Sangay Bigkasan - Kadipan PNU

31/08/2026

𝐌𝐢𝐧𝐬𝐚𝐧, 𝐧𝐚𝐢𝐢𝐬𝐢𝐩 𝐤𝐨... 𝐤𝐮𝐧𝐠 𝐧𝐚𝐫𝐢𝐫𝐢𝐭𝐨 𝐩𝐚 𝐫𝐢𝐧 𝐚𝐧𝐠 𝐦𝐠𝐚 𝐛𝐚𝐲𝐚𝐧𝐢 𝐧𝐠𝐚𝐲𝐨𝐧, 𝐚𝐧𝐨 𝐤𝐚𝐲𝐚 𝐚𝐧𝐠 𝐬𝐚𝐬𝐚𝐛𝐢𝐡𝐢𝐧 𝐧𝐢𝐥𝐚?

Marahil, matutuwa silang malaya na tayong nakakapagsalita. Ngunit marahil, masasaktan din silang makita na hanggang ngayon, marami pa ring Pilipino ang kailangang ipaglaban ang mga bagay na noon pa nila ipinaglaban.

Hanggang ngayon, may mga pamilyang nawawalan ng tahanan sa bawat pagbaha. Hanggang ngayon, may mga mamamayang naghihintay ng pananagutan mula sa mga nasa kapangyarihan. Hanggang ngayon, may mga gurong kulang sa suporta, mga magsasakang kulang sa pagkilala, mga manggagawang kulang sa sahod, at mga kabataang pilit nangangarap sa gitna ng sistemang tila unti-unting sumusubok pumatay sa pag-asa.

Ngunit kung may isang bagay na hindi nagbago, iyon ay ang diwa ng kabayanihan.

Nabubuhay ito sa gurong hindi sumusuko sa pagtuturo, kahit patuloy na kinukurakot ng pamahalaan ang badyet para sa kanila. Sa magsasakang patuloy na nagtatanim kahit hindi tiyak ang ani. Sa boluntaryo at manggagawang tahimik na nagsisilbi. Sa mga mamamayang hindi natatakot magtanong. Sa mga kabataang ginagamit ang kanilang panulat, sining, at tinig na nakikipagbakbakan sa kalsada, umulan man o umaraw upang maipaglaban ang katotohanan. At sa mga taong handang tumindig sa lansangan kapag ang pananahimik ay tila nagiging pakikiisa sa katiwalian.

Hindi lahat ng bayani ay nasa aklat ng kasaysayan. Hindi lahat ay naiku-kuwento.

May ilan na katabi mo sa jeep. Kasama mo sa klase. Kasabay mong umuwi. Baka ang iba ay nasa loob mismo ng iyong tahanan.

At baka, hindi mo pa lang napapansin...

Isa ka rin sa kanila.

Dahil ang kabayanihan ay hindi lamang nasusukat sa kung paano ka namatay para sa bayan, kundi sa kung paano mo pinili at pipiliing mabuhay para rito.

Sa paggunita ng Araw ng mga Bayani, nawa'y hindi lamang natin sila alalahanin.

Nawa'y ipagpatuloy natin ang laban na sinimulan nila.

𝑴𝒂𝒍𝒊𝒈𝒂𝒚𝒂𝒏𝒈 𝒊𝒌𝒂-95𝒕𝒉 𝒂𝒏𝒊𝒃𝒆𝒓𝒔𝒂𝒓𝒚𝒐 𝒏𝒈 𝒑𝒂𝒈𝒈𝒖𝒏𝒊𝒕𝒂 𝒏𝒈 𝒂𝒓𝒂𝒘 𝒏𝒈 𝒎𝒈𝒂 𝒃𝒂𝒚𝒂𝒏𝒊!

𝑆𝑢𝑚𝑢𝑙𝑎𝑡. 𝐵𝑢𝑚𝑖𝑔𝑘𝑎𝑠. 𝑀𝑎𝑔𝑚𝑢𝑙𝑎𝑡.

Inilathala ni ✍🏼: Jellvin Ventura

𝑴𝒂𝒉𝒂𝒍 𝒂𝒏𝒈 𝒎𝒂𝒈𝒎𝒂𝒉𝒂𝒍, 𝒏𝒈𝒖𝒏𝒊𝒕 𝒌𝒖𝒏𝒈 𝒑𝒂𝒓𝒂 𝒔𝒂 𝒃𝒂𝒚𝒂𝒏, 𝒊𝒕𝒐 𝒂𝒚 𝒊𝒔𝒂𝒏𝒈 𝒌𝒂𝒓𝒂𝒏𝒈𝒂𝒍𝒂𝒏.

Ngayong araw ating ginugunita ang mga taong nag-alay ng kanilang buhay tangan ang diwa ng pagiging isang Pilipino—para sa mga Pilipino.

Ang panahon man ay nagbago, ang araw man ay lumilipas, ngunit ang 𝗸𝗮𝗴𝗶𝘁𝗶𝗻𝗴𝗮𝗻 at 𝗸𝗮𝗱𝗮𝗸𝗶𝗹𝗮𝗮𝗻 na ipinanday ng ating mga bayani para sa ating bayan ay nananatiling buhay at makintab mula sa ating sarili, kultura, at kasaysayan. Ito ay higit pa sa isang medalya o katawagan.

Dahil ang 𝗽𝗮𝗴-𝗮𝗹𝗮𝘆 nila ng kanilang mga sarili sa hangaring makamtan ang matagal nang hangad na kalayaan at pag-asa para sa bawat mamamayang Pilipino ay hindi matutumbasan; bunga ito ng kanilang paninindigan at paniniwala na ang ating bayan ay ating yaman na sumasalamin sa ating pagkakakilanlan.

Magsilbi nawa silang paalala sa atin na dapat nating tutulan ang pagkakaroon ng puwang ang 𝘱𝘢𝘴𝘪𝘴𝘮𝘰, 𝘪𝘮𝘱𝘦𝘳𝘺𝘢𝘭𝘪𝘴𝘮𝘰, 𝘢𝘵 𝘮𝘢𝘱𝘢𝘯𝘶𝘱𝘪𝘭 𝘯𝘢 𝘴𝘪𝘴𝘵𝘦𝘮𝘢 sa ating bansa, sapagkat mawawalan ng saysay ang mga dugong dumanak at buhay na inalay, kung mababalot lang muli ang bansa sa diktadura.

𝐌𝐚𝐛𝐮𝐡𝐚𝐲 𝐚𝐧𝐠 𝐢𝐧𝐲𝐨𝐧𝐠 𝐝𝐢𝐰𝐚, 𝐌𝐚𝐩𝐚𝐠𝐩𝐚𝐥𝐚𝐲𝐚𝐧𝐠 𝐀𝐫𝐚𝐰 𝐧𝐠 𝐦𝐠𝐚 𝐁𝐚𝐲𝐚𝐧𝐢! 🇵🇭✊🏻

30/08/2026

‎𝙄𝙏 𝙒𝙄𝙇𝙇 𝙉𝙀𝙑𝙀𝙍 𝘽𝙀 𝙇𝘼𝙏𝙀!
‎𝙈𝘼𝙇𝙄𝙂𝘼𝙔𝘼𝙉𝙂 𝙆𝘼𝘼𝙍𝘼𝙒𝘼𝙉 𝙎𝘼 𝙄𝙉𝙔𝙊𝙉𝙂 𝙇𝘼𝙃𝘼𝙏! 🥳🎂
‎
‎Sa panibagong taon ng inyong buhay, nawa’y patuloy kayong lumago, matuto, at mamukadkad sa bawat yugto na inyong tinatahak. Hiling ng Sangay Bigkasan na maging makabuluhan ang bawat karanasan, hamon, at tagumpay na inyong pagdaraanan, lalo na sa inyong paglalakbay sa Pamantasan at sa ating organisasyon. Nawa’y patuloy ninyong maibahagi ang inyong talento, kakayahan, at tinig, at maging inspirasyon sa mga taong nakakasama ninyo. Tandaan, hindi kailanman nahuhuli ang pagkakataong mangarap, magsimula, at maging mas mabuting bersyon ng sarili.
‎
‎Mula sa buong 𝙎𝙖𝙣𝙜𝙖𝙮 𝘽𝙞𝙜𝙠𝙖𝙨𝙖𝙣, 𝙢𝙖𝙡𝙞𝙜𝙖𝙮𝙖𝙣𝙜 𝙠𝙖𝙖𝙧𝙖𝙬𝙖𝙣 𝙨𝙖 𝙞𝙣𝙮𝙤𝙣𝙜 𝙡𝙖𝙝𝙖𝙩! 🎉

25/08/2026

‎𝙈𝘼𝙇𝙄𝙂𝘼𝙔𝘼𝙉𝙂 𝙆𝘼𝘼𝙍𝘼𝙒𝘼𝙉, 𝙅𝙀𝙉𝙉𝘼!🥳
‎
‎Sa pagpasok mo sa panibagong taon ng iyong buhay, panibago ring yugto ang iyong tinatahak ngayong ikaapat na taon mo sa Pamantasan. Nawa’y maging makabuluhan ang bawat hakbang, hamon, at tagumpay na iyong mararanasan sa nalalapit na pagtatapos. Hiling ng Sangay Bigkasan na patuloy kang lumago, matuto, at mas maging matatag sa bawat pagkakataong dumarating. Nawa’y higit mo pang maibahagi ang iyong kakayahan, talento, at tinig sa ating organisasyon habang sama-sama nating tinatahak ang mga natitirang taon sa Pamantasan. Patuloy kang mamukadkad at maging inspirasyon sa mga taong nakakasama mo sa paglalakbay na ito!
‎
‎Mula sa buong 𝙎𝙖𝙣𝙜𝙖𝙮 𝘽𝙞𝙜𝙠𝙖𝙨𝙖𝙣, 𝙢𝙖𝙡𝙞𝙜𝙖𝙮𝙖𝙣𝙜 𝙠𝙖𝙖𝙧𝙖𝙬𝙖𝙣!

22/08/2026

‎𝙈𝘼𝙇𝙄𝙂𝘼𝙔𝘼𝙉𝙂 𝙆𝘼𝘼𝙍𝘼𝙒𝘼𝙉, 𝙍𝙀𝙄! 🥳✨
‎
‎Isa na namang taon ang nadagdag sa iyong buhay, kaya panibagong yugto na naman para sa mga bagong karanasan, aral, at alaala! Nawa’y patuloy kang maging masayahin, totoo, at palaging handang makisabay sa mga hamon at saya ng bawat araw. Hiling ng Sangay Bigkasan na patuloy pa ang iyong paglago hindi lamang bilang isang indibidwal, kundi bilang bahagi ng ating organisasyon. Nawa’y mas mahubog pa ang iyong kakayahan, tiwala sa sarili, at pakikibahagi sa bawat gawain at adhikain ng Sangay. Patuloy ka sanang mamukadkad kasama namin! 💫
‎
‎Muli, mula sa 𝙎𝙖𝙣𝙜𝙖𝙮 𝘽𝙞𝙜𝙠𝙖𝙨𝙖𝙣, 𝙈𝙖𝙡𝙞𝙜𝙖𝙮𝙖𝙣𝙜 𝙆𝙖𝙖𝙧𝙖𝙬𝙖𝙣! 🎉

21/08/2026

𝙈𝘼𝙇𝙄𝙂𝘼𝙔𝘼𝙉𝙂 𝙆𝘼𝘼𝙍𝘼𝙒𝘼𝙉, 𝘼𝙇𝘿𝙍𝙀𝘿! 🥳
‎
‎Ang iyong ngiti at kasikhayan ay laging nagdadala ng gaan at saya sa mga taong nakapaligid sa iyo. Nawa’y sa panibagong taon ng iyong buhay, mas marami pang masasayang alaala, magagandang pagkakataon, at mga pangarap na matupad ang dumating sa iyo. Patuloy mong dalhin ang positibong enerhiya at pagiging totoo sa sarili saan ka man mapunta. Hiling ng Sangay Bigkasan ang iyong tagumpay at kasiyahan sa bawat hakbang ng iyong paglalakbay.
‎
‎Muli, mula sa 𝙎𝙖𝙣𝙜𝙖𝙮 𝘽𝙞𝙜𝙠𝙖𝙨𝙖𝙣, 𝙈𝙖𝙡𝙞𝙜𝙖𝙮𝙖𝙣𝙜 𝙆𝙖𝙖𝙧𝙖𝙬𝙖𝙣! ✨

21/08/2026

‎𝙈𝘼𝙇𝙄𝙂𝘼𝙔𝘼𝙉𝙂 𝘼𝙍𝘼𝙒 𝙉𝙂 𝙋𝘼𝙂-𝙄𝙍𝘼𝙇!🥳
‎
‎Sa panibagong taon ng iyong pag-iral, nawa’y mas maging matatag ka sa bawat pagsubok at mas maging bukas sa mga bagong pagkakataong darating. Habang unti-unti kang lumalapit sa pagtatapos ng iyong paglalakbay bilang mag-aaral, baunin mo ang mga aral, alaala, at taong naging bahagi ng iyong paglago. Hindi man laging madali ang paglalakbay, tandaan mong hindi naman kailangang kabisado agad ang buong mapa, basta alam mong patuloy kang sumusulong.
‎
‎Muli, mula sa 𝙎𝙖𝙣𝙜𝙖𝙮 𝘽𝙞𝙜𝙠𝙖𝙨𝙖𝙣, 𝙈𝙖𝙡𝙞𝙜𝙖𝙮𝙖𝙣𝙜 𝙆𝙖𝙖𝙧𝙖𝙬𝙖𝙣! ✨

21/08/2026

‎“𝐓𝐡𝐞 𝐅𝐢𝐥𝐢𝐩𝐢𝐧𝐨 𝐢𝐬 𝐰𝐨𝐫𝐭𝐡 𝐝𝐲𝐢𝐧𝐠 𝐟𝐨𝐫.”
‎
‎Ngayong 𝑵𝒊𝒏𝒐𝒚 𝑨𝒒𝒖𝒊𝒏𝒐 𝑫𝒂𝒚, ating ginugunita si 𝑩𝒆𝒏𝒊𝒈𝒏𝒐 “𝑵𝒊𝒏𝒐𝒚” 𝑨𝒒𝒖𝒊𝒏𝒐 𝑱𝒓., isa sa mga naging mahalagang mukha ng pakikibaka para sa demokrasya sa Pilipinas.
‎
‎Ipinanganak noong Nobyembre 27, 1932, maaga niyang sinimulan ang kaniyang karera sa politika. Sa edad na 22, naging alkalde siya ng Concepcion, Tarlac, at kalaunan ay naging gobernador ng Tarlac. Noong 1967, nahalal siya bilang senador at naging isa sa mga pangunahing kritiko ng administrasyon ni Ferdinand Marcos.
‎
‎Sa pagdeklara ng Batas Militar noong 1972, siya ay inaresto at ikinulong. Sa kabila ng pagkakabilanggo, hindi niya tinalikuran ang kaniyang paninindigan. Matapos ang ilang taon, nagtungo siya sa Estados Unidos para sa pagpapagamot, ngunit pinili pa ring bumalik sa Pilipinas noong 1983, sa kabila ng mga panganib na maaaring kaharapin niya.
‎
‎Noong Agosto 21, 1983, siya ay pinaslang sa kaniyang pagbabalik sa bansa. Ang kaniyang pagkamatay ay nagdulot ng malawakang pagdadalamhati at pagkilos ng mga Pilipino laban sa diktadura, at naging mahalagang bahagi ng mga pangyayaring humantong sa People Power Revolution noong 1986.
‎
‎43 taon na ang lumipas, ngunit nananatiling bahagi ng ating kasaysayan ang kaniyang 𝒃𝙪𝒉𝙖𝒚, 𝙥𝒂𝙣𝒊𝙣𝒊𝙣𝒅𝙞𝒈𝙖𝒏, 𝙖𝒕 𝒔𝙖𝒌𝙧𝒊𝙥𝒊𝙨𝒚𝙤 𝙥𝒂𝙧𝒂 𝒔𝙖 𝙗𝒂𝙮𝒂𝙣.
‎𝐴𝑙𝑎𝑙𝑎ℎ𝑎𝑛𝑖𝑛. 𝑈𝑛𝑎𝑤𝑎𝑖𝑛. 𝐻𝑢𝑤𝑎𝑔 𝑘𝑎𝑙𝑖𝑚𝑢𝑡𝑎𝑛.
‎
‎𝑆𝑢𝑚𝑢𝑙𝑎𝑡. 𝐵𝑢𝑚𝑖𝑔𝑘𝑎𝑠. 𝑀𝑎𝑔𝑚𝑢𝑙𝑎𝑡.
‎
‎Inilathala ni ✍🏼: Jellvin Ventura
‎Sa pag-aanyo ni 🖼: Jennalyn Dalit at Mark Bryan Nugara

07/08/2026

𝙈𝘼𝙇𝙄𝙂𝘼𝙔𝘼𝙉𝙂 𝙆𝘼𝘼𝙍𝘼𝙒𝘼𝙉, 𝑩𝒃. 𝑪𝒉𝒆𝒓𝒓𝒊𝒆!🎂🎉

Sa pagdiriwang ng iyong kaarawan, nawa’y magsilbi itong paalala kung gaano kalayo na ang iyong narating at kung gaano pa karami ang magagandang pagkakataong naghihintay sa iyo. Nawa’y patuloy kang pagkalooban ng mabuting kalusugan, lakas ng loob, at karunungan sa bawat pasyang iyong tatahakin.

Mula sa buong hanay ng 𝑺𝒂𝒏𝒈𝒂𝒚 𝑩𝒊𝒈𝒌𝒂𝒔𝒂𝒏 nawa'y patuloy mong pagyamanin ang iyong mga kakayahan, yakapin ang bawat pagkakataong matuto, at huwag mawalan ng siglang abutin ang iyong mga pangarap. Nawa’y mapuno ng masasayang alaala, makabuluhang tagumpay, at mga biyayang higit pa sa iyong inaasahan ang panibagong yugto ng iyong buhay.

06/08/2026

‎𝐓𝐀𝐆𝐔𝐌𝐏𝐀𝐘 𝐀𝐍𝐆 𝐔𝐍𝐀𝐍𝐆 𝐏𝐀𝐍𝐆𝐊𝐀𝐋𝐀𝐇𝐀𝐓𝐀𝐍𝐆 𝐏𝐀𝐆𝐏𝐔𝐏𝐔𝐋𝐎𝐍𝐆 𝐍𝐆 𝐒𝐀𝐍𝐆𝐀𝐘 𝐁𝐈𝐆𝐊𝐀𝐒𝐀𝐍!✨
‎
‎Isang matagumpay ang ating naitala noong Agosto 5, 2026 sa ginanap na Unang Pangkalahatang Pagpupulong ng Sangay Bigkasan, sa pangunguna ng ating Direktor na si 𝑮. 𝑶𝒍𝒊𝒗𝒆𝒓 𝑫𝒆𝒍𝒂 𝑪𝒓𝒖𝒛 at Katuwang na Direktor na si 𝑮. 𝑱𝒆𝒓𝒐𝒍𝒅 𝑫𝒂𝒍𝒊𝒅𝒂.
‎
‎Naging masigla ang pagpupulong sa pamamagitan ng kumustahan at pagbati sa bawat kasapi ng sangay. Sinundan ito ng pagpapakilala sa Sangay Bigkasan at sa mga bumubuo ng pamunuan, gayundin ng pagtalakay sa mga nakahanay na programa at gawain para sa Taong Panuruan 2026–2027, kasama ang pag-uulat ng kalagayang pananalapi ng samahan.
‎
‎Sa bawat ideyang ibinahagi at sa bawat tinig na nakiisa, lalo nating pinagtitibay ang ating layunin bilang isang samahang nagsusulong ng sining ng pagsulat at pagbigkas.
‎
‎Pinasasalamatan ang bawat isa na dumalo at nagbigay ng oras.
‎
‎Sama-sama nating gawing makabuluhan ang paglilingkod, paglikha, at pagpapahayag.
‎
‎𝑆𝑢𝑚𝑢𝑙𝑎𝑡. 𝐵𝑢𝑚𝑖𝑔𝑘𝑎𝑠. 𝑀𝑎𝑔𝑚𝑢𝑙𝑎𝑡.
‎
‎Inilathala ni ✍🏼: Jellvin Ventura
‎Sa pag-aanyo ni 🖼: Precious April Antonio
‎

05/08/2026

𝙈𝘼𝙇𝙄𝙂𝘼𝙔𝘼𝙉𝙂 𝘼𝙍𝘼𝙒 𝙉𝙂 𝙋𝘼𝙂-𝙄𝙍𝘼𝙇!🥳
‎
‎Sa panibagong taon ng iyong pag-iral, nawa’y patuloy kang maging matatag sa bawat yugto at hamon na iyong haharapin. Habang papalapit ka na sa pagtatapos ng iyong paglalakbay bilang mag-aaral, nawa’y baunin mo ang mga aral, alaala, at karanasang humubog sa kung sino ka ngayon.
‎
‎Ang hiling ng Sangay Bigkasan ay ang iyong matagumpay na pagharap sa bawat hamon ng buhay at ang patuloy na pagtupad sa mga pangarap na iyong sinimulan.
‎
‎Muli, mula sa 𝙎𝙖𝙣𝙜𝙖𝙮 𝘽𝙞𝙜𝙠𝙖𝙨𝙖𝙣, 𝙈𝙖𝙡𝙞𝙜𝙖𝙮𝙖𝙣𝙜 𝙆𝙖𝙖𝙧𝙖𝙬𝙖𝙣! ✨