MHS Daluyan

📢 Paalala sa mga Estudyante ngayong may bagyo at walang pasok:

Manatili sa ligtas na lugar at iwasan ang paglabas kung hindi kailangan.

Makinig sa balita at anunsyo ng paaralan at LGU.

Tumulong sa bahay at maghanda ng kailangan sa emergency.

Gamitin ang oras para magpahinga o mag-aral.

👉 Ingat at manatiling ligtas! 🌧️

Diwa ng Buwan ng Wika, Buhay na Buhay sa MHS

Isang makabuluhan at makasaysayang selebrasyon ang idinaos ng Mauaque High School sa pangwakas na palatuntunan ng Buwan ng Wika noong Agosto 29, Biyernes.

Buong sigla at aktibong nakilahok ang mga mag-aaral sa iba’t ibang patimpalak na inihanda ng paaralan. Sa kanilang paglahok sa pagsulat ng tula, paggawa ng poster at islogan, at sa mga pagtatanghal gaya ng pag-awit at pagbigkas, napatunayan na ang kabataan ng Mauaque High School ay tunay na tagapagdala ng wika at kulturang Pilipino.

Dama rin sa bawat sulok ng paaralan ang kagalakan ng mga g**o na nakasuot ng makukulay at makabagong maka-Pilipinong kasuotan tulad ng barong at Filipiniana, sagisag ng kanilang pagmamahal at paggalang sa kulturang Pilipino.

Tampok sa programa ang samu’t saring paligsahan na nagpakita ng husay at talento ng mga Mauaquenians. Sa prestihiyosong Ginoo at Binibining Wika, itinanghal na G. Wika si Brian Jr. Sarte mula sa Baitang 10 at Bb. Wika si Princess Joy David mula sa SPJ.

Nag-umapaw naman ang palakpakan nang ipinamalas ng Special Program in the Arts (SPA) ang kanilang pagtatanghal ng Tinikling, dahilan upang masungkit nila ang kampeonato sa Sayaw ng Lahi. Samantala, itinanghal namang panalo ang pangkat ng Science and Technology Engineering (STE) sa Sabayang Pagbigkas ng Tula, na nagbigay ng matinding damdamin at inspirasyon sa mga manonood.

Bukod dito, kinilala rin ang mga nagwagi sa mga naunang patimpalak gaya ng Pagsulat ng Sanaysay at Tula, Paglikha ng Islogan, at Pagguhit ng Poster na isinagawa noong Agosto 4–8; Isahang Pag-awit ng Dakilang Lahi noong Agosto 12; at Paggawa ng Bidyokasiya noong Agosto 13.

Naging higit na makulay ang programa sa presensya ng mga panauhin at hurado na sina G. Edmon Montemayor, isang kilalang content creator at dating g**o sa MHS ; G. Arwin Paul Lingat, Head Officer ng Department of Tourism ng Lungsod ng Mabalacat; at G. Andrei Joshua Nunag, produkto ng MHS at kasalukuyang kawani ng Pamahalaang Lokal ng Lungsod ng Mabalacat. Nakibahagi rin ang PTA President na si G. Jun Q. Villamil na buong pusong nagpahayag ng kanyang suporta para sa mga mag-aaral.

Lubos namang pinasalamatan ang punong-g**o ng paaralan na si G. Lemuel S. Dizon sa kanyang suporta sa mga nangasiwa ng palatuntunan. Ang matagumpay na selebrasyon ay pinangunahan ng Departamento ng Filipino sa pamumuno ni Gng. Diana D. Clemente, Ulong G**o ng Departamento ng Filipino, katuwang ang Kasama sa Filipino Club (KASAFIL).

Higit pa sa kasayahan, layunin ng pagdiriwang na ipaalala ang kahalagahan ng wikang Filipino bilang puso ng ating pagkakakilanlan. Ang Buwan ng Wika sa Mauaque High School ay hindi lamang isang kapistahan ng salita, kundi isang pagpupugay sa yaman ng ating kultura at sa pagkakaisa ng sambayanang Pilipino.

Larawan ni Aexia Jan Cunan

“Mga Gawaing Pangsilid-Aralan: Pagdiriwang ng Buwan ng Wika (Agosto 4–8)”
“Alamin kung sinu-sino ang magwawagi sa bawat kategorya! Ang pag-anunsiyo ay gaganapin sa pangwakas na programa ng Buwan ng Wika sa darating na Agosto 29.”

GINOO AT BINIBINING WIKA 2025

Patimpalak sa Pag-awit, Nagbigay-Diin sa Pagpapahalaga sa Wikang Pambansa

Bilang bahagi ng selebrasyon ng Buwan ng Wika, isinagawa sa Mauaque High School ang patimpalak sa Isahang Pag-awit ng “Dakilang Lahi” na nilahukan ng mga piling mag-aaral mula sa Baitang 7 hanggang Baitang 10, kabilang din ang mga kalahok mula sa STE, SPA, at Transition Program.

Samantala,sa kanyang pambungad na mensahe, binigyang-diin ni Gng.Diana D. Clemente,ulong g**o sa Filipino, ang kahalagahan ng pagpapaunlad ng sariling wika at ang papel nito sa pagpapalakas ng pambansang identidad at pagkakaisa ng mga Pilipino.

Bukod dito,naging katuwang ng programa ang mga iginagalang na ulong g**o na nagsilbing hurado sa patimpalak: G. Cornelio Sumagaysay (ESP), Gng. Wilma Policarpio (AP), at Gng. Eden Palo (English).

Nagpakitang-gilas naman sa entablado ang mga kalahok na sina Aaron Malilom (Grade 7 Marvel), Shantel S. Sanchez (Grade 8 Remarkability), Jasmine M. Navarro (Grade 9 Helpfulness), Eliza Joy L. Villegas (Grade 10), Paul Luis A. Yumul (STE), Shantal P. Aquilino (SPA Botong), at Glearne de Leon (Transition).

Matapos ang masusing paghuhusga, itinanghal na Kampeon si Jasmine M. Navarro ng Grade 9 Helpfulness sa ilalim ng paggabay ng kanyang coach na si Gng. Narcisa C. Mangalino.

Nakamit naman ang Unang Puwesto ni Shantal P. Aquilino ng SPA Botong sa tulong ng kanyang coach na si Gng. Jhocelyn P. Gutierrez, habang nasungkit ang Ikalawang Puwesto ni Aaron Malilom ng Grade 7 Marvel sa pagsasanay ng kanyang coach na si Gng. Maeden Quizon.

Sa kabuuan, nagbigay ng kasiyahan at inspirasyon ang nasabing patimpalak hindi lamang sa mga kalahok kundi maging sa mga g**o at mag-aaral na sumaksi. Patunay ito na patuloy na isinasabuhay ng Mauaque High School ang pagmamahal sa sariling wika at kultura sa pamamagitan ng musika at talento ng kabataan.

We proudly honor Sir Lemuel S. Dizon, Principal II, and the entire MHS family for achieving a perfect 5.000 rating in the OPCRF Validation for SY 2024–2025, held on August 8 at Mabalacat Elementary School.

This remarkable achievement is a testament to the hard work, unity, and unwavering commitment of our teachers, staff, students, parents, and community partners. Your collective efforts continue to inspire and uplift the MHS spirit.