Taytay Integrated School Guiuan Eastern Samar Alumni Association

ENROLMENT for incoming Grade 11 is scheduled this coming Thursday (August 11, 2022) until August 22, 2022.

TAYTAY INTEGRATED SCHOOL

MGA PAHINUMDOM

Ha pag hirot naton han pag sarang han COVID 19 virus ngan pag padayon han pag aradman han aton mga kabataan pinaagi han MODULAR DISTANCE LEARNING, an mga masunod in kinahanglan nga aton hinumduman ngan estrikto nga pag sundon:
😀😀😀😀
• Tinikangan yana nga Lunes, Oktobre 5, 2020 kun diin asya an siyahan nga adlaw han pag abri han eskuyla, an ngatanan nga masulod ha sakob ha eskwelahan labi na gud an mga kag-anak nga makuha han Modules in kinahanglan umudong anay ha may gawas hit gate para kulawan kun ano nga section ngan hn-o it adviser han ira mga anak. Kahuman, maghuhunaw, matamak ha foot bath, mapakuha hit temperature, igsurat an ngaran ngan mga impormasyon nga gin aaro ha Log Book ngan mag aalcohol hit kamot.

• Mag sul-ot hin face mask, face shield, mag dara hin kalugaringon ballpen ngan mag obserbar hin physical distancing ha ngatanan nga oras.

• ONE WAY POLICY it pag susundon nga lakat hit kada tagsa. It mag seserbe nga entrance gate ha pagka yana amo an second gate. Ngan an main gate asya an gagamiton nga exit point. It mga may sarakyan in strikto nga maparada ha parking area nga gin hahatag. Dire puydi diretso sumulod it sarakyan kun dire anay humaw-as it mga sakay para umagi hit health protocol.

• Ngatanan an kabataan nga enrolled ha TIS in tatagan hin libre nga Self Learning Module. An pan hatag ngan pag balik hine in pagbubuhaton la ha kada Lunes nga adlaw base han schedule nga gin hatag han eskuylahan. Kinahanglan pag hirutan nga dire mahibang ngan mawara an mga Modules nga ihahatag kay di na ngahaw kamo tatagan hin bag-o kundi mapa photocopy na kamo ha gawas.

• Tungod nga it pag aram hit kabataan in pagbubuhaton ha tagsa nga mga panimalay, igin aaghat it mga kag-anak nga tagan hin panahon ngan pag alugbay hit mga buruhaton pag aradman nga ihahatag ha ira.

• Kun may mga pakiana mahiunong hit leksyon ha Module puydi makipagsumpayan hit Teacher gamit it iya cellphone number o FB Messenger nga ihahatag ha iyo ngan dire pinaagi hin pag post ha Facebook o ano man nga klase hin Social Media. Mahugot nga gin papahinumdom nga mag obserbar it ngatanan hit DATA PRIVACY ACT. Igindidri it pag hatag hit ano man nga personal nga impormasyon ngan pag post ha social media hin mga dire kaangayan ngan makakaraot para maiwasan in ano man nga pinalidad hit balaod.

• Mag obserbar hit Health Protocols ha bisan diin ngan ha ngatanan nga oras.

DAMO NGA SALAMAT HIT IYO KOOPERASYON

MALIPAYON NGA PAGBALIK HA PAG ESKWELA!!!

Igin papahibaro han ngatanan nga parents/guardians han mga nag enroll ha Taytay Integrated School nga an panhatag han Modules in pagbubuhaton ha kada Lunes la nga adlaw hit semana nga matikang na yana nga OCTOBER 5, 2020 ha eskuylahan partikular la ha mga booths nga gin butang ha may administration building. Ine an petsa mismo han pag abri han klase yana nga school year nga ipapatuman pinaagi hin Modular Distance Learning. Makikita na niyo it seksyon ngan adviser hit iyo mga anak kaupod in pipira nga mga pahinumdom ha display board nga aada nakabutang ha may second gate ha eskuylahan. Asya ine an pagsusundon nga schedule. Ngan utro nga gin papahinumdom nga strikto nga mag obserbar kita ngatanan hit health protocols. SALAMAT.