BAGONG LISENSIYADONG G**O! Makasaysayan ang araw na ito dahil matagumpay na nakamit ng mga ...
13/05/2026

MALUGOD NA PAGBATI SA MGA BAGONG LISENSIYADONG G**O!

Makasaysayan ang araw na ito dahil matagumpay na nakamit ng mga bagong g**o ang kanilang pinapangarap na propesyon sa isinagawang March 2026 Licensure Examination for Professional Teachers.
Ang lahat ng pagod, hirap, at pagpupursige na inyong naranasan at inilaan ay nagbunga ng hitik na pag-asang maging isang ganap na g**o at makapagturo. Ito ay hudyat ng simula ng tungkuling inyong gagampanan para sa pagpapabuti ng ating lipunan.
Nawa'y ang lisensiyang ito ay magsilbing paalala tungkol sa inyong pinagmulan, mga pagsisikap, at mga layuning naging gabay sa pag-abot sa destinasyong kinatatayuan sa kasalukuyan. Gamitin bilang oportunidad na makapaghasik ng kaalaman at makapaghubog ng kabataang Pilipino.
Muli, malugod na pagbati mula sa Samahan ng mga G**o sa Filipino at inyong mga Ka-Wika sa inyong tagumpay na nagsisilbing inspirasyon sa bawat isa na ipagpatuloy ang nasimulan at makuha rin ang lisensiyang inaasam.

MALIGAYANG KAARAWAN MA'AM MARIVIC LLARENA! Sa araw na ito nagdiriwang ng kaniyang kaarawan ang g**ong isang huwaran s...
02/05/2026

MALIGAYANG KAARAWAN MA'AM MARIVIC LLARENA!

Sa araw na ito nagdiriwang ng kaniyang kaarawan ang g**ong isang huwaran sa karamihan, Ma'am Marivic Llarena. G**ong may tunay na puso sa kaniyang propesyon. Sa ilang dekada niyang pagtuturo, hindi lamang hitik na kaalaman ang kaniyang inihahasik kundi pati na rin ang siksik na karanasan at pagmamahal sa bawat mag-aaral na nag-aasam na makamit ang pinapangarap nilang propesyon, ang maging isang g**o.
Ikaw ang siyang nagsisilbing tanglaw na nagsisilbing gabay sa bawat mag-aaral na patuloy na tinatahak ang daan tungo sa kanilang pangarap. Ikaw ang siyang nagsisilbing inspirasyon sa bawat isa na maging isang mabuting g**ong katulad mo.
Sa iyong pagdiriwang sa araw na ito, hangad namin ang malusog, payapa, maligaya, at masaganang kaarawan.
Mula sa Samahan ng mga G**o sa Filipino (SAGUFIL), kami ay bumabati ng maligayang kaarawan Ma'am Vic.

Pagbati ng Maligayang Kaarawan sa ating Kalihim Heneral ng Samahan ng mga G**o sa Filipino (SAGUFIL), Bb. Jasmine Metoda...
21/03/2026

Pagbati ng Maligayang Kaarawan sa ating Kalihim Heneral ng Samahan ng mga G**o sa Filipino (SAGUFIL), Bb. Jasmine Metoda!

Hindi maaaring balewalain ang iyong walang sawang sipag at taos-pusong dedikasyon sa ating organisasyon. Mula sa simula hanggang sa kasalukuyan, tunay na ang mga gawain ay nagampanan mo ng may husay at pagmamahal. Sa panibagong pahina ng aklat ng buhay, nawa'y makamit mo ang iyong mga pangarap at adhikain. Hangad namin na maging makabuluhan at matagumpay mong malampasan ang lahat ng suliraning itinala ng kapalaran. Nawa'y matamasa mo ang biyaya, kaligayahan, mabuting pangangatawan at lakas para sa maraming taon pang kahaharapin ng ating samahan.🥳✨

Muli, isang taos-pusong Maligayang Kaarawan sa aming pinakamamahal at masipag na Kalihim Heneral Jasmine, mula sa buong kasapi ng SAGUFIL.

Isa na namang makasaysayang araw para sa SAGUFIL ang patimpalak na Ms. Grand EduGaytor 2026 na ginanap noong Marso 18, 2...
20/03/2026

Isa na namang makasaysayang araw para sa SAGUFIL ang patimpalak na Ms. Grand EduGaytor 2026 na ginanap noong Marso 18, 2026 kaugnay ng pagdiriwang ng CE Day, na kinatawan ni Adrian R. Villa a.k.a "Christine".

Ang patimpalak ay tagumpay na naisagawa na naghatid ng kasiyahan sa bawat isa. Hindi man pinalad na makuha ang titulo at korona ay masaya ang buong samahan sa katapangang ipinakita ni Bb. Villa. Sa pagtanggap pa lamang niya ng hamon na maging kandidata ng samahan ay isa nang malaking tagumpay para sa organisasyon.

Ang kaniyang tapang, dedikasyon, at tiwala sa sarili ay lubos na hinangaan at ipinagmamalaki ng samahan na nagbigay inspirasyon sa lahat. Wala mang titulo o korona ay panalo pa ring maituturing. Ang mahalaga ay sumubok at nagsilbing kasangkapan upang maghatid ng pagbabago sa kolehiyo.

Tandaan, hindi nasusukat ang halaga at tagumpay ng tao sa kahit anumang sertipiko, titulo, tropiyo o korona. Ang makasali at maging kalahok pa lang sa patimpalak ay isa nang malaking tagumpay. Nasa ating mga kamay pa rin nakasalalay ang ating ikapagtatagumpay.

Hawak natin ang ating kapalaran, hawak natin ang beat!

Lubos ka naming ipinagmamalaki, Ka-Wika!👏💪

Pagdiriwang ng CE Day! 💙Matagumpay at mapayapang naisagawa ang pagdiriwang ng CE Day nitong ika-18 ng Marso 2026, na mas...
19/03/2026

Pagdiriwang ng CE Day! 💙

Matagumpay at mapayapang naisagawa ang pagdiriwang ng CE Day nitong ika-18 ng Marso 2026, na masiglang dinaluhan ng angkan ng mga makata.

Puno ng saya, sigla, at pagkakaisa ang bawat sandali—mula sa masiglang fun run hanggang sa iba’t ibang makukulay na larong Pinoy na buong pusong sinalihan ng mga kalahok mula sa iba’t ibang medyor. Ang araw na ito ay hindi lamang sumubok sa galing at bilis ng bawat kalahok, kundi nagpatibay rin ng pagkakaibigan at diwa ng pagkakaisa.

Tampok sa pagdiriwang ang mga palaro tulad ng Message Relay, Luksong Lubid, Lemon Relay, Monkey Race (with a twist), Biko Cross (with a twist), Human Centipede Race, Finish the Song, Patintero, at Kadang-kadang na tunay na naghatid ng kasiyahan at tawanan sa bawat isa. Sa bawat laro, nasubok ang lakas, tapang, diskarte, at husay ng samahan.

Sa aktibong pakikilahok ng angkan ng mga makata, nakamit nila ang ika-anim na puwesto. Maaaring hindi man nakuha ang unang pwesto, ngunit nanatiling masaya at buo ang samahan.
Sapagkat sa huli, manalo man o matalo, ang pinakamahalaga ay ang pakikipagkaisa—dahil ang pagkakaisa ang tunay na diwa ng CE Day.

Isang pagbati pa rin mga Ka-Wika!🫶

Pambato ng Kolehiyo ng Edukasyon — Jayvee Barrun Saricon, Nasungkit ang Ikalawang Puwesto sa Mr. & Ms. DEBESMSCAT 2026Na...
19/03/2026

Pambato ng Kolehiyo ng Edukasyon — Jayvee Barrun Saricon, Nasungkit ang Ikalawang Puwesto sa Mr. & Ms. DEBESMSCAT 2026

Nagningning at napuno ng hiyawan ang buong paligid nang magsilabasan ang mga kalahok, hudyat ng pagsisimula ng kompetisyon. Kabilang na ang kinatawan ng Kolehiyo ng Edukasyon na nakipagsabayan sa ginanap na Mr. & Ms. DEBESMSCAT kamakailan — Marso 17, 2026 kasabay sa pagdiriwang ng 31st Charter Day Celebration at 74th Founding Anniversary ng institusyon.

Si Jayvee Barrun Saricon ay ipinagmamalaking nagmula sa Samahan ng mga G**o sa Filipino na napiling maging kinatawan ng kolehiyo. Buong-pusong tinanggap ang hamon, tumindig, lumaban, at nagpamalas. Ang taglay niyang kakayahan at talentong ipinamalas ay tunay na nagpamangha sa mga nanonood.

Ang kaniyang galing, karisma, dedikasyon, at tiwala sa sarili ang naging daan upang masungkit niya ang iba't ibang parangal kabilang na ang Best in Talent, Nathalia Beach Resort, Mandtransco, at ang mahirang na Mr. DEBESMSCAT 2026 First Runner Up.

Pinatunayan niya sa entablado na ang kaniyang pagsali ay hindi lamang tungkol sa kompetisyon bagkus magsilbing huwaran, inspirasyon, at maging boses para sa pag-unlad at pagbabago.

Lubos kang ipinagmamalaki ng iyong mga KaWika!

Isang mapagpala at matimyas na araw ang siyang hiling ng bawat isa para sa isang kagalang-galang na dalubg**o, pinuno, a...
22/12/2025

Isang mapagpala at matimyas na araw ang siyang hiling ng bawat isa para sa isang kagalang-galang na dalubg**o, pinuno, at taong nagsisilbing inspirasyon at magandang ehemplo sa kaniyang mga estudyante at kapwa g**o.

Maligayang kaarawan Ginoong Jessie, mula sa kaibuturan ng aming mga puso ang pagbati sa araw ng iyong pagkasilang. Ang iyong kabutihan ay walang katumbas at nararapat lamang na tularan. Nawa’y patuloy po kayong pagkalooban ng Diyos ng magandang kalusugan, karunungan, kasiyahan, at marami pang pagtatagumpay. Maraming salamat sa iyong walang sawang pagtuturo't pagpapayo para sa ikabubuti at ikagagaling ng lahat!

Sa muli, isang Maligayang Kaarawan sa pinuno ng BSED Languages Cluster, Prof. Jessie L. Magalang, Jr.! ♥️

ISANG MAINIT NA PAGBATI PARA SA MGA BAGONG G**O SA ASIGNATURANG FILIPINO!Ang tagumpay na ito ay hindi lamang bunga ng ta...
19/12/2025

ISANG MAINIT NA PAGBATI PARA SA MGA BAGONG G**O SA ASIGNATURANG FILIPINO!

Ang tagumpay na ito ay hindi lamang bunga ng talino kundi bunga rin ng walang katulad na sipag, tiyaga, sakripisyo, at pananalig sa sarili at sa Diyos. Sa bawat gabing puyat, bawat pahinang binasa, bawat pagsusulit na hinarap, at bawat pangarap na pinanghawakan, narito na ang bunga ng lahat ng iyon.

Bilang mga dalubhasa sa asignaturang Filipino, pinili ninyong yakapin ang wika ng bayan, ang wikang nag-uugnay sa ating kultura, kasaysayan, at pagkakakilanlan bilang mga Pilipino. Ngayon, dala ninyo hindi lamang ang lisensiya, kundi ang responsabilidad at dangal ng pagiging g**o na maghahasa ng isipan, huhubog ng karakter, at magmumulat ng kamalayan ng susunod na henerasyon.

Ang lisensiyang ito ay buhay na patunay na kayo ay handa nang tumayo sa harap ng silid-aralan, handa nang magturo, maglingkod, at magmahal sa propesyon ng pagtuturo. Nawa’y patuloy ninyong ipalaganap ang kagandahan at kahalagahan ng Wikang Filipino, at maging inspirasyon sa mga mag-aaral na mangarap at maniwala sa kanilang kakayahan.

Mabuhay ang mga bagong Lisensiyadong G**o ng Filipino!

Pagbati ng Maligayang Kaarawan sa Pangulo ng Samahan ng mga G**o sa Filipino (SAGUFIL), Bb. Debie Shane G. Dorongon!!!!H...
19/11/2025

Pagbati ng Maligayang Kaarawan sa Pangulo ng Samahan ng mga G**o sa Filipino (SAGUFIL), Bb. Debie Shane G. Dorongon!!!!

Hindi matatawaran ang iyong husay at dedikasyong pamunuan ang SAGUFIL ng buong puso, sa panibagong yugto ng iyong buhay nawa'y makamit mo ang iyong pangarap at iyong ipagpatuloy ang nasimulang adhikaing maging tagapagtaguyod ng wikang Filipino. Hangad namin ang iyong tagumpay sa bawat pagsubok na iyong kinakaharap at kakaharapin sa iyong pagtahak sa landas ng buhay.

Tunay ngang walang hindi posible sa mag-aaral na nais maglingkod sa kapuwa mag-aaral nang walang hinihinging kapalit, kung saan mas pinipiling pahalagahan ang adhikain ng samahan. Iyong pinatunayan na ang pagtalima sa mga batas at patakaran ang tugon sa masistemang pamumuno.

Muli, isang taos-pusong Maligayang Kaarawan sa aming pinakamamahal na Pangulong Debie, mula sa buong kasapi ng SAGUFIL.

Address

DEBESMSCAT, Cabitan, Mandaon
Masbate
5400

Website

Alerts

Be the first to know and let us send you an email when DEBESMSCAT—Samahan ng mga Guro sa Filipino posts news and promotions. Your email address will not be used for any other purpose, and you can unsubscribe at any time.

Shortcuts

Share

Category