Moriyatao Marohom Siddique, Paigoay TubPag

07/12/2023

13/01/2023

27/04/2021

Sompat o pamkasan:

So alongan a maoro a goso mapnggola olaon na pd sa migagaib na dikapakay oba pangantoka sa saraga akal, ka aya kiyadadag o sabagi na pisoldan iran a pamikiran so migagaib sa daa dalil sa miyapadalm siran ko kadadagan ago miyadadag iran so minisowa sowa kiran.
aya okit a kaparatiyayaa ko alongan a mairi na giya tlo a okit:
1. so kaparatiyaya sa kaparatiyaya a timbl ko mapmbgholaola ko oriyano kapatay
الايمان الاجمالي بكل ما سيكون بعد الموت.
2. so kaparatiyayaa ko langon o miya aloy sa Qur'an agosa Hadith a sahih a miyatndo a mapnggolaola sa ditano plawanan.
الايمان التفصيلي بكل قضية ورد النصوص بها بخصوصها.
3. so kaknala ko miyanga aloy -sa Dalil- na aya mataan na aya katawan tano na sobo so maana niyan ogaid naso thito a ropaan iyan na migagaib na sobo so ALLAH i mataoron.
العلم بأن هذه القضايا إنما نعلم معناها فقط وأما كيفيتها أو ما ستكون عليها في الواقع لا يعلمها إلا الله وحده.
aya ibarat anan na miya aloy so pd a mga onga a sapad na katawantano giyoto a onga ogaid na ditano katawan so ropaan iyan.
قال تعالى في الحديث القدسي: قد أعددت لعبادي ما لا عين رأت ولا أذن سمعت ولا خطر على قلب بشر.

Antonai ka kowatano a gona ko kapara tiyayaa ko Alongan a maori?
Madakl so miya aloy o mga Olama na alowin tano so mga iportanti ron:
1. phaka sogo ko kandalimakot magamal sa mga amal a salih sabap ko matatangkd sa ginawa niyan a ganatan iyan so donya.
2. khadaan sa kalk ko phamangi talmba ago dikitabolog ko rataa ginawa ko mga examinon o Allah sabap ko inam iyan ko balas a mapiya sa alongan a maori.
3. lagid oto mambo a dikitaralo ko kasonor igira adn a mini talingomaon a limo sabap ko katawi niyanon sa matag oto sagad na kaipos bo.
4. phaka piya i olaola so tao ko salakao di salakao sa khaawat ko karata i parangay kapanalimbot kathakabor karatai modol..sabap ko katawi niyan sa adn a alongan a maori a ron so kambabalasa marata mapiya.
5.phaka sogo ko tao sa aya kaptan iyan naso Sonnah o Rasolollah sa ipagawa iyan so mga bid'ah sabap ko katawi niyan sa so mga ahlol bid'ah na haram kiran so kapaka inom ko paridi o Rasolollah sa alongan a maori.
6. kabaloy niyan so tao a kasasarigan ago khaawat iyan ko kapaki ilailain kapaki n'gn'gn sabap ko kalk iyan oba mailang so balas o amal iyan sa alongan a maori.
7. khatagoan sa diyangka ko kasasalobaa ko donya, mlagid o parahiyasan antaa ka kadato sa khaba loy niyan a manosiya a mangingin sokor ago masosoat ko btad iyan.
8. aya mala na lalayon ko poso iyan so kadali ago babaya ko kimbaratmowaan iyan ko Kadnan iyan a so ALLAH a malai limo.
من أحب لقاء الله أحب لقاءه...

اللهم اجعلنا ممن أحب لقاءك فأحببت لقاءنا وارزقنا النظر إلى وجهك الكريم في غير ضراء مضرة ولا فتنة مضلة ...اللهم آمين.
By Dr. Faroq

26/04/2021

رحلة إلى يوم القيامة
PAMKASAN
Siiko oriyano kiya pasadatano ko mga ala a toos ko Bangkit na so diiron dirogod na khagdam iyan a mataan a siitano mapapadalm ko kaposan o omor o donya sabap ko kadakl o mga fitnah a maaadn sa masatano wai.
Aya itondog tano roo naso osayan ko ALONGAN A MAORI sabap sa so manosiya na ipoondn ko kiya adnaon sa donya ini na mapapadalm ko kaplayalayag a phagantap sa alongan a maori sa dadn a kadkhaon ka oman gawii na maka rani ron
( يا أيها الانسان إنك كادح إلى ربك كدحا فملاقيه) الانشقاق ٦
maana: hay manosiya sabnar a marara say ka sa -galbk marata mapiya- sa siika phagantap ko Kadnan ka sa mipmbaratmowa akdn,, sa ron dodon so kapagontong odina kasiksaan.
So manosiya ko diiniyan kaplayalayag a phagantap ko kadnan iyan na lima a masa zagadan iyan.
للانسان في حياته خمس رحلات:
1. so katatago iyan ko tiyan o ina iyan رحلة في بطن أمه na aya kalilid a iplalakao san o manosiya na siyao olan.
2. so kaoyagoyag iyan sa donya رحلة في الدنيا na aya kalilid a iplalakao san o manosiya na pagltan o 60 ragon ago 70 ragon, sa mainot so phakalpas san. للحديث الصحيح: أعمار أمتي ما بين الستين والسبعين وقليل من يجاوز ذلك. رواه الترمذي وابن ماجه
3. so kaoyagoyag iyan ko kobor iyan رحلة في البرزخ na mbida bidasan so mga tao ko kathay a iplalakao iranon, adn a inisampairon sa gibowan ragon lagid o miyaona a mga pagtao, adnpman gopn non miphoon lagid o gopn miyanga wawapat...ogaid naso mga tao amaiko kaipos siran san na aya kakhagdama iranon na isaisabo ka oras ko kapipita odina pkhagabi a kiyathay ranon.
( كأنهم يوم يرونها لم يلبثوا إلا عشية أو ضحاها )
4. so rihlah niyan sa alongan a maori رحلة يوم القيامة aya kathay anan na 50k ragon
(تعرج الملائكة والروح إليه في يوم كان مقداره خمسين ألف سنه) المعارج٤
ogaid naso mo'min na phakalbodan o ALLAH sa magaan a kaphaka sagadon o masa.
5. so رحلة الخلود khabolosan a tatap a odiba Kasorgaan na Kanaraka an.

so paratiyaya ko alongan a maori na pd ko n'm a rokon o paratiyaya a dika khabaloy a mo'min odingka paratiyayaa
لحديث ابن عمر: أن تؤمن بالله وملائكته وكتبه ورسله وباليوم الآخر وبالقدر خيره وشره.

So alongan a maori na dowa soson:
1. maito a alongan a maori القيامة الصغرى na giyanan so kapkhawapat o isa a tao, andadn i kawapat o tao na miyaka tindg so alongan iyan a maori.. giyoto i igira ini iza o mga tao ko Rasolollah o anday bangkit? na ilain iyan so maito kiran i idad na tharoon iyan a:
إن يعش هذا لا يدركه الهرم حتى تقوم عليكم ساعتكم.
maana: o maka pagidad sa marawa na dipn maloks na miyaka tindg so bangkit iyo..maana so kakhawapat iyo.
2. so mala a alongan a maori القيامة الكبرى، giyanan so kakhada o kaoyago yag sa liyao gilopa siiko kapa giyop o Esrafel ko sanggakala .
aya kakhaadn anan na siiko oriyan o kakhatimo o langon o tao sa Sham ..a giyoto so miya aloy tano ko mori a toos ko malaa bangkit.

Giyanan i phamagosain tano nsha Allah taman sa misampay tano ko Kasorgaan nsha Allah.
اللهم ارزقنا مغفرتك قبل الممات وارزقنا رضاك عند الممات وارزقنا الجنة بعد الممات..اللهم آمين
By: Dr. Faaroq