The Granary/Ang Punla MCHSBungahan School Paper

15/12/2024

Isang masigabong pagtanggap sa bagong patnugutan ng Ang Punla!
Dito nagsisimula ang isang bagong kabanata, at sa kanilang mga sariwang ideya, patuloy na susulong ang forum tungo sa pagpapalago ng organisasyon. Sa ilalim ng kanilang pamumuno, inaasahan naming ipagpatuloy ang pagtataguyod ng mga halaga ng organisasyon at pamunuan ang mga inisyatibong magbubukas ng mas maraming oportunidad para sa ating mga manunulat.
Nawa'y magsilbing gabay at inspirasyon ang kanilang dedikasyon sa pagpapalago ng ating komunidad at kultura ng pagsusulat.

✍️ I Kioma A. Bermudo
🖼️I Aethan Josh S. Dionisio

08/12/2024

Walang pasok sa Disyembre 9, 2024 I Pistang Bayan

CITY RESOLUTION 455-2024

KANSELADO ANG KLASE AT PASOK SA DISYEMBRE 9 (LUNES)

Bilang Paggunita sa Dakilang Kapistahan ng Kalinis-linisang Paglilihi sa Mahal na Birheng Maria o Pistang Bayan 2024.

Sa pangunguna ng ating Punong Lungsod Abogado Christian D. Natividad, Pangalawang Punong Lungsod Igg. Migs Alberto T. Bautista, at ng mga bumubuo ng Sangguniang Panglungsod, kasama si Konsehal JV Vitug bilang principal author, aprubado na ang City Resolution 455-2024 na nagkakansela ng pasok sa lahat ng pampubliko at pampribadong tanggapan sa Disyembre 9, 2024 (Lunes) upang bigyang-daan ang paggunita sa Dakilang Kapistahan ng Kalinis-linisang Paglilihi sa Mahal na Birheng Maria.

Ang resolusyon na ito ay naaprubahan sa nakaraang ika-144 na Karaniwang Pagpupulong ng Sangguniang Panglungsod noong ika-27 ng Nobyembre 2024.

Ayon sa memorandum circular na inilabas ni RCAM Vice Chancellor Fr. Carmelo Arada, ang dakilang kapistahan na tradisyunal na ipinagdiriwang tuwing Disyembre 8 ay ililipat sa Disyembre 9 (Lunes) ngayong taon, sapagkat natapat ito sa araw ng Linggo. Kasama rin dito ang banal na obligasyong dumalo sa misa sa nasabing araw.

Hinihikayat ang lahat na gamitin ang araw na ito upang magbigay-pugay sa Mahal na Birheng Maria at magdasal bilang pasasalamat sa kanyang pagmamahal at sakripisyo para kay Hesus Kristo, ang ating Tagapagligtas.

Sama-sama nating ipagdiwang ang araw na ito sa diwa ng panalangin, pasasalamat, at pananampalataya!

23/11/2024

Career Guidance Week I Nobyembre 19-22, 2024

Nagsagawa ang mga g**o at mga mag-aaral sa ika-10 baitang ng MCHS-Bungahan ng isang programa ukol sa career guidance na idinaos sa paaralan.

Ang nasabing programa ay may layuning hikayatin ang mga estudyante na mas maunawaan ang kanilang mga pangarap na propesyon. Bahagi ng aktibidad ang pag-anyaya sa mga estudyante na magsuot ng mga kasuotan na naaayon sa kanilang gustong maging propesyon sa hinaharap. Sa mismong programa, inirampa ng mga estudyante ang kanilang mga napiling kasuotan, ipinapakita ang kanilang mga pangarap at ambisyon sa iba’t ibang larangan. Bilang pagkilala, nagbigay ang paaralan ng mga sertipiko sa mga estudyanteng pinakamahusay magdala ng kanilang kasuotan.

Matapos ang pag-rampa, nag-imbita ang paaralan ng dating mag-aaral na ngayon ay kabahagi na ng Sangguniang Kabataan sa kanilang barangay. Mula sa Sangguniang Kabataan ng Sumapang Bata, sina SK Chairman Lemuel S. Santiago at SK Kagawad Lorenz D.J. Dayao ay nagbahagi ng kanilang mga karanasan bilang mag-aaral at mga hakbang na ginawa nila upang marating ang kanilang posisyon at propesyon. Bukod sa kanila ay inimbita rin ang paaralan ng ATEC Technological College Inc., sa pangunguna ni Gng. Charlene Serpa Juan- Baylon. Siya ay nagbahagi ng mga dapat malaman ng mag-aaral sa baitang 10 tungkol sa Senior High School upang matulungan ang mga mag-aaral na mamili ng kanilang tatahakin sa Senior High.

Sa mga sumunod na araw naman ay inimbita sina PCpl Andrew Philip Victoria Gamao, PCpl Eduardo D. Bilangel Jr. at Pat Pearl Crystalynne Q. Javier na nagbahagi ng kanilang karanasan at kung paano nila narrating ang kanilang posisyon. Bukod dito ay nagbahagi rin sila ng mga mahahalagang kaalaman sa Anti-Illegal Drugs at Anti Bullying.

Ang proyekto ay nakatulong at naging daan sa mga mag-aaral upang unti-unting buuin ang kanilang mga pangarap. Bukod sa kasiyahang dulot ng pagdiriwang, marami sa kanila ang mas napaisip at nagkaroon ng malinaw na pananaw sa kanilang gustong tahaking landas sa hinaharap. Ang ganitong aktibidad ay naglalayong hindi lamang magbigay saya kundi maging mahalagang bahagi ng paggabay sa mga kabataan tungo sa mas maayos at maalam na desisyon sa kanilang kinabukasan.

✍️ Kioma Bermudo

31/10/2024

LIVING ROSARY I OCTOBER 30, 2024

Sa kabila ng nagbabadyang sama ng panahon, hindi natinag ang mga mag-aaral ng Mchs Bungahan sa sama-samang pagdarasal ng Santo Rosario upang ipakita ang kanilang matinding pagmamahal at debosyon sa Mahal na Birheng Maria.

02/09/2024

CITY OF MALOLOS. CLASSES in ALL LEVELS, both public and private, are hereby SUSPENDED tomorrow, September 3, 2024 due to continuous rains brought by TS Enteng and the enhanced Southwest Monsoon.

The public are advised to stay indoors and keep monitoring for rainfall advisories/weather updates.

Please be guided accordingly.

- Atty. Christian D. Natividad

29/02/2024

Congratulations to our journalists!
Ang Punla and The Granary
Malayo pa pero malayo na!
May you never forget all that you've learned and experienced, from campus journalism to real world journalism

21/02/2024

District 2 Press Conference 2024
Pagbati Ang Punla!🎉🥰

29/09/2023

Magandang araw, mga mag-aaral ng MCHS-Bungahan!
Magaling ka bang sumulat ng mga artikulo, gumuhit at kumuha ng larawan? Ano pang hinihintay mo? Sumali na sa ANG PUNLA

Ano po ba ang "Ang Punla?" Ito ay isang dyornalismo o pampaaralang pahayagan ng MCHS-Bungahan na nagsusulong ng patas at malayang pamamahayag. Maaari nyo pong gamitin ang inyong talento sa pagpapahayag.

Sa mga interesado ay i-chat lamang si maam Joana Marie Cruz Guevarra o si Raciella Mae Dionisio