19/08/2018
WHILE we are busy scrolling down on our news feed in facebook and other social media sites...the City of Manila is planning to build a GYMNASIUM IN the land where THE MANILA'S LAST LUNG "ARROCEROS FOREST PARK" stood...
SAVE MANILA'S LAST LUNG! PLEASE DON'T CUT THE TREES HERE!!!!
SAVE MANILA'S LAST LUNG
Isang panawagan para sa ating mga kababayan, tulungan po natin ang mga environmental groups na protektahan ang ARROCEROS FOREST PARK at mapahinto ang plano ng Lungsod ng Maynila sa pangunguna ni Mayor Erap Estrada, na putulin ang mga puno rito at patayuan ito ng GYMNASIUM at BUILDING.
Ang Arroceros Forest Park ay isang parke na nasa tabing ilog. Ito ay matatagpuan sa Antonio Villegas Street, Ermita Maynila. Ito ay naitayo noong 1993 at may sukat na 2.2 hektarya (5.4 acre) ito ay isang gubat sa lungsod na tinatahanan ng 61 iba’t-ibang uri ng puno at 8,000 ornamental na halaman at 10 iba’t-ibang uri ng ibon na dito lamang sa Pilipinas makikita.
Ito ay maliit na uri ng gubat sa lungsod, subalit ito ay mahalaga at may taguring “Manila’s last lung”; ito ang nag-iisang nature park sa nasabing lungsod.
Ang parke ay naitayo sa tulong ng Pamahalaang Lungsod ng Maynila sa pakikipagtulungan ng Winner Foundation, isang pribadong grupo para sa kalikasan.
Ang Arroceros Forest Park ay disenyo nina Arch. Wilfrido Dizon at ng Bulacan Garden Corporation. Ito ay tahanan ng higit kumulang na 3,500 na puno tulad ng:
acacia mangium,acacia auriculiformis, African tulip tree, agoho, anahaw, banyan, bunga de china, dapdap, eucalyptus, ficus benjamina, fire tree, Indian tree, kamagong, mahogany, MacArthur palm, molave, narra, neem, rain tree, rattan, rubber tree, talisay, teak, tiesa and yucca.
Ito na lamang po ang nag-iisang gubat sa lungsod na tumutulong sa Maynila upang mabawasan kahit paano ang polusyon na nasa hangin na nalalanghap ng ating mga kababayan sa Maynila.
Ipakita natin ang ating supporta sa pamamagitan po ng pag-share ng post na ito, at pangangalampag sa opisina ni Manila Mayor Erap Estrada upang ibasura na ang kanyang plano na tuluyang gibain ang Arroceros Park at patayuan ito ng gym.
Maraming salamat po sa inyong pakikiisa at pagsuporta para protektahan ang huling nature park sa ating lungsod.
[Source: https://www.wheninmanila.com/soon-the-city-will-destroy-manilas-last-lung-arroceros-forest-park-to-build-a-gym/ ]
