𝗕𝗔 𝗛𝗶𝘀𝘁𝗼𝗿𝘆 𝟰-𝟯

30/05/2026

🇵🇸🇵🇭

Noong ika-28 ng Mayo, matagumpay na idinaos ang seminar na pinangunahan ng mga mag-aaral ng Ikaapat na Taon ng Batsilyer ng Sining sa Kasaysayan na may temang "𝙺𝙰𝚂𝙰𝚈𝚂𝙰𝚈𝙰𝙽 𝙰𝚃 𝙺𝙰𝚃𝙰𝚁𝚄𝙽𝙶𝙰𝙽 𝙽𝙶 𝙼𝙶𝙰 𝙿𝙰𝙻𝙴𝚂𝚃𝙸𝙽𝙾, 𝙺𝙰𝙰𝙶𝙰𝙿𝙰𝚈 𝙰𝚃 𝙺𝙰𝙸𝚂𝙰 𝙰𝙽𝙶 𝙼𝙶𝙰 𝙿𝙸𝙻𝙸𝙿𝙸𝙽𝙾"

Taos-puso kaming nagpapasalamat sa lahat ng dumalo at nakiisa sa gawaing ito. Lubos din ang aming pasasalamat sa 𝙿𝚑𝚒𝚕𝚒𝚙𝚙𝚒𝚗𝚎𝚜–𝙿𝚊𝚕𝚎𝚜𝚝𝚒𝚗𝚎 𝙵𝚛𝚒𝚎𝚗𝚍𝚜𝚑𝚒𝚙 𝙰𝚜𝚜𝚘𝚌𝚒𝚊𝚝𝚒𝚘𝚗, lalo na kay 𝙱𝚋. 𝙼𝚎𝚌𝚑𝚊𝚗𝚒 𝚃𝚒𝚕𝚎𝚗𝚍𝚘, sa pagbibigay ng kanyang oras at kaalaman upang higit naming maunawaan ang kasaysayan at kalagayan ng mamamayang Palestino.

Maraming salamat din sa aming mga g**o na naging bahagi ng programang ito, sina 𝙶. 𝚁𝚎𝚐𝚒𝚗𝚊𝚕𝚍 𝚁𝚎𝚐𝚒𝚗𝚊𝚕𝚍𝚘 at 𝙶. 𝙹𝚊𝚢𝚖𝚎 𝙲𝚊𝚛𝚕𝚘 𝙴𝚋𝚛𝚎𝚘, gayundin sa 𝙳𝚎𝚙𝚊𝚛𝚝𝚊𝚖𝚎𝚗𝚝𝚘 𝚗𝚐 𝙺𝚊𝚜𝚊𝚢𝚜𝚊𝚢𝚊𝚗, na naging mahalagang katuwang sa matagumpay na pagsasakatuparan ng seminar.

Lubos din kaming nagpapasalamat sa 𝙽𝚊𝚝𝚒𝚘𝚗𝚊𝚕 𝙷𝚒𝚜𝚝𝚘𝚛𝚒𝚌𝚊𝚕 𝙲𝚘𝚖𝚖𝚒𝚜𝚜𝚒𝚘𝚗 𝚘𝚏 𝚝𝚑𝚎 𝙿𝚑𝚒𝚕𝚒𝚙𝚙𝚒𝚗𝚎𝚜 (𝙽𝙷𝙲𝙿), partikular sa 𝙼𝚞𝚜𝚎𝚘 𝚗𝚒 𝙼𝚊𝚋𝚒𝚗𝚒–𝙿𝚄𝙿, sa pangunguna ni 𝙶. 𝙹𝚘𝚗𝚎𝚕 𝚁𝚊𝚋𝚞𝚜𝚊, sa pagpapahintulot na magamit ang kanilang pasilidad bilang lugar kung saan isinagawa ang seminar na ito. Taos-puso rin kaming nagpapasalamat sa kanilang pagbibigay ng token of appreciation para sa aming tagapagsalita bilang pagkilala sa kanyang mahalagang ambag at pagbabahagi ng kaalaman sa programa.

Isang taos-pusong pasasalamat din sa mga mag-aaral at iba pang panauhing dumalo at naglaan ng oras upang makiisa sa makabuluhang talakayang ito.

Sa huli, hangad ng seminar na ito na makapagbigay ng mas malalim na pag-unawa, kamalayan, at kaalaman tungkol sa kasaysayan, pakikibaka, at kalagayan ng mamamayang Palestino. Nawa’y magsilbi itong daan upang higit nating mapahalagahan ang pagkakaisa, katarungan, at pakikipagkapwa sa pandaigdigang komunidad.

28/05/2026

𝙽𝙶𝙰𝚈𝙾𝙽 | Opisyal nang binuksan ang seminar sa pangunguna ni G. Reginald Reginaldo, Instruktor ng Departamento ng Kasaysayan.

28/05/2026

𝙽𝙶𝙰𝚈𝙾𝙽 | Kasalukuyan nang nagbabahagi at nagtatalakay ang tagapagsalita na si Bb. Mechani I. Tilendo, Coordinator ng Philippines-Palestine Friendship Association.

28/05/2026

22/05/2026

𝐊𝐀𝐒𝐀𝐘𝐒𝐀𝐘𝐀𝐍 𝐀𝐓 𝐊𝐀𝐓𝐀𝐑𝐔𝐍𝐆𝐀𝐍 𝐍𝐆 𝐌𝐆𝐀 𝐏𝐀𝐋𝐄𝐒𝐓𝐈𝐍𝐎: 𝐊𝐀𝐀𝐆𝐀𝐏𝐀𝐘 𝐀𝐓 𝐊𝐀𝐈𝐒𝐀 𝐀𝐍𝐆 𝐌𝐆𝐀 𝐏𝐈𝐋𝐈𝐏𝐈𝐍𝐎!

Ako si (Name) mula sa (Organization/Section), at handang makiisa sa sambayanang Palestino laban sa agresyon, pananakop, at pang-aapi ng mga imperyalistang kapangyarihan tulad ng Israel at Estados Unidos.

Sa darating na Mayo 28, makilahok sa aming seminar upang magkaroon ng espasyo para sa talakayan, pagninilay, at sama-samang pagkilos. Mula Palestine hanggang Pilipinas, ang laban para sa hustisya at kalayaan ay laban ng mamamayan.

📍 Lugar: Museo ni Mabini
📅 Petsa at Oras: Mayo 28, 2026 | 12:00 N.H. - 5:00 N.H

🔗 DP Frame:
https://twibify.com/campaign/pupbahistory2526
https://twibify.com/campaign/pupbahistory2526
https://twibify.com/campaign/pupbahistory2526

20/05/2026

“𝙰𝚗𝚐 𝚙𝚊𝚗𝚊𝚗𝚊𝚑𝚒𝚖𝚒𝚔 𝚜𝚊 𝚐𝚒𝚝𝚗𝚊 𝚗𝚐 𝚜𝚒𝚜𝚝𝚎𝚖𝚊𝚝𝚒𝚔𝚘𝚗𝚐 𝚊𝚐𝚛𝚎𝚜𝚢𝚘𝚗 𝚊𝚝 𝚘𝚔𝚞𝚙𝚊𝚜𝚢𝚘𝚗 𝚊𝚢 𝚑𝚒𝚗𝚍𝚒 𝚗𝚎𝚞𝚝𝚛𝚊𝚕𝚒𝚍𝚊𝚍, 𝚔𝚞𝚗𝚍𝚒 𝚙𝚊𝚐𝚔𝚊𝚖𝚙𝚒 𝚜𝚊 𝚙𝚊𝚗𝚒𝚐 𝚗𝚐 𝚖𝚊𝚙𝚊𝚗𝚐-𝚊𝚙𝚒.”

Ang agresyon ng Israel at U.S., laban sa mga Palestino ay nakaugat sa mga dekada ng okupasyon, sapilitang pag-agaw ng lupain, at sistematikong karahasang nagkakait sa mamamayang Palestino ng kanilang mga batayang karapatan at kalayaan.

Nang maitatag ang Israel noong 1948 ay nagbunsod ng malawakang pagpapalayas sa mga Palestino (Al-Nakba), kung saan daan-daang libong Palestino ang napilitang lumikas mula sa kanilang mga tahanan at lupain. Mula noon, umiral ang isang settler-colonial na proyekto na sinamahan ng militarisasyon, okupasyon, at iba’t ibang anyo ng dahas laban sa mga Palestino, sa suporta ng mga imperyalistang bansa, tulad ng Estados Unidos.

Ngayon, sa patuloy na paglala ng agresyon, libu-libong Palestino ang nawawalan ng buhay, tahanan, at seguridad, habang patuloy ang karahasan laban sa kanila.

Kaugnay nito, inaanyayahan ng mga estudyante ng ikaapat na taon ng kursong Bachelor of Arts in History ang lahat na makiisa sa seminar na pinamagatang:

𝐊𝐀𝐒𝐀𝐘𝐒𝐀𝐘𝐀𝐍 𝐀𝐓 𝐊𝐀𝐓𝐀𝐑𝐔𝐍𝐆𝐀𝐍 𝐍𝐆 𝐌𝐆𝐀 𝐏𝐀𝐋𝐄𝐒𝐓𝐈𝐍𝐎: 𝐊𝐀𝐀𝐆𝐀𝐏𝐀𝐘 𝐀𝐓 𝐊𝐀𝐈𝐒𝐀 𝐀𝐍𝐆 𝐌𝐆𝐀 𝐏𝐈𝐋𝐈𝐏𝐈𝐍𝐎

Layunin ng seminar na ito na magbigay ng mas malalim na pag-unawa sa kasaysayan, kalagayan, at pakikibaka ng sambayanang Palestino, at kung paano maipapakita ng mamamayang Pilipino ang pakikiisa at suporta sa kanilang laban para sa hustisya at kalayaan.

📌 Bukas ito sa publiko. Para makilahok at makapagparehistro, i-click lamang ang link sa ibaba:
https://forms.gle/uQXbnVRBQUscDktc8
https://forms.gle/uQXbnVRBQUscDktc8
https://forms.gle/uQXbnVRBQUscDktc8

📍Lugar: MUSEO NI MABINI-PUP
📅 Petsa: Mayo 28, 2026

16/05/2026

𝙵𝚛𝚘𝚖 𝚝𝚑𝚎 𝚛𝚒𝚟𝚎𝚛 𝚝𝚘 𝚝𝚑𝚎 𝚜𝚎𝚊, 𝙿𝚊𝚕𝚎𝚜𝚝𝚒𝚗𝚎 𝚠𝚒𝚕𝚕 𝚋𝚎 𝚏𝚛𝚎𝚎🍉