THS Filipino Club

19/08/2026

Ngayong ika-19 ng Agosto, 2026, ating ginugunita ang ika-148 kaarawan ni Pangulong Manuel L. Quezon, isang natatanging okasyon upang parangalan ang isa sa mga pinakamahahalagang pinuno sa kasaysayan ng Pilipinas. Ang kaniyang mga ambag sa bansa, lalo na ang kaniyang mga pagsisikap na patatagin ang pagkakakilanlang Pilipino at itaguyod ang paggamit ng pambansang wika, ay patuloy na inaalaala at ipinagdidiriwang.

Isang pagpupugay sa Ama ng Wikang Pambansa—ang kaniyang tapat na serbisyo ay patuloy na magsisilbing inspirasyon sa ating lahat.

02/08/2026

Ang Pambansang Komisyon para sa Kultura at mga Sining ay nakikiisa sa pagdiriwang ng Buwan ng Wikang Pambansa na may temang “𝐖𝐢𝐤𝐚𝐧𝐠 𝐅𝐢𝐥𝐢𝐩𝐢𝐧𝐨 𝐚𝐭 𝐀𝐈: 𝐊𝐚𝐬𝐚𝐧𝐠𝐤𝐚𝐩𝐚𝐧 𝐬𝐚 𝐏𝐚𝐧𝐚𝐧𝐚𝐥𝐢𝐤𝐬𝐢𝐤 𝐚𝐭 𝐓𝐮𝐥𝐚𝐲 𝐬𝐚 𝐘𝐚𝐦𝐚𝐧 𝐧𝐠 𝐈𝐦𝐩𝐨𝐫𝐦𝐚𝐬𝐲𝐨𝐧.”

Kinikilala ng tema ng Buwan ng Wika 2026 ang magkaugnay na papel ng wikang Filipino at artificial intelligence (AI) para sa makabansang gawain ng pananaliksik. Panawagan ito para sa responsableng paggamit ng AI habang tinitiyak na may makabuluhang espasyo ang Wikang Pambansa sa mga usaping may kinalaman sa mga umuusbong na teknolohiya at kaugnay na usaping pang-etika rito.

Ang Buwan ng Wikang Pambansa ay idinaraos tuwing Buwan ng Agosto alinsunod sa Proklamasyon Blg. 1041 na nilagdaan noong 1997.

01/08/2026

13/07/2026

𝐁𝐮𝐰𝐚𝐧 𝐧𝐠 𝐖𝐢𝐤𝐚𝐧𝐠 𝐏𝐚𝐦𝐛𝐚𝐧𝐬𝐚 𝟐𝟎𝟐𝟔: 𝐏𝐨𝐬𝐭𝐞𝐫 𝐑𝐞𝐯𝐞𝐚𝐥!

Maaari mo nang ma-download o makakuha ng kopya ng poster ng Buwan ng Wikang Pambansa 2026 na may temang "Wikang Filipino at AI: Kasangkapan sa Pananaliksik at Tulay sa Yaman ng Impormasyon.”

Mada-download ang digital na poster at iba pang kolaterals sa: https://hostyurl.com/HB40c1

𝐇𝐢𝐧𝐠𝐠𝐢𝐥 𝐬𝐚 𝐭𝐞𝐦𝐚

Kinikilala ng tema ng Buwan ng Wika 2026 ang magkaugnay na papel ng wikang Filipino at artificial intelligence (AI) para sa makabansang gawain ng pananaliksik. Panawagan ito para sa responsableng paggamit ng AI habang tinitiyak na may makabuluhang espasyo ang Wikang Pambansa sa mga usaping may kinalaman sa mga umuusbong na teknolohiya at kaugnay na usaping pang-etika rito.

Itinuturing ang AI bilang kasangkapan para maiangat pa lalo ang kalidad ng saliksik na inihahandog ng mga Pilipino, unang-una, para sa mga kapuwa Pilipino. Habang kinakasangkapan ang AI, patuloy pa ring tinatahak ng wikang Filipino ang landas ng intelektuwalisasyon na magbubunga ng panloob at panlabas na pagbabago sa bansa. Sa ganitong paraan, kapuwa ang AI at wikang Filipino ay nagiging tulay na gagamitin ng mga Pilipino para sa kanilang pinapangarap na magandang búkas.

Ating ipagdiwang ang ating Wikang Pambansa sa Agosto 2026!

21/06/2026

Salamat sa walang sawang pagmamahal, sakripisyo, at gabay. 💙

18/06/2026

Tuwing Hunyo 19 ay ginugunita natin ang kaarawan ni Dr. Jose P. Rizal, isang pambansang bayani na naging inspirasyon ng maraming Pilipino dahil sa kanyang talino, katapangan, at pagmamahal sa bayan.

Sa larangan ng panitikan, isinulat niya ang mga nobelang *Noli Me Tangere* at *El Filibusterismo* na nagmulat sa mga Pilipino tungkol sa pang-aabuso ng mga mananakop.

Sa kasaysayan naman, naging mahalaga ang kanyang mga akda at adhikain sa paggising ng damdaming makabayan na naging daan tungo sa kalayaan ng bansa.

Sa pag-alala sa kanyang kaarawan, patuloy nating pinahahalagahan ang kanyang mga kontribusyon at ang aral ng pagmamahal sa bayan.

12/06/2026

Sa pagdiriwang ng ika-128 na taon ng Araw ng Kalayaan, ating ginugunita hindi lamang ang tagumpay ng ating mga bayani kundi pati ang lakas ng wikang Filipino at panitikang Pilipino sa paghubog ng ating pagkakakilanlan bilang isang bansa. Sa bawat tula, awit, dula, at kuwento, buhay ang diwa ng kalayaan, pag-asa, at pagmamahal sa bayan. Patuloy nating pahalagahan at gamitin ang ating wika at panitikan bilang tulay ng pagkakaisa, pag-unawa sa kasaysayan, at inspirasyon sa pagtataguyod ng isang malaya at maunlad na Pilipinas.

Maligayang Araw ng Kalayaan! 🇵🇭

17/04/2026

Ang Buwan ng Abril ay Buwan ng Panitikan!

Sa pangunguna ng Pambansang Komisyon para sa Kultura at mga Sining, Komisyon sa Wikang Filipino, at Pambansang Lupon sa Pagpapaunlad ng Aklat o National Book Development Board - Philippines , at alinsunod sa Proklamasyon Bilang 968 na nilagdaan noong 2015, ating ipinagdiriwang ang National Literature Month o Pambansang Buwan ng Panitikan ngayong Abril sa temang Bekët Panitikan: Panitikan ng Katwiran at Kalikasan.

Maki-isa sa mga gawain. Bisitahin lamang ang https://ncca.gov.ph/nlm-2026/