RMHS - Kagawaran ng Filipino

𝐎𝐇 𝐒𝐇𝐔𝐗 𝐁𝐔𝐊𝐋𝐔𝐑𝐀𝐍 𝐍𝐀! 😳‼️‼️

𝙀𝙭𝙘𝙞𝙩𝙚𝙙 𝙣𝙖 𝙗𝙖 𝙖𝙣𝙜 𝙡𝙖𝙝𝙖𝙩 𝙥𝙖𝙧𝙖 𝙨𝙖 𝘽𝙪𝙠𝙡𝙪𝙧𝙖𝙣 𝙣𝙖 𝙢𝙖𝙜𝙖𝙜𝙖𝙣𝙖𝙥?⁉️📢

Halina't iniimbinatahan namin kayo sa inihanda ng 𝐓𝐈𝐍𝐈𝐆 𝐍𝐆 𝐊𝐀𝐁𝐀𝐓𝐀𝐀𝐍 🔊 para sa bukluran na magaganap. Huwag nang magpahuli at pumunta na sa aming booth. 🤭 Makikita niyo ito sa Dapitan Area sa Dr. Alejandro Albert Elementary School ROOM 701 ( 7th Floor).

📌 𝗔𝗚𝗢𝗦𝗧𝗢 𝟯𝟬, 𝟮𝟬𝟮𝟰
𝗔𝗠 𝗦𝗛𝗜𝗙𝗧 𝗦𝗦 𝗦𝗧𝗨𝗗𝗘𝗡𝗧𝗦
*𝟏𝟏:𝟏𝟓 𝐀𝐌 - 𝟏𝟐:𝟎𝟎 𝐍𝐍

📌 𝗔𝗠 𝗦𝗛𝗜𝗙𝗧 𝗥𝗘𝗚𝗨𝗟𝗔𝗥
𝟏𝟐:𝟎𝟎 𝐍𝐍 - 𝟏𝟐:𝟒𝟓

📌𝗣𝗠 𝗦𝗛𝗜𝗙𝗧 𝐏𝐌
𝟏:𝟎𝟎 𝐏𝐌 - 𝟏:𝟒𝟓 𝐏𝐌

𝐌𝐆𝐀 𝐀𝐊𝐓𝐈𝐁𝐈𝐃𝐀𝐃 𝐒𝐀 𝐎𝐑𝐆𝐀𝐍𝐈𝐒𝐀𝐒𝐘𝐎𝐍 𝐍𝐆 𝐓𝐈𝐍𝐈𝐆 𝐍𝐆 𝐊𝐀𝐁𝐀𝐓𝐀𝐀𝐍:

🛞 𝐈𝐊𝐔𝐓𝐈𝐍 𝐌𝐎, 𝐊𝐀𝐏𝐀𝐋𝐀𝐑𝐀𝐍 𝐌𝐎! 🛞
• mayroong apat na kulay ang spin the wheel ito ay red,orange, yellow, and green.
Sa apat na kulay na ito ay may iba't ibang challenge. Mayroon kayong matatangap na speacial price kapag nagawa ninyo ang challenge!

📝𝐇𝐈𝐍𝐀𝐍𝐀𝐊𝐈𝐓 𝐌𝐎 𝐈𝐒𝐔𝐋𝐀𝐓 𝐌𝐎❗
• Dito naman at maari kayong maglagay ng inyong saloobin sa pamamagitan ng pagsusulat sa sticky notes at pagdikit nito sa illustration, Maari kayong mag confess sa inyong crush, magbigay ng appreciation sa isang tao, magbigay ng motivational quotes at marami pang iba na pwede ninyong isulat.

📸𝐏𝐈𝐓𝐈𝐊 𝐊𝐎, 𝐓𝐈𝐍𝐈𝐆 𝐌𝐎

Sa photobooth naman ay maari kayong gumamit ng iba't ibang banners na inihanda ng organisasyon, at makikita ninyo ang picture sa page ng Tinig ng Kabataan.

𝗞𝗮𝘆𝗮 𝗮𝗻𝗼 𝗽𝗮𝗻𝗴 𝗵𝗶𝗻𝗶𝗵𝗶𝗻𝘁𝗮𝘆 𝗻𝗶𝗻𝘆𝗼?! 𝗛𝗮𝗹𝗶𝗻𝗮’𝘁 𝗦𝗮𝗺𝗮𝗵𝗮𝗻 𝗻𝗶𝘆𝗼 𝗸𝗮𝗺𝗶 𝘀𝗮 𝗻𝗮𝗹𝗮𝗹𝗮𝗽𝗶𝘁 𝗻𝗮 𝗕𝘂𝗸𝗹𝘂𝗿𝗮𝗻 𝘀𝗮 𝗱𝗮𝗿𝗮𝘁𝗶𝗻𝗴 𝗻𝗮 𝗕𝗶𝘆𝗲𝗿𝗻𝗲𝘀!🎤🎭

📝 : Janamae faustino - President, Dunsy Suplido - Vice President
🖼- Aaliyah Janelle Martinez - G10 Representative,
Hailley Carmona - P.I.O

🎵"𝙋𝙞𝙣𝙤𝙮 𝙞𝙠𝙖𝙬 𝙖𝙮 𝙥𝙞𝙣𝙤𝙮, 𝙄𝙥𝙖𝙠𝙞𝙩𝙖 𝙨𝙖 𝙢𝙪𝙣𝙙𝙤, 𝙆𝙪𝙣𝙜 𝙖𝙣𝙤 𝙖𝙣𝙜 𝙠𝙖𝙮𝙖 𝙢𝙤 𝙄𝙗𝙖𝙣𝙜-𝙞𝙗𝙖 𝙖𝙣𝙜 𝙥𝙞𝙣𝙤𝙮 '𝙒𝙖𝙜 𝙠𝙖𝙣𝙜 𝙢𝙖𝙩𝙖𝙩𝙖𝙠𝙤𝙩~" 🎵

𝙐𝙔𝙔, 𝙈𝘼𝙔 𝙉𝘼𝙂𝘽𝘼𝘽𝘼𝙇𝙄𝙆!🔊
𝙎𝙄𝙉𝙊 '𝙔𝘼𝙉 ⁉️
𝙎𝙄𝙉𝙊 𝙎𝙄𝙇𝘼 ⁉️

Nagbabalik muli ang mga magaganda at mga gwapo na handang maglinkod para sa bayan! 🙌🏻

Halina't sabay-sabay nating kilalanin ang mga mahuhusay at at matatalinong mag aaral at mga Bagong Opisyales ng 𝐓𝐈𝐍𝐈𝐆 𝐍𝐆 𝐊𝐀𝐁𝐀𝐓𝐀𝐀𝐍.🔊🙌🏻 Ang mga Opisyales na magbibigay boses at magsisilbing sandalan upang mabatid ang inyong mga hinaing at masisig**o na ang aming serbisyo ay laging totoo.

Nais niyo na ba silang makilala?🤭
Kung ga'yon narito na sila!

🖼️🖌️: Jana Mae Faustino TNK President
📄🖊️: Dunsy Suplido TNK Vice President, Aaliyah Janelle Martinez TNK Grade 10 Representative

Ngayong buwan ng Agosto ay ipinagdiriwang natin ang Buwan ng Wikang Pambansa na may temang “Filipino: Wikang Mapagpalaya.

Bilang pakikiisa ng Mataas na Paaralang Ramon Magsaysay sa pagdiriwang na ito, naghanda ang paaralan ng mga patimpalak na maaaring lahukan ng mga mag-aaral mula sa iba't ibang baitang upang maipakita ang kanilang mga natatanging talento, husay, at tatak ng pagka-Pilipino.

Inihanda ng RMHS - Kagawaran ng Filipino ang timpalak ng Maunawang Pagbasa, Slogan-Poster Making, Pagsulat ng Sanaysay, Pagsulat at Pagbigkas ng Talumpati, at Interpretatibong Sayaw. Makikita ang kabuoang panuntunan (guidelines) ng bawat timpalak sa kapsyon ng bawat larawan.

Para sa iba pang paglilinaw at katanungan, maaaring makipag-ugnayan sa mga g**o sa Filipino.

Patuloy nating yakapin, ipagmalaki, at paunlarin ang Wikang Filipino at mga katutubong wika bilang instrumento ng paglaya!

Mabuhay ang Wikang Pambansa! Mabuhay ang Pusong maka-Pilipino! Maligayang Buwan ng Wikang Pambansa, Ramonians!

Halina’t ipagdiwang ang Buwan ng Wika na may temang
Filipino: Wikang Mapagpalaya



Abangan bukas!

𝐁𝐔𝐖𝐀𝐍 𝐍𝐆 𝐖𝐈𝐊𝐀𝐍𝐆 𝐏𝐀𝐌𝐁𝐀𝐍𝐒𝐀 𝟐𝟎𝟐𝟒
❝𝐅𝐢𝐥𝐢𝐩𝐢𝐧𝐨: 𝐖𝐢𝐤𝐚𝐧𝐠 𝐌𝐚𝐩𝐚𝐠𝐩𝐚𝐥𝐚𝐲𝐚❞

Wikang Filipino bilang Instrumentong Nagpapalaya

Sa gramatikang Filipino, ang panlaping-unlaping “Mapag” ay nagsasaad ng kawilihan o pag-uugali tulad ng mapagkalinga, mapagkawang-gawa, mapagpatawad—sa tema ngayong taón ay MAPAGPALAYA. Kung sa gayon, itó ay pag-uugaling nagpapalaya ang mapagpalaya.

Ano-ano ang katangian ng wika upang maging behikulo ng pagpapalaya?

1. Kung mayroong wikang magbibigkis sa gitna ng hidwaan, mawawakasan ang sigalot sa dalawang panig na hindi nagkakaunawaan.
2. Kung may mga publikasyon o babasahin na mababasa ng mga batang nasa laylayan ng lipunan, makalalaya sila sa iliterasiya.
3. Kung ang nasyon ay gagamit ng wikang Filipino sa pakikipagtransaksiyon sa pamahalaan, lalong mararamdaman ng mamamayan ang serbisyong pambayan na sa kanila ay inilalaan, gaya ng winika ni Sen. Lito Lapid (2022):

“Sadyang napakahalaga po sa ating bansa na lubos na naiintindihan ng ating mga kababayan ang lahat ng mga dokumento at sulatin ng ating gobyerno. Kung madali pong maintindihan ang ating mga batas ay mas ma-eengganyo po ang ating mga kababayan na hindi lamang sumunod sa batas, kundi makilahok po sa mga usapan patungkol sa mga pambansa at pampublikong mga isyu.”

4. Kung wikang Filipino ang magiging midyum sa propesyonalisasyon at paggawa, mapuputol ang tanikala ng kahirapan sa bansa na itinatadhana ng Saligang Batas ng Pilipinas (1987):

Article II, Section 24. The State recognizes the vital role of communication and information in nation-building.

Article III, Section 7. The right of the people to information on matters of public concern shall be recognized. Access to official records, and to documents, and papers pertaining to official acts, transactions, or decisions, as well as to government research data used as basis for policy development, shall be afforded the citizen, subject to such limitations as may be provided by law.

Sa ganitong framework o kaisipan ninais ni Pangulong Manuel L. Quezon ang wika bilang instrumento sa pagtatamo ng social justice. Sa madaling sabi, isang kainhustisyahan kung hindi natin tatangkilikin ang ating sariling wika sa mga bagay-bagay na nakaaapekto sa ating mga buhay. Kaya, isang mahusay na ehemplo nito ay ang mga balita sa telebisyon na hanggang sa ngayon ay gamit ang Filipino. Ito ay patunay na mas mauunawaan ng madla ang paggamit ng sariling wika.

Idagdag pa rito ang wika ay tulay sa pagtatamo ng mga konseptong abstrak na magpapalaya sa karahasan sa kaisipan, kamalayan, kahirapan, katayuan, at kamangmangan na napakahalagang gampanin ng wika lalo sa ating mga mag-aaral at kabataan. Ang wika ang susi sa pagpapatahan sa umiiyak na bata, susi sa wastong pagpapalaki sa anak, susi sa wastong pagtuturo, susi sa hinaharap ng ating bayan. Ang wika ay nakapagpapalaya at nakapagbibigay ng aliw at inspirasyon sa kabataan upang higit na maabot nila ang kanilang pangarap at umangat ang ating bansa sa kabuoan.

Ayon kay Virgilio Enriquez (1986), sa kaniyang artikulo sa Sikolohiyang Pilipino na may pamagat na “Ang Kaisipang Pilipino sa Sikolohiyang Malaya at Mapagpalaya” na:

Ang "kaisipang Pilipino" ay tumutukoy samakatwid sa katauhan, ugali, at diwang Pilipino. Hindi ko na aangkinin pa ang pagtatalo sa pagitan ng mentalismo at behabyorismo sa Kanluraning sikolohiya sapagkat sa gamit ko ng salitang "kaisipan" ay tinatanggap ko na ang pagkilos ng tao ay nakaugnay sa kaniyang diwa, ugali, at kaisipan. “ # # #

Ginamit ni Enriquez ang salitang “mapagpalaya” upang ilarawan ang sikolohiyang Pilipino na magkaugnay ang kaisipan sa aspekto ng tao sa kaniyang pag-uugali at iniisip. Kaya, ang konsepto ng salitang “mapagpalaya” ay bahagi nang malawak na kultural na pagmamay-ari ng ating sikolohiyang Pilipino.

Hinggil sa Aktibidad

Batay sa KWF Kapasiyahan Blg. 8-2, s. 2024, ang tema ng Buwan ng Wikang Pambansa ay hinati sa limang (5) lingguhang tema: (1) FSL tungo sa Ingklusibong Pambansang Kaunlaran; (2) Sistematiko at maka-Agham na Pananaliksik tungo sa Pambansang Kaunlaran; (3) Paggamit ng Indigenous Knowledge System and Practices (IKSP) sa Scientific Research; (4) Katutubong Wika sa Pagpapaunlad ng Edukasyong Pambansa; at (5) Paglaban sa Misinformation (fact checking).

Tampok din ang iba’t ibang gawaing pangwika sa buong buwan ng Agosto sa lalong pagpapatupad ng Pampanguluhang Proklamasyon Blg. 1041, s. 1997 kabilang ang limang (5) serye ng webinar, tertulyang pangwika sa pamamagitan ng mga Sentro ng Wika at Kultura sa iba’t ibang unibersidad sa Pilipinas, mga timpalak at gawad, Selyo ng Kahusayan sa Serbisyo Publiko, at Gabi ng Parangal.

Simbolismo sa Poster

Kaugnay sa sikolohiyang Pilipino sa pagiging mapagpalaya ay makikita sa poster ngayong paggunita sa Buwan ng Wikang Pambansa ang krokis at dibuhong may mga Pilipinong naglalakad na may iba’t ibang kasuotan mula sa payak na pananamit hanggang sa kultural na mga kasuotan na sumisimbolo sa dibersidad ng mga wika sa Pilipinas na patungo sa kanilang mga gawaing magbibigay sa kanila ng kasiglahan, saysay, at kalayaan sa paggawa. Gayundin ang nasa mga kuwadrong guhit na may senyas na wika, pakikipagkapuwa, pakikinig, pagbabasa, pagtuturo, at mga gawaing nagbibigay nang matiwasay na pagpapakahulugan tungo sa makabuluhang paggamit ng wika bilang instrumentong titiyak sa emansipasyon sa anumang hamon at suliranin na kanilang kinakaharap. Wika ang susi sa ugnayang-pantao na magtatawid sa mabuting tunguhin na makikita sa poster sa gitna nang mabilis na pag-usad ng mundo.

---
Maaaring i-download ang digital copy ng poster sa https://drive.google.com/file/d/1dtT5IhoSj-2gspNxESydWyE-uZRjhJiH/view?usp=sharing

Para sa iba pang detalye at impormasyon hinggil sa pagdiriwang ng Buwan ng Wikang Pambansa, makipag-ugnay sa Sangay ng Impormasyon at Publikasyon sa pamamagitan ng email sa [email protected].

Isang Mapagpalang Araw Ramonians!

Narito muli ang munting handog kaalaman ng Kagawaran Filipino kung saan nagpapakita ng mga di - pamilyar na salita.

Pamilyar ka ba sa mga salitang ito?

Magandang Araw po!

Napagdesisyunan ng RMHS-Kagawaran ng Filipino na ang HULING ARAW o DEADLINE ng pagpapasa ng mga lahok/entri sa LAHAT ng Patimpalak ay pare-parehong sa ika-30 nang Agosto 2023 (Miyerkules), ika-5 ng hapon. Mas mahabang panahon ito ng paghahanda upang ipakita ang inyong kahusayan, aabangan namin ang inyong naggagandahang lahok!

Maraming salamat po! 😇😇

Ngayong taon, ipinagdiriwang ang Buwan ng Wikang Pambansa sa temang “Filipino at mga Katutubong Wika: Wika ng Kapayapaan, Seguridad, at Ingklusibong Pagpapatupad ng Katarungang Panlipunan. Layunin nitong pagbuklurin ang bansa maging anoman ang sitwayong panlipunan, lahi, wika at pinagmula tungo sa mapayapa, ligtas, at ingklusibong lipunan.

Bilang pakikiisa ng Mataas na Paaralang Ramon Magsaysay sa pagdiriwang na ito, naghanda ang paaralan ng mga patimpalak na maaaring lahukan ng mga mag-aaral sa mula sa ibat ibang baitang upang maipakita ang kanilang mga natatanging talento, husay at pagka-Pilipinong tatak.

Inihanda ng RMHS ang timpalak Islogan-Poster Making, Timpalak Pagsulat at Pagbigkas ng Kuwento, Timpalak sa Spoken Poetry at Timpalak sa Pagsulat Pagbigkas ng Talumpati. Makikita ang kabuuang panuntunan (guidelines) ng bawat timpalak sa kapsyon ng bawat larawan.

Paunawa, bukas lamang ang Timpalak Islogan-Poster Making at Pagsulat & Pagbigkas ng Kuwento para sa baitang 7 at 8, samantala ang Timpalak Spoken Poetry at Timpalak Pagsulat & Pagbigkas ng Talumpati ay para lamang sa baitang 9 at 10.

Para sa iba pang paglilinaw at katanungan, maaring makipag-ugnayan sa mga g**o ng Filipino o magpadala ng liham sa opisyal na page ng RMHS - Kagawaran ng Filipino sa link na https://www.facebook.com/rmhsfilipino .

Patuloy nating yakapin, ipagmalaki at buhay ang Wikang Filipino at mga katutubong wika! Mabuhay ang Wikang Pambansa! Mabuhay ang Pusong maka-Pilipino! Maligayang Buwan ng Wikang Pambansa, Ramonians!