Pa.Ba.KAS

Minsan lang dumating ang isang tao sa iyong mundo,
isang karakter na kakaiba at walang kapareho;
Siya ang huhulma at magpapatibay ng iyong pagkatao—
minsan isang bagyo o taga kitil ng simbuyo.

-pala_boy

DAHIL USONG-USO SI SELF LOVE🤪!

HAPPY HOLIDAYS
-Pabakas Family

Ika-38 kong katha at pinakamasakit na rin. Alam kong relate dito ang lahat.

AGOY
pala_boy

AKING TAHANAN
✍️pala_boy

Tayo'y matuwa sapagkat tayo ay malaya,
naiwawagayway ang mga naglalakihang bandila,
nanatiling kalmado kahit saan maglipana,
ninanam ang karikitan ng kalikasan na ubod ng sagana.

Dugong bughaw kung tawagin Maharlika noong araw,
tanging ipinagmamaki lamang ay mga balaraw,
tanging huntahan sa loob ng kubo sa paglubog ni haring araw,
naging tagpuan ang lampara sa kadiliman naging tanglaw.

Ngunit sa pag-inog ng mundo'y nag iba ang layaw,
dahil mga banyaga na may dalang nakakasilaw,
na kahit may magagarang soot tiklop tuhod kahit may bulyaw,
kakarampot na salapi'y takot na ipaagaw.

Ano nangyayari—tila naka tanikala,
hindi na maapuhap ang tikas sa madla,
dahil ba sa suhol hustisya'y nawala,
sanhi ba ito ng talipandas na banyaga.

Anong kakahinatnan ang susunod na henerasyon?
kung istilo ng banyaga naglipana sa nayon;
Unti-unting pinapatay at pilit binabaon,
nasaan na ang BAYBAYIN, BUHID, HANUNOO, TAGBANWA at KULITAN tila nga'y ibinaon.

*Gumamit ng earphone o earpods.