What are the opening hours?

Monday 7:30am - 4:30pm Tuesday 7:30am - 4:30pm Wednesday 7:30am - 4:30pm Thursday 7:30am - 4:30pm Friday 7:30am - 4:30pm

https://www.facebook.com/313766475622088/

Cagulong Elementary School, Mansalay (2026)

13/09/2026

Malugod naming binabati si SHINAH V. EUGENIO, Grade 6, sa pagkakamit ng 3rd Place sa Photojournalism (Filipino Category) sa ginanap na Division Schools Press Conference (DSPC) 2026 sa Bansud, Oriental Mindoro. Ipinagmamalaki namin ang iyong sipag, dedikasyon, at natatanging husay na nagbigay ng karangalan sa ating paaralan.

Taos-puso rin naming binabati ang kanyang coach, Mr. Jerry I. Manimtim Jr., sa mahusay na paggabay at suporta na naging daan sa tagumpay na ito.

Muli, pagbati at mabuhay!

13/09/2026

𝐂𝐚𝐠𝐮𝐥𝐨𝐧𝐠 𝐄𝐒 𝐘𝐨𝐮𝐧𝐠 𝐉𝐨𝐮𝐫𝐧𝐚𝐥𝐢𝐬𝐭𝐬, 𝐋𝐮𝐦𝐚𝐡𝐨𝐤 𝐬𝐚 𝐃𝐒𝐏𝐂 2026!

Buong husay at sigasig na kinatawan ng mga mag-aaral mula Cagulong Elementary School ang paaralan sa ginanap na Division Schools Press Conference (DSPC) 2026 noong Setyembre 11–13, 2026 sa Bansud, Oriental Mindoro.

Isang makabuluhang karanasan ang kanilang pakikilahok na nagsilbing pagkakataon upang maipamalas ang kanilang talento, pagkamalikhain, at kasanayan sa pamamahayag.

Kudos, young journalists! Ipagpatuloy ang pagsulat, pagkatuto, at pagbibigay-boses sa katotohanan!

Taos-pusong pasasalamat sa mga coaches sa kanilang walang sawang paggabay, oras, at dedikasyon, at sa mga magulang sa patuloy na suporta at paghikayat sa kanilang mga anak.

04/09/2026

𝐌𝐆𝐀 𝐁𝐀𝐓𝐀𝐍𝐆 𝐌𝐀𝐌𝐀𝐌𝐀𝐇𝐀𝐘𝐀𝐆 𝐍𝐆 𝐂𝐄𝐒, 𝐖𝐀𝐆𝐈 𝐒𝐀 𝐃𝐒𝐏𝐂 2026

Pinatunayan ng mga batang mamamahayag ng Cagulong Elementary School ang kanilang husay, talento, at dedikasyon sa pamamahayag matapos mag-uwi ng mga karangalan sa ginanap na District Schools Press Conference (DSPC) 2026 sa Don B. del Mundo Memorial School ngayong araw, Setyembre 4, 2026.

Nilahukan ang patimpalak ng mga batang mamamahayag mula sa iba’t ibang paaralan sa buong Distrito ng Mansalay, na nagtagisan ng galing sa iba’t ibang kategorya ng pamamahayag.

Kapansin-pansin ang magandang ipinakitang pagganap ng mga kinatawan ng CES, na nakamit ang mga sumusunod na parangal:

𝑷𝑯𝑶𝑻𝑶𝑱𝑶𝑼𝑹𝑵𝑨𝑳𝑰𝑺𝑴
🥈 Shinah Eugenio – 2nd Place, DSPC Qualifier

𝑪𝑶𝑷𝒀𝑹𝑬𝑨𝑫𝑰𝑵𝑮 𝑨𝑵𝑫 𝑯𝑬𝑨𝑫𝑳𝑰𝑵𝑬 𝑾𝑹𝑰𝑻𝑰𝑵𝑮
🥇 Andrea Claracay – 1st Place, DSPC Qualifier
🥈 Andrea Mora – 2nd Place, DSPC Qualifier

𝑵𝑬𝑾𝑺 𝑾𝑹𝑰𝑻𝑰𝑵𝑮
🏅 Bea Keith Despi – 5th Place
Mary Joy Gaco

𝑬𝑫𝑰𝑻𝑶𝑹𝑰𝑨𝑳 𝑾𝑹𝑰𝑻𝑰𝑵𝑮
🥉 Avegail Goleña – 3rd Place, DSPC Qualifier
🏅 Precious Solenn Capitle – 4th Place
Julia Mae De Lara

𝑪𝑶𝑳𝑼𝑴𝑵 𝑾𝑹𝑰𝑻𝑰𝑵𝑮
🥈 Precious Dashe Española – 2nd Place, DSPC Qualifier
🥉 Prince Zion D. Ursoa – 3rd Place, DSPC Qualifier
Ken Gabriel Oriendo

𝑬𝑫𝑰𝑻𝑶𝑹𝑰𝑨𝑳 𝑪𝑨𝑹𝑻𝑶𝑶𝑵𝑰𝑵𝑮
Reign Pamine
Jareid Delos Reyes
Elijah Matthew Dacles

𝑭𝑬𝑨𝑻𝑼𝑹𝑬 𝑾𝑹𝑰𝑻𝑰𝑵𝑮
🏅 John Nathan Pugoy – 5th Place
Leah Faith Surica
Ryn Solanoy

𝑺𝑷𝑶𝑹𝑻𝑺 𝑾𝑹𝑰𝑻𝑰𝑵𝑮
Stephanie Balbaira
Jayvee Tianchon
Vince Aron Arreola

𝑺𝑪𝑰𝑬𝑵𝑪𝑬 𝑨𝑵𝑫 𝑻𝑬𝑪𝑯𝑵𝑶𝑳𝑶𝑮𝒀 𝑾𝑹𝑰𝑻𝑰𝑵𝑮
🏅 Maike Despi – 9th Place
Lavenia Jade Miraples
John Kenneth Pagilagan

Buong-pusong pasasalamat ang ipinaaabot ng Cagulong Elementary School sa mga magulang, coaches, at mga kinatawan ng paaralan sa kanilang walang-sawang suporta, paggabay, at paghikayat sa mga batang mamamahayag. Malaki ang naging bahagi ng kanilang pagtutulungan upang maihanda at mapalakas ang loob ng mga mag-aaral sa kompetisyon.

Samantala, ang mga DSPC qualifiers mula sa Cagulong Elementary School ay magpapatuloy sa kanilang laban sa Division Schools Press Conference (DSPC) na gaganapin sa Bansud, Oriental Mindoro.

29/08/2026

𝐂𝐄𝐒, 𝐌𝐀𝐒𝐈𝐆𝐋𝐀𝐍𝐆 𝐈𝐏𝐈𝐍𝐀𝐆𝐃𝐈𝐖𝐀𝐍𝐆 𝐀𝐍𝐆 𝐁𝐔𝐖𝐀𝐍 𝐍𝐆 𝐖𝐈𝐊𝐀

DON PEDRO, MANSALAY, ORIENTAL MINDORO — Masiglang ipinagdiwang ng Cagulong Elementary School ang Buwan ng Wika 2026 na may temang “Wikang Filipino at AI: Kasangkapan sa Pananaliksik at Tulay sa Yaman ng Impormasyon.”

Isinagawa ang pagdiriwang kahapon, Agosto 28, 2026, sa bawat silid-aralan, kung saan aktibong nakilahok ang mga mag-aaral sa iba’t ibang gawaing naglalayong palalimin ang kanilang pagpapahalaga sa wikang Filipino at maipakita ang kahalagahan nito sa makabagong panahon.

28/08/2026

𝙃𝙐𝙎𝘼𝙔 𝘼𝙏 𝙋𝘼𝙂𝙆𝘼𝙆𝘼𝙄𝙎𝘼, 𝙉𝘼𝙈𝘼𝙔𝘼𝙉𝙄 𝙎𝘼 𝙎𝙋𝙊𝙍𝙏𝙎 𝙈𝙀𝙀𝙏 2026 𝙉𝙂 𝘾𝘼𝙂𝙐𝙇𝙊𝙉𝙂 𝙀𝙎

Matagumpay na isinagawa ang Palarong Pampaaralan 2026 sa Cagulong Elementary School noong Agosto 24–26, 2026, na naglalayong higit na malinang ang kakayahan, disiplina, pakikipagtulungan, at sportsmanship ng mga mag-aaral.

Pormal na binuksan ang palaro sa pamamagitan ng pagpapaalab ng sulo, na sinundan ng Panunumpa ng mga Manlalaro at masiglang pagtatanghal ng Cheers and Yells mula sa bawat koponan. Tampok din sa programa ang Search for Mr. and Ms. Intramurals 2026, na nagbigay ng pagkakataon sa mga mag-aaral na maipamalas ang kanilang kumpiyansa, talento, at personalidad.

Nagpakitang-gilas ang mga manlalaro mula sa tatlong koponan—Yellow Phoenix, Red Fenrir, at Blue Dragon—sa iba't ibang larangan ng palakasan, kabilang ang Basketball, 100-Meter Run, 200-Meter Run, Volleyball, Badminton, Sepak Takraw, at Chess.

Sa bawat laban, kapansin-pansin ang determinasyon at kahusayan ng mga atleta, gayundin ang pagpapahalaga nila sa paggalang, disiplina, patas na paglalaro, at pagkakaisa. Higit sa pagkamit ng karangalan, binigyang-diin ng palaro ang kahalagahan ng sportsmanship at pakikipagkaibigan sa hanay ng mga mag-aaral.

Nagtapos ang tatlong araw na paligsahan sa pamamagitan ng Closing and Awarding Ceremony noong Agosto 26, 2026.

Kinilala at pinarangalan ang mga manlalaro at koponang nagpakita ng kahanga-hangang pagganap at dedikasyon sa buong palaro.

Ang Sports Meet 2026 ay naging isang makabuluhang pagdiriwang ng talento, sipag, disiplina, at pagkakaisa—patunay na sa bawat laro, ang tunay na tagumpay ay nasusukat hindi lamang sa pagkapanalo kundi sa pagbibigay ng buong husay, paggalang sa kapwa, at pagiging mabuting halimbawa sa lahat.

27/07/2026

𝑲𝒂𝒑𝒖𝒍𝒊𝒔𝒂𝒏, 𝑲𝒂𝒂𝒈𝒂𝒑𝒂𝒚 𝒏𝒈 𝑲𝒂𝒃𝒂𝒕𝒂𝒂𝒏: 𝑷𝑵𝑷 𝑶𝒖𝒕𝒓𝒆𝒂𝒄𝒉 𝑷𝒓𝒐𝒈𝒓𝒂𝒎 𝒂𝒕 𝑭𝒆𝒆𝒅𝒊𝒏𝒈 𝑨𝒄𝒕𝒊𝒗𝒊𝒕𝒚 𝑰𝒔𝒊𝒏𝒂𝒈𝒂𝒘𝒂 𝒔𝒂 𝑪𝒂𝒈𝒖𝒍𝒐𝒏𝒈 𝑬𝒍𝒆𝒎𝒆𝒏𝒕𝒂𝒓𝒚 𝑺𝒄𝒉𝒐𝒐𝒍

𝑱𝑼𝑳𝒀 𝟐𝟕, 𝟐𝟎𝟐𝟔
𝑪𝒂𝒈𝒖𝒍𝒐𝒏𝒈 𝑬𝒍𝒆𝒎𝒆𝒏𝒕𝒂𝒓𝒚 𝑺𝒄𝒉𝒐𝒐𝒍, 𝑫𝒐𝒏 𝑷𝒆𝒅𝒓𝒐, 𝑴𝒂𝒏𝒔𝒂𝒍𝒂𝒚, 𝑶𝒓𝒊𝒆𝒏𝒕𝒂𝒍 𝑴𝒊𝒏𝒅𝒐𝒓𝒐

Naging matagumpay ang isinagawang PNP Outreach Program through Feeding Activity para sa mga batang mag-aaral ng Cagulong Elementary School, kung saan tatlong seksyon ng Grade 1 ang nabigyan ng masustansiya at mainit na sopas.

Ang nasabing aktibidad ay isinagawa ng 403rd B Maneuver Company, Regional Mobile Force Battalion 4B (RMFB 4B), sa ilalim ng pamumuno ni PMAJ John Aldrin S. Alojado, Company Commander, sa pamamagitan ng Community-Oriented Program (COP) at Police Community Affairs Section (PCAS).

Ang outreach program ay isinagawa kaugnay ng 2026 State of the Nation Address (SONA) at bilang suporta sa mga government thrust na naglalayong palakasin ang ugnayan ng kapulisan at ng komunidad, gayundin ang pagsusulong ng kapakanan, kalusugan, at nutrisyon ng mga kabataan.

Pinangunahan ang feeding activity ni PSSg Gala, sa ilalim ng pangangasiwa ni PMAJ John Aldrin S. Alojado, Company Commander, kasama ang mga personnel ng 403rd B Maneuver Company, RMFB 4B.

Layunin ng aktibidad na makatulong sa pangangalaga sa kalusugan at nutrisyon ng mga batang mag-aaral, gayundin ang pagpapakita ng malasakit, serbisyo, at suporta ng kapulisan sa mga kabataan at sa buong komunidad.

Masayang tinanggap ng mga mag-aaral mula sa tatlong seksyon ng Grade 1 ang inihandang masustansiyang pagkain. Bukod sa pagbibigay ng pagkain, naging mahalagang pagkakataon din ang programa upang mapalakas ang ugnayan, pakikipagtulungan, at pagtutulungan ng kapulisan at ng paaralan sa pagsusulong ng kapakanan ng mga bata.

Lubos naman ang pasasalamat ng pamunuan ng Cagulong Elementary School, sa pangunguna ng kanilang School Head na si G. Jerry C. Varona, kasama ang mga g**o, mag-aaral, at mga magulang, kina PMAJ John Aldrin S. Alojado, Company Commander, PSSg Gala, at sa buong personnel ng 403rd B Maneuver Company, RMFB 4B, sa kanilang kabutihang-loob, malasakit, at patuloy na suporta sa mga kabataan at sa komunidad.

Ang ganitong uri ng programa ay patunay na sa pamamagitan ng sama-samang pagkilos ng kapulisan, paaralan, mga organisasyon, at iba pang katuwang sa komunidad, mas mapapalakas ang mga programang naglalayong itaguyod ang kalusugan, nutrisyon, edukasyon, at kapakanan ng mga batang mag-aaral.

Kapulisan, Kaagapay ng Kabataan!
Serbisyong Totoo, Malasakit na Ramdam! 🇵🇭👮‍♂️👮‍♀️❤️

26/06/2026

𝐌𝐠𝐚 𝐌𝐚𝐠-𝐚𝐚𝐫𝐚𝐥 𝐧𝐠 𝐂𝐚𝐠𝐮𝐥𝐨𝐧𝐠 𝐄𝐥𝐞𝐦𝐞𝐧𝐭𝐚𝐫𝐲 𝐒𝐜𝐡𝐨𝐨𝐥, 𝐒𝐮𝐦𝐚𝐢𝐥𝐚𝐥𝐢𝐦 𝐬𝐚 𝐃𝐞𝐰𝐨𝐫𝐦𝐢𝐧𝐠 𝐏𝐫𝐨𝐠𝐫𝐚𝐦

𝐷𝑜𝑛 𝑃𝑒𝑑𝑟𝑜, 𝑀𝑎𝑛𝑠𝑎𝑙𝑎𝑦, 𝑂𝑟𝑖𝑒𝑛𝑡𝑎𝑙 𝑀𝑖𝑛𝑑𝑜𝑟𝑜 – 𝐵𝑖𝑙𝑎𝑛𝑔 𝑏𝑎ℎ𝑎𝑔𝑖 𝑛𝑔 𝑝𝑎𝑡𝑢𝑙𝑜𝑦 𝑛𝑎 𝑝𝑎𝑛𝑔𝑎𝑛𝑔𝑎𝑙𝑎𝑔𝑎 𝑠𝑎 𝑘𝑎𝑙𝑢𝑠𝑢𝑔𝑎𝑛 𝑛𝑔 𝑚𝑔𝑎 𝑚𝑎𝑔-𝑎𝑎𝑟𝑎𝑙, 𝑚𝑎𝑡𝑎𝑔𝑢𝑚𝑝𝑎𝑦 𝑛𝑎 𝑖𝑠𝑖𝑛𝑎𝑔𝑎𝑤𝑎 𝑎𝑛𝑔 𝑆𝑐ℎ𝑜𝑜𝑙-𝐵𝑎𝑠𝑒𝑑 𝐷𝑒𝑤𝑜𝑟𝑚𝑖𝑛𝑔 𝑃𝑟𝑜𝑔𝑟𝑎𝑚 𝑠𝑎 𝐶𝑎𝑔𝑢𝑙𝑜𝑛𝑔 𝐸𝑙𝑒𝑚𝑒𝑛𝑡𝑎𝑟𝑦 𝑆𝑐ℎ𝑜𝑜𝑙 𝑛𝑜𝑜𝑛𝑔 𝐻𝑢𝑛𝑦𝑜 26, 2026.

Pinangunahan ang programa ni 𝐃𝐢𝐬𝐭𝐫𝐢𝐜𝐭 𝐍𝐮𝐫𝐬𝐞 𝐁𝐞𝐬𝐬𝐚 𝐁𝐮𝐞𝐧𝐜𝐨𝐧𝐬𝐞𝐣𝐨, sa pakikipagtulungan ng mga g**o at mga opisyal ng paaralan, upang matiyak ang maayos at ligtas na pagsasagawa ng deworming sa mga batang mag-aaral. Layunin ng programang ito na maprotektahan ang mga mag-aaral laban sa mga intestinal parasitic infections na maaaring makaapekto sa kanilang kalusugan, nutrisyon, paglaki, at kakayahang matuto.

Bago ang aktuwal na pagbibigay ng deworming tablets, nagsagawa ng maikling oryentasyon ang mga health personnel tungkol sa kahalagahan ng deworming, wastong kalinisan sa katawan, at mga paraan upang maiwasan ang pagkakaroon ng bulate. Ipinaalala rin sa mga mag-aaral ang kahalagahan ng regular na paghuhugas ng kamay, paggamit ng malinis na palikuran, at pagpapanatili ng malinis na kapaligiran.

Ang School-Based Deworming Program ay isa sa mga mahahalagang hakbang ng pamahalaan upang mapanatiling malusog ang mga kabataan at matiyak na sila ay nasa maayos na kalagayan upang makapag-aral nang mabuti. Sa pamamagitan ng mga programang pangkalusugan tulad nito, patuloy na naitataguyod ang kapakanan ng mga mag-aaral at ang paglikha ng isang ligtas, malusog, at angkop na kapaligiran sa pagkatuto.

26/06/2026

𝑳𝑮𝑼 𝑴𝒂𝒏𝒔𝒂𝒍𝒂𝒚, 𝑵𝒂𝒎𝒂𝒉𝒂𝒈𝒊 𝒏𝒈 𝑺𝒄𝒉𝒐𝒐𝒍 𝑺𝒖𝒑𝒑𝒍𝒊𝒆𝒔 𝒔𝒂 𝒎𝒈𝒂 𝑴𝒂𝒈-𝒂𝒂𝒓𝒂𝒍 𝒏𝒈 𝑪𝒂𝒈𝒖𝒍𝒐𝒏𝒈 𝑬𝒍𝒆𝒎𝒆𝒏𝒕𝒂𝒓𝒚 𝑺𝒄𝒉𝒐𝒐𝒍

Don Pedro, Mansalay, Oriental Mindoro – Noong 𝑯𝒖𝒏𝒚𝒐 19, 2026, matagumpay na isinagawa ang pamamahagi ng mga school supplies sa lahat ng mag-aaral ng 𝑪𝒂𝒈𝒖𝒍𝒐𝒏𝒈 𝑬𝒍𝒆𝒎𝒆𝒏𝒕𝒂𝒓𝒚 𝑺𝒄𝒉𝒐𝒐𝒍 bilang paghahanda sa pagbubukas ng Taong Panuruan 2026–2027.

Ang nasabing programa ay isinagawa sa pamamagitan ng Lokal na Pamahalaan ng Mansalay at naging posible dahil sa taos-pusong suporta at pagkakaloob ni 𝑯𝒐𝒏. 𝑭𝒆𝒓𝒅𝒊𝒏𝒂𝒏𝒅 𝑴. 𝑴𝒂𝒍𝒊𝒘𝒂𝒏𝒂𝒈, na naglaan ng mga kagamitang pampaaralan para sa mga mag-aaral. Kabilang sa mga ipinamahagi ang mga notebook, lapis, bolpen, krayola, pambura, sharpener, at iba pang mahahalagang gamit na kailangan sa pag-aaral.

Layunin ng programa na mabigyan ng sapat na kagamitang pampaaralan ang bawat mag-aaral at makatulong sa mga magulang sa paghahanda para sa bagong taong panuruan. Sa pamamagitan nito, inaasahang magiging mas magaan ang pagsisimula ng pag-aaral ng mga bata at mahihikayat silang magsikap na makamit ang kanilang mga pangarap.

Nagpaabot ng taos-pusong pasasalamat ang pamunuan ng Cagulong Elementary School, kasama ang mga g**o, magulang, at mga mag-aaral, sa ipinakitang malasakit at patuloy na suporta ng mga taong naging katuwang sa programa. Ayon sa kanila, ang ganitong mga inisyatiba ay malaking tulong sa pagpapalakas ng sektor ng edukasyon at sa pagbibigay ng pantay na oportunidad sa bawat batang mag-aaral.

Ang matagumpay na pamamahaging ito ay patunay ng sama-samang adhikain ng mga pinuno at ng komunidad na isulong ang dekalidad na edukasyon. Sa pamamagitan ng mga programang tulad nito, higit na nabibigyan ng pag-asa at inspirasyon ang mga kabataang mag-aaral na ipagpatuloy ang kanilang pag-aaral at maging mabuting mamamayan sa hinaharap.

05/06/2026

**SAKLAW FOUNDATION, INC. NAMAHAGI NG SCHOOL SUPPLIES SA MGA MAG-AARAL NG CAGULONG ELEMENTARY SCHOOL**

**Don Pedro, Mansalay, Oriental Mindoro** – Naghatid ng saya at inspirasyon sa mga batang mag-aaral ang SAKLAW FOUNDATION, INC., isang Microfinance NGO mula sa Roxas Branch, sa pamamagitan ng kanilang pamamahagi ng school supplies sa mga Grade 1 pupils ng Cagulong Elementary School sa Don Pedro, Mansalay, Oriental Mindoro.

Pinangunahan ang nasabing gawain ni **Mr. Christopher Gaca**, head ng SAKLAW FOUNDATION, INC., kasama ang iba pang kinatawan ng organisasyon. Layunin ng programa na matulungan ang mga batang mag-aaral sa kanilang pag-aaral sa pamamagitan ng pagbibigay ng mga pangunahing kagamitang pang-eskwela tulad ng notebooks, lapis, krayola, at iba pang school supplies.

Malugod na tinanggap ng mga mag-aaral, g**o, at mga magulang ang nasabing donasyon na malaking tulong upang mabawasan ang gastusin sa edukasyon at mahikayat ang mga bata na maging mas masigasig sa kanilang pag-aaral.

Nagpahayag ng pasasalamat si **Sir Jerry C. Varona, Principal ng Cagulong Elementary School**, sa SAKLAW FOUNDATION, INC. sa kanilang patuloy na suporta sa edukasyon at sa kapakanan ng mga mag-aaral. Ayon sa kanya, ang ganitong mga programa ay hindi lamang nagbibigay ng mga kinakailangang kagamitan sa paaralan kundi nagsisilbi ring inspirasyon sa mga mag-aaral upang magsikap na makamit ang kanilang mga pangarap.

Sa kanyang mensahe, binigyang-diin naman ni Mr. Gaca ang kahalagahan ng edukasyon bilang susi sa pag-unlad ng bawat bata at ng komunidad. Ipinahayag din niya ang patuloy na hangarin ng kanilang organisasyon na makatulong sa mga paaralan at pamilyang nangangailangan.

Ang matagumpay na pamamahagi ng school supplies ay patunay ng kahalagahan ng pagkakaisa at pagtutulungan ng mga organisasyon, paaralan, at komunidad sa pagtataguyod ng dekalidad na edukasyon para sa lahat ng mga mag-aaral.

23/02/2026

Ang buong pamunuan, mga g**o, mag-aaral, at mga magulang ng Cagulong Elementary School ay taos-pusong bumabati sa iyong pagkaka-promote bilang Teacher VI.

Ang tagumpay na ito ay patunay ng iyong dedikasyon, kasipagan, at walang sawang paglilingkod sa larangan ng edukasyon.

CONGRATULATIONS!!!

Cagulong Elementary School

13/09/2026

13/09/2026

04/09/2026

29/08/2026

28/08/2026

27/07/2026

26/06/2026

26/06/2026

05/06/2026

23/02/2026

Address

Opening Hours

Website

Alerts

Contact The School

Shortcuts

Share

Category

Listing takedown request

Monday	7:30am - 4:30pm
Tuesday	7:30am - 4:30pm
Wednesday	7:30am - 4:30pm
Thursday	7:30am - 4:30pm
Friday	7:30am - 4:30pm