Panitik ng Tondo - THS

Sa kaniyang panitik, pagpapalaya't pagpapamulat ay hitik. Binabati ka ng iyong pamilya mula sa Panitik ng Tondo sa nasungkit mong karangalan, Pangulong Yhunna Mhae Tifles. Ipagpatuloy ang alab ng iyong pluma sa paghahasik ng kapangyarihan ng wika. ✍️🏼✊🏼

Natapos man ang buwan ng Agosto pero hindi matatapos ang diwa ng ating pagkakaisa. Mananatiling nananalaytay sa ating puso't kaluluwa ang mga wikang nagbubuklod sa kabila ng ating pagkakaiba-iba. Para pormal na ipinid ang Buwan ng Wika, idaraos bukas, Setyembre 8 sa Conference Room ang Pampinid na Palatuntunan.

Mabuhay ang wikang Filipino! Mabuhay ang wikang katutubo! Mabuhay ang lahing Pilipino! 🇵🇭

Kagila-gilalas na pagpapamalas ng kahenyuhan sa Dagliang Pagsusulit (kaliwang retrato) at kasiningan sa Makabagong Talumpatian (kanang retrato) ang nasaksihan mula sa mga batang Tondonian! Umaapaw na paghanga sa inyong dedikasyon at pagmamahal sa iisang adhika—ang mabigyang karangalan ang paaralang sinta. Mas lalong lumiwanag ang daang tinahak dahil sa gabay na tanglaw ng mga gurong nagsilbing tagapagsanay—saludo sa inyo, Bb. Brazas at Gng. Ignacio! Mabuhay, Tondo High School! Mabuhay, Batang Tondo! ✊🏼👏🏼

Humagupit ang bagsik ng inyong mga tinig sa pagtindig kung bakit karapat-dapat na ituring kayong pag-asa ng bayan. Nailatag ninyo ang kahusayan at katalinuhan sa patimpalak na 𝐓𝐢𝐧𝐢𝐠-𝐓𝐢𝐧𝐝𝐢𝐠: 𝐓𝐚𝐥𝐮𝐦𝐩𝐚𝐭𝐢𝐚𝐧 𝐧𝐠 𝐏𝐚𝐧𝐢𝐧𝐢𝐧𝐝𝐢𝐠𝐚𝐧 na ginanap kahapon, Setyembre 2. Malugod na pagbati sa mga nagwaging mananalumpati! 👏🏼

𝗣𝗔𝗚𝗕𝗔𝗧𝗜! 🙌🏼

Ikinararangal na maitampok ang mga nagwaging baitang at pangkat sa ginanap na patimpalak na 𝐒𝐚𝐥𝐢𝐧𝐀𝐰𝐢𝐭: 𝐇𝐢𝐦𝐢𝐠 𝐧𝐠 𝐋𝐨𝐤𝐚𝐥𝐢𝐬𝐚𝐝𝐨𝐧𝐠 𝐀𝐰𝐢𝐭𝐢𝐧 kahapon, Agosto 27. Dumagundong ng kagalakan sa pandinig ang inyong ipinamalas na husay sa pag-awit at talino sa pagsasalin. Tunay ngang ang 𝐌𝐚𝐭𝐚𝐚𝐬 𝐧𝐚 𝐏𝐚𝐚𝐫𝐚𝐥𝐚𝐧 𝐧𝐠 𝐓𝐨𝐧𝐝𝐨 ay 𝐏𝐚𝐧𝐝𝐚𝐲𝐚𝐧 𝐧𝐠 𝐇𝐮𝐬𝐚𝐲 𝐚𝐭 𝐓𝐚𝐥𝐢𝐧𝐨. ✨️

𝗣𝗔𝗚𝗕𝗔𝗧𝗜! 👏🏼

Itinatanghal ang mga sumusunod na baitang at pangkat dahil nasungkit ang pagkawagi sa patimpalak na 𝐓𝐚𝐧𝐠𝐡𝐚𝐥-𝐁𝐚𝐬𝐚: 𝐁𝐢𝐝𝐚 𝐚𝐧𝐠 𝐊𝐚𝐭𝐮𝐭𝐮𝐛𝐨𝐧𝐠 𝐃𝐮𝐥𝐚 na ginanap kahapon, Agosto 27. Kahanga-hanga ang inyong ibinidang husay at talento! ✨️

𝗣𝗔𝗚𝗕𝗔𝗧𝗜 sa mga mananaysay at makata ng bawat baitang. Nagwagi ang kanilang mga piyesa sa patimpalak na 𝐏𝐥𝐮𝐦𝐚, 𝐓𝐮𝐥𝐚, 𝐏𝐫𝐨𝐬𝐚: 𝐏𝐚𝐠𝐬𝐮𝐥𝐚𝐭 𝐧𝐠 𝐒𝐚𝐧𝐚𝐲𝐬𝐚𝐲/𝐓𝐮𝐥𝐚 na ginanap noong Agosto 8.

𝓘𝓹𝓪𝓰𝓹𝓪𝓽𝓾𝓵𝓸𝔂 𝓪𝓷𝓰 𝓹𝓪𝓰𝓰𝓪𝓶𝓲𝓽 𝓷𝓰 𝓹𝓪𝓷𝓾𝓵𝓪𝓽 𝓾𝓹𝓪𝓷𝓰 𝓶𝓪𝓰𝓹𝓪𝓶𝓾𝓵𝓪𝓽. ✨️

𝗣𝗔𝗕𝗔𝗧𝗜𝗗! 📢

Narito ang tala ng mga magpapasiklaban sa patimpalak na 𝐓𝐚𝐧𝐠𝐡𝐚𝐥-𝐁𝐚𝐬𝐚: 𝐁𝐢𝐝𝐚 𝐚𝐧𝐠 𝐊𝐚𝐭𝐮𝐭𝐮𝐛𝐨𝐧𝐠 𝐃𝐮𝐥𝐚 at 𝐒𝐚𝐥𝐢𝐧𝐀𝐰𝐢𝐭: 𝐇𝐢𝐦𝐢𝐠 𝐧𝐠 𝐋𝐨𝐤𝐚𝐥𝐢𝐬𝐚𝐝𝐨𝐧𝐠 𝐀𝐰𝐢𝐭𝐢𝐧. Gaganapin ito bukas, Agosto 27, 10:30 n.u. sa Conference Room. Mauuna ang patimpalak ng Baitang 7 at 8 na susundan naman ng Baitang 9 at 10. Nakabatay ang pagkakasunod-sunod ng mga magtatanghal mula sa pinakahuling nagparehistro (mauuna) hanggang sa pinakamaagap na nagparehistro (mahuhuli). Ipagkakaloob bukas ang excuse letter sa mga kalahok na mag-aaral.

𝗣𝗮𝗮𝗹𝗮𝗹𝗮:
Baitang 7 at 8 – Pakihanda ang kopya ng piyesa na nakalagay sa isang folder.
Baitang 9 at 10 – Pakihanda ang hard copy ng liriko (banyagang awit na katapat ang orihinal na salin nito) sa short bond paper.

𝙋𝘼𝘽𝘼𝙏𝙄𝘿! 📢 Hihimig na ang mga tinig ng Baitang 9 at 10 sa patimpalak na 𝑺𝒂𝒍𝒊𝒏𝑨𝒘𝒊𝒕: 𝑯𝒊𝒎𝒊𝒈 𝒏𝒈 𝑳𝒐𝒌𝒂𝒍𝒊𝒔𝒂𝒅𝒐𝒏𝒈 𝑨𝒘𝒊𝒕𝒊𝒏. Magsisilbing rehistrasyon at eliminasyon ang link sa ibaba na bubuksan simula ngayon hanggang Agosto 24, 5 PM. Iaanunsiyo sa Agosto 25 ang uusad sa huling yugto na gaganapin sa Agosto 27, 10:30 AM. https://forms.gle/ioTRweh33aeQ2bkaA

Limang (5) patimpalak ang titimpla sa magkakaibang husay at talino. Makilahok, makiisa, at makipagsabayan sa rumaragasang talento. Ipamalas at ipagmalaki ang iyong pagka-Pilipino!

𝙋𝘼𝘽𝘼𝙏𝙄𝘿! 📢 Aariba na ang husay sa pagbabasa ng Baitang 7 at 8 sa patimpalak na 𝑻𝒂𝒏𝒈𝒉𝒂𝒍-𝑩𝒂𝒔𝒂: 𝑩𝒊𝒅𝒂 𝒂𝒏𝒈 𝑲𝒂𝒕𝒖𝒕𝒖𝒃𝒐𝒏𝒈 𝑫𝒖𝒍𝒂. Magsisilbing rehistrasyon at eliminasyon ang link sa ibaba na bubuksan simula ngayon hanggang Agosto 24, 5 PM. Iaanunsiyo sa Agosto 25 ang uusad sa huling yugto na gaganapin sa Agosto 26, 10:30 AM. https://forms.gle/RpCV8JGerQp1gpdf8

Limang (5) patimpalak ang titimpla sa magkakaibang husay at talino. Makilahok, makiisa, at makipagsabayan sa rumaragasang talento. Ipamalas at ipagmalaki ang iyong pagka-Pilipino!

Pabatid! 📢

Narito ang mga kalahok para sa patimpalak na "Tinig-Tindig: Talumpatian ng Paninindigan":
1. Gillian M. Binayug | 10-Alzona
2. Kimberly Ellaijah A. Coronado | 10-Bonifacio
3. Joel R. Escala Jr. | 9-Apitong
4. Derick Jhaz D. Gracilla | 9-Apitong
5. Irish Anne C. Magwaling | 9-Acacia
6. Gerlyn B. Mercadal | 9-Ipil-Ipil

Ibibigay ang paksa sa mismong araw ng patimpalak. Ilalaan ang sapat na panahon para maisulat at maisiwalat ang nilalaman ng puso't isipan. Gaganapin ito sa Agosto 22, 11:45 ng umaga sa Conference Room.

𝓣𝓾𝓶𝓲𝓷𝓭𝓲𝓰 𝓹𝓪𝓻𝓪 𝓼𝓪 𝓲𝔂𝓸𝓷𝓰 𝓽𝓲𝓷𝓲𝓰, 𝓣𝓸𝓷𝓭𝓸𝓷𝓲𝓪𝓷! ✊🏼