15/06/2026
AMON JADEED?
Ang ibig-sabihin ng βAmon Jadeedβ (ΨΉΨ§Ω
Ψ¬Ψ―ΩΨ―) ay βBagong taonβ. At sa Islam ay pumapasok ang bagong taon sa pagpasok ng buwan ng Muharram.
May mga kamusliman ang nagdiriwang sa unang araw ng Muharram. At may dalawang dahilan kung bakit sila nagdiriwang sa araw na ito:
βͺοΈUNANG DAHILAN: Dahil sa ito daw ang araw na paglipat (Hijrah) ng Rasulullah (SallAllahu alayhi wa sallam) sa Madinah. At iyan ay hindi totoo, dahil naganap ang Hijrah sa buwan ng Rabieβ Al-awwal.
βͺοΈPANGALAWANG DAHILAN: Ang sinasabi nilang New Yearβs Celebration, o maaaring sabihin nilang Islamic New Yearβs Celebration, o kaya ay βAmon Jadeedβ. At ang unang nagsagawa niyan ay isang grupo sa Egypt na tinatawag na βFatimiyyunβ.
π Ang mga nabanggit na dahilan ay pawang HINDI MAAARI, dahil ang pagdiriwang nito taun-taon ay MAIHAHALINTULAD sa Eidul Fitr at Eidul Ad-ha na isinasagawa taun-taon. Ibig sabihin ay parang ginawa na ring Eid ang unang araw ng Muharram. At ang Eid ay PANG-RELIHIYON NA GAWAIN, at hindi kaugalian lamang. Sinabi ng Rasulullah (SallAllahu alayhi wa sallam) kay Abu Bakr (RadiyAllahu anhu) sa araw ng Eid: βO Abu Bakr! Tunay na ang bawat nasyon ay may Eid, at ito ang Eid natin.β [Bukhariy: 952, Muslim: 892]
Nang sabihin ng Rasulullah (SallAllahu alayhi wa sallam) na: βIto ang Eid natin.β ay nangangahulugan na ang Eid ay kabilang sa mga batas ng Islam. At dahil diyan, malinaw na ang Eid ay PANG-RELIHIYON NA GAWAIN.
Kung kaya, KUNG IHAHALINTULAD ang unang araw ng Muharram sa Eid (na nasabi natin na ito ay pang-relihiyon na gawain), ay kailangan ng batayan (o dalil), dahil kung walang batayan ay maituturing itong BID-AH (pambabago), at lahat ng Bid-ah ay kaligawan. Sinabi ng Rasulullah (SallAllahu alayhi wa sallam): βSinuman ang mambago (mag-imbento) sa relihiyon nating ito na hindi kabilang dito, ito ay hindi katanggap-tanggap.β At sa ibang salaysay: βSinuman ang gumawa ng gawain na wala dito ang aming patnubay (o kautusan), ito ay hindi katanggap-tanggap.β [Bukhariy: 2697, Muslim: 1718]
At ayon kay Shaykhol Islam Ibn Taymiyyah (Rahimahullah): βSa Propeta (SallAllahu alayhi wa sallam), ay mga sermon (khutbah), at mga kasunduan, at mga kaganapan sa mga araw na ibaβt iba. Tulad ng (digmaan sa) araw ng Badr, at Hunayn, at Khandaq, at ang pagkabawi ng Makkah (mula sa Mushrikeen), at panahon ng paglipat Niya at pagpasok Niya sa Madinah, at mga sermon Niya na ibaβt iba na binabanggit Niya dito ang mga alituntunin ng relihiyong Islam. At hindi dahilan iyan na ituring ang tulad ng naturang mga araw na mga Eid. Ngunit ang nagsasagawa ng tulad niyan ay ang mga Kristiyano, na itinuring nila ang mga araw ng mga kaganapan sa buhay ni Eisa (Alayhi Assalam) na mga Eid, o ang mga Hudyo. At tunay na ang Eid ay batas, at kung ano ang isinabatas ni Allah ay siyang sinusundan, at kung hindi (naisabatas), ay hindi maaaring mambago sa relihiyong Islam nang hindi kabilang dito.β [Iqtida Assiratil Mustaqeem li Ibn Taymiyyah: 2/123]
Gayundin, na ang pagdiriwang sa pagpasok ng Muharram, sa kadahilang pumasok ang bagong-taon, ay gawain na panggagaya sa ginagawa ng mga ibang relihiyon, lalo na ang mga Kristiyano, at iyan ay hindi ipinapahintulot sa Islam. Sinabi ng Rasulullah (SallAllahu alayhi wa sallam): βSinuman ang tumulad sa isang pangkat (o nasyon), ay siya ay kabilang sa kanila.β [Ahmad: 5114, Ibn Abiy Shaibah: 19401, Abu Dawud: 4031 (Hadeethon Saheh: Al-irwa: 2384, Al-albaniy)]
ΩΨ§ΩΩΩ ΨͺΨΉΨ§ΩΩ Ψ£ΨΉΩΩ
.
βοΈ: Amer M. Pundogar
