21/08/2026
๐๏ธ ๐ฟ๐๐๐๐๐๐ ๐ผ๐๐ ๐๐ผ๐๐ผ๐๐ผ๐๐๐ ๐๐ ๐๐ผ๐๐๐ฝ๐ผ๐๐ผ๐: ๐๐ผ๐๐๐๐ผ๐ ๐๐ ๐๐ผ๐๐๐๐๐ฟ๐๐ ๐๐ผ ๐๐ผ๐๐ผ๐๐๐ผ๐๐ผ๐
Ngayong ika-21 ng Agosto, bigyang-diin natin ang salamisim ng isang yugto ng ating kasaysayang pinanday ng matinding pagsubok at matibay na paninindigan. Ipinagdiriwang ang Ninoy Aquino Day bilang paggunita sa buhay at pagpanaw ni Benigno โNinoyโ Aquino Jr., na naging mahalagang tinig sa pagsusulong ng demokrasya at karapatang pantao. Alinsunod sa Republic Act No. 9256, na nilagdaan noong 2004, idineklara ang ika-21 ng Agosto bilang Ninoy Aquino Day at isang pambansang espesyal na araw bilang pag-alala sa anibersaryo ng kaniyang pagkamatay.
Mula sa pagiging punong-bayan ng Concepcion, Tarlac, hanggang sa pagkakapanalo bilang senador, unti-unting umigting ang kaniyang papel sa larangan ng politika. Naging mariin ang kaniyang pagtutol sa pamahalaan ni Ferdinand Marcos, na humantong sa kaniyang pagkakakulong kasunod ng deklarasyon ng Batas Militar noong 1972. Noong 1980, pinahintulutan siyang magtungo sa Estados Unidos upang magpagamot, at makaraan ang tatlong taon ay nagbalik siya sa Pilipinas.
Noong ika-21 ng Agosto 1983, sa isang malagim na pangyayaring yumanig sa buong sambayanan, pinaslang si Ninoy Aquino sa Manila International Airport, na ngayon ay kilala bilang Ninoy Aquino International Airport (NAIA). Ang kaniyang pagpaslang ay nagpaigting sa pagkilos ng mga Pilipino laban sa pamahalaan at naging bahagi ng mga pangyayaring humantong sa People Power Revolution noong 1986. Sa pagkakamit ng pagbabagong pampolitika, nanumpa si Corazon Aquino bilang pangulo ng bansa noong ika-25 ng Pebrero 1986.
Hanggang sa kasalukuyan, nananatili si Ninoy bilang isang mahalagang tinig sa kasaysayan ng pakikibaka para sa demokrasya sa Pilipinas. Higit sa pangalang nakaukit sa mga aklat ng kasaysayan, buhay ang kaniyang paninindigan at pagkalinga sa bayan, na kapwa nagsisilbing gunita sa lakas ng loob na magsalita at tumindig para sa karapatan at kalayaan ng sambayanan.
Nawa'y manatiling buhay ang kaniyang paninindigan sa pagtataguyod ng isang malaya, makatarungan, at nagkakaisang bayan.
Sulat ni: Soph Muรฑoz
Likha ni: Angelica Cadiang at Rhazmin Quebral
