08/02/2026
Assalamualaikum warahmatullah..
PANALAMAT
Alhamdulillah,, myapasad tano minidongko tano pyapya so kapangadi sangkai a ragon 2025-2026 sa idin o Allah,,
Phanalamatan tano so Allah ka tyawfiqan tano nyan sa kininggolalanun tano sangkai a atastanggongan a pyangraw tano, minioman ko Amal tano ago so dii kazoasoata ko Allah,, pangninta a mioman ko timbangan o mga amal tano a mga pipya sa alongan a mawri,,
Phanalamatan ami so mga datu mga bae, so langwan a pephagingd ko kya daoroga nyo sangkaya a kya larga tano ko sold o sapolo olan, so miniogop yo sii a antangan galbk ago tamok, na thaktakpn rkano o Allah sa madakl a mapya pakambarakatnyan rkano taman ko mga muria tao ago so khababadan rkano,
myakatoman kano ka gyanan i titho a minipakawityo sa alongan a mauri,, ipoon ko dii kambalaya s madrasa, so diron dii kaplompyowi so kasasailaon, so pki ogop ko allowance sa g**o ago so pikikan sa g**o, mataan a myakatoman kano k so mga tamok u na siidn phakasold o Allah ko anggawta o dii mangdao ko mga wata ko iphakasorga iran,, baloyn o Allah a saksi sa alongan a mauri sa mabaloy a miawat tano ko naraka jahannam.. hehe
Special ki tapa,, nao pakalalaan o Allah sa alongan a mauri ka mataan a kasasabapan a mala sa di kakhaori ko mga g**o,, masasangan yan so sangan ami ko kapkidmati kiran,, pangninta baondn bgan o Allah so mga pipya sa donya akhirat..
Nao na aya mala a di patot oba pakalipati manalamat na so mga g**o,, langon tanoron matao sa so kyanuga nyoron sa di ami khakaptan a madrasa na miyaparo kano sa kapaka pangdao nyo ko mga madrasa a masisingayo kanoiran sa myaka pipira ragon,, ogaid na so oriyan o kya zarakanan tano mangrao a madrasa na da kami nyo karawi thawd,, myabarao nyo a apya kano minibulog sa pd na pimbalinganan kami nyobo, da nyo maraw oba so mga wata a piphoonan u domolog ko kasorgaan yan na babadn di mirampay a salakao a kasilayan yan,, ibalas rkano o Allah so balas a sadn s tao a makatoro sa sakatao a manosya na thomo rkanyan adi so entiro o sibangan o alongan,,
So mga ariakn a mga raga mga ustada sii kano rkami myamakala na myapasad u rkami so elmo myamka morais kano s Qur'an saya na myamangadi kano s marawi na inogopan kami nyo romapas sangkai a madrasa tano,,
aya mala n maiilay ami rkano a kapkababayai nyo sa kaphangdao wa nyo ko mga arinyo a mga iito a wata, omandn kano rapitn ago idolog na matoms kano tingoran sa lyo oto a trak tano,, apya so pkhasakit na didn dii titingoran asarbo a di pephakalpas mangdao anogonyo oba pkhalti a kaphakaswa o mga wata,,
igira closing n volunteer kano mangdao a daa allowance, apya gira a closing s eskwelaan na pkowaanyopn a opportunity a pangdaonyo so mga wata ami, badi kalokalo n daa pkailang a oras!! Ibalas rkano o Allah so kakwanyo a mapya sangkaya a donya na tamandn ko khababadan rkano,
mya baloy kano a ini kasigi o mga kangodaan sangkai a piagapo na ryawat kanoiran ko mga galbk u a ilalayam yo sangkai a saliheen,,
knaba aya hadap u n so pkiogop ami rkano a di ptoon a pki bayad u sa exam ka ayadn a maka sosogo rkano na so kapkhailaya nyo ko galbk tano a prarad sa mapya,,
inisndit ami rkano a skano i mala a kyapaka swa o babay wata sangkai ingd ko kabatyaa ko Qur'an,, pangninami ko Allah a so kyabalsami pyapya ko mga ayat o Qur'an ko kipzakbnon na ibalas rkano o Allah,,
apyadn i kapakathamanako ko mga katharoakn sa kapanalamati rkano n didn katarotopan,,
myaka pasad tano mag exam n badn myatakp so galbk u ka mimbaloy a gawigawii taman dn ko kang graduate tano na dikanodn dii thoday ko langwan a iphakapya o program tano a ikasoat rktano o Allah,, ayadn a pananamaran u na so langowan a panamar tano sa madrasa na pakatamanun u ron a kapya kapki tadi iyan ka kagya gyanandn i model a an pkasowa o mga madrasa a pd,,
Mga g**o myanagontaman tano imanto a ragon s knaba gyabo a madrasa tano aya ka iniraks tano so langwa mikindodokapila rktano a mga madrasa,, myonga so panamar u na myonot ko kyatagompya a saliheen so kadandan o mga madrasa tano,, ayadn a dii manonotholan na so masa!!
Madakl so myamaka pasad rkano na dita katawan o makapamagpda tanopn adn a myamaka bangonon sa walay,,
pangninami ko Allah a taman sa ana kapaparo nyan na sktanodn i maiisaisa,, pephaka oyat rkami so panamaryo!! Dyami skano khatigran mga arya,, prilai kami nyo ko diami rkano kakhatayoda phanalamatan ami skano ko kyabaloy nyo a sii ami rkano mini sarig so langwan a dapat n sangan ami,, asarbo a mapakailat rkano so plano na pkitadi iyo pyapya sa lawampn ko kapipikira miron,,
Gomiraduate tano na damidn mazagipa so mga ngongoda mga g**o na ramig myamaka baling na datanodn oto maka mbibityarai, aya oto a pikir aknon na pagiga kanopn s walay ka mala man so handa a dalma ingd, hehe pyaka taman iranon mambo so kazakawa iran rkano ka myailay nyo langondn mapya i taam hehe,, kilalawanampn..
Mga ariya bandako mababa i omor ka digithawan aya myamangaloy akodn hehe nao, goraok akndn s kapka pikir akn rkano, pangnita timotimoon tano o Allah pharoman aya mala na matimotimo tano ko surga,,,
Kinwami skanodn a mga ariami sa donya, na pangninta a magariari tanopn sa sorga!! Roo tanopman sosolda..
So mga murit ami,, samanaya na myakasarig kamidn sa romyarad so dokaw ago panamar, mya along ami rkano a o kaganati ami skano na kitarus yo so piphoonan tano, myailay ami a competitive kano a mga wata, myatago kano ko mga ala a university na da nyo pakaitoa a saliheen, dikano iran khaatowan ko kapasang kakasag ago kapya i galbk,, munipagandisan u so poonanyo, na iphagandisan ami skano mambo ka kyapatotan kano ron,,
pkabaak ami ko mga ala a madrasa a totolan rkano aya dii matharo na gyangkai a mga murityo sa piagapo na aya kasasanaan ko mga galbk sangkai a madrasa siran i matao ko langwa kaogitogit,, na kagya tonganay kano a mya train ko kapakindodolona kanggalbka ko manga ppnud,, di khalipatan a ini kasigi o langwa murit s piagapo igira ptadi tano sa program, a tibolog a ma assign ka ko titindgan ka sa pipira ka oras na dingkadn sopakn a mapaparatyaya kadn a inggogolalan ka, romyarad anan na katan a myapragon ka sa ayangka mimbaloy a capital sa kapagawidingka ko ingdka ko kaoma o masangka!!
Makaoma tano sa alongan a mauri ripotn ka ko kadnan ka a myaka pamagpda tano ko kaito iyopn, na dikamingka pokasa ko mga pangningka sa da a somagad rkami a tyoba a obami di magaga,,
baloyngkano langon o Allah a mga ulama, a makarndaon so agama nyan ago so ingdyan..
mga ikaritan sii ko oryan o pipira polo ragon imanto a myada kamidn ko donya na tantodn a mapya a inisgan angkai a ingd a tambo ko kaphagagama ago so kaiisaisa, gyanan i paratyayaa nyo!! Balasangkano o Allah s daa pitatamanan yan a mapya..
Wassalamu alaikom warahmatullahi wa barakatoho..
🖊️ Ummoarham
