https://www.facebook.com/141470399038789/

PCU SHS Filipino Club, 1648 Taft Avenue, Corner Pedro Gil Street, Malate, Manila (2026)

25/07/2026

𝙃𝙞𝙣𝙙𝙞 𝙥𝙬𝙚𝙙𝙚𝙣𝙜 𝙢𝙖𝙩𝙖𝙥𝙤𝙨 𝙖𝙣𝙜 𝙖𝙧𝙖𝙬 𝙣𝙖 ’𝙩𝙤 𝙣𝙜 𝙝𝙞𝙣𝙙𝙞 𝙣𝙖𝙢𝙞𝙣 𝙣𝙖𝙗𝙖𝙗𝙖𝙩𝙞 𝙖𝙣𝙜 𝙞𝙨𝙖 𝙨𝙖 𝙙𝙞𝙮𝙤𝙨𝙖 𝙣𝙜 𝙁𝙞𝙡𝙞𝙥𝙞𝙣𝙤 𝘾𝙡𝙪𝙗! 🤪💚

𝖬𝖺𝗅𝗂𝗀𝖺𝗒𝖺𝗇𝗀 𝖪𝖺𝖺𝗋𝖺𝗐𝖺𝗇, 𝖡𝖻. 𝖳𝗋𝖾𝖼𝗁𝗂𝖺 𝖢𝗈𝗅𝗂𝖻𝖺𝗈!

Sa araw na ito, taos-puso naming ipinapaabot ang aming pinakamainit na pagbati sa inyong kaarawan!

Maraming salamat po sa inyong oras, dedikasyon, at walang sawang paggabay sa Filipino Club. Bilang isa sa aming mga tagapayo, naging mahalagang bahagi po kayo ng aming paglalakbay, lalo na noong nakaraang taon. Sa bawat payo, suporta, at pagtitiwalang ipinagkaloob ninyo, marami po kaming natutunan—hindi lamang bilang mga miyembro ng samahan kundi bilang mga mag-aaral at indibidwal.

Lubos po naming pinahahalagahan ang inyong tiyaga, malasakit, at positibong impluwensya sa bawat gawain ng Filipino Club. Ang inyong dedikasyon ay naging inspirasyon upang patuloy kaming magsumikap, maglingkod, at ipagmalaki ang aming samahan.

Sa inyong espesyal na araw, hangad namin ang isang pagdiriwang na puno ng saya, pagmamahal, at magagandang alaala kasama ang inyong mga mahal sa buhay. Nawa’y patuloy kayong maging inspirasyon sa marami pang mag-aaral at magpatuloy sa pagbabahagi ng inyong kaalaman at malasakit.

Maraming salamat po sa lahat, Bb. Trechia Colibao. 💚

Muli, maligayang kaarawan po! 🥳🎂

-Mula sa Filipino Club

At bago matapos ang pagbating ito… sana po ay umabot din ang handa niyo sa Filipino Club. 🤭✌🏻

18/07/2026

୨୧ 𝐅𝐈𝐋𝐈𝐏𝐈𝐍𝐎 𝐂𝐋𝐔𝐁 𝐑𝐄𝐂𝐑𝐔𝐈𝐓𝐌𝐄𝐍𝐓 • 𝐀.𝐘. 𝟐𝟎𝟐𝟔–𝟐𝟎𝟐𝟕 🇵🇭

Isang panibagong taon, panibagong pagkakataon upang maging bahagi ng isang samahang nagtataguyod ng ating wikang pambansa, kultura, at pagkakakilanlan bilang Pilipino.

Ang 𝐅𝐢𝐥𝐢𝐩𝐢𝐧𝐨 𝐂𝐥𝐮𝐛 ay higit pa sa isang organisasyon. Isa itong tahanan para sa mga mag-aaral na nais matuto, maipamalas ang kanilang talento, magkaroon ng mga bagong kaibigan, at makilahok sa mga gawaing nagbibigay ng makabuluhang karanasan at alaala.

Kung ikaw ay isang 𝐆𝐫𝐚𝐝𝐞 𝟏𝟏 student na may interes sa pagsusulat, pagsasalita, pagho-host, sining, kultura, o nais lamang maging bahagi ng isang aktibo at masayang samahan, ito na ang iyong pagkakataon!

✦ 𝐏𝐀𝐀𝐍𝐎 𝐒𝐔𝐌𝐀𝐋𝐈?
➤ I-scan ang QR Code.
➤ Sagutan ang Application Form.
➤ Hintayin ang iyong Interview Schedule.

Huwag hayaang lumipas ang pagkakataong maging bahagi ng ating pamilya.

Tuklasin ang iyong kakayahan. Ipagmalaki ang ating wika. Sama-sama nating ipagpatuloy ang pagmamahal sa kulturang Pilipino. 🤎

26/06/2026

Tara na at maging bahagi ng Filipino Club! 🇵🇭

Handa ka na bang ipagmalaki ang kulturang Pilipino? Kung mahilig ka sa ating wika, sining, tradisyon, at mga gawaing nagpapakita ng ating mayamang kultura, ang Filipino Club ang tamang samahan para sa'yo!

✨ Bukas na ang Recruitment ng Filipino Club! Inaanyayahan namin ang lahat ng interesadong mag-aaral na sumali at maging bahagi ng aming organisasyon.

📲 I-scan ang QR code sa pubmat upang magparehistro at makasali sa recruitment.
📅 July 3, 2026
🕐 1:00 PM – 4:00 PM
📍 Interview at Recruitment ng Filipino Club.

Huwag palampasin ang pagkakataong maging bahagi ng samahang nagtataguyod at nagpapalaganap ng kulturang Pilipino. Kita-kits! 🇵🇭💛

13/05/2026

📣 ENROLLMENT ON-GOING! 📣
Philippine Christian University
Senior High School | SY 2026–2027

PCU Manila Senior High School is now accepting students for:

✅ Grade 11 (New Strengthened Curriculum)
✅ Grade 12 – Old Curriculum Completers

Available Tracks and Pathways

🔹 ACADEMIC TRACK

ABM
📊 Business, Finance & Enterprise Pathway

HUMSS
📚 Humanities & Education Pathway

HUMSS
⚖️ Governance, Justice & Public Service Pathway

STEM
🩺 Allied Health & Medical Sciences Pathway

STEM
🏗️ Engineering & Architecture Pathway

Sports Track
🏅 Athletic Performance & Wellness Pathway

🔹 TECHNICAL-PROFESSIONAL TRACK (TECH-PRO)

ICT
💻 Digital Technology & IT Pathway

HE
🍽️ Hospitality Services Pathway

HE
✈️ Tourism, Travel & Event Management Pathway

📍 Campus Location

1648 Taft Ave. cor. Pedro Gil St., Malate, Manila
(PCU Auditorium)

📞 Contact Us

☎️ (02) 8248-5370 / 8248-5390 local 231
📱 0945-430-8635 (SHS)
📧 [email protected]

Enroll Online PCU Online Enrollment Portal
https://myportal.pcu.edu.ph/padmission

📲 Or scan the QR code on the poster.

Take the next step toward your future.

Enroll now at PCU Manila Senior High School!

22/02/2026

Maligayang Kaarawan, Janelle!

Sa bawat pagbuklat ng aklat — bawat pahinang binabasa'y na naglalaman ng talinhaga at nag-iiwan ng kakintalan sa mga mambabasa. Mga titik at pangungusap na lumilikha ng mga salaysay at mga kuwento na naghahatid ng aliw at saya. Sa likod ng mga obrang ito, mayroong mahusay na manunulat—si Janelle Banal.

Sa bawat pagkumpas ng panulat, pagdaloy ng tinta sa mga pahina, hinahangad magbigay kahulugan sa mga letrang inuukit. Ang plumang hawak-hawak mo ay hindi lamang nagbibigay-buhay sa iyong imahinasyon, kundi hinuhubog din nito ang mga alamat at mga kuwento tungo sa katotohanan.

Isang mainit na pagbati sa reyna ng tugma at ng mga obrang makata. Sa awtor ng aming mga lathalain, sa aming pinakamamahal at pinakamahusay na manunulat ng Filipino Club, Maligayang Kaarawan Janelle Banal!

Ang mga ngiti mong nakakahawa, mga birong nagdadala ligaya at walang magawa kundi matawa. Tulad ka ng araw, sa init mong dala na parang yakap ng ina. Hindi ka nakakasawang kasama. Isa sa mga pundasyon ng ating samahan, sa panibagong pahina ng iyong buhay nawa'y makamit mo ang iyong mga pangarap at mithiin sa buhay. At tulad ng tinta, ang ating mga pinagsamahan ay hindi mabubura kailanman. Muli, Maligayang Kaarawan Janelle Banal!

20/02/2026

𝗠𝗮𝗹𝗶𝗴𝗮𝘆𝗮𝗻𝗴 𝗞𝗮𝗮𝗿𝗮𝘄𝗮𝗻 𝗚𝗻𝗴. 𝗘𝗺-𝗲𝗺 𝗬𝗮𝗻𝗴𝗮𝗼

Maligayang Kaarawan po, Gng. Em-em Yangao! Isang gurong may mahinahon na kilos, ngunit matatag na prinsipyo. Sa likod ng kalmadong anyo ay isang gurong may tapang, talino, at pusong lubos ang malasakit sa kabataan.

Ang bawat salita at aral na inyong iniiwan ay tumatagos at nananatili—patunay na ang tunay na lakas ay hindi kailangang ipagsigawan. Sa inyong panatag na paggabay, maraming kabataan ang natutong maniwala sa sarili at pahalagahan ang pagiging mabuting tao. Ang impluwensiyang inyong naitanim ay patuloy na mamumunga sa mga pusong inyong nahubog.

Nawa’y mapuno ang inyong kaarawan ng kapayapaan at kagalakang Karapat-dapat sa isang gurong may pusong bayani. Muli, Maligayang kaarawan po!!! 💐

28/01/2026

𝗠𝗮𝗹𝗶𝗴𝗮𝘆𝗮𝗻𝗴 𝗞𝗮𝗮𝗿𝗮𝘄𝗮𝗻, 𝗕𝗯. 𝗕𝗲𝗹𝗹𝗲!! ✰❁

Kagaya ng masiglang araw sa karagatan ng asul na ulap, may isang gurong walang-sawang namumuno at pumapatnubay nang may katingkaran ng araw—ang pinakamahusay sa lahat, ang minamahal naming si Bb. Belle. At ngayong araw ay kaniyang kaarawan, kaya't ating ipaabot sa kanya ang ating mainit at punong-puno ng pagmamahal na pagbati.

Maraming bagay ang maihahalintulad sa kanya. Siya ay malaya, katulad ng mga ibong nagliliparan sa himpapawid ng liwanag at katotohanan. Maaari rin siyang maging isang bulaklak sa gitna ng berdeng damuhan—kakaiba at nag-uumapaw sa kanyang sariling espesyal na kulay. Sa katunayan, siya rin ay kaaya-ayang sinag ng buwan sa mataimtim na ilog—banayad at organisado. Ngunit higit sa lahat ng bagay na maaari siyang maging, ay ang kaniyang natural na pagkatao—dalisay at may katapangan.

Para sa Filipino Club, siya ay isang mabuting modelo, isang kaibigang maaring sandalan at lapitan sa panahon ng pangangailangan. Isang kaibigang handang makinig, magbigay ng payo, at handang tumingin sa magkabilang panig nang may pantay at makatarungang pagmamahal. Sa kanyang puso ay tangan ang ilaw na panghabang-buhay na magbibigay ng pag-asa sa kahit sino mang mapalad na makakasilong sa lilim ng kanyang pagkalinga.

Mula sa Filipino Club, aming ipinapa-abot ang aming tapat na pagbati, Bb. Belle! Nawa'y mapuno ng liwanag ang iyong araw at ang mga susunod pang darating!! 🦋🍄

27/01/2026

🎤Get ready for an unforgettable night! Join us for Pintig ng Pag-ibig: PCU Valcon 2026 on February 10, 2026, at Freedom Park, Philippine Christian University!🎤

✨ Enjoy performances from:

FitterKarma

Shirebound

Deny

Don’t miss this incredible musical celebration of love and talent! Mark your calendars, bring your friends, and let’s make this night unforgettable! 💙🎶

Caption by: De Jesus, A.
Graphics by: Arellano, P.
Posted by: Malonzo, G.

22/01/2026

𝗣𝗮𝗴𝗯𝗮𝘁𝗶, 𝗙𝗶𝗹𝗶𝗽𝗶𝗻𝗼 𝗖𝗹𝘂𝗯!!!

Aming ipinaaabot ang taos-pusong pagbati sa mga kasapi ng PCU SHS Filipino Club na ginawaran ng mga karangalang pang-akademiko. Ang inyong sipag, tiyaga, at dedikasyon sa pag-aaral ay patunay na kapag sinabayan ng puso ang talino, tiyak na may aanihin itong maganda. Nawa’y magsilbi itong munting tapik sa balikat—isang paalala na kayo ay nasa tamang landas.

Ipagpatuloy ninyo ang mahusay na gawain at huwag matakot mangarap nang mas mataas. Patuloy ninyong abutin ang mga bituin, at panatilihing buhay ang mahika sa inyong mga puso. Sa mga hindi man pinalad sa pagkakataong ito, huwag mawalan ng pag-asa—may mga tagumpay na dumarating nang tahimik ngunit mas tumatagal. Ang pag-abot sa ikalawang semstre ay isa nang malaking tagumpay, at maging ito ay karapat-dapat na ipagdiwang.

Nawa'y palagi ninyong tandaan na ang Filipino Club ay laging naririto, isang tahanang maaari ninyong balikan kapag napapagod, naliligaw, o nais lamang ng kaunting pahinga.

𝘔𝘶𝘭𝘪, 𝘱𝘢𝘨𝘣𝘢𝘵𝘪 𝘴𝘢 𝘪𝘯𝘺𝘰𝘯𝘨 𝘭𝘢𝘩𝘢𝘵!!! 🎉❤️😝👌

14/01/2026

𝐏𝐎𝐕: 𝐄𝐱𝐚𝐦 𝐰𝐞𝐞𝐤 𝐧𝐚 𝐩𝐞𝐫𝐨 𝐧𝐚𝐬𝐚 “𝐠𝐡𝐨𝐬𝐭𝐢𝐧𝐠 𝐞𝐫𝐚” 𝐤𝐚. 👻📚

Hindi ka iniwan ng ka-talk mo—
iniwan ka lang ng notes mo.

Seen mo ang reviewers,
pero hindi mo sineryoso.
Ngayon, ikaw na ang na-ghost…
ng stock knowledge mo.

Sa exam week na ’to,
huwag mong i-ghost ang:
📖 lessons na tinuro
📝 notes na tinamad kang basahin
🧠 sarili mong potensyal

Dahil mas masakit ma-ghost ng exam
kaysa ma-ghost ng ex.

Balik-loob muna sa aral.
Balik-paramdam sa pangarap.

✅ 100% Faith
✅ 100% Character
✅ 100% Service
❌ 0% Ghosting sa Pag-aaral

Isang shot (ng kape) ☕ para sa mga babawi sa exam week.

PCU SHS Filipino Club

25/07/2026

18/07/2026

26/06/2026

13/05/2026

22/02/2026

20/02/2026

28/01/2026

27/01/2026

22/01/2026

14/01/2026

Address

Website

Alerts

Shortcuts

Share

Category

Listing takedown request