Mga Thotholan

Mga Thotholan gyangkae a page na aya kipakatatago on na pimbarang a mga totholan.

Gyangkai a page na ayabo a mala inimbaalon na ptagoan sa mga totholan makaplagid dn o sii pkakwa sa internet antawaa ka siiko mga kitab goso salakaw ron a kapakay a kasarigan so tothol yan, sa paka aawatn akn sa kipiki papawala go kandadampawa gyangkai a page, ayabo a hadaf on na so mapya a antap sa kipkisampay o thotolan.

PANANADUM O MGA CHRISTIAN SA SPAIN !!!Gyangkai a pkailay nyo na celebration sa ingd a andalus (spain) uman ragon, sa aya...
22/04/2024

PANANADUM O MGA CHRISTIAN SA SPAIN !!!

Gyangkai a pkailay nyo na celebration sa ingd a andalus (spain) uman ragon, sa aya oto a di iran sulasulaan na so gawi-i a kyatabana iran ko mga muslim sa ingd ah andalus ( spain ).

gyangkai a mama a pkailay nyo na aya dinyan pananayanan na so last a datu o mga muslim sa andalus a si محمد بن علي بن سعد , gyanan a dinyanon kapananayani na aya pipikirn san na so masa a kini sangkopn o datu o mga muslim ko gunsi o mala campo eran sa ingd a garnata ( granada) spain siiko datu o mga christian a si ferdinand go isabella.

Antawa ah si عبدالله الصغير ?
Skanyan si أبو عبد الله محمد الثاني عشر ah aya titho a ngaran nyan na محمد بن علي بن سعد بن علي....
Kyadatuan nyan a garnata ko ragon ah 1482 taman ko1483 oryan yan na myada sa kadatu, na myadatu pman saruman ko ragon ah 1486 taman ko 1492, myadatu skanyan sa ayabo a edad yan na 25, kilala skanyan o mga christian a mga asbani sa ngaran a el chico ( maito).
Siiko kadadatu yan na mitondotondog so garobat o mga ridoay ko ingd o mga muslim, rata on a ginawa na mikalmk so sabaad ko mga muslim, tanto ko mimbagr so kyapagisa isa o mga christian a mga asbani go mga inumpda eran na misabnar dn magomparak so mga muslim taman sa da myalamba kiran a ingd sa andalus inonta na gyabo a ingd a garnata, oryan oto na sinirkolo o mga christian a garnata ko myakapera ragon, na kyaurianon na sabap ko dadn a myakauma panabang ko mga muslim na minitgl sa ginawa o datu o mga muslim ( عبدالله الصغير ) so kasurender na pyaka awa yan so mga mujahideen ko mga campo eran nago pyaka paninimo yan so babae wata sa kangganati eran sa andalus oryan nyan na sumyong ko olowan o mga christian ( ferdinand go isabella ) a pnggarobat kiran na inibgay nyanon so gunsi o campo eran ko gawii ah january 2 1492.

Siiko oras a kapliyo eran ko campo eran sa garnata na pnngoraok so datu o mga muslim na diningilan e ina yan a aisha na tigyanon ( dika pnggoraok sa lagid o kagoraok a babae ko dangka siyapa sa lagid sa lagid o kasiyap o titho a mama ).

Gyanan a kya olog a garnata ko ndatuan o mga christian e polimposan dn a kyandatoi ron o mga muslim ip**n ko kyalkai iron e tarik bn ziyad ko masa o daula ummawiya, na taman dn sa masa imanto na di-i pakaradyaan so mga christian sa spain ko ibbtad eran a gawii sa pananadum eran ko kyatabana eran ko mga muslim , oana gaid na so mga muslim e diron makatatanod.

Ino kilala ngka skaniyan?Skaniyan si abdul aziz al-hajj, sii skanyan e lalayon maka sa sa-af ko likod o pka imam sa masj...
16/03/2024

Ino kilala ngka skaniyan?

Skaniyan si abdul aziz al-hajj, sii skanyan e lalayon maka sa sa-af ko likod o pka imam sa masjid nabawe, sa ayabo mala a sangan nyan na opama ko karibat so kapapantagan a imam ko mga ayat sa quraan na skanyan e paka tanoron, rinizkian skanyan o Allah sa kapasang a kapkatndoa nyan gagaan ko mga karibatan ko kabatya ah ko quraan go tanto niyan a mi lalanggag so quraan, mashaallah.

21/12/2023

O Tumoon ka masalin ka so History, na pakabagrangka so sinapang go sundaro ngka, ka gyanan bo e tumatana a pakasalin ko
HISTORY
إن شاء الله

Walay sa kilid a karsadaMyaolaola sa china, gyangkanan,a walay na rk o sakataw a loks a mama a 89 a edad yan, pd sa pata...
29/09/2022

Walay sa kilid a karsada

Myaolaola sa china, gyangkanan,a walay na rk o sakataw a loks a mama a 89 a edad yan, pd sa patakaran sa china na adna kabnar o taw ko di kakhagba o walay nyan apya pn myasogat a project.

Mimbaal seran sa karsada na myasogat angkanan a walay, na pyangni eran loks a kagba o walay nyan ka sabap ko kapa ka alang yan sa karsada, taman sa bayadan eranon na dadn iyog, taman sa myakapanawag seran sa mga ginawae go lolot o loks sa seran e pakimbtyarae ron sa kalokalo e miyog sa kabayadi ron ko walay niyan, onagaid na dadn iyog so loks sabap sa mala tanto a tadman nyan sa gyanan a walay na oto kagaga banyan kalipati, na romyaot sa myaka 14 years a kyathay a di iranon kapangnia na dadn iyog taman sa myawafat skanyan.

Si-iko kyapatay nyan na aya myakasambi so mga wata yan na tyanggap eran so perak na myagba so walay a maka alang sa karsada.

Tanudan:
gyangkai a dunya na apyae kala rka e arga o shai na sigurado dn a so salakaw rka na knba obangka lagid sa kapagargai nyanon, ayadn taralbi na aya tano preparadoan na so katarosan tano a gyanan so qobor go qiyama, ka gyanan e titho a tatap.

Source:
Social media

Shukran

BEFORE AFTER

mga tulan o mga muslim sa spain.Sangkai a babago na pyakalangkap o mga archeologist a sumyong sa spain ( andalus ) so ky...
28/09/2022

mga tulan o mga muslim sa spain.

Sangkai a babago na pyakalangkap o mga archeologist a sumyong sa spain ( andalus ) so kyatoona eran ko mga kobor o mga muslim, mya aloi e Dr amjad suliman " myatoon ami so 5 timan a mga ala maqbara go myaka toon kamiron sa 600 a bangkai a kadakl yan".

Myagp**n angkanan project ko october 18 2021, na sangkai a september 2022 na myapakalangkap eran angkanan a myangatotoon eran.

Aya mala usayan sangkoto a mga bangkai na gyoto so mga lawas o mga muslim sa gharnata ( granada ) sa ingd a spain ( andalus ), gyoto so mga muslim a piyamono o mga christian misabap ko kyaulog o ndatuan o mga muslim sa gharnata ko 1942 gregorian, na initgl ko mga muslim a kapaka christian eran, na sadn sa da kafer ko mga muslim na pyolampolang o mga christian na gyanan seran angkanan a misaosaog a mga bangkai.

قال تعالى:
وَلَا تَكُونُوا كَالَّذِينَ تَفَرَّقُوا وَاخْتَلَفُوا مِنْ بَعْدِ مَا جَاءَهُمُ الْبَيِّنَاتُ
Na oba kano mabaloy a lagid o siran a mimblablag siran go da siran pagayonayon ko oriyan o kiya pakatalingoma kiran o manga rarayag a karina.

والله أعلم

Source:
Internet including turkey post and etc.

Shukran.

Pd ko lumiangkap a tuladan ko 2018.Gyangkai a tuladan na si-i myaolaola sa darpa a lambung sa ingd a indonesia.Gyangkai ...
28/09/2022

Pd ko lumiangkap a tuladan ko 2018.

Gyangkai a tuladan na si-i myaolaola sa darpa a lambung sa ingd a indonesia.

Gyangkai a mga taw sa tuladan na margn kiran so kapamasa sa sinilas sabap ko kararad kiran o kapopobri eh, na gyoto sabap a pagndaan eran so sinilas ko oras a kapung gita gita eran ka an di kaboringi.

عن عبد الله بن عمرو رضي الله عنهما يبلغ به النبي صلى الله عليه وسلم : «الرَّاحمون يرحَمُهمُ الرحمنُ، ارحموا أهلَ الأرضِ، يرحمْكم مَن في السماءِ».

رواه الترميذي و أبو داود و أحمد.

Pd sa osayan o hadith o nabi tano:
So mga tao a makalimo-on ko mga ka-adn na ikalimo seran o lubi a makalimo-on ( الله ), kalimo-on niyo so gi-i magintao ko liyawaw o lupa, ka ikalimo kano o matatago si-iko langit ( الله ).

والله أعلم
Source:
Internet

Shukran.

Backpack a para ko mga kakaba.So kababaloi a manusya, na kinanglan dn na adna pka kwanyan a guna ko myamanagad go kinang...
27/09/2022

Backpack a para ko mga kakaba.

So kababaloi a manusya, na kinanglan dn na adna pka kwanyan a guna ko myamanagad go kinanglan so ginyan katyagari ko pakauma.

Sabap ko mga linog go mga typhoon a pkisogat ko mga ingd na pd ko mala a pkirarad yan na so kapkabinasa o mga walay go mga ala a infrastructure lagid o mga tunnel, building go mga lantay.

Misabap san na pkaolaola so kapkasuluti ko mga taw go binatang siiko pangaguguba a mga buildings go salakaw ron, pd sa mala awed akal na so kaplolobaa ko pangasusulutan a tao sabap ko di katutundoa o anda seran matatago ko myangaroropt a semento odi na mitatambak a lupa.

Misabap san na gya japan na miyakambaal seran sa BACKPACK a ptagoon ko likod o kakaba , aya pagusaran ko backpack na iptaod ko kakaba na pakasoldn skanyan ko myangaguguba a building na sabap ko mitataodon a video go sensor na pkatokawan eran o adna kasusultan a taw roo antawa ka da.

Mga muslim, aya patot na skitano e paka osor ko dunya, knaba lagid a masa tano ini a ip**n sa ransok na taman ko rocket na da ba tanoron pkapasad.

Shukran

Gyangkai a tuladan na myakasobra 100 ragon a kyathay niyan.Sundaro ini o mga muslim, gyae so sundaro o khilafa uthmaniya...
25/09/2022

Gyangkai a tuladan na myakasobra 100 ragon a kyathay niyan.

Sundaro ini o mga muslim, gyae so sundaro o khilafa uthmaniya ( ottoman empire ).

Gyangkai a tuladan na gyae so masa a mai-isa isa pn so bagr o mga muslim go da seran pn tabana o mga ridoai eran, si-i ini matatago sa ingd a GAZA palistine ko 1917.

Sabap sa so mga ridoai o islam na di iran dn kababayaan oba makatitindg pn son datuan o mga muslim, ka kalk eran oba aya pkaliyawaw ko mga ingd na pandi o mga muslim. Na da iran dn tantangi so ottoman empire taman sa da iran mitayatayak, misabap roo na apya anda eran pkalaboi so bagr o islam na padungun eran.

Myaolaola ko september 19 1918, so katimbaka a bithwan sa BATTLE OF MEGIDDO sii sa ingd a palistine siiko world war 1 sa aya oto a antap roo na an iran maulog ndatoan o ottoman empire.

Sangkanan a ragon 1918 na myagisa isa so mga sundaro a british, india, goso mga pd eran a allied forces sa kambinasa-a ko khilafa o mga muslim, na pyakatundotundog eran so di-iran kanggogobata go kagogomba eh ko mga kampo o mga othmani sa palistine taman dn ko sept 21 1918, taman sa ayadn a myaswa o mga mujahideen a othmani na myaka atras seran sa kya awaan eran so mga campo eran sa ingd a palistine sabap ko da pakasold a panabang go kahina o sandiata go kyaoroa kiran go kyapagisa isa o mga ridoai eran go kyatalikodi o mga muslim ko kapagisa-isa.

San mambo mini p**n a kyapakabagr o mga ridoai o islam sa palistine taman sa myaka apas so plano eranon sa aya paka ontodon na so mga yahudi a zionist na gyanan a kamasaan tanodn taman sa imanto.

Gya masa tano na apya gya google na myada on so ngaran a palistine ka aya minisambi on na ISRAEL.

Source : social media...internet.

Mga muslim:
odi tano maginungka na kaoryan si-i na knba bo gya masjid al aqsa e kada rkitano ka mapakay a taman sa haramain goso mga ingd tano na mada si-i rkitano.
قال تعالى:
وَأَطِيعُوا اللَّهَ وَرَسُولَهُ وَلَا تَنَازَعُوا فَتَفْشَلُوا وَتَذْهَبَ رِيحُكُمْ ۖ وَاصْبِرُوا ۚ إِنَّ اللَّهَ مَعَ الصَّابِرِينَ
Go onoti niyo so Allah go so sogo Iyan; go di kano pzoransorang, ka kaalapan kano go mada so bagr iyo; go phantang kano, ka mataan! a so Allah na babid o manga papantang.

واللّه أعلم

Shukran.

So initadin a bike.Adna mama a pyanginsana nyan so bike yan ko mama a حداد ( smith ) a galbk yan si-i sa padian, sa aya ...
25/09/2022

So initadin a bike.

Adna mama a pyanginsana nyan so bike yan ko mama a حداد ( smith ) a galbk yan si-i sa padian, sa aya pitharo yan na kasoyan nyan bo.

Rumyaot sa myakapepera dn gawi-i a di-i kapnayaw o حداد sangkoto a mama a tumiadinon na dadn kadae sa panginam ko dinyanon kipnayawn ko bike yan, taman sa romyaot sa pipira dn ragon a katatago-on o bike.

Aya masswa angkoto حداد na anda dn e kalkai nyan ko tinda nyan a kapipita na iliyo nyan mambo so bike ka kalokalo e makauma on so tumiadinon, na pkasalak na numanayaw skanyan sa liyo ka di mnayanayaw oba niyan makilala so kirk ko bike ka anyanon mikasoi, na magabi pman na isold yan so bike ka plulukub sa tinda.

Sabap sa so kapatay na di karun, na myatay angkoto a حداد na aya kyathay ron o bike a itatadinon na romyaot sa myaka 40 ragon.

Na si-i ko kyapatay nyan na mimbaal so mga taw sangkoto a darpa ko pantag o tinda nyanon sa statwa ( statue ) o حداد goso bike a itatadinon, sa aya paka antapan iranon na sign oto ko kasiyapa go kithomanun ko sarig.

Note:
Dwa so kyapanothola si-i, mlagid dn so tothol oanagaid na mbida so darpa a mya aloi, adna mitharo on a si-i sa ingd a zanjan sa IRAN and pman a mitharo on a si-i sa YEMEN..
Wallahu a'lam e bnar san, aya kinanglan san na so kitomanun ko sarig

Source: social media
قال تعالى:
إِنَّا عَرَضْنَا الْأَمَانَةَ عَلَى السَّمَاوَاتِ وَالْأَرْضِ وَالْجِبَالِ فَأَبَيْنَ أَنْ يَحْمِلْنَهَا وَأَشْفَقْنَ مِنْهَا وَحَمَلَهَا الْإِنْسَانُ ۖ إِنَّهُ كَانَ ظَلُومًا جَهُولًا
Mataan! a Skami na iniayag Ami so sarig ko manga langit go so lopa, go so manga palaw; na da iran pangrawa oba iran oto awidi, go inikalk iran oto: Na inawidan oto o manosiya; - mataan! a skaniyan na aya btad iyan na salimbot, a da a mlng iyan.

Shukran

Gyangkai a sorat na myaka 991 ragon a kyathay nyan.sorat ini a p**n ko datu sa englatera ( england ) a isampay ko kapapa...
22/09/2022

Gyangkai a sorat na myaka 991 ragon a kyathay nyan.

sorat ini a p**n ko datu sa englatera ( england ) a isampay ko kapapantagan a khalifa o mga muslim sa ingd a andalus (spain) a so hisham the third
( المـعـتـد بالله هشام بن محمد بن عبد الله بن عبد الرحمن الناصر ).
Gyangkai a sorat na aya uni nyan na, pagudas so kapapantagan a datu sa englatera ko khalifa o mga muslim sa spain a mitaros o mga wata yan a babae so di iran kapangadi ko university a byangon o mga muslim sa ingd a spain.

Gyangkai a sorat na mitotolad yan so kabagr o mga muslim ko kapakatitindg o khilafa eran, nago sasaksian nyan so kala ilmo a matatago ko mga muslim gwani.

Note:
gwani na so mga kafer na ladiyawan eran so mga muslim ko olaola go ilmo, ogaid na sa masa imanto na mimbaloi so sabaad ko mga muslim na dinyan pananayanan so olaola o mga kafer go ipkaya iyan so mapya olaola o islam, go myabaloi a seran e pkalangag tano ko kadaklan ko di paganadun a ilmo.

Source: social media

شكرا

Pd sa totholan ko ommo solaim, isa skanyan ko mga sahabiah.Pitharo yan: o pagislam ka na ayangkadn mahar.Skanyan so ummo...
18/09/2022

Pd sa totholan ko ommo solaim, isa skanyan ko mga sahabiah.

Pitharo yan: o pagislam ka na ayangkadn mahar.

Skanyan so ummo solaim a wata o milhan, madakl so ingaran niyan a mya aloi:
-ommo solaim
-sahlah
-ramilah
-Romaitha
-Malika
-onaisah
-gomaisah
-romaisah

Si-i ko masa a panganakanan skanyan o abu talha -dapn pagislam so abu talha sangkoto a masa- ka kabaya-an nyan mangaruma so ommo solaim, myakauma so abu talha a maawed sa mga bolawan go perak a dinyan ipangangarig ko ummo solaim ( aya mapipikir yan na aya nyan oto mahar ) - na dadn oto tagoa o ommo solaim sa ginawa niyan - na aya pitharo on o ommo solaim:

Ommo solaim: hay abu talha bangka di katawi a sabnar a so pzimbaan ka na mangngto a p**n siiko lupa?

Abu talha: angkaino di

Ommo solaim:baka di kamamala aya pzimbaan ka na kayo?, O pagislam ka na sabnar a da mazizinganin akn rka btang ( mahar ) a salakaw ron.

Abu talha: nayawa anakn mapamimikiran e sowaan akn.

Lumialakaw so abu talha, oryan nyan na kumiasoi, na pitharo yan:
( أشهد أن لا اله الاّ الله وأنّ محمّد رسول الله )
Ommo solaim: hay anas, kawing angka so abu talha.

So ommo solaim na wata yan so isa ko kilala ko mga sahaba a so anas bin malik.

Myawafat so ommo solaim ko aya kapapatagan a khalifa na so uthman bin affan.

واللّه أعلم

Source:
حياة صحابة
تقريب التهذيب لإبن حجر العسقلاني

Shukran.

Address

Marawi City

Website

Alerts

Be the first to know and let us send you an email when Mga Thotholan posts news and promotions. Your email address will not be used for any other purpose, and you can unsubscribe at any time.

Shortcuts

Share

Category