Sangay Bigkasan - Kadipan PNU

𝘼𝙣𝙜 𝘽𝙖𝙜𝙤𝙣𝙜 𝙋𝙖𝙢𝙪𝙣𝙪𝙖𝙣 𝙣𝙜 𝙎𝙖𝙣𝙜𝙖𝙮 𝘽𝙞𝙜𝙠𝙖𝙨𝙖𝙣 𝙣𝙜𝙖𝙮𝙤𝙣𝙜 𝙏𝙖𝙤𝙣𝙜 𝙋𝙖𝙣𝙪𝙧𝙪𝙖𝙣𝙜 2026 - 2027 ✨

Noong isang araw, ika-3 ng Hunyo, ginanap ang eleksyon ng sangay Bigkasan ng KADIPAN kung saan nagpakitang gilas ang mga tumatakbo sa pagsagot ng mga tanong na inihain ng nagdaang pamunuan. Kaya't narito ang opisyal na tala ng mga nanalong medyor na magsisilbi sa sangay sa bagong taong panuruan.

Gayunpaman, magkakaroon ng isang espesyal na eleksyon para sa mga bakanteng posisyon.

Pagpupugay sa bagong pamunuan! At syempre, pagpupugay din sa masikhay na nagdaang pamunuan ng sangay! ✊🏼

𝓢𝓾𝓶𝓾𝓵𝓪𝓽. 𝓑𝓾𝓶𝓲𝓰𝓴𝓪𝓼. 𝓜𝓪𝓰𝓶𝓾𝓵𝓪𝓽.

Inilathala ni 🖋: Oliver Dela Cruz
Sa pag-aanyo ni 🖼: Irene Mariano

𝑰𝒇 𝑰 𝒘𝒆𝒓𝒆 𝒚𝒐𝒖, 𝑰'𝒅 𝒄𝒉𝒐𝒔𝒆 𝒎𝒆... 👀

Yes, pinipili ka namin sa araw na ito 𝙅𝙖𝙣𝙚𝙡𝙡𝙚, para batiin ng isang 𝙈𝙖𝙡𝙞𝙜𝙖𝙮𝙖𝙣𝙜 𝙆𝙖𝙖𝙧𝙖𝙬𝙖𝙣! 🥳

Patuloy kang maging liwanag sa iyong mga kaibigan at kasama sa sangay. Hangad namin ang iyong maayos na kalusugan at masustansyang paglayag sa rurok ng kaligayahan! 🫶🏼

Muli, mula sa 𝙎𝙖𝙣𝙜𝙖𝙮 𝘽𝙞𝙜𝙠𝙖𝙨𝙖𝙣, 𝙈𝙖𝙡𝙞𝙜𝙖𝙮𝙖𝙣𝙜 𝙆𝙖𝙖𝙧𝙖𝙬𝙖𝙣! ✨

𝗢𝗽𝗶𝘀𝘆𝗮𝗹 𝗻𝗮 𝗣𝗮𝗵𝗮𝘆𝗮𝗴 𝗻𝗴 𝗞𝗮𝗽𝗶𝘀𝗮𝗻𝗮𝗻𝗴 𝗗𝗶𝘄𝗮 𝗮𝘁 𝗣𝗮𝗻𝗶𝘁𝗶𝗸 - 𝗣𝗡𝗨 𝘀𝗮 𝗥𝗲𝗳𝗿𝗮𝗺𝗲𝗱 𝗚𝗲𝗻𝗲𝗿𝗮𝗹 𝗘𝗱𝘂𝗰𝗮𝘁𝗶𝗼𝗻 𝗖𝘂𝗿𝗿𝗶𝗰𝘂𝗹𝘂𝗺

Mariing tinututulan ng Kapisanang Diwa at Panitik (KADIPAN) ang panukalang pagtapyas sa mga kurso sa ilalim ng General Education (GE) naglalayong baklasin ang 36 units tungo sa 18 units o katumbas na lamang ng anim na kurso sa kolehiyo. Kaugnay din nito ang polisiya ng Commision on Higher Education (CHED) na CMO blg. 20 noong 2013 na nagpaliit din sa espasyo ng GE at nagtanggal sa Filipino at Panitikan bilang mandatoryong kurso. Litaw sa panukalang ito ang sapilitang pagpapanipis ng estado sa papel ng wikang Filipino at mga asignatura sa ilalim ng Humanidades at Agham Panlipunan na humuhubog sa pambansang pagkakakilanlan at kritikal na pag-iisip ng mga mag-aaral at hahamon sa mga katiwalian na nangyayari sa lipunan.

Ngayong laganap na ang fake news, korapsyon, at kawalan ng pananagutan, ang pagbabawas sa mga kursong humuhubog sa historical imagination at civic consciousness ng mga mag-aaral ay isang krimen na pagkukulang sa tungkulin ng estado. Ang layuning gawing "industry-responsive" ang kolehiyo ay pag-amin na nais gawing pabrika ng mga manggagawa ang pamantasan sa halip na lunsaran ng malayang kaisipan. Ang pagbabasa sa GE bilang "duplication" o "excess units" ay isang insulto sa talino ng bawat Pilipino. Higit pa rito, kinikilala ng kapisanan na ang panukalang ito hindi lamang administratibong desisyon ng CHED, kundi isang sistematikong pag-atake na pinamumunuan ng mga puwersang pampulitika sa ilalim ng EDCOM II.

Mariing tinututulan ng KADIPAN ang framing ng EDCOM II na naglalarawan sa ating edukasyon bilang “GE-heavy, internship-light.” Ang ganitong lengguwahe ay hindi neutral; ito ay isang mapanganib na ideolohiya na itinuturing ang sining, kasaysayan, at pilosopiya bilang mga sagabal sa halip na pundasyon ng pagkatao. Kaya’t naniniwala ang kapisanan na ang pagtapyas sa mga kursong GE ay nakaugat din sa malalim na usapin sa wikang pinapaboran ng estado at pinapayagang maging daluyan ng pag-iisip ng mga mag-aaral. Kakambal din nito ang hangganan ng pinapayagan ng pamahalaan kung saan lamang iiral ang kamalayan ng mga Pilipino sa edukasyon. Lantad ang layunin ng estado na gawing mangmang ang mga Pilipino upang manatili ang mga burukrata-kapitalista sa gobyerno.

Hindi ito hiwalay sa mas mahabang kasaysayan ng pandudusta sa wika dahil sa mga polisiyang ipinatupad. Bukod sa CMO blg. 20, kaugnay rin dito ang pagbura sa Mother Tongue-Based Multilingual Education (MTB-MLE) na hakbang sa paglayo ng sistema sa ugat ng mga Pilipino sa kanilang sariling wika bilang pundasyon ng pagkatuto. Ang pagbawas ng mga kursong GE ay nagpapatuloy sa parehong lohika; unti-unting binabawasan ang mga espasyo kung saan ang mga asignatura sa ilalim ng Humanidades at Agham Panlipunan na siyang konektado rin sa wika—ang Filipino at iba pang katutubong wika—ay ginagamit hindi lamang sa komunikasyon, kundi sa pagbuo ng kaalaman at kritikal na pag-iisip.

Sa ilalim ng kasalukuyang borador ng kurikulum ng GE, ito ay binubuo ng 15 units para sa core at mandated courses, habang 3 units naman para sa Institutional GE; ang Professional Communication, Global Trends and Emerging Technologies, Data, Evidence and Ethics in a Knowledge Society, Rizal and Philippine Studies, at Labor Education. Nauna pang magpanukala ng hindi maka-Pilipinong polisiya kaysa dagdagan ang pondo sa edukasyon—sa mga pamantasan na umaaray dahil sa limitadong espasyo at kagamitang pagkatuto. Dagdag din dito ang matagal ng panawagan ng mga g**o sa nakabubuhay na sahod. Sa pagbabawas ng kursong GE, kasabay rin nito ang banta sa kawalan ng trabaho ng mga g**o dahil mababawasan din ang ituturo.

Tinatabunan ng panukalang ito, ang mga problemang dapat na solusyonan at ang mga asignaturang lumilinang sa kritikal na pag-iisip ng mga mag-aaral. Ang etika ay hindi inaalis sa larangan, na ngayon ay isinisingit na lamang sa mga kursong nakasentro sa datos at sistema. Samantala, ang pag-unawa sa lipunan ay nalililimitahan sa mga abstraktong paksa gaya ng “global trends,” na hindi nakaugat sa lokalisadong karanasan ng mag-aaral. Pabor at pokus lamang ng pagkatutong isinusulong nila ang mga teknikal na kasanayang gagawing makinarya ang mga Pilipino na ang tanging layon ay hubugin ng mga mamamayan na maglilingkod sa dayuhan at hindi sa sariling bayan.

Mula rito, makikita ang litaw na pagkiling sa neoliberal na edukasyon ng sistema kung saan ang halaga ng pagkatuto ay sinusukat sa kakayahan nitong tugunan ang pangangailan ng merkado. Sa ganitong porma, ang mga kursong nakatuon sa pag-aaral ng sariling wika at Humanidades at Agham Panlipunan tulad ng Pilosopiya, Etika, Sining, at iba pang mga kursong GE ay itinuturing na sagabal sa pagsandig sa kolonyal na edukasyon—ginagawang makinarya ang pagkatuto upang magluwal ng mga Pilipino na magsisilbi sa ibang bayan.

𝗟𝗮𝗻𝘁𝗮𝗱 𝗮𝗻𝗴 𝘁𝘂𝗻𝗴𝘂𝗵𝗶𝗻 𝗻𝗴 𝗥𝗲𝗳𝗿𝗮𝗺𝗲𝗱 𝗚𝗘 𝗖𝘂𝗿𝗿𝗶𝗰𝘂𝗹𝘂𝗺 𝗻𝗮 𝗽𝗮𝘁𝘂𝗹𝗼𝘆 𝗻𝗮 𝗽𝗮𝗵𝗶𝗻𝗮𝗶𝗻 𝗮𝗻𝗴 𝗽𝗮𝗺𝗯𝗮𝗻𝘀𝗮𝗻𝗴 𝗸𝗮𝗺𝗮𝗹𝗮𝘆𝗮𝗻 𝗻𝗴 𝗺𝗴𝗮 𝗣𝗶𝗹𝗶𝗽𝗶𝗻𝗼 𝘀𝗮 𝗽𝗮𝗺𝗮𝗺𝗮𝗴𝗶𝘁𝗮𝗻 𝗻𝗴 𝗽𝗮𝗴𝗯𝘂𝗿𝗮 𝘀𝗮 𝗺𝗴𝗮 𝗮𝘀𝗶𝗴𝗻𝗮𝘁𝘂𝗿𝗮𝗻𝗴 𝗻𝗮𝗸𝗮𝗮𝗻𝗴𝗸𝗹𝗮 𝘀𝗮 𝗽𝗮𝗴𝗽𝗮𝗽𝗮𝘂𝗻𝗹𝗮𝗱 𝗻𝗴 𝘀𝗮𝗿𝗶𝗹𝗶𝗻𝗴 𝘄𝗶𝗸𝗮 𝗮𝘁 𝗮𝗴𝗵𝗮𝗺 𝗽𝗮𝗻𝗹𝗶𝗽𝘂𝗻𝗮𝗻 𝗻𝗮 𝗽𝗮𝘁𝘂𝗹𝗼𝘆 𝗻𝗮 𝗻𝗮𝗴𝗹𝘂𝗹𝘂𝘄𝗮𝗹 𝗻𝗴 𝗺𝗴𝗮 𝗺𝗮𝗴-𝗮𝗮𝗿𝗮𝗹 𝗻𝗮 𝗵𝘂𝗺𝗮𝗵𝗮𝗺𝗼𝗻 𝘀𝗮 𝘀𝘁𝗮𝘁𝘂𝘀 𝗾𝘂𝗼 𝗻𝗴 𝗹𝗶𝗽𝘂𝗻𝗮𝗻.

𝗠𝘂𝗹𝗮 𝘀𝗮 𝗺𝗴𝗮 𝗶𝘁𝗼, 𝘁𝘂𝗺𝗶𝘁𝗶𝗻𝗱𝗶𝗴 𝗮𝗻𝗴 𝗞𝗔𝗗𝗜𝗣𝗔𝗡 𝘀𝗮 𝗺𝗮𝗿𝗶𝗶𝗻𝗴 𝗽𝗮𝗴𝘁𝘂𝘁𝗼𝗹 𝘀𝗮 𝗽𝗮𝗴𝗯𝗮𝗯𝗮𝘄𝗮𝘀 𝗻𝗴 𝗺𝗴𝗮 𝗸𝘂𝗿𝘀𝗼𝗻𝗴 𝗚𝗘 𝗮𝘁 𝘀𝗮 𝗽𝗮𝘁𝘂𝗹𝗼𝘆 𝗻𝗮 𝗽𝗮𝗴𝗸𝗶𝘁𝗶𝗱 𝗻𝗴 𝗲𝘀𝗽𝗮𝘀𝘆𝗼 𝗻𝗴 𝘄𝗶𝗸𝗮 𝗮𝘁 𝗵𝘂𝗺𝗮𝗻𝗶𝗱𝗲𝘀 𝘀𝗮 𝗲𝗱𝘂𝗸𝗮𝘀𝘆𝗼𝗻. 𝗔𝗻𝗴 𝗴𝗮𝗻𝗶𝘁𝗼𝗻𝗴 𝗽𝗮𝗻𝘂𝗸𝗮𝗹𝗮 𝗮𝘆 𝘀𝗮𝗹𝗮𝗺𝗶𝗻 𝗻𝗴 𝗺𝗮𝗵𝗮𝗯𝗮 𝗮𝘁 𝗽𝗮𝘁𝘂𝗹𝗼𝘆 𝗻𝗮 𝗽𝗮𝗻𝗱𝘂𝗱𝘂𝘀𝘁𝗮 𝗻𝗴 𝗲𝘀𝘁𝗮𝗱𝗼 𝘀𝗮 𝘀𝗮𝗿𝗶𝗹𝗶 𝗻𝗮𝘁𝗶𝗻𝗴 𝗽𝗮𝗴𝗸𝗮𝗸𝗮𝗸𝗶𝗹𝗮𝗻𝗹𝗮𝗻 𝗽𝗮𝗿𝗮 𝗹𝗮𝗺𝗮𝗻𝗴 𝗺𝗮𝗻𝗮𝘁𝗶𝗹𝗶𝗻𝗴 𝗻𝗮𝘀𝗮 𝗺𝗮𝗯𝘂𝘁𝗶𝗻𝗴 𝗽𝗮𝗻𝗶𝗴 𝗮𝘁 𝗻𝗮𝗸𝗮𝘀𝗮𝗻𝗱𝗶𝗴 𝘀𝗮 𝗶𝗻𝘁𝗲𝗿𝗲𝘀 𝗻𝗴 𝗶𝗺𝗽𝗲𝗿𝘆𝗮𝗹𝗶𝘀𝘁𝗮𝗻𝗴 𝗯𝗮𝘆𝗮𝗻.

Hamon sa mga g**o at mga mag-aaral na Pilipino na tasahin at bakahin ang mga polisiyang ipinatutupad ng estado nang walang tiyak na layunin sa pagpapaunlad ng sariling atin. Patuloy na pagyamanin ang sariling wika, kultura, at identidad na magpapatibay sa lipunan natin upang bumalikwas sa nakagapos na sistemang ang dayuhang bayan ang nakikinabang.

PARA SA DIWA, PANITIK, AT KARAPATAN NG BAWAT MAG-AARAL AT G**O! IPAGLABAN ANG SIYENTIPIKO AT MAKA-MASANG EDUKASYON!

"𝑼𝒓𝒊𝒏𝒈 𝑴𝒂𝒏𝒈𝒈𝒂𝒈𝒂𝒘𝒂, 𝒉𝒖𝒌𝒃𝒐𝒏𝒈 𝒎𝒂𝒑𝒂𝒈𝒑𝒂𝒍𝒂𝒚𝒂!" ✊🏼

Sa paggunita kahapon ng Araw ng mga Manggagawa, saksi at kaisa sa pagsigaw ang 𝗦𝗮𝗻𝗴𝗮𝘆 𝗕𝗶𝗴𝗸𝗮𝘀𝗮𝗻 sa isinigawang pagkilos ng multisektoral na grupo, upang iparating ang panawagan para sa nakabubuhay na sahod, pagkundena sa gyerang agresyon ng US-Israel sa West Asia, pagtanggal sa value-added at excise tax, korapsyon, at karahasan sa ilalim ng pamununo ni Marcos Jr.

𝘈𝘵 𝘬𝘶𝘯𝘨 𝘮𝘢𝘱𝘢𝘯𝘪𝘴 𝘮𝘢𝘯 𝘢𝘯𝘨 𝘴𝘪𝘴𝘵𝘦𝘮𝘢—
𝘗𝘢𝘵𝘶𝘭𝘰𝘺 𝘯𝘢 𝘮𝘢𝘨-𝘢𝘢𝘬𝘭𝘢𝘴 𝘢𝘯𝘨 𝘮𝘢𝘴𝘢.
𝘗𝘢𝘵𝘶𝘭𝘰𝘺 𝘯𝘢 𝘮𝘢𝘳𝘪𝘳𝘪𝘯𝘪𝘨 𝘢𝘯𝘨 𝘮𝘨𝘢 𝘣𝘰𝘴𝘦𝘴,
𝘕𝘢 𝘶𝘮𝘢𝘢𝘭𝘶𝘭𝘰𝘯𝘨, 𝘢𝘵 𝘸𝘢𝘭𝘢𝘯𝘨 𝘩𝘪𝘮𝘱𝘪𝘴.

𝘞𝘢𝘭𝘢𝘯𝘨 𝘱𝘪𝘱𝘪𝘬𝘪𝘵 𝘩𝘢𝘣𝘢𝘯𝘨 𝘮𝘢𝘺 𝘮𝘢𝘭𝘪,
𝘞𝘢𝘭𝘢𝘯𝘨 𝘵𝘪𝘵𝘪𝘬𝘰𝘮 𝘯𝘢 𝘩𝘪𝘯𝘥𝘪 𝘯𝘢𝘱𝘢𝘱𝘢𝘬𝘢𝘭𝘪.
𝘐𝘺𝘰𝘯𝘨 𝘯𝘢𝘴𝘢 𝘪𝘣𝘢𝘣𝘢𝘸 𝘯𝘨 𝘵𝘢𝘵𝘴𝘶𝘭𝘰𝘬,
𝘈𝘺 𝘮𝘢𝘱𝘢𝘱𝘢𝘬𝘰 𝘳𝘪𝘯 𝘴𝘢 𝘩𝘶𝘭𝘪.

Sa gitna ng patuloy na hamon sa kabuhayan, sahod, at karapatan, kinikilala natin ang mahalagang ambag ng uring manggagawa sa pag-usad ng lipunan. Hindi lamang ito araw ng pag-alala, kundi araw ng pagkilos para sa makatarungang pasahod, disenteng trabaho, at makataong kondisyon sa paggawa. ✨

Mga litratong kuha ni 📷: Angel Barrameda at TTP
Inilathala nina ✍🏼: Amon Jotham Luberia at Oliver Dela Cruz

𝑵𝒂𝒈𝒎𝒖𝒍𝒂 𝒔𝒂 𝒍𝒂𝒏𝒈𝒊𝒕, 𝒃𝒖𝒎𝒂𝒈𝒔𝒂𝒌 𝒔𝒂 𝒍𝒖𝒑𝒂, 𝒏𝒂𝒑𝒂𝒅𝒑𝒂𝒅 𝒔𝒂 𝑴𝒂𝒚𝒏𝒊𝒍𝒂.... 𝒑𝒂𝒓𝒂 𝒎𝒂𝒈𝒊𝒏𝒈 𝒕𝒂𝒈𝒂𝒑𝒂𝒈𝒃𝒂𝒍𝒊𝒕𝒂 ?!? 👀

Ngayong araw masaya naming ginugunita ang araw ng pag-iral ng aming tagabalita na tila isa sa mga Charlie's Angels, walang iba kundi ang napakasipag na si Oliver.

Masaya kami maging bahagi ng iyong pagsibol sa loob ng ating sangay. Nawa'y patuloy ang iyong paglipad tungo sa mga bagay na gusto mo at nagpapasaya sa'yo.

𝑴𝒖𝒍𝒊, 𝒎𝒖𝒍𝒂 𝒔𝒂 𝑺𝒂𝒏𝒈𝒂𝒚 𝑩𝒊𝒈𝒌𝒂𝒔𝒂𝒏, 𝒎𝒂𝒍𝒊𝒈𝒂𝒚𝒂𝒏𝒈 𝒌𝒂𝒂𝒓𝒂𝒘𝒂𝒏, 𝑶𝒍𝒊𝒗𝒆𝒓 𝑫𝒆𝒍𝒂 𝑪𝒓𝒖𝒛!!

𝑴𝒂𝒍𝒊𝒈𝒂𝒚𝒂𝒏𝒈 𝑲𝒂𝒂𝒓𝒂𝒘𝒂𝒏, 𝑷𝒓𝒆𝒄𝒊𝒐𝒖𝒔 🥳🎉

Maligayang pagbati! 🎂✨ Ang araw na ito ay hindi lamang pagdiriwang ng iyong kapanganakan, kundi pagkilala rin sa patuloy mong pagyabong bilang isang kahanga-hangang tao—punô ng saya, lakas, at inspirasyon.
Sa iyong espesyal na araw, dalangin namin ang walang kapantay na kaligayahan, tagumpay na walang hanggan, at mga pangarap na patuloy mong maaabot. Nawa’y manatili kang liwanag sa mga taong nakapaligid sa’yo at patuloy na magbigay ng good vibes saan ka man magpunta. 💖
Padayon, at manatiling tunay sa sarili! Buong puso kang binabati ng mga taong nagmamahal sa’yo. Enjoy your day at sulitin ang bawat sandali—dahil deserve mo ang lahat ng saya sa mundong ito! 🎈🎊🔥

𝑴𝒂𝒍𝒊𝒈𝒂𝒚𝒂𝒏𝒈 𝒌𝒂𝒂𝒓𝒂𝒘𝒂𝒏, 𝑱𝒆𝒓𝒂𝒍𝒅 𝑴𝒂𝒈𝒑𝒐𝒐𝒕! 🎉

Sa araw na ito, nais kang batiin ng Bigkasan sa isang taos-pusong pagbati at pasasalamat sa pagiging isang aktibong miyembro ng sangay at inspirasyon sa maraming tao. Isa kang taong may kakaibang dedikasyon at sipag.

Nawa’y ang bagong taon ng iyong buhay ay mapuno ng mas marami pang pagkakataon, tagumpay, at masasayang alaala. Huwag mong kalimutang magpahinga rin at i-enjoy ang bawat sandali, dahil deserve mo ang lahat ng magagandang bagay na darating sa’yo.

Muli, maligayang kaarawan sa’yo, Jerald! Nandito lang kami palagi na sumusuporta at naniniwala sa’yo. 🎂

Nakikiisa ang Kapisanang Diwa at Panitik sa pagdiriwang ng Buwan ng Panitikan! 📖✨

Sa bawat akda, nabubuhay ang diwa ng ating lahi—ang alab ng pag-ibig, ang giting ng pakikibaka, at ang liwanag ng pag-asa ng bawat Pilipino. Ipinagmamalaki namin ang yamang panitikang ating kinagisnan at ang patuloy na pagsisikap na paunlarin ito sa makabagong panahon.

Ang panitikan ay hindi lamang tinta sa papel. Ito ang tinig ng mga hindi naririnig, saksi ng ating kasaysayan, at tanglaw tungo sa mapanuring pag-iisip. Ngayong buwan, hinihikayat namin ang lahat na muling balikan, pahalagahan, at ibahagi ang mga akdang Pilipino—mula sa mga klasiko hanggang sa mga makabagong obra ng ating mga kontemporaryong manunulat.

Patuloy na magbahagi, magbasa, at mag-iwan ng makabuluhang ambag sa panitikan. ✍️🇵🇭

𝗔𝗿𝗮𝘄 𝗻𝗴 𝗞𝗮𝗴𝗶𝘁𝗶𝗻𝗴𝗮𝗻

Ngayong araw, ginugunita natin ang tapang ng mga Pilipinong lumaban sa Bataan noong Ikalawang Digmaang Pandaigdig, lalo na yaong mga dumanas ng hirap sa Bataan Death March. Pagpupugay kina Jose Abad Santos, Vicente Lim at Josefa Llanes Escoda, at sa napakaraming hindi man naitala sa kasaysayan ngunit buong tapang na nag-alay ng sarili para sa bayan. Bagama't hindi pa nakakamit ang tunay na kalayaan, ang kanilang sakripisyo ang naglatag ng pundasyon ng kalayaang tinatamasa ngayon.

Nananatiling buhay ang diwa ng kagitingan sa kasalukuyan, sa kabila ng mga suliraning patuloy na hinaharap ng bansa tulad ng kahirapan, kawalan ng katarungan at pagkalimot sa kasaysayan. Sa gitna nito, may mga Pilipinong patuloy na kumikilos at naninindigan — mga g**o na humuhubog ng isipan, mga manggagawa na nagpapatakbo ng lipunan at mga kabataang mulat na pinipiling mahalin ang Pilipinas sa gawa at paninindigan. Sa kanila sumasalamin ang pagpapatuloy ng laban na sinimulan ng mga nauna sa atin.

Hindi nagtatapos sa paggunita ang kahulugan ng araw na ito. May tungkulin ang bawat isa na alalahanin, pagnilayan, unawain at isabuhay ang diwa ng kagitingan sa araw-araw na pagkilos para sa kapwa at sa bayan.

𝗔𝗻𝗴 𝗸𝗮𝗴𝗶𝘁𝗶𝗻𝗴𝗮𝗻 𝗮𝘆 𝗻𝗮𝗻𝗮𝗻𝗮𝘁𝗶𝗹𝗶 𝗸𝘂𝗻𝗴 𝗺𝗮𝘆 𝗽𝗮𝘁𝘂𝗹𝗼𝘆 𝗻𝗮 𝗵𝗮𝗻𝗱𝗮𝗻𝗴 𝗺𝗮𝗻𝗶𝗻𝗱𝗶𝗴𝗮𝗻.