UST JHS Samahang Kulturang Filipino

GuniTala!

Isang Mapagpalang Araw sa Inyo, mga Kabataang Tomasino! 🐯✨️

Unang-una, ano nga ba ang mga alaala?
- Ito ang mga pagkakataon sa ating buhay na hinding-hindi malilimutan. Maaari itong maging masaya, malungkot, o nakakagalit. Ngunit sa kabila ng lahat ng emosyong ito, ang mga alaala ang humuhubog sa kung sino man tayo ngayon at kung sino tayo magiging sa hinaharap.

Kaya naman, sama-sama tayong bumuo ng mga alaalang puno ng saya at kaalaman ngayong Mayo 13, 2026. Huling pagkikita man ito ng ating samahan sa Panuruang Taon 2025–2026, tunay pa rin nating paiiralin at pahahalagahan ang kahalagahan ng kaalaman tungo sa pagpapaunlad ng ating wika. Sa lahat ng aktibidad na isasagawa, tiyak na mapauunlad natin ang ating kritikal na pag-iisip!

Ano pang hinihintay ninyo? Tara na’t makiisa at makisaya sa Araw ng Samahan ngayong Ikaapat na Markahan mula 12:15 hanggang 1:45 sa silid-aralan 306!❤️💙💛

Isinulat ni: Lourd Israel
Likha ni: Gaddiel Cabonegro

Isang Mapagpalang Araw, mga kabataang Tomasino! 🐯

🌸 Karagdagang kaalaman tungkol sa kulturang Pilipino ba ang hanap niyo? Narito na ang aktibidad na pinangalanang "HERizon: Tinig ng Kababaihan, Haligi ng Kinabukasan!"

✍️ Sa aktibidad na ito, higit nating mapagyayabong ang mga impormasyon o detalye na ating nakuha sa dinaluhan na palihan noong Marso 21, 2026. Bukod pa rito, lalo ring nabibigyang-diin ang kahalagahan ng pagtutulungan sa pamamagitan ng mga gawain na sama-samang pagtutulungan. 📖

Huwag nang magpatumpik-tumpik pa—tara na't makiisa mula 9:00 n.u. hanggang 10:30 n.u. sa birtwal na pagkikita! 💙🤍❤️

Isinulat ni: Lourd Israel
Likha ni: Gaddiel Cabonegro

"Babae ka, hindi babae lang."♀️

The UST JHS Social Media club proudly congratulates SKF, PFC, GSP, and SSC for the succes of HERizon: Tinig ng Kababaihan, Haligi ng Kinabukasan! 💓

Through your leadership, courage, and willingness to spread awareness, you have shed light on the voices of those who deserve to be heard. 📢 You have reminded once more the community of the importance and impact of women on our society. ❤️‍🩹

Furthermore, you are also appreciated for using your voices to give importance to the well-being and lifestyle of every individual. 🤲🏻

Once again, the UST JHS Social Media Club congratulates SKF, PFC, GSP, and SSC! 💫🎀

Caption by Agatha Diño
Layout by Daniel Chu

🎙️𝑯𝑬𝑹𝒊𝒛𝒐𝒏: 𝑻𝒊𝒏𝒊𝒈 𝒏𝒈 𝑲𝒂𝒃𝒂𝒃𝒂𝒊𝒉𝒂𝒏, 𝑯𝒂𝒍𝒊𝒈𝒊 𝒏𝒈 𝑲𝒊𝒏𝒂𝒃𝒖𝒌𝒂𝒔𝒂𝒏 🌸

Sa pagdiriwang ng 𝓑𝓾𝔀𝓪𝓷 𝓷𝓰 𝓚𝓪𝓫𝓪𝓫𝓪𝓲𝓱𝓪𝓷 ngayong Marso, sama-sama nating bigyang-pugay ang lakas, tinig, at ambag ng mga kababaihan sa paghubog ng ating lipunan. Ang bawat babae ay may kuwento, pangarap, at tapang na nagsisilbing haligi ng isang mas maliwanag na kinabukasan.

Sa palihan na 𝐻𝐸𝑅𝒾𝓏𝑜𝓃: 𝒯𝒾𝓃𝒾𝑔 𝓃𝑔 𝒦𝒶𝒷𝒶𝒷𝒶𝒾𝒽𝒶𝓃, 𝐻𝒶𝓁𝒾𝑔𝒾 𝓃𝑔 𝒦𝒾𝓃𝒶𝒷𝓊𝓀𝒶𝓈𝒶𝓃, inanyayahan ang lahat na makiisa sa pagbibigay-halaga sa boses ng mga kababaihan. Layunin nitong magbigay ng espasyo upang marinig, maunawaan, at mapalakas ang kanilang mga pananaw at karanasan.

Tinalakay rin ang kahalagahan ng kalusugang pangkaisipan, sapagkat ang matatag na isipan ay mahalagang sandigan upang patuloy na makapaglingkod, makapagbigay-inspirasyon, at makapagbukas ng mas maraming oportunidad para sa susunod na henerasyon.

Sa bawat tinig na pinakikinggan, mas tumitibay ang pundasyon ng ating kinabukasan. Sama-sama nating ipagdiwang ang kababaihan, ang ilaw ng pag-asa, lakas ng pagbabago, at gabay tungo sa mas malinaw na bukas. 💐✨

Tandaan natin na…
“Ang lahat ng kuwento ay may kuwenta.”

Isinulat ni: Mary Angelica Miral
Likha ni: Athena Tan
Mga Larawan kuha nina: Aira Espinosa, Princezz Alviar, Iker Abanacan, at Julienne Ocampo

🔈 Sa ating pagtitipon para sa pagdiriwang ng Buwan ng Kababaihan, ating bibigyang kahalagahan muli ang mga boses ng kababaihan sa pamamagitan ng ating tagapagsalita: si Bb. Ymari Kristia C. Pascua 🗣️

🙋‍♀️ Si Bb. Pascua ay isang youth leader, mental health coach, at tanyag na pandaigdigang tagapagtaguyod ng Sustainable Development Goals, na mas nakatutok sa SDG 3: Good Health and Well-being.

📝 Siya ay nagtapos sa Polytechnic University of the Philippines at kasalukuyang Executive Director ng Experto Playlabs International Consultancy. Sa kasalukuyan, siya ay Chief Empowerment Officer at Youth Mental Health Coach ng National Youth Commision.

Nakapagsagawa na siya ng mga talakayan para sa libo-libong Pilipino sa mga paaralan, NGO, at mga ahensya ng pamahalaan sa bansa. Siya rin ay naging kinatawan ng Pilipinas sa pandaigdigang gawain, kabilang ang ASEAN Youth Dialogue at ang ASEAN Summit Youth Interface with Leaders sa ika-44 at ika-45 ASEAN Summit. Dagdag pa rito, noong 2025, ginawaran siya ng parangal na Gawad Manileño: Natatanging Manileño sa Larangan ng Kapakanan at Pagpapaunlad ng Kabataan. ❤🇵🇭

Abangan niyo si Bb. Ymari Kristia C. Pascua para sa HERizon: Tinig ng Kababaihan, Haligi ng Kinabukasan ngayong Marso 21, 2026 sa Bulwagang Benavides, UST Junior High School 🌺✨

Isinulat ni: Alfonso Contreras
Likha ni: Gaddiel Cabonegro

🔔 PAALALA! 🔔

🗣️ Sa paparating na pagdiriwang ng Buwan ng Kababaihan, ibinabahagi ng Samahang Kulturang Filipino (SKF), katuwang ang mga samahang Peer Facilitators’ Club (PFC), Girl Scouts of the Philippines (GSP), at Social Studies Circle (SSC), ang proyektong pinamagatang "HERizon: Tinig ng Kababaihan, Haligi ng Kinabukasan." 🎗️

✨ Bukod sa mga miyembro ng bawat samahang nakatuon sa proyektong ito, nais din naming bukssn ito sa iba pang mga mag-aaral na nais makinig at makakuha ng mga impormasyon ukol sa kahalagahan ng kababaihan sa ating lipunan. 🤗

Mangyaring lagyan ng mga natatanging impormasyon ang Gforms Link na maaari ninyong i-scan sa ibaba upang magpatala at makita pa ang iba pang mga detalye ukol sa proyektong ito na gaganapin sa Marso 21, 2026. 💖

Tara na't samahan ninyo kaming matuto sa proyektong ito! 💗💝

https://forms.gle/A3R5nkmTiCvpWgbw5

🌸 Kapag ang kababaihan ay pinakikinggan, ang kinabukasan ay nagiging matibay na sandigan.

Sa pagdiriwang ng Buwan ng Kababaihan, inilulunsad ng Samahang Kulturang Filipino katuwang ang mga samahan na Peer Facilitators’ Club, Girl Scouts of the Philippines at Social Studies Circle, ang proyektong HERizon: Tinig ng Kababaihan, Haligi ng Kinabukasan. Layunin nitong bigyang-halaga ang mga kababaihan, sapagkat sila ang ilaw na nagbibigay-buhay at sigla sa ating pamayanan.🏠

🧠 Higit pa rito, tatalakayin din ang kahalagahan ng kalusugang pangkaisipan, sapagkat ito ay pundasyon sa maayos at makabuluhang pamumuhay ng bawat indibidwal.

Sama-sama nating ipagdiwang ang kababaihan, ang ilaw ng pag-asa at gabay sa mas makulay na kinabukasan. ❤💙💚

Isinulat ni: Eliana Mendoza
Likha ni: Gaddiel Cabonegro

Maligayang Pagbati sa Ikalawang Pangulo ng Samahang Kulturang Filipino, Bb. Kianne Margarette Fajardo, sa kanyang karangalang natamo bilang "Young Thomasian Ambassador and Ambassadress 2026"! 🎊

🧠 Noong nakaraang Sabado, Pebrero 21, 2026, ating nasaksihan ang kaniyang ganda, talino, at dedikasyon sa entablado na siyang patunay ng kaniyang tunay na husay at malasakit bilang lider.

🏆 Nakamit niya ang 𝟭𝘀𝘁 𝗥𝘂𝗻𝗻𝗲𝗿-𝗨𝗽 at nakasungkit din niya ang tatlong (3) espesyal na parangal: 𝗕𝗲𝘀𝘁 𝗶𝗻 𝗘𝘃𝗲𝗻𝗶𝗻𝗴 𝗪𝗲𝗮𝗿, 𝗕𝗲𝘀𝘁 𝗶𝗻 𝗨𝗻𝗶𝗳𝗼𝗿𝗺, at 𝗠𝗼𝘀𝘁 𝗣𝗵𝗼𝘁𝗼𝗴𝗲𝗻𝗶𝗰.

Muli, maligayang Pagbati! Bb. Kianne Margarette Fajardo! 💛👏

ATENSYON, MGA KABATAANG TOMASINO🚨
�Narito na ang opisyal na patnubay at mekaniks para sa inaabangang LARONG PINOY! 🎯🇵🇭 Handa na ba kayong subukin ang inyong husay, bilis, balanse, at diskarte sa bawat istasyon?

Bago sumabak sa saya at kompetisyon, siguraduhing nabasa at naunawaan ang mga alituntunin—dahil bawat pitik, bawat talon, bawat hagis ay may katapat na tagumpay! 💥 Ihanda ang inyong sarili, palakasin ang loob, at buhayin ang diwa ng tradisyunal na pista. 🔥

💨 Kaya’t tipunin ang inyong lakas, isigaw ang suporta ng inyong pangkat, at ipamalas ang galing na tunay na Kabataang Tomasino dahil oras na upang pasiklaban ang saya sa LARONG PINOY! 🎊

Isinulat ni: Kianne Fajardo
Likha ni: Gaddiel Cabonegro

Handa na ba kayong sumali sa Larong Pinoy? 🎉

Sumali tayo sa mga tradisyunal na laro kung saan lahat ay maaaring lumahok at bawat tawa at galaw ay nagdaragdag sa saya. Sama-sama nating damhin ang saya, pananabik, at pagkakaibigan sa bawat laro! 🔥

Huwag palampasin ang pagkakataong maging bahagi ng isang masayang karanasan na punong-puno ng laro, tawanan, at kasiyahan! 😉