03/12/2025
Paalam at Salamat Sir Noel 🕊️
Maraming salamat sa lahat ng musika at alaala.
Isa ka sa naging simula ng lahat para sa aming Drum and Lyre group. Kayo ang naging gabay namin noong walang-wala pa kami hanggang sa kami ay matuto. Ang inyong dedikasyon at pasensya ang naging inspirasyon namin.
Mananatili po kayong inspirasyon sa aming mga puso at sa bawat kumpas ng aming tugtugin.
Rest in peace, Sir Noel 🕊️
Sa naiibang bandang ito, lahat ay tinatanggap walang pinipili, walang hinuhusgahan. Hindi kami tumitingin sa pisikal na anyo, at lalong hindi sa estado ng buhay. Sapagkat sa oras na maisuot ang uniporme, iisa lamang ang tingin sa bawat isa: pantay-pantay. Walang pamantayan ng pagalingan, ang mahalaga ay disiplina, bukas na isip na matuto, at higit sa lahat, tunay na malasakit sa kapwa. Iyan lamang ang sukatan na pinanghahawakan natin.
Dito mo mararamdaman na ikaw ay ligtas, komportable, at tinatanggap. Walang ingay na walang saysay, walang pag-aalitan. Lahat marunong makisama, mahinahon, at laging inuuna ang kapakanan ng bawat isa. Dito, pakiramdam mo ay may tahanan ka.
Maraming salamat, Noel, sa taos-pusong malasakit mo sa banda. Isa ka sa mga masisipag at hindi napapagod na nag-aasikaso ng ating mga kagamitan lalo na ngayon na napakahirap ng sitwasyon at maselan ang kinalalagyan ng mga gamit. Hindi matatawaran ang iyong tiyaga at malasakit.
Ipinakita mo sa amin na simple lang ang buhay hindi kailangang pasan-pasan ang lahat ng problema. Basta’t masaya ka, naglilibang, at may kasamang mga taong mahalaga sa ’yo, sapat na iyon para tawagin itong “magandang araw.”
Hindi ka namin malilimutan. Ang iyong alaala, malasakit, at kabutihan ay mananatili sa banda at sa bawat isa sa amin.
Hanggang sa muli. Paalam, kabanda.
25/01/2019
09/12/2018
22/11/2018
26/01/2018
24/12/2017
16/12/2017