MES Pamamahayag

03/08/2026

MES School Map update

19/07/2026

Maraming salamat po, Dr. Rosela Q. Abude, sa inyong mahusay na pamumuno, tapat na paglilingkod, at taos-pusong malasakit sa bawat kasapi ng pamilya ng Deped Malabon Elementary School . Ang inyong paggabay ay mag-iiwan ng hindi matatawarang ambag at inspirasyon sa paaralan at sa aming mga puso.

Sa inyong pagbata sa panibagong kabanata, dalangin namin ang inyong patuloy na pagtatamo ng tagumpay, mabuting kalusugan, at kaligayahan. Nawa'y patuloy ka pong gabayan at pagpalain ng Poong Maykapal sa bawat hakbang na inyong tatahakin.

Maraming salamat po at pagbati sa inyong bagong paglalakbay! 💐

Mananatili ka pong mahalagang bahagi ng pamilyang MES. 💙

09/07/2026

Hinay po tayo ngayon Malabon Elementary School.

Mag-ingat at manatili sa ating mga bahay.

Hintayin ang mga gawain na ipapadala ng ating mga g**o sa group chat o sa FB page na ginawa para sa inyong baitang.

WALANG PASOK | Suspendido ang face-to-face classes sa lahat ng antas sa mga pampubliko at pribadong paaralan sa Lungsod ng Malabon ngayong araw, Hulyo 10, 2026, dahil sa patuloy na pag-ulan na dala ng Southwest Monsoon (Habagat) na pinalakas ng Typhoon Bavi “Inday”.

Dahil dito, pansamatalang ipapatupad ang Alternative Delivery Mode sa mga pampubliko at pribadong paaralan.

Pinapayuhan ang lahat na manatiling nakatutok sa mga mahahalagang impormasyon o anunsiyo ukol sa lagay ng panahon. Maging alerto anumang oras at mag-ingat para sa kaligtasan ng lahat.

-mula sa post ni Mayor Jeannie Sandoval

08/07/2026

"HAYO, HINAY, HINGA, HINTO" Tayo sa nasa HINAY ngayong araw.

WALANG PASOK | Suspendido ang face-to-face classes sa lahat ng antas sa mga pampubliko at pribadong paaralan sa Lungsod ng Malabon ngayong araw, Hulyo 8, 2026, dahil sa patuloy na pag-ulan na dala ng Southwest Monsoon (Habagat) dulot ng Super Typhoon Bavi “Inday”.

Dahil dito, pansamatalang ipapatupad ang Alternative Delivery Mode sa mga pampubliko at pribadong paaralan.

Pinapayuhan ang lahat na manatiling nakatutok sa mga mahahalagang impormasyon o anunsiyo ukol sa lagay ng panahon. Maging alerto anumang oras at mag-ingat para sa kaligtasan ng lahat.

04/07/2026

Updating....

23/06/2026

22/06/2026

Sumali na! Maging "young journalist" ng MES!

Sino ang maaaring maging miyembro?

- Sinomang mag-aaral ng Malabon Elementary School, mula baitang 4, 5 o 6, na may interes o kaalaman sa pagsusulat at pagbabalita.

Maaaring mag send ng message o makipag-ugnayan sa taga-payo (adviser), Mam Miel Jacinto ng grade 6

08/06/2026

📢 MALABON ELEMENTARY SCHOOL EARTHQUAKE PREPAREDNESS

Dahil sa nangyaring paglindol sa unang araw ng klase sa Mindanao pinapaalalahanan muli ang ating mag-aaral ng Malabon Elementary School sa kanilang pagiging "Laging Maging Handa!”

Sa pamamagitan ng makulay at interaktibong poster, pinaalalahanan ang mga mag-aaral ng wastong hakbang tuwing may lindol tulad ng “Drop, Duck, and Hold,” hindi pagpa-panic, pagsunod sa g**o, pagtatakip ng ulo, at maayos na paglikas patungo sa ligtas at bukas na lugar.

Layunin ng kampanyang ito na mapalawak ang kaalaman at kahandaan ng bawat mag-aaral upang mapanatili ang kaligtasan ng buong paaralan sa oras ng sakuna.

Laging tandaan: Ang pagiging handa ay susi sa kaligtasan!

30/05/2026

ANG BALITANG ESKWELA

Opisyal na Newsletter para sa mga Magulang, G**o, at Mag-aaral
Edisyon: Mayo 2026
Malabon Elementary School

📢 BAGONG CALENDAR NG DEPED: Ano ang "3-Term School Calendar" at Paano Ito Makakatulong sa Inyong Anak?
Kamusta, mga Ka-Eskwela! Siguradong nababalitaan ninyo ang mga pagbabago na ipatutupad ng Department of Education (DepEd) para sa papasok na School Year 2026–2027.

Upang hindi kayo malito, narito ang isang simpleng paliwanag sa tinatawag na 3-Term School Calendar na inaprubahan kamakailan. Huwag kayong mag-alala—walang dapat ikapraning dahil ginawa ito para mas mapagaan at mas maging epektibo ang pag-aaral ng mga bata!

🧠 Sa Madaling Salita: Ano ba ang nagbago?
Kung dati ay nahahati sa apat na "Grading Periods" o quarters (1st to 4th Grading) ang isang taon ng pag-aaral, ngayon ay tatlong (3) termino o grading periods na lang ito.

⚠️ Paalala: Hindi ito "Trimester" system gaya ng sa mga kolehiyo kung saan mabilisang tinatapos ang mga paksa. Ang mga asignatura, kurikulum, at kabuuang bilang ng araw ng pasok (201 class days para sa darating na taon) ay mananatiling pareho. Ginawa lang mas maayos ang takbo ng iskedyul.

⏱️ Ang Tatlong Bahagi ng Bawat Termino
Sa bagong sistema, ang bawat isa sa tatlong termino ay hahatiin sa tatlong malinaw na yugto para mas madaling masundan ng mga mag-aaral at g**o.

1. Opening Block (Paghahanda): Sa simula ng bawat termino, titingnan muna ng mga g**o kung gaano kahanda ang mga bata. Dito gagawin ang profiling at mga paunang pagsusulit para malaman kung anong tulong ang kailangan ng bawat estudyante bago sumabak sa mabibigat na aralin.

2. Instructional Block (Tuloy-tuloy na Pag-aaral): Ito ang pinakamahalagang bahagi. Dito ay magiging uninterrupted o walang patid ang pagtuturo. Ibig sabihin, mas mahaba at mas pokus ang oras ng mga g**o sa pagpapaliwanag ng mga leksyon, kaya hindi na kailangang magmadali ang mga bata sa paghabol sa mga aralin.

3. End-of-Term Block (Remediation at Pagrepaso): Bago matapos ang isang termino, may nakalaang sapat na panahon para sa academic intervention o paggabay sa mga batang nahihirapan sa leksyon. Pagkakataon din ito para sa mga g**o na mag-ensayo at magplano para sa susunod na yugto.

🎯 Bakit Naisipan ng DepEd na Gawin Ito?
Ayon kay Education Secretary Sonny Angara, ang pangunahing layunin ng pagbabagong ito ay upang mas maging organisado ang takbo ng klase at mabawasan ang mga abala sa pag-aaral.

🌟 Ano ang Benepisyo sa Mag-aaral? 🍎 Ano ang Benepisyo sa G**o?

Mas Solidong Pagkatuto: Hindi na "paspasan" ang pagtuturo ng mga paksa dahil mas malaki ang bloke ng oras. Bawas sa Paperwork: Dahil naging tatlo na lang ang grading periods mula sa apat, nabawasan din ang beses ng pag-compute ng grado at paggawa ng report card.

May Habol na Pagkakataon: Kung mahina ang bata sa isang paksa, may nakalaang oras sa dulo ng termino (End-of-Term) para maturuan siya nang hiwalay upang makahabol. Sapat na Oras sa Pagtuturo: Mas madaling i-budget ang mga leksyon nang hindi nagmamadali dahil sa mga biglaang suspensyon o aktibidad.

📅 Mahalagang Petsa para sa SY 2026–2027
Para sa gabay ng lahat, markahan na sa inyong mga kalendaryo ang mga opisyal na petsa ng klase:

Simula ng Klase: Hunyo 8, 2026

Pagtatapos ng Klase: Abril 8, 2027

Ang bagong patakarang ito ay mandatory na ipatutupad sa lahat ng pampublikong paaralan (public schools) sa bansa, habang may kalayaan naman ang mga pribadong paaralan na pumili kung gagamitin din nila ang sistemang ito bastat nasusunod ang tamang bilang ng araw ng pasok.