Samahan Ng Gabay Ng Wika - GAWI Club

23/07/2026

𝐒𝐇𝐇𝐇... 𝐌𝐀𝐘 𝐍𝐈𝐋𝐔𝐋𝐔𝐓𝐎 𝐀𝐍𝐆 𝐆𝐚𝐖𝐢. 👀✨

𝗨𝗻𝗮𝗻𝗴 𝗣𝘂𝗹𝗼𝗻𝗴 | Matagumpay na isinagawa ng Samahan ng Gabay ng Wika (GaWi) ang unang pulong ng mga bagong halal na opisyales noong Hulyo 21, 2026, ganap na 7:00 n.g., sa pamamagitan ng Google Meet.

Sa nasabing pulong, tinalakay ng mga opisyales ang mga pangunahing plano, aktibidad para sa buwan ng wika, at gawaing nakalaan para sa bagong taong panuruan. Nagbahagi rin ng mga mungkahi at ideya upang matiyak na ang bawat proyektong ilulunsad ay magiging makabuluhan, inklusibo, at kapaki-pakinabang para sa lahat.

Ito ang unang hakbang tungo sa isang aktibo at makabuluhang taon para sa samahan. Manatiling nakatutok at makiisa sa mga programang ihahanda ng GaWi at tiyak na magbibigay ito ng mga bagong karanasan at oportunidad para sa medyor.

dahil sa GaWi, wagi ka PALAGI! ⭐🫵

Kapsyon ni Bb. Sandreah Ramal
Pag-aanyo ni G. Charles Abaño

22/07/2026

𝐑𝐄𝐒𝐎𝐋𝐔𝐒𝐘𝐎𝐍 𝐍𝐀 𝐍𝐀𝐆𝐏𝐔𝐏𝐔𝐍𝐀𝐍 𝐒𝐀 𝐌𝐆𝐀 𝐏𝐎𝐒𝐈𝐒𝐘𝐎𝐍𝐆 𝐎𝐏𝐈𝐒𝐘𝐀𝐋 𝐍𝐆 𝐒𝐀𝐌𝐀𝐇𝐀𝐍 𝐍𝐆 𝐆𝐀𝐁𝐀𝐘 𝐍𝐆 𝐖𝐈𝐊𝐀 (𝐆𝐀𝐖𝐈), 𝐁𝐈𝐋𝐀𝐍𝐆 𝐏𝐀𝐆-𝐀𝐌𝐘𝐄𝐍𝐃𝐀 𝐒𝐀 𝐄𝐇𝐄𝐊𝐔𝐓𝐈𝐁𝐎𝐍𝐆 𝐔𝐓𝐎𝐒 𝐁𝐋𝐆. 𝟎𝟎𝟏, 𝐒𝐄𝐑𝐘𝐄 𝐍𝐆 𝟐𝟎𝟐𝟓

𝐑𝐄𝐒𝐎𝐋𝐔𝐒𝐘𝐎𝐍 𝐁𝐋𝐆. 𝟎𝟎𝟑, 𝐒𝐄𝐑𝐘𝐄 𝐍𝐆 𝟐𝟎𝟐𝟔

Alinsunod sa kapangyarihang ipinagkaloob sa Pamunuan ng 𝐒𝐚𝐦𝐚𝐡𝐚𝐧 𝐧𝐠 𝐆𝐚𝐛𝐚𝐲 𝐧𝐠 𝐖𝐢𝐤𝐚 (𝐆𝐀𝐖𝐈) at bilang pagsasakatuparan ng layunin nitong higit na mapatatag ang estruktura at pamamahala ng samahan, pinagtitibay sa pamamagitan ng Resolusyong ito ang pag-amyenda sa Ehekutibong Utos Blg. 001, Serye ng 2025.

Bunga ng masusing panayam, konsultasyon, at deliberasyon ng mga opisyal ng GAWI, pormal na pinupunan ang mga bakenteng posisyon —𝐚𝐧𝐠 𝐊𝐚𝐰𝐚𝐤𝐬𝐢𝐧𝐠 𝐊𝐚𝐥𝐢𝐡𝐢𝐦, 𝐊𝐚𝐰𝐚𝐤𝐬𝐢𝐧𝐠 𝐈𝐧𝐠𝐚𝐭-𝐘𝐚𝐦𝐚𝐧, 𝐊𝐚𝐰𝐚𝐤𝐬𝐢𝐧𝐠 𝐓𝐚𝐠𝐚𝐩𝐚𝐠𝐛𝐚𝐥𝐢𝐭𝐚, 𝐚𝐭 𝐦𝐠𝐚 𝐊𝐢𝐧𝐚𝐭𝐚𝐰𝐚𝐧 𝐧𝐠 𝐁𝐚𝐰𝐚𝐭 𝐀𝐧𝐭𝐚𝐬. Ang pagtatalaga sa mga nasabing posisyon ay naglalayong higit na mapahusay ang koordinasyon, mapatatag ang representasyon ng bawat antas, at matiyak ang episyente, responsable, at maayos na pagpapatupad ng mga tungkulin at programa ng samahan.

Basahin ang buong resolusyon sa ibaba.

𝐑𝐄𝐒𝐎𝐋𝐔𝐒𝐘𝐎𝐍 𝐁𝐋𝐆. 𝟎𝟎𝟑, 𝐒𝐄𝐑𝐘𝐄 𝐍𝐆 𝟐𝟎𝟐𝟔 𝐍𝐆 𝐒𝐀𝐌𝐀𝐇𝐀𝐍 𝐍𝐆 𝐆𝐀𝐁𝐀𝐘 𝐍𝐆 𝐖𝐈𝐊𝐀

https://docs.google.com/document/d/1XfvGjOkZlYQq9kRGWqT_Ovuxg5iSsa-Y9gnKGXGzcs0/edit?usp=drivesdk

16/07/2026

𝗕𝗔𝗚𝗔𝗡𝗜 𝟮𝟬𝟮𝟲 | Nakiisa ang 𝘚𝘢𝘮𝘢𝘩𝘢𝘯 𝘯𝘨 𝘎𝘢𝘣𝘢𝘺 𝘯𝘨 𝘞𝘪𝘬𝘢 sa ginanap na Bagani Awards 2026 nitong Miyerkules -- Hulyo 15, 2026 sa NTC Social Hall. Dumalo ang ilang miyembro ng samahan bilang pagbigay suporta at pagkilala sa pagod, pawis, at oras na inalay ng bawat lider-estudyante at organisasyon nitong nagdaan na taong panuruan 2025-2026.

Pinarangalan din sa naturang programa ang mga natatanging lider-estudyante at organisasyon bilang pagkilala sa kanilang husay, dedikasyon, at natatanging ambag sa larangan ng pamumuno. Nagpahayag din ng pasasalamat ang 𝘖𝘧𝘧𝘪𝘤𝘦 𝘰𝘧 𝘚𝘵𝘶𝘥𝘦𝘯𝘵 𝘈𝘧𝘧𝘢𝘪𝘳𝘴 (OSA) sa lahat ng organisasyon, kabilang ang GaWi, na nagsilbing kinatawan at boses ng bawat mag-aaral sa buong taong panuruan.

Muli, pagbati sa lahat ng naging bahagi ng isang matagumpay at makabuluhang taong panuruan. 𝗕𝗮𝘀𝘁𝗮 𝘀𝗮 𝗚𝗮𝗪𝗶, 𝘄𝗮𝗴𝗶 𝗸𝗮 𝗽𝗮𝗹𝗮𝗴𝗶 ❤️💙💛

Kapsyon nina G. Regie Rabuya at Bb. Sandreah Ramal
Pag-aanyo ni G. Psyche Nuestro

14/07/2026

𝘽𝙖𝙨𝙩𝙖 𝙨𝙞 𝙀𝙧𝙞𝙘𝙨𝙤𝙣? 𝙢𝙖𝙨𝙖𝙎𝙊𝙉𝙙𝙖𝙡𝙖𝙣 '𝙮𝙖𝙣! ⭐

Isang taos-pusong pagbati ng 𝗠𝗮𝗹𝗶𝗴𝗮𝘆𝗮𝗻𝗴 𝗞𝗮𝗮𝗿𝗮𝘄𝗮𝗻 sa butihing tagapamahala ng samahan, 𝙂. 𝙀𝙧𝙞𝙘𝙨𝙤𝙣 𝙑𝙞𝙡𝙡𝙚𝙩𝙚! 🎉

Maraming salamat sa iyong dedikasyon, sipag, at malikhaing ideya. Ang iyong tahimik ngunit makabuluhang paglilingkod sa samahan ay malaking bahagi ng patuloy na pag-unlad at tagumpay ng ating organisasyon. Tunay na ang iyong pamumuno at malasakit ay nagbibigay ng inspirasyon sa bawat kasapi.

Nawa'y ang panibagong taon ng iyong buhay ay mapuno ng mabuting kalusugan, walang hanggang biyaya, at mga pagkakataong magpapalapit sa iyo sa iyong mga pangarap. Hangad namin ang mas marami pang tagumpay, masasayang alaala, at pagpapalang iyong mararanasan sa bawat hakbang ng iyong paglalakbay.

Muli, Maligayang Kaarawan, 𝙂. 𝙀𝙧𝙞𝙘𝙨𝙤𝙣 𝙑𝙞𝙡𝙡𝙚𝙩𝙚! Nawa'y maging makabuluhan at masaya ang pagdiriwang ng iyong espesyal na araw. Patuloy kang pagpalain at gabayan sa lahat ng iyong ginagawa.

13/07/2026

𝗗𝗔𝗟𝗨𝗕𝗪𝗜𝗞𝗔𝗡𝗚 𝗨𝗥𝗔𝗚𝗢𝗡, 𝗜𝗧𝗢 𝗡𝗔 𝗔𝗡𝗚 𝗔𝗧𝗜𝗡𝗚 𝗣𝗔𝗡𝗔𝗛𝗢𝗡!

Ngayong araw opisyal ng nais ipakilala ng 𝗦𝗮𝗺𝗮𝗵𝗮𝗻 𝗻𝗴 𝗚𝗮𝗯𝗮𝘆 𝗻𝗴 𝗪𝗶𝗸𝗮 (𝗚𝗮𝗪𝗶) ang bagong linya ng mga opisyales ng Samahan na magiging boses ng kinakailangang marinig na tinig, mata ng mga hindi nakakikita nang malinaw, paa ng sa mga natatakot gumawa ng hakbang, at higit lahat, ang magsisilbing kinatawan ng mga medyor sa lahat ng mga kaganapan.

Ang ang WAGING opisyales ang siyang magpapatuloy at magpahuhusay ng mga nasimulang GAWI ng Samahan sa iba’t ibang larangan ng husay at kaalaman. Ito ang patunay na ang paninindigan at paninilbihan ay nagiging iisang pwersa kapag ang puso, isip, at kaluluwa ay inilaan para sa taong bayan.

Sa panibagong panahon ng mga maninilbihan ay inaaasahan na sila ay magsisilbing liwanag na ng Samahan sa oras ng kulimlim, ang bagong administrasyon ng mga pinuno ang siyang magbibigay ng mas magaganda pang mga kahapon. Simula ngayon, magiging hudyat na ito nang tuloy-tuloy na pagbabago at pagtanggap, may mga panahon na mapatatanong kung pwede bang mamaya? Ngunit mangingibabaw ang paninilbihan sa kapwa mag-aaral dahil ito na ang sinasabi na bagong panahon.

𝗣𝗮𝗻𝗮𝗵𝗼𝗻 𝗻𝗮 𝗽𝗮𝗿𝗮 𝘀𝗮 𝗯𝗮𝗴𝗼𝗻𝗴 𝗚𝗮𝗪𝗶! 𝗟𝗮𝗴𝗶𝗻𝗴 𝘁𝗮𝗻𝗱𝗮𝗮𝗻 𝗻𝗮 𝘀𝗮 𝗚𝗔𝗪𝗜, 𝗪𝗔𝗚𝗜 𝗸𝗮 𝗣𝗔𝗟𝗔𝗚𝗜!

12/07/2026

GAWI ELEKSYON

Matapos ang masinsinan at makabuluhang MITING DE AVANCE, oras na para malaman kung sino at kung nararapat ba na maluklok bilang mga bagong mamumuno sa samahan ang mga kandidatong matapang na tumanggap ng hamon bilang mga susunod na lider-estudyante.

Ang eleksyon ay magsisimula mula ika-1 n.h (Hulyo 12) hanggang ika-1 n.h kinabukasan (Hulyo 13) sa pamamagitan ng google form (gform) na makikita sa ibabang bahagi.

https://forms.gle/GmRzi8TGWmNRcknXA
https://forms.gle/GmRzi8TGWmNRcknXA
https://forms.gle/GmRzi8TGWmNRcknXA

Mahalagang paalala:
Ang mga maaari lamang bumoto ay ang mga medyor sa filipino; Unang antas (2026-2027) o ‘freshmen’, Ikalawang antas, Ikatlong antas, at Ikaapat na antas ng T.P 2026-2027, at mga ikaapat na antas (2025-2026).

Maraming salamat sa inyong pang-unawa’t koordinasyon.

Bumoto nang tama at tapat, bumoto ng tama at tapat.

12/07/2026

Kilalanin ang mga susunod na mamumuno ng ating Samahan.

Ngayong araw nakatakdang ipakilala ng mga nagnananis maglingkod para sa Samahan ng Gabay ng Wika 2026-2027 ang kanilang planong mga gawain at/o programa.

Makiisa at makibahagi. Narito ang link para sa Birtwal na Miting De Avance:
https://meet.google.com/brj-vogt-ncv
https://meet.google.com/brj-vogt-ncv
https://meet.google.com/brj-vogt-ncv

𝗛𝗨𝗠𝗔𝗡 𝗗𝗔!

Halika’t ating saksihan ang mga plataporma’t layunin ng mga kumakandidato para sa susunod na termino.

Inaanyayahan ang lahat ng medyor sa filipino na dumalo sa birtwal na 𝗠𝗜𝗧𝗜𝗡𝗚 𝗗𝗘 𝗔𝗩𝗔𝗡𝗖𝗘. 𝗛𝘂𝗹𝘆𝗼 𝟭𝟮, 𝗟𝗶𝗻𝗴𝗴𝗼 𝘀𝗮 𝗴𝗮𝗻𝗮𝗽 𝗻𝗮 𝗶𝗸𝗮-𝟭𝟬 𝗻.𝘂 𝗵𝗮𝗻𝗴𝗴𝗮𝗻𝗴 𝗶𝗸𝗮-𝟭𝟮 𝗻.𝗵.

11/07/2026

𝗚𝗔𝗪𝗜 𝗨𝗣𝗗𝗔𝗧𝗘

𝗥𝗘𝗦𝗢𝗟𝗨𝗦𝗬𝗢𝗡𝗚 𝗡𝗔𝗚𝗟𝗔𝗟𝗔𝗬𝗢𝗡𝗚 𝗜𝗣𝗔𝗧𝗨𝗣𝗔𝗗 𝗔𝗡𝗚 𝗕𝗘𝗥𝗧𝗨𝗪𝗔𝗟 𝗡𝗔 𝗠𝗢𝗗𝗔 𝗡𝗚 𝗛𝗔𝗟𝗔𝗟𝗔𝗡 𝗔𝗧 𝗔𝗠𝗬𝗘𝗡𝗗𝗔𝗛𝗔𝗡 𝗔𝗡𝗚 𝗔𝗥𝗧𝗜𝗞𝗨𝗟𝗢 𝗩, 𝗦𝗘𝗞𝗦𝗬𝗢𝗡 𝟮 𝗡𝗚 𝗦𝗔𝗟𝗜𝗚𝗔𝗠𝗕𝗔𝗧𝗔𝗦 𝗡𝗚 𝗦𝗔𝗠𝗔𝗛𝗔𝗡 𝗡𝗚 𝗚𝗔𝗕𝗔𝗬 𝗡𝗚 𝗪𝗜𝗞𝗔 (𝗚𝗔𝗪𝗜)

Ang kasalukuyang administrasyon ng 𝙎𝙖𝙢𝙖𝙝𝙖𝙣 𝙣𝙜 𝙂𝙖𝙗𝙖𝙮 𝙣𝙜 𝙒𝙞𝙠𝙖 (𝙂𝘼𝙒𝙄) 𝟐𝟎𝟐𝟓-𝟐𝟎𝟐𝟔 ay pormal na gumawa ng resolusyon para sa mas malinis at mas matagumpay na halalaan para sa mga susunod na opisyales ng samahan.

𝗥𝗘𝗦𝗢𝗟𝗨𝗦𝗬𝗢𝗡 𝗕𝗟𝗚. 𝟬𝟬𝟮, 𝗦𝗘𝗥𝗬𝗘 𝗡𝗚 𝟮𝟬𝟮𝟔 𝗡𝗚 𝗦𝗔𝗠𝗔𝗛𝗔𝗡 𝗡𝗚 𝗚𝗔𝗕𝗔𝗬 𝗡𝗚 𝗪𝗜𝗞𝗔- https://docs.google.com/document/d/1bqys-yVMTle803kx4CIGFSb6DMOKRBLOzB8ewVs7maU/edit?usp=sharing

10/07/2026

𝗛𝗨𝗠𝗔𝗡 𝗗𝗔!

Halika’t ating saksihan ang mga plataporma’t layunin ng mga kumakandidato para sa susunod na termino.

Inaanyayahan ang lahat ng medyor sa filipino na dumalo sa birtwal na 𝗠𝗜𝗧𝗜𝗡𝗚 𝗗𝗘 𝗔𝗩𝗔𝗡𝗖𝗘. 𝗛𝘂𝗹𝘆𝗼 𝟭𝟮, 𝗟𝗶𝗻𝗴𝗴𝗼 𝘀𝗮 𝗴𝗮𝗻𝗮𝗽 𝗻𝗮 𝗶𝗸𝗮-𝟭𝟬 𝗻.𝘂 𝗵𝗮𝗻𝗴𝗴𝗮𝗻𝗴 𝗶𝗸𝗮-𝟭𝟮 𝗻.𝗵.

09/07/2026

𝗛𝗲𝘁𝗼 𝗻𝗮, 𝗵𝗲𝘁𝗼 𝗻𝗮, 𝗛𝗲𝘁𝗼 𝗻𝗮, 𝗵𝗮𝗔𝗮𝗮𝗔

Kilalanin ang mga Dalubwikang Uragon na nagpahayag ng kahandaang maging susunod na mga pinuno ng 𝗦𝗮𝗺𝗮𝗵𝗮𝗻 𝗻𝗴 𝗚𝗮𝗯𝗮𝘆 𝗻𝗴 𝗪𝗶𝗸𝗮 𝗽𝗮𝗿𝗮 𝘀𝗮 𝗧𝗮𝗼𝗻𝗴 𝗣𝗮𝗻𝘂𝗿𝘂𝗮𝗻 𝟮𝟬𝟮𝟲–𝟮𝟬𝟮𝟳. Dalangin naming maging gabay sa bawat medyor sa Filipino ang kanilang mga adhikain at plataporma sa nalalapit na halalan.

Patuloy na makisubaybay sa mga susunod na gawain, kabilang ang 𝗠𝗶𝘁𝗶𝗻𝗴 𝗱𝗲 𝗔𝘃𝗮𝗻𝗰𝗲 at 𝗔𝗿𝗮𝘄 𝗻𝗴 𝗛𝗮𝗹𝗮𝗹𝗮𝗻, upang maging bahagi ng pagpili sa mga lider na magsusulong ng iisang adhikain para sa ating samahan.