Agama Islam Society Inc. - Jamiatu Muslim Mindanao

Aya malebod a kakhatoro o mga tao na magokit sa mapiya a paparangayan

Aden a manga ulama a aya ilayan iranon ago aya okit odi na usloub iran ko dauwah na aya kakhatoro o mga tao na okit a makras a lagid o kapaka kafira niyan ko diron phangimbenar, so katharowa niyanon sa boda agoso mga ped a katharo a khasakitanon so ped iyan.

Aya mapiya na began kaon oto a laod a paro sabap sa aya mapipikir iyan na so mapiya oba matoro so mga tao ko ontol na o pakiphawala kaon na khirakes ka a phamaninta-an iyan odi na paka kapiren ka niyan na peka aden so rata-a ginawa, aden mambo a pekha ilai a kapiya niyan ogaid na kena ba langon a ndolonen ka na baon domadait.

So Nabi na si-i ko kiya panolon iyan na piyaki ilai niyan so mapiya a paparangayan, apiya so manga tao a diran perata-rata-an , giyoto mambo i so Allah na si-i niyan biyantog so Nabi ko kapiyaniyan i paparangayan ;
و انك لعل خلق عظيم
Isa miya ilai na aden a matowa a babae sa Makkah a tanto den a marata i katharo sa diniyan kaphapakaitowa ko Nabi Sallallaho Alaihi Wasallam, giyangkoto a bae na si-i mababaling sa kilid a Makkah,
Miyaka isa a alongan na somiyong sa inged ka aden a kailangan iyan a mapamamasa niyan a para ko diniyan kapaginetao , so kiya pagiyasa a niyanon na mbaling sa kilid a inged na diniyan khakena so awid iyan, miloba sa maka ogopon na da miyogopon,.
miya ilai o Nabi Sallallaho Alaihi Wasallam na inogopan iyan na inawidan iyanon so awid iyan sa taman sa inidolog iyan sa kilid a inged,

kagiya maka oma siran ro-o na tigo babae a salamat, ogaid na da khibegai aken reka ka da pirak aken , ogaid na began ko seka sa wasiyat a kang-gonaan ka , tigo Nabi a antona oto a wasiyat?, tigo babae a ipagosiyat aken reka a aden a mama sa Makkah a diniyan tharo-on a Nabi na obakaon phagobai ago oba kaon misowa sowa ka giyanan na bokhag a salamangkiro na kasarabangka niyan.

miyamemesa so Nabi Sallallaho Alaihi Wasallam , miyaka girao a diyanan benar ka sakn man anan, na benar a saken na sugo o Allah a iperampai aken so ontol a torowan a iphakadaya ko donya ago si-i ko akhirat,

So kiyanegaon o babae na tanto a miyame-mesa, miyakangirao a mata-an a so langon a miya ilai aken reka na palaya den mapiya a paparangayan a giyanan so manga paparangayan o mga Nabi, na sabap san na miyag Islam ako na ini sabot iya so Ash- hado Al-lailaha Illaallah wa Ash- hado Snnaka Rasoulollah .

sa opama ka baniyan den ini pamaninta sabap ko karata iyan ko Nabi i adat ago paparangayan, so geda iyoron magislam angkoto a babae.?

Salamat san

Wara-an den so dikapakambida-bida sa tindeg apiya pen palaya benar :

lagid angkaya a kai-ilaya tanoron aya, kati-i so thothol tano ;
So Al-imam As-shafi-ey na katawan a morit o Imam Ma'lik, miyaka isa na adn a dairan pagayoni sa tindeg pantag ko rezqi.
aya tindeg o Imam As-shafi-ey na so rezki na aya kakhakowa angkaon na mapeng-galebek ka, na so Imam Malik na aya tindeg iyan na basta a imbegai reka o Allah na kha-kowangka apiya dangka mang-galebek.

omani iza kiran na aya tindeg iyan na so tindeg iyan na aya benar, piyangamaran o omani isa a kaliwanagan so ped iyan sa so tindeg iyan na aya benar, sa lagid den a masa tano aya a apiya so da meleng iyan ko agama a di zabot sa basa Arab na aya katawi niyanon na sobra pen sa ulama.

miyakang-ganata siran a dasiran den pagayon, lominiyo so Imam Shafi-ey na miya ilai niyan a mama a matowa a aden a a-awidan iyan a kapepened anon a maregen a kapekha kena-a niyanon, so imam Shafi-ey sa masa oto na kangoda-an a mabager, miyaka girao ko mama a awidangko reka a idolog akn seka, tigo lokes a naino den ogaid na miyategel o imam Shafi-ey sa kapedi iyanon, miyaka iyog so mama na kagiya maka oma siran ko walai o mama na miyakopon so mama ko frutas na inibegai niyan ko Imam Shafi-ey.

kagiya makowa o Imam Shafi-ey na ming-gagaan somong ko g**o niyan, na inipalad iyanon sa tigiyan a katan na kangkaon, komiyanon so Imam Malik na tigo Shafi-ey a inongka da iza-an angkanan a kiyan ka , na piyanotholon o Imam Shafi-ey a giyanan na inirezki rakn ka miyokit sa galebek akn , tig mambo o Imam Malik a saken na ini rezki rakn a dako mang-galebek.

Samanoto na palaya iran miya prove a benar so tindeg iran.

So manga tao sa masa imanto na telo a ilayan kiran ;
1- Isa ka klase a pezimba-an iran so Allah a si-i mo-onot ka katao ko Shariah , siran i manga tao a phamaka apas ago phaka klim ko mala-a balas .
2- Klase a manga tao a pezimba-an iran so Allah a si-i mo-onot ko da katao ko ilmo a Shariah a go aya pekha onotan iyan na so dadag na siran oto so phangadadadag .
3- Grupo a katawan iran so ontol na diran ipeng-golalan , giyanan i manga tao a pekhararangitan o Allah .

Bitiara ko Bae a mahahaidh !!!

Assalamo Alaikom Warahmatullahi Wabarakatuh
Manga bangsako a manga Muslim phangenin ko Allah a palaya mapipiya ginawa tano sangkai a ditano kapamuasa na maparoli tano so balas o manga galebek tano a manga pipiya na batanoden mamaka sorega.

Imantoden a kagabigabi na aden a somiyagad raken a post a vedio a ped sa mapapadalemon na giyangkoto a mitharo on a (tonganai aken pen) a sokon so kapekha haidh o babae na kena obaon patot a makaboka ka aya patoton na makaphuwasa ko kahahaidh iyan kagiya kena oba oto phakabatal ko puwasa .
Giyangkanan a bitiara na andang den anan ka miya ona den a discuss sangkanan a manga Inged a Arab ka kagiya aden mambo a manga Molhid kiran a pephamagalinen iran so manga hokoman a thathakena den ko miyaka labi sang-gibo ragon , na so ped san a manga tao na Thaubat ka odi makathaubat na go kapantagi a kapatai na miyabinasa .

Aya kabasa angkoto a mitharo na dakon a dalil a ba so babae a mahahaidh a badi makapephuwasa ka ayabo a tiyabiya a phakaboka a tigiyan ko ayat na so pekha sakit agoso di melayalayag , na kominowa sa dalil a manonompang ko hokoman o pekha sakit agoso di melayalayag na si-i niyan piyaka antap ko babae a pekha haidh , na giyanan den i paparangayan o manga tao a aya kabaya iran na zagonaot so Islam .
So manga dalil ko Islam na da-a mbida-an o Qur-an agoso Hadith a palaya anan khambowatan o hokoman ko Islam , amai ko so Hadith na matanto so kiyapaka po-on iyan ko Rasoulollah Sallallaho Alaihi Wasallam na wajib a kaonotan so kha istinbat a hokoman ko hadith , giyanan na kao-opakatan ko manga ulama si-i ko maga Muslim , kati-i so ped a dalil a mai-ilai tano a sorangan o pitharo sangkoto vedio ;

1- Paganai a dalil ;

عَنْ عَبْدِاللَّهِ بْنِ عُمَر قَالَ : قَالَ رَسُوْلُ اللَّهِ صَلَّى اللَّهُ عَلَيْهِ وَسَلَّمَ : " يَا مَعْشَرَ النِّسَاءِ ، تَصَدَّقْنَ وأَكْثِرْنَ اْلاسْتِغْفَارَ ، فَإِنِّي رَأَيْتُكُنَّ أكْثَرَ أهْلِ النَّارِ فَقَالَتِ امْرَأَةٌ مِنْهُنَّ جَزْلَةٌ : وَمَا لَنَا يَا رَسُوْلَ اللَّهِ ، أَكْثَرُ أهْلِ النَّارِ؟ قَالَ : تُكْثِرْنَ اللَّعْنَ ، وَتَكْفُرْنَ اْلعَشِيْرَ ، وَمَا رَأَيْتُ مِنْ نَاقِصَاتِ عَقْلٍ وَدِيْنٍ أَغْلَبَ لِذِي لُبٍّ مِنْكُنَّ قَالَتْ : يَا رَسُوْلَ اللَّهِ ، وَمَا نُقْصَانُ اْلعَقْلِ وَالدِّيْنِ؟ قَالَ : أَمَّا نُقْصَانُ اْلعَقْلِ : فَشَهَادَةُ امْرَأَتَيْنِ تَعْدِلُ شَهَادَةَ رَجُلٍ فَهَذَا نُقْصَانُ اْلعَقْلِ ، وَتَمْكُثُ اللَّيَالِيَ مَا تُصَلِّي ، وَتُفْطِرُ فِي رَمَضَانَ فَهَذَا نُقْصَانُ الدِّينِ " .

Pho-on ko Abdullah Ibn Omar a pitharo iyan : Pitharo o Rasoulollah Sallallaho Alaihi Wasallam : “ Hay sekano a manga bae na zasadeqah kano ago pakandakela niyo so kapag Istigfa’r ka kagiya mata-an a miya ilai aken ko kiya pemairaj aken a madakel kano si-i ko Naraka , pitharo o babae a ped kiran a malai aqal ago mpiya i pamikiran : go inoto a sekami Ya Rasoulallah i madakel a tao ko Naraka? pitharo iyan : Madakel kano i kapamaninta kapemomorka , na go diniyo phanalamatan so manga karoma niyo , na go daken mailai ko ped ko manga korang so aqal agoso agama a bandadakel si-i ko manga lalantas rekano i aqal , pitharo iyan : Ya Rasoulallah , Antonai korang si-i aqal ago si-i ko Agama ? pitharo iyan : So makapantag ko di katatarotop o aqal : na sabap sa so kashaksi o dowa a babae na timbang o sakatao a saksi a mama na giyanan na di kapaka tatarotop o aqal , nago matatap ko manga gagawi-i a di makapezambayang na go phaka boka ko Ramadhan na giyanan na kakokorang o agama “.

2- Ikadowa a dalil :

عَنْ أَبِي سَعِيْدٍ اْلخُدْرِيِّ رَضِيَ اللَّهُ عَنْهُ أَنَّ النَّبِيَ صَلَّى اللَّهُ عَلَيْهِ وَسَلَّمَ قَالَ : " أَليسَ إذَا حَاضَتْ لَمْ تُصَلِّ ولَمْ تَصُمْ، فَذلكَ نُقْصَانُ دِينِهَا ". البخاري و مسلم
Pho-on a thothol ko Abie Said Al-Khudrie Radhiyallaho Anho a mata-an a so Nabi Sallallaho Alaihi Wasallam a pitharo iyan “ Ino badi igira a miya haidh so babae na di makapezambayang ago di makapephuwasa , na giyanan na kakokorang ko agama niyan “.

3- Ikatelo a dalil :

مَا رَوَاهُ اْلبُخَارِيُّ وَمُسْلِمٌ أَنَّ مُعَاذَةَ رَضِيَ اللَّهُ عَنْهَا ، قَالَتْ : “ سَأَلْتُ عَائِشَةَ ، فَقُلْتُ : مَا بَالُ الْحَائِضِ تَقْضِي الصَّوْمَ وَلَا تَقْضِي الصَّلَاةَ ؟ فَقَالَتْ : أَحَرُورِيَّةٌ أَنْتِ؟ قُلْتُ : لَسْتُ بِحَرُورِيَّةٍ ولَكِنِّي أَسْأَلُ ، قَالَتْ : كَانَ يُصِيبُنَا ذَلِكَ فَنُؤْمَرُ بِقَضَاءِ الصَّوْمِ وَلَا نُؤْمَرُ بِقَضَاءِ الصَّلَاةِ ” .

Miyapanothol o Bokharie agoso Muslim a mata-an a so Moadha Radhiyallaho Anha , pitharo iyan : Ini-iza aken ko A’isha , pitharo aken : Antonai pamikiran ka ko mahahaidh na phakabayad ko phuwasa na di phakabayad ko sambayang? Na pitharo iyan : Ino baka Harouriyah , ma-ana manga tao to a manga Khawarij a si-i sa inged a Haroura’ - a inged sa Al-Koufah – aya kawatan iyan sa Al-Koufah na dowa ka mile odi na 3.5 ka km , pitharo iyan a kena ba ako Harouriyah ogaid na iphagiza aken , pitharo iyan : “ Giyanan na pekhisogat rekami anan na ipezogo rekami so kabayadi ko phuwas na direkami isogo so kabayadi ko Sambayang “.

4- Ika pat a dalil na si-i ko Ijma’ :

Miya opakat so Ummah Islamiah sa so Ijma na dalil Shar-ey a so phakambowaton na khakowa a hokoman ko Shariah , na miyaopakat angkai a Ummah Islamiah miya ona miya ori ko kababaloi a haram so kaphuwa o mahahaidh , na giyanan a kababaloi niyan a Ijma na minithatanana den o manga tao a manga mamponai sa ilmo na da katawan a ba kiyazosopaka-an angkanan a Mas-alah , na sabap sa miya ijma so manga muslim na mostahil oba siran ma ijma ko kadadag , si Al-Imam An-Nawawie na aya katharo iyan si-i ko kitab a Sharho Al-Mohadhab na ;

“ فَأَجْمَعَتِ اِلأُمَّة عَلَى تَحْرِيْمِ الصَّوْمِ عَلَى اْلحَائِضِ وَالنُّفَسَاء ، وَعَلَى أَنَّهُ لاَ يَصِحُّ صَوْمَهَا ”.
“ Na miya opakat odi na miya ijma angkai a Ummah Islamiah sa kahaharam o kaphuwasa o mahahaidh agoso maninipas , ago miya opakat siran sa mata-an a di khapakai so kaphuwasa niyan .

Si-i bo taman pasin .

M***i Amiloddin Manggis Sharief

Assalamo alaykom

KALANGKAPAN KO MGA MORIT KAPAPANTAGAN A GRADUATE SA RAGON AYA 2025 G. 1446 H.

PAGANAY RON:

P**I SABOTAN RKANO A AYA LAST O DAOR TAKMILIE NA AMAY KO ALONGAN A ISNIN 27 JANUARY 2025. MADAKL DN A MIYA PAGIKMALI NA SA DISAYA MAKA PAGIKSAM NA DAA KABNAR IYAN SABA MAPD KO PHAMAKA GRADUATE SA RAGON AYA.

IKADOWA:

SO GRADUATES SA QESM YAOMAL ISNIN NA ADNA METING IYO AMAY KO 27 JANUARY 2025.

SO GRADUATE KO FRIDAY AND SATURDAY DET'P. NA ADNA METING IYO AMAY ALONGA A SAPTO A KAPIPITA 25 KO JANUARY 2025.

PANDOAN A P**N A BOARD OF DIRECTORS A AGAMA ISLAM SOCIETY ARABIC DEP'T.

NOTE: BALASAN KANO O ALLAH P**I SHARE.

Miyakatho-ona so Musa agoso Fir-aon , pitharo on o Musa , hay , Fira-on na o paratiyayaka na khatatap so kadatu oka sa Misir sangkai a donya na khaparolingka so kasorega-an si-i ko akhirat , malo kiyabenaran so Fir-aon , ogaid na ini consulta niyan ko Ha'ma'n a consultant iyan , aya mini mosawir o Ha'ma'n na hay Fir-aon na dikari minisinga o Musa a sekana pitharo oka a sekai tohan a maporo na orian iyan na mimbaloi ka a oripen a di mangongonotan , so kiyanega o Fir-aon ko katharo o Ha'ma'n na miya alin so tindeg iyan , obadi maitobo na phaka paratiyaya .

Kagiya mapita na siyongowan o Musa so Fir-aon ka pagamaden iyanon so sembag iyan , na aya mini sembag iyan na hay Musa na o paratiyaya ako na diakongka inisinga ko orian o kiyatharowako sa sakn i tohan a maporo na mimbaloi ako a oripen a di mangongonotan .

Aya resulta na da maka paratiyaya so Fir-aon ka sabap ko Consultant iyan a Ha'ma'n , na mimbaloi a datu si-i ko phamaka naraka.

Mosawir tano :

So langon a makaphipikir a makiphangongoripen ko madakel a tao na pili kano sa mga Consultant iyo a manga pipiya a khatoro kano niyan ko agama niyo a khasabapan sa katatap o kadatu iyo sa donya na maparoli niyo so kasorega-an iyo ko akhirat.

salam rekano langon

O aden a da matharo a dalil na next year den na tamanan tano sayaden pasin .
Toro-on tano langon o Allah ko ontol a panarima

So pangeni tano a badn pakasorega-a o Allah so g**o tano
Alim Zainalabedin S Abdurrahman
Inna Lillah Wa Inna Ilaihi Rajuon

So malai kapedi sa lolot na di phatay sa marata a kapatai :

Miyaka isa a alongan na miyatharo ko Said Ibnul Mosayyeb Rahimahulla a miya wafat so Ibrahim Ibn Mohammad Ibn Talha , miyaka girao a Inna Lillahi wa Inna Ilaihi Rajioun , antonai ini patai niyan ? miyaka girao siran a minigobaron so mansiyon iyan , miyaka girao so Said a da matai , pelobaaniyo ko palasyo niyan ka seka niyan na oyag oyag pen .

Philoba iran so Ibrahim ko minigobar a palasyo niyan na kiyalot iranon na miya oma iranon a da matai a oyag oyag pen a da kiyasakitanon a apiya so kiya riris o kobal iyan na da.

Tanto a miyamemesa so mga tao ino niyan oto mapetharo , miyaka girao siran non a inongka katawi a da matai ago dapn kasakiti , miyaka girao a katawangko ka kagiya sekaniyan na na malai kaoedi ko mga kolot iyan ago malamiton so diniyan kiran di kapaking giginawai .,soman a tigiyan so malamiton so diniyan kapakingginawai ko mga tonganai niyan ago mala kiran i gagao na di phatai sa marata a kapatai.

sa pharangayan tano sa mapiya so mga lolot tano ago ikapeci tano siran .

Katharo o Ali Radhiyallaho Ano : " Opagilain ka so agama o tao na obangka ilaya so Sambayang iyan agoso Puwasa niyan , aya ilayangka na so diniyan kapakidolona ko mga tao agoso paparangayan itan ".