23/09/2026
PANAWAGAN PARA SA MAS MATAAS AT SAPAT NA PONDO SA EDUKASYONG PUBLIKO!
Ngayong araw, isinumite sa House of Representatives ang Position Paper on the Proposed FY 2027 Budget of Bulacan State University, bilang bahagi ng National Union of Students of the Philippines (NUSP) Student Leaders’ Trooping for Higher Education Budget, kasama ang iba’t ibang student leaders mula sa buong bansa.
Kasabay nito, nagsumite rin sina Senator Tristan Bernal at Senator Nathalie Villanueva ng mga position paper na tumatalakay sa mga pangangailangan ng student organizations at student-athletes, upang mailapit sa budget deliberations ang mga usaping direktang nakaaapekto sa student participation, campus organizations, at student development.
Para sa BulSU, nakatuon ang position paper sa panukalang pagbaba ng pondo para sa FY 2027 at sa pangangailangang masusing suriin kung sapat ang nakalaang resources para sa patuloy na pangangailangan ng pamantasan. Kinikilala ng papel na malaking bahagi ng pagbaba ay kaugnay ng pagtatapos ng ilang malalaking capital projects noong nakaraang taon.
Gayunpaman, hindi nagtatapos sa infrastructure ang pangangailangan ng isang pamantasang patuloy na nagseserbisyo sa mga Iskolar ng Bayan. Patuloy ang pangangailangan para sa instruction, personnel, student services, research, extension, equipment, laboratories, facilities maintenance, at iba pang regular na operasyon ng pamantasan.
Binibigyang-diin din ng ating position paper ang pangangailangang suriin ang pondo para sa Higher Education Program, ang patuloy na operating requirements ng pamantasan, at ang ugnayan ng inilalatag na pondo sa inaasahang pangangailangan ng lumalaking student population. Anumang kakulangan na matukoy sa budget deliberations ay dapat maisaalang-alang sa final appropriation batay sa dokumentadong pangangailangan ng pamantasan.
Sa kabuuan, ang panawagan para sa mas mataas na pondo sa edukasyon ay panawagan para sa sapat na resources upang mapanatili at mapalakas ang mga serbisyong pang-edukasyon, student programs, organizations, athletics, research, extension, at iba pang pangangailangan ng mga pampublikong pamantasan.
Higher budget for BulSU and SUCs!
Ipaglaban ang sapat at makatarungang pondo para sa edukasyon!
