PCU SHS Filipino Club

📣 ENROLLMENT ON-GOING! 📣
Philippine Christian University
Senior High School | SY 2026–2027

PCU Manila Senior High School is now accepting students for:

✅ Grade 11 (New Strengthened Curriculum)
✅ Grade 12 – Old Curriculum Completers

Available Tracks and Pathways

🔹 ACADEMIC TRACK

ABM
📊 Business, Finance & Enterprise Pathway

HUMSS
📚 Humanities & Education Pathway

HUMSS
⚖️ Governance, Justice & Public Service Pathway

STEM
🩺 Allied Health & Medical Sciences Pathway

STEM
🏗️ Engineering & Architecture Pathway

Sports Track
🏅 Athletic Performance & Wellness Pathway

🔹 TECHNICAL-PROFESSIONAL TRACK (TECH-PRO)

ICT
💻 Digital Technology & IT Pathway

HE
🍽️ Hospitality Services Pathway

HE
✈️ Tourism, Travel & Event Management Pathway

📍 Campus Location

1648 Taft Ave. cor. Pedro Gil St., Malate, Manila
(PCU Auditorium)

📞 Contact Us

☎️ (02) 8248-5370 / 8248-5390 local 231
📱 0945-430-8635 (SHS)
📧 [email protected]

Enroll Online PCU Online Enrollment Portal
https://myportal.pcu.edu.ph/padmission

📲 Or scan the QR code on the poster.

Take the next step toward your future.

Enroll now at PCU Manila Senior High School!

Maligayang Kaarawan, Janelle!

Sa bawat pagbuklat ng aklat — bawat pahinang binabasa'y na naglalaman ng talinhaga at nag-iiwan ng kakintalan sa mga mambabasa. Mga titik at pangungusap na lumilikha ng mga salaysay at mga kuwento na naghahatid ng aliw at saya. Sa likod ng mga obrang ito, mayroong mahusay na manunulat—si Janelle Banal.

Sa bawat pagkumpas ng panulat, pagdaloy ng tinta sa mga pahina, hinahangad magbigay kahulugan sa mga letrang inuukit. Ang plumang hawak-hawak mo ay hindi lamang nagbibigay-buhay sa iyong imahinasyon, kundi hinuhubog din nito ang mga alamat at mga kuwento tungo sa katotohanan.

Isang mainit na pagbati sa reyna ng tugma at ng mga obrang makata. Sa awtor ng aming mga lathalain, sa aming pinakamamahal at pinakamahusay na manunulat ng Filipino Club, Maligayang Kaarawan Janelle Banal!

Ang mga ngiti mong nakakahawa, mga birong nagdadala ligaya at walang magawa kundi matawa. Tulad ka ng araw, sa init mong dala na parang yakap ng ina. Hindi ka nakakasawang kasama. Isa sa mga pundasyon ng ating samahan, sa panibagong pahina ng iyong buhay nawa'y makamit mo ang iyong mga pangarap at mithiin sa buhay. At tulad ng tinta, ang ating mga pinagsamahan ay hindi mabubura kailanman. Muli, Maligayang Kaarawan Janelle Banal!

𝗠𝗮𝗹𝗶𝗴𝗮𝘆𝗮𝗻𝗴 𝗞𝗮𝗮𝗿𝗮𝘄𝗮𝗻 𝗚𝗻𝗴. 𝗘𝗺-𝗲𝗺 𝗬𝗮𝗻𝗴𝗮𝗼

Maligayang Kaarawan po, Gng. Em-em Yangao! Isang gurong may mahinahon na kilos, ngunit matatag na prinsipyo. Sa likod ng kalmadong anyo ay isang gurong may tapang, talino, at pusong lubos ang malasakit sa kabataan.

Ang bawat salita at aral na inyong iniiwan ay tumatagos at nananatili—patunay na ang tunay na lakas ay hindi kailangang ipagsigawan. Sa inyong panatag na paggabay, maraming kabataan ang natutong maniwala sa sarili at pahalagahan ang pagiging mabuting tao. Ang impluwensiyang inyong naitanim ay patuloy na mamumunga sa mga pusong inyong nahubog.

Nawa’y mapuno ang inyong kaarawan ng kapayapaan at kagalakang Karapat-dapat sa isang gurong may pusong bayani. Muli, Maligayang kaarawan po!!! 💐

𝗠𝗮𝗹𝗶𝗴𝗮𝘆𝗮𝗻𝗴 𝗞𝗮𝗮𝗿𝗮𝘄𝗮𝗻, 𝗕𝗯. 𝗕𝗲𝗹𝗹𝗲!! ✰❁

Kagaya ng masiglang araw sa karagatan ng asul na ulap, may isang gurong walang-sawang namumuno at pumapatnubay nang may katingkaran ng araw—ang pinakamahusay sa lahat, ang minamahal naming si Bb. Belle. At ngayong araw ay kaniyang kaarawan, kaya't ating ipaabot sa kanya ang ating mainit at punong-puno ng pagmamahal na pagbati.

Maraming bagay ang maihahalintulad sa kanya. Siya ay malaya, katulad ng mga ibong nagliliparan sa himpapawid ng liwanag at katotohanan. Maaari rin siyang maging isang bulaklak sa gitna ng berdeng damuhan—kakaiba at nag-uumapaw sa kanyang sariling espesyal na kulay. Sa katunayan, siya rin ay kaaya-ayang sinag ng buwan sa mataimtim na ilog—banayad at organisado. Ngunit higit sa lahat ng bagay na maaari siyang maging, ay ang kaniyang natural na pagkatao—dalisay at may katapangan.

Para sa Filipino Club, siya ay isang mabuting modelo, isang kaibigang maaring sandalan at lapitan sa panahon ng pangangailangan. Isang kaibigang handang makinig, magbigay ng payo, at handang tumingin sa magkabilang panig nang may pantay at makatarungang pagmamahal. Sa kanyang puso ay tangan ang ilaw na panghabang-buhay na magbibigay ng pag-asa sa kahit sino mang mapalad na makakasilong sa lilim ng kanyang pagkalinga.

Mula sa Filipino Club, aming ipinapa-abot ang aming tapat na pagbati, Bb. Belle! Nawa'y mapuno ng liwanag ang iyong araw at ang mga susunod pang darating!! 🦋🍄

🎤Get ready for an unforgettable night! Join us for Pintig ng Pag-ibig: PCU Valcon 2026 on February 10, 2026, at Freedom Park, Philippine Christian University!🎤

✨ Enjoy performances from:

FitterKarma

Shirebound

Deny

Don’t miss this incredible musical celebration of love and talent! Mark your calendars, bring your friends, and let’s make this night unforgettable! 💙🎶



Caption by: De Jesus, A.
Graphics by: Arellano, P.
Posted by: Malonzo, G.

𝗣𝗮𝗴𝗯𝗮𝘁𝗶, 𝗙𝗶𝗹𝗶𝗽𝗶𝗻𝗼 𝗖𝗹𝘂𝗯!!!

Aming ipinaaabot ang taos-pusong pagbati sa mga kasapi ng PCU SHS Filipino Club na ginawaran ng mga karangalang pang-akademiko. Ang inyong sipag, tiyaga, at dedikasyon sa pag-aaral ay patunay na kapag sinabayan ng puso ang talino, tiyak na may aanihin itong maganda. Nawa’y magsilbi itong munting tapik sa balikat—isang paalala na kayo ay nasa tamang landas.

Ipagpatuloy ninyo ang mahusay na gawain at huwag matakot mangarap nang mas mataas. Patuloy ninyong abutin ang mga bituin, at panatilihing buhay ang mahika sa inyong mga puso. Sa mga hindi man pinalad sa pagkakataong ito, huwag mawalan ng pag-asa—may mga tagumpay na dumarating nang tahimik ngunit mas tumatagal. Ang pag-abot sa ikalawang semstre ay isa nang malaking tagumpay, at maging ito ay karapat-dapat na ipagdiwang.

Nawa'y palagi ninyong tandaan na ang Filipino Club ay laging naririto, isang tahanang maaari ninyong balikan kapag napapagod, naliligaw, o nais lamang ng kaunting pahinga.

𝘔𝘶𝘭𝘪, 𝘱𝘢𝘨𝘣𝘢𝘵𝘪 𝘴𝘢 𝘪𝘯𝘺𝘰𝘯𝘨 𝘭𝘢𝘩𝘢𝘵!!! 🎉❤️😝👌

𝐏𝐎𝐕: 𝐄𝐱𝐚𝐦 𝐰𝐞𝐞𝐤 𝐧𝐚 𝐩𝐞𝐫𝐨 𝐧𝐚𝐬𝐚 “𝐠𝐡𝐨𝐬𝐭𝐢𝐧𝐠 𝐞𝐫𝐚” 𝐤𝐚. 👻📚

Hindi ka iniwan ng ka-talk mo—
iniwan ka lang ng notes mo.

Seen mo ang reviewers,
pero hindi mo sineryoso.
Ngayon, ikaw na ang na-ghost…
ng stock knowledge mo.

Sa exam week na ’to,
huwag mong i-ghost ang:
📖 lessons na tinuro
📝 notes na tinamad kang basahin
🧠 sarili mong potensyal

Dahil mas masakit ma-ghost ng exam
kaysa ma-ghost ng ex.

Balik-loob muna sa aral.
Balik-paramdam sa pangarap.

✅ 100% Faith
✅ 100% Character
✅ 100% Service
❌ 0% Ghosting sa Pag-aaral

Isang shot (ng kape) ☕ para sa mga babawi sa exam week.

𝗠𝗮𝗹𝗶𝗴𝗮𝘆𝗮𝗻𝗴 𝗞𝗮𝗮𝗿𝗮𝘄𝗮𝗻, 𝗔𝗹𝗳𝗿𝗲𝗱! ♥︎★

Sa bawat tagumpay ng samahan, may isang lider na walang kapaguran sa paggabay at paghubog ng bawat hakbang—si Alfred Joemari Concepcion. Maihahalintulad sa kagalakan ng sikat ng araw, siya ang nagbibigay sigla sa kanyang paligid. Ang kaniyang tinig ay musika na nagdadala ng kataimtiman sa mga alon na nangangahas na buwagin ang kanyang pinamumunuan. At kahit ano pang mangyari- basta't nariyan s'ya ay may kaligtasan.

Sa bawat proyekto at gawain, siya ang gabay na matatag sa gitna ng kalupitan ng unos, maingat na nagbabalangkas ng bawat hakbang, at pinagsasama ang bawat hibla ng ideya upang maging isang buo at makulay na tapiserya. Lulan ang ilaw ng pagmamahal, lahat ng myembro ay ramdam ang kanyang malasakit at pag-unawa... tila hangin na dumarampi sa balat—banayad ngunit nagbibigay-buhay. Sa ilalim ng kanyang pamumuno, nabubuhay ang kaayusan, at ang bawat suliranin ay nagiging isa na namang hakbang tungo sa tagumpay.

At kapag nariyan si Alfred, ang Filipino Club ay nagiging tahanan ng pagkakaisa at tiwala, isang lugar kung saan bawat isa ay may puwang at bawat tinig ay pinapakinggan. Tunay ngang sa bawat hibla ng samahan, naroroon ang di-mabilang na kulay ng kanyang impluwensiya, ang sining ng kanyang pagkatao—hindi mawawala, hindi kailanman matatapos.

𝗠𝗮𝗹𝗶𝗴𝗮𝘆𝗮𝗻𝗴 𝗞𝗮𝗮𝗿𝗮𝘄𝗮𝗻, 𝗩𝗶𝗰𝗲𝗻𝘁𝗲 𝗥𝗮𝗽𝗵𝗮𝗲𝗹 𝗔𝗻𝗾𝘂𝗶𝗹𝗲𝗿𝗼! ★𑁍

May mga taong hindi kailanman humihingi ng pansin, ngunit sa kanilang pagdating ay tahimik na nagbabago ang tibok ng samahan. Si Vicente Raphael Anquilero ay tulad ng malamig na simoy ng hangin—banayad, payapa, ngunit tunay na kapansin-pansin, at sa sandaling dumampi sa balat ay mararamdaman hanggang kaibuturan. Hindi siya nangingibabaw sa ingay, ngunit ang kanyang presensiya ang nagpapanatiling buo sa Filipino Club, isang paalalang may lakas ang katahimikan kapag ito’y nagmumula sa malasakit.

Sa likod ng mga kurtina siya kumikilos, masinop at tapat, inilalagay ang sarili sa lugar kung saan higit siyang makapaglilingkod. Maaaring hindi siya laging nasa gitna ng liwanag, ngunit ang kanyang kahusayan ang tahimik na nagtutulak sa entablado upang magningning. Sa bawat proyektong naisakatuparan, may bakas ng kanyang pagsisikap—isang impluwensiyang hindi sumisigaw, ngunit laging nararamdaman.

Kahit bahagyang nahuli ang pagbati, ang pasasalamat at paghanga ay nananatiling buo. Sapagkat ang Filipino Club ay hindi magiging ganap kung wala ang mga taong tulad ni Raph—tahimik, ngunit mahalaga magpakailanman.

𝗣𝗶𝘀𝘁𝗮 𝗻𝗴 𝗠𝗮𝗵𝗮𝗹 𝗻𝗮 𝗣𝗼𝗼𝗻𝗴 𝗛𝗲𝘀𝘂𝘀 𝗡𝗮𝘇𝗮𝗿𝗲𝗻𝗼

Ngayong araw — ika-9 ng Enero — ay ating ipinagdiriwang ang Pista ng Mahal na Poong Hesus Nazareno. Sa piling ng Itim na Nazareno, ating natutuhang maglakad sa bigat ng mga pasanin nang may pananalig. Sa kaniya ay makikita ang larawan ng pag-ibig na hindi sumusuko, ng sakripisyong hindi humihingi ng kapalit, at ng pag-asang nananatiling buhay sa kabila ng kadiliman at paghihirap. Sa Kanyang katahimikan, naroon ang lakas; sa Kanyang pagdurusa, naroon ang kaligtasang patuloy na inaasam ng sambayanan.

Nawa’y ang pistang ito ay magsilbing liwanag sa ating mga puso — na magpakatatag sa gitna ng pagsubok, magmahal sa kabila ng paghihirap, at magtiwala kahit hindi kalinawan ang daang tinatahak. Sa bawat hakbang ng pananampalataya, sama-sama nating buhatin ang krus ng buhay, tangan ang pag-asa, pagkakaisa, at wagas na debosyon.

Bilang isang samahan, ang Filipino Club ay kaisa sa sambayanang Pilipino sa pagdiriwang ng banal na pistang ito. Sama-sama nating ipinapahayag ang ating pananampalataya, paggalang, at debosyon sa Mahal na Poong Hesus Nazareno.

Janelle Banal | Manunulat
Arlene Gasmen | Debuhista
Cleofe Mae Agualada | Tagapagpamahala ng Social Media G12