Bulawang Ani - Earist Manila

𝘀𝗮 𝗯𝗮𝘄𝗮𝘁 𝗱𝗮𝗮𝗻
aklat ni Julio T. Avenido Jr.

Sa bawat daan na ating tinatahak mayroong mga kuwento tayong natutuklasan at mga alaalang bumabalik sa kasalukuyan. Sa bawat daan ay mayroong hiwaga na kailangan nating alamin; hiwagang nagbibigay inspirasyong magpatuloy sa anumang bagay.

𝗔𝗱 𝗔𝘀𝘁𝗿𝗮 𝗣𝗲𝗿 𝗔𝘀𝗽𝗲𝗿𝗮
aklat ni Domingo A. Ranca Jr.

"Ang mga paghihirap sa pag-abot ng mga pangarap". Hindi ka lalago kung hindi ka nahihirapan sa buhay.

𝗟𝗶𝗵𝗶𝗺 𝗻𝗮 𝗟𝗶𝗵𝗮𝗺
aklat ni Leslie M. Mejia

Subukin nating daanan mga problema ng bawat indibidwal, kung paano tayo sumugal sa mga paraan na walang kasiguraduhan. Ikaw ba ay may lihim na dapat sabihin o ito’y itatago at mananatili na lang sa dilim?

𝗕𝘂𝗸𝗮𝘀 𝗺𝗮𝗸𝗮𝗹𝗮𝘄𝗮
aklat ni Jonathan T. Barrantes

Ang aklat na ito ay tumatalakay sa pag-asang maaaring matamo mula sa baluktot na sistemang nabahiran ng pagdurusa na walang katiyakan ang paglaya, na kung hindi ngayon, baka bukas makalawa ay maaari at puwede na. Ang mga akdang pampanitikan na nabuo ay naglalaman ng samu't saring serye ng karanasan, malikot na pag-iisip, mga emosyon, kataksilan, pag-ibig, at isyung panlipunan na mag-iiwan sa mambabasa ng kakaibang panlasa, aral at inspirasyon. Layunin ng may-akda na maibahagi ang kaniyang sarili sa kung paano nilaro ang iba't ibang perspektibo ng bawat kuwento.

𝗦𝘂𝗹𝘆𝗮𝗽 𝘀𝗮 𝗔𝗸𝗶𝗻𝗴 𝗟𝗶𝗸𝗵𝗮
aklat ni Mark Angelo A. Leyretana

Ang pagsusulat ay nagsisilbing daan upang maipahayag ko ang mga pinakamalalim na hangarin ng aking puso. Ako ay isang manunulat na may pusong puno ng pangarap, kamay na puno ng husay, at salita na puno ng lakas. Ang aking aklat ay isang liham ng inspirasyon, isang salamin ng pag-asa, at isang kahalintulad ng mga pangarap na maaaring abutin ng sinumang magbasa. Sa bawat salita na ibinibigkas, ako ay nagbabahagi ng aking sariling kwento, nagpapakita ng mga damdamin, tagumpay at kasiyahan na bumubuo sa aking pagkatao.

𝗜𝗵𝗮𝗵𝗮𝘁𝗶𝗱 𝗸𝗶𝘁𝗮...
aklat ni Jucelle A. Ariola

Sana'y naging masaya ka. Hindi naman kita napabayaan 'di ba? Huwag kang mag-alala; ako'y narito lamang at ihahatid kita.

𝗗𝗔𝗟𝗔𝗪𝗔𝗡𝗚 𝗠𝗨𝗡𝗗𝗢
aklat ni Cyril S. Abad

Layunin ng aklat na ito na makapagbigay ng saloobin tungkol sa dalawang taong nagiibigan sa ngalan ng kanilang magkaibang paniniwala, wika at kulturang pinanggalingan.

𝗔𝗯𝗮! 𝗬𝗮𝘁𝗮?
aklat ni Jessica A. Abayata

Ang aklat na ito na may pamagat na “Aba! Yata?” ay naglalaman ng mga likhang akda mula sa malikot na pag-iisip ng manunulat at ‘di makalilimutang karanasan nito. Iba’t ibang uri ng panitikan ang nakapaloob sa aklat , gayundin ang tema at paksa na magbibigay ng iba’t ibang emosyon. Susubukin nito ang paniniwala at paninindigan ng mambabasa sa bawat pahina. Hitik sa aral at kaalaman ang makukuha mula sa bawat suliranin at punto ng akda na inaasahang matutuhan at maisasabuhay ng bawat mambabasa.

𝗛𝗶𝗿𝗮𝘆𝗮
aklat ni Katrina T. Pangan

patuloy na lumalaban para sa pangarap

𝗣𝗔𝗗𝗔𝗬𝗢𝗡
aklat ni Susane V. Ferrer

Magpatuloy lamang sa anumang hamon ng buhay. Walang susuko sa kahit anong laban na mangyayari para sa iyong pangarap na makakamit.

𝗟𝗶𝗸𝗼𝗱 𝘀𝗮 𝗣𝗮𝗵𝗶𝘆𝗼𝗺
aklat ni Rose Bhabe C. Cagas

Marami sa atin, lalo na sa panahon ngayon ang may kinakaharap na mental health condition tulad ng; Depression, anxiety at marami pang iba. Ngunit sa oras na tayo ay nakakaisip na ng hindi magandang gawain ay wag sana nating makalimutan na sa kahit anong dilim ay may liwanag at ang liwanag na ito ay ang mga taong nakapaligid sa atin at mga mahal natin sa buhay. Ang librong ito ay pinamagatang “Likod sa Pahiyom” ang salitang Pahiyom ay nagmula sa Cebuano na may katumbas sa tagalog na “ngiti” na ibig sabihin ay “likod sa ngiti” o “ Dahilan ng Pagngiti.”

𝗕𝗔𝗧𝗜𝗞 𝗡𝗚 𝗕𝗔𝗨𝗟
aklat ni April Rose R. Roble

Ang aklat na ito ay may pamagat na "BATIK NG BAUL" na kung saan kahit na anong ganda ng isang bagay kung ito ay may bahid na maaaring matanggal man iyon; ngunit mananatili pa rin nakahulma. Katulad ng mga alaalang kailan man ay hindi na mauulit pa, dahil kahit anong pilit ito'y bahagi na ng nakaraan at mananatiling alaala na lamang.