09/09/2025
Aya katharo o Nabi:
من مات وليس في رقبته بيعة مات ميتة جاهلية
maana: "Sa taw a kapantagan a kapatay a da banyan uunotan a ulowan na myatay siiko btad a kajajahiliyyah/kadaa mlng"
maana madodosa.
Sangkai a masa tano na aya pinakamarani a pagunotan a ulowan na so kikilalaan a Amerol Mujahideen o mga Muslim sa Pilipinas, skanyan pn e Chairman a M**F na mimbaloy pn a CHIEF MINISTER a kikilalaan a Goberno a Pilimpinas, ago Chairman pn a UBJP maana skanyan e mararani a patot a pagunotan ago kilalaan a ulowan o mga Muslim, knaba pman ba tarotop a qualified, knaba pman tarotop a di karibat odina mapiya ogaid na so pinakamarani ron a pagunotan ago kilalaan o mga Muslim a ulowan iran na si Chairman Hadji Morad.
Misabap san, na gya 102nd Base Command NWMF, BIAF M**F sa kapaguolowani ron e Alim Abu Haneef Salindawan agoso mga inampda iyan na tiyanto iran, ago inimpidan iran so Bay'ah(Pledge of Allegiance) iran ko Amerol Mujahideen a si Chairman Hadji Morad, sabap ko Agama, paratiyaya ago kaisaisa o mga Mujahideen, so mga Muslim.
Aya katharo o Allah:
يَٰٓأَيُّهَا ٱلَّذِينَ ءَامَنُوٓاْ أَطِيعُواْ ٱللَّهَ وَأَطِيعُواْ ٱلرَّسُولَ وَأُوْلِي ٱلۡأَمۡرِ مِنكُمۡۖ فَإِن تَنَٰزَعۡتُمۡ فِي شَيۡءٖ فَرُدُّوهُ إِلَى ٱللَّهِ وَٱلرَّسُولِ إِن كُنتُمۡ تُؤۡمِنُونَ بِٱللَّهِ وَٱلۡيَوۡمِ ٱلۡأٓخِرِۚ ذَٰلِكَ خَيۡرٞ وَأَحۡسَنُ تَأۡوِيلًا
"Hay so siran oto a miamaratiaya onoti niyo so Allāh ago onoti niyo so Rasūl ago so khi rk ko btad a pd rkano, na amay ka masobag kano sa shayi na ndodn iyo ko Allāh ago so Rasūl amay ka miaadn kano a paparatiayaan iyo so Allāh ago so alongan a maori, na gioto na mapiya ago matanos a khandodan"
An-Nisaa' | Surah 4 verse 59
Gyai e patot a ptindgan o mga Muslim samporna ko mga Muslim sa BARMM, sangkai a masa a fitnah, kaoomparik nago awidaakal a mitatalmba ko mga Muslim.
So mga ridoay o Agama Islam, na ayadna mala a miyaosar iran ko kapmbinasaa ko Agama, agoso paratiyaya ago kaisaisa o mga muslim, aya mala na so kapakabagr o Islam agoso mga muslim na so datar iran bo a magi-ingaran sa Muslim sa aya myaosar iranon na kadatu, perak ago tabang, inonta na aya tithoa hadaf/pamikiran iranon na mabinasa so kaisaisa o mga muslim, makalobay so mga muslim, nago aya mala na mabinasa ago makalobay so mga mujahideen.
I-set aside so mga rata ginawa, pakalipatan pasi so rata ginawa, rarangit nago di ikasosowat sangkai a masa a biyobos rktano o mga ridoay so fitnah ko kadatu, perak, ago kadodonyai ka ophoon siran thagumpiya a pabayaan tano anan na makapsndit tano langon, agoso mga wata tano, na aya mala na aya dowaan iyan na so Agama tano a Agama Islam nago so pkatalingoma a mga moriataw tano.
Katharo o Allah:
وَأَطِيعُواْ ٱللَّهَ وَرَسُولَهُۥ وَلَا تَنَٰزَعُواْ فَتَفۡشَلُواْ وَتَذۡهَبَ رِيحُكُمۡۖ وَٱصۡبِرُوٓاْۚ إِنَّ ٱللَّهَ مَعَ ٱلصَّٰبِرِينَ
"Go onoti niyo so Allāh ago so Sogo’ Iyan go di kano pzosopaka ka maola kano (malk kano) ago mada so bagr iyo, go phantang kano ka mataan a so Allāh na pd Iyan so manga barasabar a manga papantang"
Al-Anfaal | Surah 8 verse 46
Magisaisa tano, mamagogopa tano, sisiyapa tano, mamagabanga tano ka aya tithoa magari-ari ago mamagpda, psisiyapa ago psasariga na sktanubo a tithoa a mga Muslim, a miyamaratiyaya siiko Allah, aya mala na sktano a mga Mujahideen a sodn so mga niyawa tano e piphasa tano siiko Allah, inisanggar tano ron so mga niyawa tano, mga pamilya tano, mga tamok tano para siibo ikasosowat o Allah, sa kapakapiya o Agama nago so kaphagingd ago para ko mga Bangsamoro Muslim. Ditano sarigan so mga sarowang, mga ridoay a asara a maosar tano iran ko kabaya iran, plano iran na thalikodan tano iran a sktanowi mriridoay, gii titidawa, thitipoa, khakagowada a mabibinasa ago masasagomparak.
Phangnin tano siiko Allah a liwanagan iyan so mga puso tano, na limpiyon iyan ko rata ginaqa, rarangit na aya mapadalm ron na so limo, gagaw, kaisaisa nago kaphapagariya. Aameen Ya Allah🤲
**F
**F
